Санофи – Kurir.mk

„Санофи“ и „ГСК“ информираат за забавување на тестирањето на нивната вакцина

Магдалена Андонова — Fri, 11 Dec 2020 09:56:50 +0000

Француската фармацевтска корпорација „Санофи“ и британската „ГСК“ соопштија дека им треба дополнително време за истражување и тестирање за вакцината што ја развиваат како одговор на коронавирусот. Причината за тоа е слабиот имунолошки одговор кај постарите лица, се наведува во денеска објавеното соопштение од двете компании. Привремените резултати од студијата во првата и втората фаза покажаа имунолошки одговор кај лицата од 18 до 49 години споредлив со оној кај пациентите оздравени од Ковид-19, но затоа има низок имунолошки одговор кај постарите лица, што веројатно се должи на недоволната концентрација на антигени. Недоволниот имунолошки одговор кај постарите лица укажува на тоа дека треба да се специфицира концентрацијата на антигени потребни за високо ниво на имунолошки одговор во сите возрасни групи, се наведува во извештајот. Според потпретседателот на „Санофи“, Томас Триумф, компанијата е решена да развие безбедна и ефикасна вакцина против Ковид-19. Експертите планираат во февруари да спроведат студија за фазата 2б, а доколку резултатите бидат позитивни, студијата за глобална трета фаза ќе може да почне во вториот квартал од 2021 година, соопшти компанијата. Доколку испитувањата бидат успешни, потребните регулативи ќе бидат презентирани во третиот квартал, а самата вакцина ќе биде достапна во четвртиот квартал од следната година. Претходно, компаниите планираа нивната заедничка вакцина да ја лансираат кон средината на 2021 година, а владите и ЕУ презедоа договорни обврски за нејзино купување. (МИА)

Британија обезбеди 60 милиони дози вакцина против коронавирус од Санофи и ГСК

Магдалена Андонова — Wed, 29 Jul 2020 10:16:32 +0000

Велика Британија потпиша договор за набавка на 60 милиони дози на можна вакцина за Ковид-19 која ја развиваат Санофи и ГлаксоСмитКлајн и тоа е четврт ваков аранжман од страна на британската Влада. Досега не е одобрена вакцина за Ковид-19, респираторно заболување предизвикано од новиот коронавирус САРС-КоВ-2, од кој досега починаа повеќе од 659.000 луѓе. Финансиските точки од договорот не се објавени, Санови и ГСК велат дека во случај клиничките резултати да бидат позитивни, очекуваат одобрување од регулаторното тело за нивната вакцина во првата половина од 2021 година. Ова е прв договор на Санофи и ГСК за испорака на експериментална вакцина за Ковид-19 во некоја земја. Британските министри ја потенцираат важноста на време да се обезбедат залихи од повеќе различни кандидати за ефективна вакцина иако, како што велат, „нема гаранции“. Велика Британија минатата недела обезбеди 30 милиони дози на експерименталната вакцина од БиоНТех/Фајзер и во принцип постигна договор за 60 милиони дози на вакцината Валнева, со можност за набавка на дополнителни 40 милиони дози, доколку вакцините се покажат безбедни, ефективни и соодветни. (MИА)

Санофи планира да укине 1.700 работни места во Европа, од кои 1000 во Франција

Магдалена Андонова — Fri, 26 Jun 2020 13:19:16 +0000

Француската фармацевтска група „Санофи“ денеска најави дека планира укинување на 1.700 работни места во Европа, од кои илјада во Франција, јави дописникот на МИА. Според Оливие Богилом, претседател на Санофи-Франција, тоа се совпаѓа со новата стратегија на групата, а не со социјален план поврзан со последиците од Ковид-19. Планот за заминување од работните места им беше претставен на европските социјални партнери, тој се однесува на 25.000 соработници во Франција од 100.000 колку што ги има во светот. Во декември, групата најави дека сака да ги рационализира трошоците, со цел да заштеди две милијарди евра до 2022 година, посебно со запирање на научните испитувања за дијабетот, како и за кардиоваскуларните заболувања. Во првото тромесечие од годината „Санофи“ имаше околу 9 милијарди евра промет, односно 6,9 отсто повеќе поради пандемијата со Ковид-19, за време на која се продадоа многу лекови против болка како Долипран (парацетамол). Групата предвиде да исплати дивиденди повисоки од тие минатата година на своите акционери во износ од околу 4 милијарди евра, за разлика од другите компании кои ги намалија или пак не ги исплатија дивидендите поради санитарната криза. (МИА)

Францускиот производител на лекови работи на експериментална вакцина против Ковид-19

Ивона Петрова — Wed, 06 May 2020 05:35:48 +0000

Францускиот производител на лекови „Санофи“ соопшти дека планира да ангажира илјадници луѓе ширум светот за истражување експериментална вакцина против коронавирусот. „Санофи“ ја развива вакцината заедно со британската компанија „ГласкоСмитКлајн“ (ГСК) и ги започна преговорите за итна набавки со неколку земји. Компанијата работи на два проекта вакцини за спречување на вирусот Ковид-19 и истражува неколку опции за производство за да се осигури дека можат да ја исполнат побарувачката доколку некоја програма е успешна.