сапун – Kurir.mk

Обичниот сапун полезен за осум вообичаени активности околу домот

Катерина Бојаџиева — Mon, 02 Oct 2023 08:03:48 +0000

Иако местото му е во бањата, сапунот не мора да се користи само за лична хигиена. Има и поширока примена во куќата и домаќинството. Следат осум примери за користење на обичниот тврд сапун со што се користи енергија, време и пари. 1. Спречува замаглување на огледалата и очилата На чисто и целосно суво огледало, се втрива сапун преку стаклото. Не се додава вода, а трагите се отстрануваат со сува крпа. Следното туширање, нема да има замаглување. Ова важи и за очилата, и за вид и за сончање. 2. За полесно склопување на мебелот Без оглед дали стручно или лаички се работи на полици за книги, навртувањето завртки во дрво може да биде тешко. И тоа се олеснува со премачкување на колчето на завртката со малку сапун. 3. Сапунот ги штити растенијата За тоа, се закачува парче сапун на гранка, или пак, грубо се втрива во почвата, со помош на мрежа или стара крпа за да се одвратат штетниците. 4. Полесно шиење Сапунот тука служи за да се обележат рабовите и линиите на шевовите. А пак, со ставање на иглата во сапунот, таа уште полесно ќе се лизгаат низ ткаенината. 5. Како домашно средство за перење Сапунот е суштинска состојка на домашното средство за перење. Се додава малку сода за перење, боракс и сода-бикарбона. Ова значи и заштеда на пари. 6. Сапунот го олеснува чистењето на металните садови за готвење Пред да се стави алуминиумското тавче на камперски оган на отворено, истријте го дното со влажен тврд сапун за полесно чистење на саѓите. 7. Заштитете го дрвениот мебел од домашни миленици Ако во домот има куче кое џвака мебел, советот гласи - премачкајте ги ногалките и дрвените рабови на мебелот, со парче сапун за да се спречи оштетување. 8. Го отстранува чкрипењето Сапунот е полезен и за шарките на вратите и шкафчињата кои чкрипат. Само треба да се втрие суво парче сапун кај местото што го испуша непријатниот звук. Тоа нанесување можеби ќе треба да се повторува, по потреба.

Зошто жените масовно нанесуваат САПУН на веѓите? Вака може да го следите и вие овој моден тренд!

Ристе Здравков — Sat, 20 May 2023 14:01:44 +0000

Тркалото на модата секогаш се врти, па сега одлучи дека е „ин“ да имате дебели и природни веѓи. Поради оваа причина, многу дами сега одеднаш сакаат природно подебели веѓи, па наоѓаат различни начини да ги добијат. Сепак, иако постојат неколку методи, тие се разликуваат доста и одат од крајност до крајност – додека некои се болни и прилично скапи, други се малку бизарни. Додека многу жени користат молив за да ги „цртаат“ веѓите, други одат кај професионалци и ги тетовираат – понекогаш мора да страдате за убавина. Но, што прават дамите кои сакаат да ја избегнат болката? Тие користат сапун! За почеток, земете го омиленото моливче или сенка за веѓи и обликувајте ги на вообичаен начин. Потоа исчешлајте ги со четка за веѓи, па минимално намокрете го сапунот и четката за веѓи истријте ја на него, но внимавајте слојот од сапун што ќе се „залепи“ за неа да биде тенок. Со четката исчеткајте ги веѓите нагоре во насока во која растат влакната. Не заборавајте да го исчешлате и горниот дел од веѓите, а кога ќе ја добиете посакуваната форма и густина, сето тоа убаво натапкајте го со прстите.

Направете ДОМАШЕН САПУН ЗА РАЦЕ: По стариот рецепт на баба (РЕЦЕПТ)

Ристе Здравков — Wed, 17 Aug 2022 14:37:32 +0000

Денес, многу семејства и покрај големиот избор на сапуни во продавниците, сепак се одлучуваат за домашен сапун. Не ја суши или лупи кожата како многу сапуни што ги купувате Основата на секој домашен сапун е следната формула: ВОДА + МАСТ + КАУСТИЧНА СОДА. Можете да додадете различни природни состојки за да го збогатите неговиот мирис или да го обликувате по ваш избор. Потребни состојки: 50 мл вода, 1 лажица каустична (жива) сода (кристал на натриум хидроксид), 100 гр свинска маст Подготовка: Истурете ја водата во стаклен сад и мешајќи додајте го натриум хидроксидот. Во големо тенџере растопете ја свинската маст и додадете вода со разматена сода. Состојките се мешаат уште половина час, додека не се добие густа маса. Се што треба да направите е да оставите сапунот да се излади. Кога правите сапун, треба да бидете внимателни како ракувате со натриум хидроксидот. Држете ги децата и миленичињата подалеку. Ќе проверите дали сапунот е сварен така што ќе ставите нож во сапунот. Ако масата околу ножот се стврдне, тогаш е готв. Доколку сакате да го збогатите сапунот со хранливи состојки, можете да додадете кафе, есенцијални масла, пиперка, лаванда или рузмарин. Можете исто така да додадете разни други хранливи материи чиј мирис ви се допаѓа. Што се однесува до формата, можете исто така да експериментирате. Користете модли за колачи, детски пластични играчки за песок, калапи за мафини, кутии од бомбони и пластични кутии за сапун.

Не е само за миење на раце: Дознајте за колку работи може да ви помогне САПУНОТ

Ивана Ефремовски — Thu, 14 Jul 2022 16:54:07 +0000

Иако најчесто сите го чуваме во тоалетот, сапунот има бројни примени кои воопшто не се поврзани со хигиената, па затоа треба да имате по еден сапун во секоја соба. 1. Убоди од инсекти Доколку ве мачат убоди од инсекти, намокрете го сапунот и протријте го од местото каде што се наоѓа убодот. 2. За подмачкување предмети Доколку чкрипи вратата, фиоката или подот, протријте сув сапун на местото и уживајте во тишината. 3. За одглавување заглавени работи Прозорите кои се заглавиле може да ги подмачкате со сув сапун за лесно да се одглават. 4. Отстранување непријатни миризби Наместо да користите миризливи свеќи, освежете го својот плакар, фиока ставајќи сапун таму каде што сакате да мирисаат облеките. 5. Отстранување флеки Ако имате жолти траги на крагњата или некои точки на облеката, намачкајте сапун преку нив и оставете го така се до перењето на облеката. 6. Тесни чевли Тврда кожа? Намачкајте сапун на деловите каде што ве стегаат чевлите, како што се горниот внатрешен дел и аглите.

Констракта откри колку чинел сапунот со кој ги миела рацете, па призна: „Ја изиритирав кожата“

Магдалена Андонова — Thu, 17 Mar 2022 10:33:44 +0000

Претставничката на Србија на овогодинешната Евровизија, Ана Ѓуриќ Констракта, за прв пат проговори за сапунот со кој ги миеше рацете на натпреварот за „Песна за Евровизија 22“. Имено, сопственичката на хитот „In corpore sano“ откри дека три минути ги миела рацете со евтин сапун кој и ја иритирал кожата. - На првата проба дојдов со евтин сапун. Вложив само 40 динари и потоа рацете ми беа уништени. Не треба да ги миете рацете три минути, тоа е глупост - изјави Констракта во „Утро на прва“. Таа откри како настанала песната „In corpore sano“ и каде вежбала кореографија. -Со денови пишувам песни и ги чистам за да бидат едноставни и поетски. Создадена е додека имав многу време и го шетав кучето по блоковите. Коронавирусот ми го даде тоа слободно време и еве го. Настапот го смисливме во подрум, во мојот стан, во студио. Со мене беа моите пријатели и членовите на Land of Grove, па заедно ќе одиме во Торино да пиеме кафе - рече таа и откри како нејзините деца реагирале на победата. - Беа загрижени како ќе реагираат на училиште. Се помина во ред. Понекогаш сум згрчена, но добро. Нив ги интересира песната - изјавила Констракта.

Трикови: За што можете да го користите сапунот освен за одржување хигиена?

Ивана Ефремовски — Fri, 29 Jan 2021 21:53:05 +0000

Направете си сами: Дезинфекциски сапун за раце, сега најмногу ви треба

Ивана Ефремовски — Wed, 18 Mar 2020 19:29:17 +0000

Направете го за дома, ама понесете си и за на работа. Доволно е во некој неутрален течен сапун, по можност глицерински, за миење раце, да капнете 40 капки етерично масло или мешавина од повеќе – лаванда, камилица, рузмарин. Рацете мијте ги темелно втривајќи ја пената од сапунот меѓу прстите барем минута-две, советуваат ароматерапевтите.

Средствата за дезинфекција помагаат, но не се замена за сапун и вода

Катерина Бојаџиева — Thu, 12 Mar 2020 20:47:18 +0000

Миењето раце со сапун и вода и употребата на средства за дезинфекција на рацете се неопходна мерка во заштитата во борбата против коронавирусот и сите вируси воопшто. Употребата на средства за дезинфекција е прва помош доколку се нема пристап до вода и сапун. Според одредбите на Американската администрација за храна и лекови од 2019 година, средства за дезинфекција се оние кои како активна состојка содржат етил-алкохол, изопропил-алкохол или бензалкониум хлорид. Другите состојки не се покажаа ефикасни во уништувањето бактериите или нема доволно докази за тоа. Клучна состојка кај повеќето од овие производи е алкохолот. Во хемиска смисла, алкохолот е органска молекула, составена од јаглерод, кислород и водород. Етанол е хемикалија која се наоѓа во алкохолни пијалоци. Пропанол и изопропанол – изопропилен алкохол, исто така, се алкохоли и често се користат за дезинфекција, бидејќи тие се лесно растворливи во вода, како и етанолот. Алкохолот ги уништува агенсите што предизвикуваат болести, т.е. патогени, на тој начин што ги разложува протеините, ја преполовува клетката или го нарушува нејзиниот метаболизам. Раствоеите со само 30 проценти алкохол се во можност донекаде да ги уништат патогените. Содржината на алкохол што надминува 60 отсто е нешто поефикасна, уништувајќи широк спектар на бактерии и вируси. Како и да е, најефикасен раствор е оној кој содржи 90 до 95 проценти алкохол. Но алкохолот не делува на одредени микроби. Меѓу нив е норовирус, кој може да предизвика дијареја, како и паразитот Cryptosporidium, кој предизвикува криптоспоридиоза, форма на цревна инфекција. Средствата за дезинфекција, исто така, не отстрануваат штетни хемикалии како што се пестициди или тешки метали. Тие, исто така, не влијаат на многу валкани или мрсни раце, поради што користењето сапун и вода е покорисно.

„Нема сапун, нема мир“: Средношколци со уникатна онлајн кампања

Ивана Ефремовски — Thu, 20 Feb 2020 11:24:35 +0000

Група млади под хаштазите #НемаСапун / #SkaSapun започнаа онлајн кампања преку која ги обележуваат јавните училишта и факултети кои немаат сапун во тоалетите. Веќе една недела на Твитер и Фејсбук граѓаните споделуваат фотографии и видеа во кои се посочени десетина училишта во Тетово, Скопје, Дебар, Куманово, Струга и Кичево кои немаат основни хигиенски средства. -Можеме да се бориме против грипот и коронавирусот со сапун и вода, но #НемаСапун во Средното економско училиште „8-ми Септември“ во Тетово, напиша на Твитер, активистката Рита Бехадини, една од иницијаторките на онлајн кампањата.

превенција на инфективни заболувања ? промовираме вакцинација ?? #holdmybeer #немасапун !! @ фармацевтски факултет#skasapun #YJN #YJNTweets pic.twitter.com/L7TYc9Jyro
— Dajana Lazarevska (@DiDailyLady) February 17, 2020

Правите грешки кога се туширате: Само овие 5 места треба да ги миете со сапун

Ивана Ефремовски — Sat, 30 Nov 2019 16:50:49 +0000

Експертите тврдат дека туширањето еднаш дневно е сосема доволно и дека повеќе од тоа не е потребно. -И јас лично сакам да се туширам два пати на ден, но сепак тоа не е препорачливо, истакнува германскиот дерматолог Ута Шолсергер. Таа советува и да се користат исклучиво pH-неутрални сапуни за да го зачувате заштитниот слој на кожата и додава дека сапунот треба да се употребува само на 5 делови од телото: пазувите, дланките, стапалата, средината на градите и грбот. За останатите делови, дерматолозите препорачуваат да користите чиста и влажна крпа. Исто така, истакнуваат дека температурата на водата не смее да биде повисока од 35 Целзиусови степени за да ја одржите влажноста на кожата.