сара ристовска – Kurir.mk

Сара Ристовска со ЦСКА Москва ја освои титулата во Русија, Македонката прогласена за МВП

Бошко Тасиќ — Sun, 04 Jun 2023 15:37:49 +0000

Во третиот натпревар од финалната серија во руската женска ракометна лига составот на ЦСКА Москва славеше со 35:29 против Ростов Дон. Во победата придонесе македонската репрезентативка Сара Ристовска која четирипати се запиша во листата на стрелците. Од нејзините колешки најефикасна беше Елена Михајличенко со седум погодоци, а на спротивната страна по шест голови имаа Кристина Кожокар и Екатерина Зеленкова. Нашето десно крило Ристовска беше прогласена за најкорисен играч (МВП) на последниот финален натпревар.

Ристовска е најдобар стрелец во историјата на ЦСКА Москва

Ристе Здравков — Wed, 31 May 2023 14:02:58 +0000

Македонската ракометарка Сара Ристовски продолжи со одличните настапи за ЦСКА Москва и на последниот меч против Ростов Дон постигна пет гола. Ристовска така ја престигна досегашната рекордерка по број на голови во историјата на клубот и застана на 475 погодоци на 152 меча. Македонката стана најдобар стрелец во историјата на клубот, а доколку остане во екипата, сигурно ќе го подобри својот рекорд. Ристовска оваа сезона има шанси да ја освои титулата во руската Суперлига, а „мајсторката“ против Ростов Дон се игра на 4 јуни.

Сара Ристовска го продолжи договорот со московска ЦСКА

Дарко Андоновски — Wed, 14 Dec 2022 13:26:20 +0000

Рускиот ракометен шампион во женска конкуренција ЦСКА денеска соопшти дека договорил продолжување на соработката со македонската репрезентативка Сара Ристовска, која го носи дресот на клубот од Москва од 2019 година. Ристовска го продолжи договорот со ЦСКА за уште една година. -ЦСКА е големо семејство. Го продолжив договорот, бидејќи е големо задоволство да се игра за овој тим. Сигурна сум дека ова ќе продолжи и дека заедно ќе се бориме и ќе постигнуваме нови успеси, изјави Ристовска за клупскиот сајт. Таа додаде дека е навистина среќна во ЦСКА и оти се чувствува како дома. -Тука сретнав многу добри луѓе, го совладав јазикот и се чувствувам како дома. Нашата цел е уште повеќе да го зајакнеме духот на семејство во клубот и да бидеме на врвот во оваа и следната сезона, додаде македонската ракометарка.

Ристовска: Пред нас е последната шанса на ЕП, верувам во оваа репрезентација

Ристе Здравков — Tue, 08 Nov 2022 14:00:50 +0000

Македонија е една неискусна селекција која игра Европско првенство по пауза од десет години, а воведните два меча против великаните Франција и Холандија дадоа доста одговори за тоа која е реалната сила на овој тим кој го предводи Љубомир Савевски. Селекторот е свесен дека Македонија е далеку од ракометниот крем во женска конкуренција и пред сите претстои голема работа, но пред да се насочат сите кон иста цел, следи клучниот меч на ова Европско првенство кое се игра и во Скопје. Македонија утре ќе ги одмери силите со Романија во директен дуел за пласман во слендата фаза, а капитенот Сара Ристовска побара борба од своите соиграчки во сите 60 минути, нешто што не беше случај со Франција и Холандија. – Пред се, сакам да им се заблагодарам на сите луѓе кои доаѓаат на трибините да не поддржат. Ние сме млада репрезентација без искуство на вакви натпревари, не сме искусиле вакви турнири. – Едноставно правиме многу грешки, искуството си го прави своето и на првите два натпревари самите го креиравме резултатот во полза на противникот. Претрпевме два порази, но сега следи мечот кој е најважен. Верувам дека до крајот на денот ќе направиме целосна анализа, треба да се насочиме, да имаме поголема верба во себе и да се настроиме како семејство. На првите два меча имаше борбеност, но немаше заедништво. Против Романија ни е последна шанса да се покажеме. Јас како капитен верувам во себе, верувам во оваа селекција и се надевам дека ќе се радуваме сите по мечот со Романија, – изјави Сара Ристовска.

Ристовска: За жал, имавме лош старт против Франција

Бошко Тасиќ — Sat, 05 Nov 2022 21:13:51 +0000

Во СЦ „Борис Трајковски“ – Скопје денес доминираше актуелниот олимписки шампион Франција која што во прелиминарната фаза покажува зошто е еден од фаворитите за освојување на медал. Една од најискусните во нашата селекција, десното крило Сара Ристовска жали поради лошиот старт што го имаа нејзините репрезентативни колешки. – За жал, го почнавме натпреварот многу лошо, со многу технички грешки. Кога го постигнавме првиот гол, тоа беше како огромен момент за нас. Доколку продолжиме така, ќе биде сè подобро и подобро за нас – рече Ристовска по мечот.

Сара Ристовска и следната година ќе биде дел од ЦСКА Москва

Бошко Тасиќ — Mon, 04 Jul 2022 20:04:24 +0000

Ракометната репрезентативка на Македонија, Сара Ристовска, која настапува за ЦСКА Москва, и во следната сезона ќе биде дел од московската екипа. Ристовска и покрај тешката ситуација во рускиот ракомет, ќе го одработи актуелниот договор со клубот од Москва. Ракометарката пред извесен период го продолжи договорот со ЦСКА Москва, но нејзиното останување беше неизвесно бидејќи најголемиот број на интернационалки кои настапуваа во руските клубови заминаа, откако ЕХФ воведе санкции за клубовите од Русија и Белорусија. Ристовска најверојатно во следната сезона ќе биде единствената интернационалка во редовите на ЦСКА Москва. Клубот на почетокот на месец март го напуштија Ана Грос и Катрин Хеиндал, додека по завршувањето на минатата сезона си замина и екс ракометарката на Вардар, Драгана Цвијиќ.

Ристовска го има најдобриот гол во четвртото коло во ЛШ (ВИДЕО)

Бошко Тасиќ — Mon, 18 Oct 2021 16:25:39 +0000

Македонската ракометна репрезентативка Сара Ристовска го постигна најдобриот гол во рамки на четвртото коло од Лигата на шампиони (ЛШ), и тоа во триумфот на ЦСКА Москва од 29-28 против Савехов. Ристовска постигна три гола на натпреварот, а еден од нив беше ремек-дело, кое го освои првото место во конкуренција за најубав гол на колото. https://www.youtube.com/watch?v=Liaazc1MdE4&feature=emb_title

Ѓер ја победи ЦСКА Москва во малото финале, Ристовска постигна три гола

Бошко Тасиќ — Sun, 30 May 2021 17:01:00 +0000

Ракометарките на Ѓер вчера на несреќен начин загубија во полуфиналето од Брест, но затоа ова попладне сиот свој бес го истурија врз ЦСКА Москва која и тоа како настрада во малото финале. Во малото финале немаше простор за никаква неизвеснот, бидејќи Ѓер уште во првото полувреме јасно стави до знаење дека разликата во квалитет е голема, но истовремено до израз дојде и недостигот на мотивација кај рускиот тим. По почетните 18:8 во првиот дел, Ѓер само ја осигура победата во вторите 30 минути и на крајот победи со 32:21, триумф кој на Унгарките им го донесе третото место на завршниот турнир. Македонската репрезентативка Сара Ристовска беше дел од протоколот и беше една од најдобрите во редовита на поразениот тим, бидејќи мечот го заврши со три реализации од четири обиди. Најдобра ракометарка во малото финале беше Офтедал која постигна седум погодоци.

Сара Ристовска и ЦСКА Москва во лов на европскиот трон

Бошко Тасиќ — Sat, 29 May 2021 11:22:18 +0000

Македонската ракометна репрезентативка, Сара Ристовска и ЦСКА Москва во Будимпешта ќе се обидат да го освојат европскиот трон. Рускиот тим откако испиша историја со самиот пласман на фајнл-фор завршницата во Лигата на шампионите, сака да направи чекор повеќе да стигне до финалето и сензационално да го заврши ова учество. За противник во полуфиналето ЦСКА го има составот на норвешкиот првак Вајперс Кристијансанд, дуелот е закажан во 18 часот. Во првото полуфинале во „Пап Ласло Арена“ силите ќе ги одмерат Ѓер и Брест. Унгарскиот тим трипати во низа ја освојуваше титулата во Лигата на шампиони, па и натаму ја има фаворитската улога на оваа завршница, мечот почнува во 15:15 часот.

Сара Ристовска е најдобро десно крило во ЛШ оваа сезона

Бошко Тасиќ — Thu, 29 Apr 2021 15:47:42 +0000

Македонската ракометна репрезентативка, десното крило Сара Ристовска, доби место во најдобриот состав во Лигата на шампионите (ЛШ) за сезоната во 2020/2021, во изборот на Европската ракометна федерација (ЕХФ). Ристовска со ЦСКА Москва обезбеди место на фајналфор-турнирот во Будимпешта. Дел од најдобриот тим сезонава во ЛШ се и Сандра Тофт (голманка), Мајда Мехмедовиќ (лево крило), Вероника Кристијансен (лев бек), Изабел Гулден (центар), Нора Мерк (десен бек), Ксенија Макеева (пикер) Беатрис Едвиг (дефанзивка) и Катрин Клујбер (најдобар млад играч).

Уло­га­та на тре­нер на нај­до­бри­от тим се­зо­на­ва во ЛШ му припадна на Га­бор Да­ни, кој е на че­ло на ун­гар­ски­от шам­пи­он Ѓер.