Сара Сандерс – Kurir.mk

Бела куќа: САД ќе испитаат што соопштила Северна Кореја

Ивана Ефремовски — Wed, 16 May 2018 06:06:06 +0000

САД се запознати со извештаите на јужнокрејски медиуми дека Северна Кореја откажала планирани разговори на високо ниво со јужниот сосед, соопшти Белата куќа. - САД ќе испитаат независно од тоа што Северна Кореја соопштила и ќе продолжат со координации со нашите сојузници, изјави Сара Сандерс, портпаролка на Белата куќа. Северна Кореја синоќа соопшти дека морала да откаже разговори со Јужна Кореја на највисоко ниво поради тоа што се одржани воени вежби на Јужна Кореја и САД и упатија закана дека ќе го откажат самитот со САД. Стејт департментот соопшти дека нема никакви информации за тоа дали Пјонгјанг сака да го откаже планираниот самит на САД и Северна Кореја на кој би требало да се состанат лидерите на двете држави Доналд трамп и Ким Џонг-ун. Пентагон тврди дека воената вежба е рутинска и со одбранбен карактер. (МИА)

САД: Имаме докази дека Дамаск е одговорен за хемискиот напад во Дума

Даниел Василев — Sat, 14 Apr 2018 11:59:37 +0000

САД имаат докази дека сириските власти се одговорни за хемискиот напад во Дума на 7 април, изјави денеска портпаролката на Белата куќа, Сара Сандерс. - Со голема доза на сигурност сметаме дека (за нападот) е одговрна Сирија и по кој знае кој пат дел од пробеломот е тоа што Русија не стори ништо за да ја спречи, нагласи Сандерс. Таа ја обвини Москва дека не презема ништо во врска со употребата на хемиско оружје и ги отфрли како неточни руските тврдења дека нападот во Дума бил исцениран. - Нашите разузнавачки податоци кажуваат нешто друго. Но, засега не можам да соопштам ништо повеќе, додаде Сандерс, Американскиот Стејт департнмент, исто така, соошто дека има докази кои со „голема доза на сигурност“ укажуваат оти хемискиот напад во Дума го извршиле сириските власти. - САД се уште работат на утврдување на употребената смеса од хемикалии, соопшти Стејт департментот. Претходно денеска, како што јави МИА, директорот на Центарот за помирување на завојуваните страни во Сирија, Јуриј Евтушенко изјави дека вооружените сили на Русија не пронашле никакви траги дека во сирискиот град Дума бил извршен напад со хемиско оружје. - Според изјави на сведоците, земените примероци и истрагите на локациите што ги спроведоа руските експерти и лекари во Дума, каде што се тврди дека е извршен напад со хемиско оружје, не се пронајдени траги на отровини супстанци. нагласи Евтушенко. САД, Велика Британија и Франција рано изутринава извршија ракетни напади врз повеќе цели во Сирија, како одговор на обвинувањата дека сириските владини сили минатата сабота извршиле напад со хемискио оружје во градот Дума. Рускиот претседател во реакција на сојузничката акција оцени дека за нападот врз Сирија бил искористен „исцениран случај на употреба на отровни супстанци против цивилното население во Дума“. МИА

САД се уште без конечна одлука за Сирија

Ивона Петрова — Fri, 13 Apr 2018 05:43:06 +0000

Состанокот на американскиот претседател Доналд Трамп со неговиот тим за национална безбедност, по повод ситуацијата во Сирија синоќа заврши без конечна одлука за евентуален воен напад. Портпаролката на Белата куќа, Сара Сандерс изјави дека на состанокот „не е донесена конечна одлука“. - Продолжуваме да ги проценуваме разузнавачките информации и ангажирани сме во разговорите со нашите партнери и сојузници, посочи Сандерс.