Сарагоса – Kurir.mk

Сарагоса носи НБА засилување за наредната сезона

Бошко Тасиќ — Tue, 18 Jul 2023 03:38:43 +0000

Третиот пик на НБА драфтот во 2015 година, Џахил Окафор кариерата ќе ја продолжи во Шпанија каде ќе го носи дресот на Сарагоса, потврди овој тим. За 27-годишниот кој потпиша едногодишен договор тоа ќе биде прво европско искуство откако во минатото покрај НБА лигата каде настапуваше за Филаделфија, Бруклин, Њу Орлеанс и Детроит броеше и настапи во Кина и Мексико.

Димитријевиќ подобар од Вајли,Хувентуд ја совлада Сарагоса

Бошко Тасиќ — Sun, 07 Mar 2021 09:23:17 +0000

Македонските кошаркарски репрезентативци Ненад Димитријевиќ и Џејкоб Вајли се сретнаа во шпанското кошаркарско првенство. Помладиот од кошаркарите со неговиот Хувентуд славеше на гостувањето кај американскиот интернационалец кој игра за Сарагоса и триумфираше со 100-95 . Димитријевиќ запиша 19 скока и пет асистенции додека Вајли го заврши третиот настап за новиот тим со „дабл-дабл“ учинок од 21 поени и десет скока.

Џејкоб Вајли официјално нов кошаркар на Сарагоса

Бошко Тасиќ — Fri, 26 Feb 2021 20:13:36 +0000

Натурализираниот кошаркар кој настапува за македонската репрезентација Џејкоб Вајли и офивијално е нов член на шпанската Сарагоза. По одличните настапи на квалификацискиот турнир во Перм за нашата селекција, американскиот интернационалец ја замени Гран Канарија и ќе игра до крајот на сезоната како позајмен кошаркар во Сарагоса. На 18 меча за Гран Канарија, Вајли постигна во просек од 10,2 поени и имаше 4,6 скока.

Македонскиот репрезентативец премина од Гран Канарија во Сарагоса

Ивана Ефремовски — Wed, 24 Feb 2021 15:53:47 +0000

Македонскиот кошаркарски репрезентативец Џејкоб Вајли е нов член на шпанскиот прволигаш и учесник во ФИБА Лигата на шампиони, Сарагоса. -Точно е, го менувам клубот, но не ја менувам земјата. Продолжувам во најсилната лига во Европа. Но како играч на Сарагоса. Со мојата менаџерска агенција одлучивме дека во овој момент тоа е најдобриот потег. Да ја променам играчката средина, потврди Вајли во изјава за официјалниот сајт на Македонската кошаркарска федерација. Трансферот на натурализираниот Американец со македонски пасош од Гран Канарија во Сарагоса доаѓа по неговиот настап со „црвено-жолтите“ на завршниот евроквалификациски турнир во Перм, на кој Вајли имаше одлични настапи со просечни 16. поени, 7.5 скокови и 1.3 асистенции по натпревар. -Останува жал што не успеавме на тој последен натпревар да победиме со потребната разлика. Но ова беше големо, не… огромно искуство за мене кое досега го немав почувствувано во мојата кариера. Многу ми значат овие четири средби, бидејќи како што сте добро запознати, имав пауза од скоро два месеци. Овие мечеви во Перм беа своевиден ’ресет‘ во оваа сезона која ја продолжувам во Сарагоса. Видов дека следните мечеви со националниот тим се веќе во август. Ќе бидам максимално подготвен за тој нов предизвик, најави Вајли. (МИА)