Саранда – Kurir.mk

Без знаци на живот извадено од водата: Македонец спаси 15 годишно девојче во Саранда

Тале Кристо — Wed, 21 Jul 2021 09:05:14 +0000

Вчера на Градската плажа во Саранда, во Албанија, се случи инцидент. На плажата е извадена давеничка во бесознание на возраст од 15 години. Девојчето било извадено на плажата без знаци на живот и помодрено. На нејзина среќа, на плажата летувал нашиот болничар Јовица Ѓоргиев од Брзата помош. Докторот по инцидентот се огласи на својот ФБ профил. Тој пишува дека според обуките на докторите во Брзата помош, тој извршил итна реанимација која била успешна, па девојчето се освестило. Потоа било преземено од медицинската екипа на Брзата помош во Саранда и е надвор од животна опасност.

КОЛКУ Е БЕЗБЕДНО ДА СЕ ЛЕТУВА ВО АЛБАНИЈА: Покрај масакрот во туристичкото место Велепоја, друг инцидент во Саранда – за среќа не било употребено оружје (ВИДЕО)

Тале Кристо — Sun, 27 Jun 2021 12:53:37 +0000

Физичка пресметка со клоци и боксови изби помеѓу две групи во албанскиот туристички град Саранда. Се уште не е позната причината за инцидентот, но се сомнева дека конфликтот настанал поради површината на плажата, објави албанската национална телевизија „Топ Ченл“. Наводно, учесниците во инцидентот поседувале и оружје, но за среча истото не е употребено. Инаку, ноќеска нешто после полноќ во туристичкото место Велепоја се случи друг вооружен инцидент каде што убиени биле 4 лица, а две биле ранети. Во меѓувреме, како што пренесуваат албанските медиуми, дел од туристите вознемирени и загрижени за сопствените животи почнале да ја напуштаат Велипоја.

Македонски државјанин тешко повреден во сообраќајка кај Саранда

Магдалена Андонова — Tue, 11 Aug 2020 08:31:53 +0000

Македонски државјанин тешко е повреден во сообраќајна несреќа, што се случила во близина на албанскиот приморски град Саранда, јави телевизија Ора њуз. Од се уште непознати причини Т.К.(44) кој управувал со автомобилот „шкода“ со скопски сообраќајни ознаки, изгубил контрола врз возилото, скршнал од коловозот и удрил во карпа покрај патот. Возилото се движело од Саранда во правец на познатото одморалиште Ксамил. Возачот кој се здобил со тешки повреди е пренесен во регионалната болница во Саранда, но според последните информации е вон животна опасност. Ова е трета сообраќајна несреќа овој месец во којa учествуваат македонски државјани. На први август на патниот правец Елбасан – Пеќин во директен судир учествувал македонскиот државјанин М.К.(38), со возило „мерцедес“, при што се здобил со полесни повреди. Во несреќата животот го загубил сопатникот во возилото „сузики“ управувано од жител на Елбасан. На истиот патен правец, на петти август, дошло до садар на три возила, автомобил „шкода“, управувано од А.И.(45) жител на Кучово, кај Берат „алфа ромео“ управувано од Н.Х., како и автомобил „мерцедес“ управуван од Р.Б. државјанин на Северна Македонија. Во несреќата животот го загубила сопатничка во шкодата, додека со полесни повреди се здобиле тројцата возачи. (МИА)