сари – Kurir.mk

Маурицио Сари одби да застане на чело Марсеј

Тале Кристо — Wed, 03 Feb 2021 08:06:00 +0000

Маурицио Сари ја одбил понудата да застане на чело на Марсеј, објави на Твитер италијанскиот новинар Фабрицио Романо. Вчера, францускиот фудбалски клуб остана без тренер, откако Андре Вилаш-Боаш поднесе оставка, бидејќи раководството договори трансфер на фудбалер без негова согласност. Последната работа на 62-годишниот Сари беше во Јувентус, со кого минатата сезона го освои италијанскиот шампион.

Јувентус и Сари разговараат за предвремениот раскин на договорот

Тале Кристо — Fri, 30 Oct 2020 11:56:09 +0000

Раководството на италијанскиот фудбалски шампион Јувентус започна преговори за раскин на договорот со својот поранешен тренер Маурицио Сари, кој беше сменет во август по испаѓањето во осминафиналето од Лигата на шампионите против Лион. Досега страните не можат да се договорат околу висината на надоместокот за 61-годишниот стручњак, објави новинарот Николо Скира. Договорот на Сари со Јувентус е сè уште валиден и е со трајност до летото 2022 година. Тренерот заработуваше 5,5 милиони евра во клубот по сезона. Според Скира, спротивно на гласините, Сари не разговара за ангажман со Фиорентина и е задоволен од платата од Јувентус што му е загарантирана уште една и пол година.

Сари е задоволен од соработката меѓу Роналдо и Дибала

Тале Кристо — Wed, 01 Jul 2020 06:45:14 +0000

Главниот тренер на Јувентус, Маурицио Сари ја пофали екипата за победата над Болоња. „Старата дама“ повторно има предност од 4 поени пред Лацио, а Сари го истакна добриот настап на Адријан Рабио. Кристијано Роналдо и Пауло Дибала исто така заслужија добри зборови. – Мислам дека игравме добро, дури и во првото полувреме. Имавме јасни позиции, но не дозволивме ниедна пред нашиот гол. Ние постигнавме три убави гола, покажавме тимска игра. Беше само прашање на време пред да се вратиме на нозе по разочарувањето во финалето на Купот на Италија. Рабио напредува. Сите очекуваат многу од него и не е лесно да се исполнат ваквите очекувања. Тој не играше за ПСЖ 7 месеци. Тој дојде во друга земја и во тим со различен стил. Потоа имаше повреда, но сега се е во ред, изјави Сари. Стручњакот откри дека претходно било решено Кристијано Роналдо да добие пауза во последните минути, доколку мечот се реши во корист на Јувентус. Тој особено е задоволен разбирањето меѓу Португалецот и Пауло Дибала. – Тие научија да се бараат едни со други почесто и веќе ги реализираат придобивките од играњето заедно. Тоа е нешто што го забележувам и на тренинзите, рече Сари.

Сари ќе ангажира психолог

Ристе Здравков — Mon, 24 Dec 2018 08:58:41 +0000

Тренерот на Челзи, Маурицио Сари, е загрижен за менталниот пристап на своите избраници на неколкуте последни натпревари и затоа има намера да ангажира психолог. Челзи во саботата загуби од Лестер на домашен терен (0:1) по што италијанскиот стручњак одлучи да преземе нешто што го направил во минатото како тренер во Италија. – Имав спортски психолог пред 15 години во Италија, тоа беше тешко, бидејќи за такво нешто клубовите не беа подготвени, но сега можеме да зборуваме за тоа, зошто да не? Причината за поразот од Лестер не беше нашата физичка кондиција. Бевме добри 55 минути, а потоа две минути подоцна бевме во неволја. Бевме во шок и збунети, изјави менаџерот Челзи. Во следното коло кое се игра на 26 декември Челзи ќе му гостува на Вотфорд.

Сари: Манчестер Сити останува најдобриот тим во Европа

Ивана Ефремовски — Sun, 09 Dec 2018 08:29:02 +0000

Менаџерот на Челзи, Маурицио Сари, беше среќен откако победи со 2:0 против Манчестер Сити вчера, no sepak италијанскиот стратег призна и дека неговиот тим имал малку среќа и „граѓаните“ и понатаму остануваат најдобар тим во Европа, и покрај поразот. – За мене, тие остануваат најдобар тим во Европа. Мора сепак да признаеме дека имавме среќа во првите 25 минути, бидејќи можеа да поведат. Имавме среќа во првото полувреме, а потоа одигравме многу силно второ. Мојот тим понекогаш тешко се мотивира. Во вакви натпревари, сепак, немам таков проблем и мотивацијата е секогаш на највисоко ниво. За жал, сепак, во текот на сезоната треба да играме и со помали тимови. Ние треба постојаност, бидејќи во спротивно ќе изгубиме поени во другите мечеви, рече Сари. вз/

Азар: Сари покажа дека е меѓу најдобрите тренери на светот

Ристе Здравков — Thu, 18 Oct 2018 09:02:41 +0000

Играчот од средниот ред на Челзи, Еден Азар е задоволен од начинот на кој игра под водство на Маурицио Сари. Според белгискиот репрезентативец, Челзи добил многу со доаѓањето на Сари. – Знаевме дека Сари е фантастичен тренер. Тој покажа дека е меѓу најдобрите во светот. Играме многу добро, постигнуваме многу, создаваме шанси. Кога тој се приклучи на тимот, веднаш ми укажа доверба. Ми рече дека сака да ме направи еден од најдобрите играчи во светот. Секогаш ми кажува дека можам да постигнам по три гола на натпревар. Тешко е, но јас го правам најдоброто што можам, изјави Азар. Челзи по осум кола во Премиер лигата е на делба на првата позиција заедно со Манчестер Сити и Ливерпул. трите екипи имаат по 20 бода.

Де Лаурентис: Сари секогаш завршува со отказ

Ристе Здравков — Tue, 18 Sep 2018 08:08:43 +0000

Претседателот на Наполи, Аурелио Де Лаурентис, повторно го критикуваше поранешниот тренер на клубот Маурицио Сари, кој сега работи во Челзи. - Сега за сега на Сари му оди добро во Челзи. Но, тој има многу порази во неговата кариера и секогаш е отпуштан. Поради ова, тој ги расипува своите односи со луѓето, изјави Де Лаурентис. Сари го напушти тренерското место во Наполи во летниот трансфер период. На негово место дојде Карло Анчелоти. Под водство на Сари, Челзи има максимални пет победи во новата сезона од Премиер лигата.

Сари: Азар е најдобар во Европа, може да постигне 40 гола

Ристе Здравков — Sun, 16 Sep 2018 08:16:56 +0000

Менаџерот на Челзи, Маурицио Сари беше восхитен од претставувањето на Еден Азар на натпреварот со Кардиф (4:1). Белгиецот вчера беше херојот на „Стемфорд бриџ“, постигнувајќи „хет-трик“ за успехот на „сините“. По дуелотот, Сари изјави дека Азар е најдобар фудбалер во Европа и лесно може да постигне 40 гола до крајот на сезоната. - До неодамна мислев дека Азар е еден од најдобрите играчи во Европа, но сега го менувам своето мислење и велам дека е најдобар. Сметам дека тој може да стане уште подобар, ако се научи да заштеди сили во последните 50-60 метри пред противничкиот гол. Кога ние ја држиме топката, тој ја допира пет-шест пати во нашата половина. Така троши многу енергија, која е подобро да ја користи во последните 25 метри пред голот на противникот. Тогаш може слободно да постигне 30-35 гола. Зборував со него пред неколку дена и му кажав дека може да постигне 40 гола, ако се научи да штеди енергија, изјави Сари по мечот. Челзи ја започна одлично сезоната под водство на новиот тренер, откако има пет победи од пет меча.

Сари: Можеби му недостигам на Де Лаурентис

Ристе Здравков — Sat, 25 Aug 2018 08:05:17 +0000

Тренерот на Челзи, Маурицио Сари, возврати на критиките на сопственикот на Наполи, Аурелио де Лаурентис, дека додека бил тренер во неговиот клуб не освоил ништо.

- Не знам зошто, но постојано говори за мене? Можеби му недостигам, бидејќи знаеше тоа да го прави. Не го донесовме трофејот во Неапол, но имавме рекорден број на бодови. Трипати во низа се квалификувавме за Лигата на шампиони што не е вообичаено за Наполи. Мислам дека не бевме лоши. Освен Јувнетус никој ништо не освојува последните седум години, истакна Сари.

Toj со Челзи досега забележа две победи во Премиер лигата, а утре во третото коло ќе гостува кај Њукасл.

Сари: Не знам дали Азар е подготвен за сите 90 минути

Ристе Здравков — Sat, 25 Aug 2018 07:13:57 +0000

Тренерот на Челзи, Маурицио Сари, истакна дека белгискиот фудбалер Еден Азар останува во клубот, но дека поради исцрпеноста од неодамна завршеното Светско првенство во Русија не знае колку ќе игра на следниот натпревар против Њукасл. - Не знам дали Азар е подготвен за сите 90 минути, но тој би можел да почне. Среќен сум кога станува збор за него, бидејќи сака да остане и сака да игра. Јас сум тренер на еден многу добар тим и работам во голем клуб. За мене е важно да не продаваме играчи, ако не можеме да ги замениме со други на исто ниво. Но, Азар останува со нас оваа сезона, истакна Сари. Во следното коло од Премиер лигата во недела Челзи ќе се соочи со Њукасл.