сариса – Kurir.mk

Институтот САРИСА ја одржа работилницата „Квалитетно образование – патот кон иднината“

Магдалена Андонова — Fri, 03 Sep 2021 10:36:40 +0000

Во организација на Институтот за конзервативни политики „САРИСА“ вчера во Скопје се одржа тематската работилница „Квалитетно образование – патот кон иднината“, во која говорниците се осврнаа на актуелната состојба со образованието во Република Македонија. Настанот го отвори и го модерираше м-р Сашо Марковски, Извршен Директор на Институтот „САРИСА“, кој даде краток осврт на работата на Институтот, и на кратко ја искоментира моменталната состојба со образовните реформи во Република Македонија. Првиот панелист, м-р Александар Богатинов, зборуваше на тема „Зошто образование? - Потребата на хуманистичките знаења во современото образование!“, и даде свое видување на дилемата дали треба новите генерации да се прилагодуваат на капиталистичките потреби и технолошкиот развој на човештвото, или пак да се негуваат и развиваат моралните и умствени способности на индивидуата? Вториот говорник, проф. д-р Самоил Малчески направи една ретроспектива и се осврна на темата „30 години образовни реформи! Каде грешиме?“, при што даде свое видување и анализа на успесите и неуспесите на образовните реформи. Последниот панелист, д-р Драгана Костевска, зборуваше на тема „ Тема: Пермутација наспроти диверзификација на можности“, и даде свое рационализирање за еднаквите можности на пазарот на трудот и потенцијалот на младите генерации да се вклучат во тој пазар. Настанот беше организиран во соработка со Шведската алумни мрежа за Западен Балкан (SANWB), со поддршка од Шведскиот Институт (Swedish Institute).

Конзервативниот караван на Институтот „САРИСА“ на трибина во Битола

Тале Кристо — Sat, 23 Jan 2021 09:30:23 +0000

Институтот „Сариса“ денеска со почеток од 13:00 часот во хотел Епинал во Битола ќе одржи јавна дебата под наслов „Традицијата, историјата, конзервативизмот: столбови на државата”. Денешниот настан од таканарачениот Конзервативен караван се случува по терти пат, а претходно институтот „Сариса“ трибини од ваков карактер одржа во Гостивар и Штип. Во иднина како што информираат од институтот вакви трибини ќе бидат и во други градови ширум Република Македонија На трибината во Битола се очекува говорниците ќе се осврнат на политичка филозофија, конзервативна идеологија, управување со државни институции, како и за плановите и програмите на Институтот.

Претставници на институтот „Сариса“ положија свежо цвеќе пред споменикот на основачите на ВМРО

Тале Кристо — Fri, 23 Oct 2020 10:22:19 +0000

Делегација на Институт за конзервативни политики предводена од директорот м-р Сашо Марковски по повод денешниот голем македонски празник, положи свежо цвеќе на споменикот на основачите на ВМРО. Нека ни е честит Денот на македонската револуционерна борба, 23ти Октомври!, велат во нивнта Фејсбук објава. Инаку, институтот за конзервативни политики САРИСА е политички институт чија цел е промоција на конзервативни вредности во Република Македонија и креирање и развој на конзервативни политики. Институтот врши истражувања и анализи, организира обуки и конференции и одржува јавни расправи и дебати, во насока на приближување и елаборација на конзервативната мисла во Република Македонија. https://www.facebook.com/InstituteForConservativePoliticsSARISSA/posts/295497295209796