сарма – Kurir.mk

НАЈДОБРАТА САРМА СО ОРИЗ! Одлично оди со топла проја

Ристе Здравков — Wed, 01 Mar 2023 14:17:38 +0000

Доколку постите, тогаш можете да направите посна сарма со ориз. Уште кога на тоа ќе додадете проја, ќе имате комплетен ручек. Состојки: голема главица кромид 1 голем морков 100 гр ориз 1 голем компир 1/2 корен од целер зачин, црвен пипер мелен лут пипер масло од мелен пипер 1 мала главица лук ловоров лист 1 главица кисела зелка Подготовка: Измијте ја зелката малку, а потоа одвојте ги листовите и извадете го задебелениот корен. На масло пропржете го сечканиот кромид и изренданиот морков. Додадете ги измиениот ориз и целерот и компирот исечкани на коцки. Додадете ги сите зачини, измешајте и завиткајте ја сармата. Наредете во земјен лонец, па додадете ловоров лист и уште малку искршена лута пиперка и масло. Покријте и варете во рерна околу 2 часа. Предобро оди со топла проја.

Посна САРМА со шампињони, вкусна и МРСНА: Сите намирници се здрави, а нема ни да забележите дека не е мрсна!

Ристе Здравков — Thu, 01 Dec 2022 13:53:41 +0000

Имаме феноменален рецепт за посна сарма, совршена за празниците. Ваше е да ја направите и да го пробате со вашите домашни. Ви треба: 20 листови кисела зелка 500 гр печурки 200 гр ориз 5 чешниња црн кромид масло бибер сол Подготовка: Постапката е иста како и за мрсна сарма. Се што треба да направите е да ги пропржите кромидот и морковот, а потоа и печурките. Потоа додадете го измиениот ориз и динстајте додека не се соединат состојките убаво. Добиениот фил свиткајте го во киселата зелка, па варете на тивок оган. Пријатно!

Ништо не ви е СВЕТO: Во Белград се појави БУРЕК со нов вкус, луѓето не можеа да поверуваат што гледаат

Ристе Здравков — Tue, 25 Jan 2022 19:30:30 +0000

Од секогаш постои дилемата дали бурекот е со сирење или со месо. Меѓутоа тоа што го направи една пекара никој не можеше да го поверува. Покрај стандардните понуди на бурек, односно на тие со сирење и со месо, почнале да прават и нудат и други вкусови. Една пекара во Белград на својот излог се пофали со својот нов произвор. Ни помалку ни повеќе направи бурек со сарма.

Dabogda se zaratilo pic.twitter.com/x9GY1wiSMT
— Uros  (@OvoNisamJa__) January 23, 2022

Малку е да се каже дека луѓето останале запрепастени од овој нов произвор, па така некои од нив коментираа: -Тоа се вика пита со купус? Како изгледа? Ако некој јаде нека фотографира. Баш ме интересира како изгледа. - Бурек на срамот би било точниот назив. -Со нетрпение чекам бурек со руска салата.

-Би сакал да видам како изгледа пресечен. -Ништо не ви е свето!

Сакате да направите сарма, но не ви се чека – Еве како да закиселите зелка за 12 часа

Магдалена Андонова — Fri, 19 Nov 2021 15:55:49 +0000

Киселата зелка и сармата се главни на трпезата кога настапуваат студените денови како сега, но и доколку веќе имате ставено зелка во расол, таа не е ни од далеку закиселена и подготвена за конзумирање. Сепак не грижетесе, доколку сакате да направите сарма постои поедноставен начин со кој обичната свежа зелка ќе ја закиселите за само 12 часа. Ова е се што ви е потребно – 1 поголема главица зелка, 3,5 дл. вински оцет, 3 дл. вода, 4 лажички сол, 1 парче леб. Подготовка: Исечете го коренот на зелката, а главицата ставете ја во длабок сад. Истурете 2 лажици сол во шуплината каде што бил коренот и ставете две лажици сол. Прелијте со жешка вода во која ќе го додадете остатокот од солта. Додадете го оцетот, покријте со чинија и оставете да отстои 8 часа. Извадете ја зелката, од неа извадете ги трагите од изронетиот леб и префрлете ја во длабок сад. Исцедете ја течноста, а потоа истурете ја зелката и гответе 10 минути на средна температура, додека течноста не зоврие. Тргнете од оган и оставете да се излади. Извадете ја од тенџерето. Листовите лесно ќе се одвојат и зелката е спремна за сарма.

Освен ајварот, Дуа Липа ги присвои питата, бурекот и сармата како албански традиционални јадења (ВИДЕО)

Ивана Ефремовски — Tue, 28 Jul 2020 13:16:25 +0000

Дуа Липа, која деновиве е главна тема на домашните и регионалните медиуми, заради пропагандата на идејата за „Голема Албанија“ и изјавата дека ајварот е национално албанско јадење, беше гостинка на подкастот „Table Manners“ во април, чиј домаќин беше британската пејачка Џеси Вер и нејзината мајка Хелен. Липа тогаш го промовираше својот втор студиски албум „Future Nostalgia“, а темата на шоуто беше храна, па пејачката зборуваше за храната што ја подготвувала и јадела како дете. Џеси Вер ја праша Липа, која го поминала најголемиот дел од животот во Лондон, кои јадења од детството најмногу и недостасуваат, а кои се дел од традицијата на нејзината земја. -Мајка ми секогаш готви традиционални јадења, како пита. Тоа е јадење со спанаќ, сирење и кори. Многу е вкусно и секогаш ми недостасува кога сум на турнеја. Јас исто така ја сакам сармата, рече Дуа, а Хелен додаде: „Значи, тоа е слично на грчката кујна“, а пејачката продолжи: „Има многу сличности кога станува збор за балканската кујна. Јас исто така го сакам бурекот“. Се чини дека покрај ајвар, Дуа Липа ги смета и питата, бурекот и сармат како албански национални јадења.

Интересен рецепт за празниците: Печени сарми во павлака

Ивана Ефремовски — Thu, 20 Dec 2018 10:39:56 +0000

Малку поинаква подготовка на сарма од кисела зелка.

Потребно е: 1,5 кг мелено месо 250 гр чадена сланина 200 гр ориз 2 главици кромид 20-30 листови кисела зелка 1,5 кг кисела зелка сецкана на ленти 1,5 л павлака за готвење 1,5 лажиче сол 1 лажиче бибер 2 лажичиња мелена црвена пиперка 100 гр свинска маст Подготовка: – Оризот убаво измијте го и сварете го но не сосема во повеќе вода. Исцедете го, измијте го со ладна вода и оставете убаво да се исцеди. – На маст испржете го дитно сецканиот кромид. – Месото измешајте го со исцедениот ориз, додадете ги испржениот кромид, сол, бибер и мелена црвена пиперка. Убаво измешајте за да се соединат сите состојки. – На секој лист од зелка ставете од смесата со месо и замотајте го листот како сарма. – Сланината исечете ја на тенки ленти и наредете ги на дното на подлабока тава за печење со капак. – На сланината распоредете половина од сецканата зелка, а над наредете ги сармите. Одозгора полијте со околу 600 мл павлака за готвење. – Сега повторно ставете еден ред сецкана зелка и посипете со преостанатата павлака. – Поклопете ја тавата со капак и ставете ја во ладна рерна. Вклучете ја рерната на 220 целзиусови степени. Сармата печете ја околу 3 часа, од кои последниот половина час печете ја непокриена за да се запечат. (МИА)

Еве колку време сармата може да стои во фрижидер, а колку во замрзнувач

Ивона Петрова — Sat, 01 Dec 2018 20:39:53 +0000

Речиси и да не постои слава на која не се подготвува сарма, без разлика дали е посна или мрсна. Обично се прави поголема количина, па често се поставува прашањето колку сармата може да стои во обичен фрижидер, а колку во замрзнувач. Според зборовите за нутриционистите, сармите во фрижидер можат да останат свежи до една недела, а во случај да не планирате да ги изедете за ова време, добро решение претставува замрзнувачот во кој може да останат свежи три до четири месеци. -Сармата и воопштво сите јадења од кисела зелка кои се варат со суво месо, како што е подварокот, може долго да стојат ако се чуваат на вистински начин, бидејќи стануваат желе и тоа ги одржува. Во меѓувреме се подгрева само она што мислиле дека ќе се изеде, бидејќи зелката како и се останато со често подгревање ја губи нутритивната вредност. Сармата може да се замрзне и таму да стои до четири месеци. Пред замрзнување, сармата треба да се олади и да се раздели во порција. Кога ќе ја одмрзнувате тоа треба да биде постепено во фрижидер. За напомена, еднаш одмрзната храна не е добро повторно да се замрзнува, објаснуваат нутриционистите.

ФОТО: Синот на Лепа Брена се пофали како се подготвува за куќната слава, младото момче позитивно ќе ве изненади

Ивона Петрова — Tue, 20 Nov 2018 19:05:44 +0000

Синот на Лепа Брена, Виктор Живојиновиќ на социјалните мрежи се пофали како витка сарми за претстојната куќна слава. Тој одлучи на сите да им даде пример и да покаже како придонесува во домот во подготовките за славата Св. Архангел Михаил. -Како и секоја година. Слава, напиша младиот Виктор.