саша богдановиќ – Kurir.mk

Саша Богдановиќ стана татко: Тој и сопругата Јелена добија син на кој му дадоа библиско име

Магдалена Андонова — Mon, 09 May 2022 12:08:58 +0000

Поранешниот градоначалник на Општина Центар, Саша Богдановиќ и неговата сопруга Јелена станаа родители и го добија своето прво дете, синот Лазар. Новопечениот татко во изјава за Фокус.мк истакна дека породувањето поминало во најдобар ред како и дека мајката и бебето се добри. -Јелена се породи во Скопје, во Ремедика. Лазар за прв пат го видов во 11 часот, фала му на Бога се е добро. Околу името, имавме неколку предлози, но за Лазар и двајцата заедно се согласивме. Лазар или Лазарус има хебрејско потекло и значи ,,Господ помогна, истакна Богдановиќ за Фокус. Тој исто така преку Фејсбук објава со народна српска песна му посака добре дојде на својот син Лазар. Инаку, Саша Богдановиќ и Јелена Брауновиќ се венчаа во 2020 година во Манастирот Успение на Пресвета Богородица во Грачаница, Косово.

АНАЛИЗА: Зошто Центар стана полоша општина за живеење изминативе 4 години? (трет дел)

Ивана Ефремовски — Mon, 06 Sep 2021 12:36:14 +0000

Точно 8 километри квадратни е територијата на општина Центар, единица на локална самоуправа која нема суштински инфрастуктурни проблеми како некои рурални општини за да нема време да биде континуирано унапредувана. Во секоја од изминативе 4 години доколку СДСМ-овскиот градоначалник Богдановиќ унапредуваше по само 2 километри квадратни од општината немаше сега постепено секој ден со ранци и торби да ја напушта градоначалничката канцеларија туку ќе се бореше за нов втор мандат. Повеќе од 4 години, СДСМ на Центар им го нуди единствениот реализиран проект, ОУ „Киро Глигоров“ како достигнување на жителите на оваа општина. Но, за да функционира нормално ова ново училиште беа повлечени најдобрите наставници од ОУ „Кочо Рацин“ и ОУ „Димитар Миладинов“ и тамошните дечиња беа оставени без нивните учителки среде воспитниот процес. Токму околу тоа училиште започна најбруталната “без усул”бетонизација на Капиштец долж улиците „Козара“ и „Шарски Одред“ каде уште долги години квалитетот на живот на тамошните жители нема да се подобри од прашината и бучавата. Клучниот проект во делот на транспортот и инфраструктурата на Богдановиќ во неговата програма беше: ЗАПИРАЊЕ НА НЕКОНТРОЛИРАНИТЕ ГРАДЕЖНИ АКТИВНОСТИ. Не постои ни најмал дожд во Центар од кој не се поплавува улицата „Рилски Конгрес“ на Водно, жителите повеќе од 20 пати реагирале после секоја поплава и повторно немало разбирање од никого во општината иако Богдановиќ јавно им вети дека ќе се обнови атмосферската канализација. Дури ни реализацијата на наједноставните проекти ветени од Заев и Богдановиќ во Центар не се реализирани, како оние за поставување мерни станици за звучност и бучава во Капиштец, каде сега звучноста од кафулињата директно заштитени од нивни комунални директори од градот Скопје е двојно зголемена. Реконструкцијата на Езерце во Градски Парк остана на ниво на графички приказ од страна и на Богдановиќ и на Заев и на Жерновски. Круната на лагите на Заев и Богдановиќ во Центар беше проектот отворено кино на паркингот спроти хотелот Холдеј Ин! Таму денес наместо кино и паркинг ќе никнат облакодери за кои толку невешто и толку проѕирно Богдановиќ се обидуваше да се апстрахира иако не ги искористи сите правни алатки кои му стоеја на располагање да ја спречи таа мега бетонизација на Центар. Позади секој неуспешен и некандидран градоначалник на СДСМ стои неспособноста на Зоран Заев кој како премиер не можел да помогне во реализацијата ни на 30% од ветените проекти на граѓаните насекаде низ државата, а особено во Центар.

АНАЛИЗА: Зошто Центар стана полоша општина за живеење изминативе 4 години? (втор дел)

Ивана Ефремовски — Thu, 02 Sep 2021 16:16:14 +0000

Анализата за стагнацијата и уназадувањето на квалитетот на животот за граѓаните во општина Центар продолжува со состојбата во скопската населба Пролет. Дечињата од оваа населба немаат градинка на овој дел од општината, па мораат да бидат носени во околните населби или во соседните Аеродром и Кисела Вода. Иако пред повеќе од една година актуелниот градоначалник бомбастично најави изградба на детска градинка од соништата, на јаве ситуацијата е сосема поинаква. Градинка нема. Едно од најголемите политичко-правни измами во историјата на локалната власт во Македонија беше и таканаречениот мораториум за градење во Центар со кој сепак, на одредени субјекти, им беше оставено да градат. Деновиве дел од лицата и јавно проговорија дека биле предмет на уцени и им биле барани пари од актуелниот градоначалник, но како и за сите сомнежи за корупција на актуелната власт, обвинителството по обичај си молчи. Круната на лагите на Богдановиќ е изградбата на новиот спортски храм на КК Работнички, најтрофејниот македонски кошаркарски клуб. Повторно како и Шилегов, Богдановиќ излегуваше во јавноста со графички прикази како ќе изгледа новата сала, а во реалноста на постоечката сала и падна кровот па така КК Работнички сега тренира и се натпреварува во салата Кале. Клубот ова го доживува во време кога Богдановиќ кој себеси се декларира како страстен навивач на Работнички да биде принуден поради неговата неспособност да не настапува на својата препознатлива локација во Градскиот Парк. Продолжува...

Стојаноски: Шилегов да каже дали зад одобрувањето на изградбата на висококатниците кај Холидеј Ин се крие поддршката на Заев за втор мандат?

Магдалена Андонова — Mon, 19 Jul 2021 11:49:17 +0000

Со месеци институциите Општина Центар, Град Скопје и министерството за транспорт и врски молчат и не реагираат во однос на висококатниците кои треба да никнат тука на над 13.000 м2. Наместо да ги послушаат граѓаните, институциите водени од Шилегов, Богдановиќ и Бочварски си ја префрлаат вината. Шилегов и Богдановиќ пред да дојдат на власт ветуваа ревидирање на сите детални урбанистички планови, воведуваа лажни мораториуми, за на крај да извршат невидена бетонизација на центарот на градот, во непосредна близина на реката Вардар, изјави на денешната прес конференција, Бојан Стојаноски, пратеник од редовите на ВМРО-ДПМНЕ. Тој посочи дека не само што СДСМ и институциите водени од нивни кадри ја одмолчуваат бетонизацијата на Центар, туку и директно ја овозможија. - Имено од 4.000 м2 површина која ја имале првично купено инвеститорите, СДСМ овозможи да докупат уште 9.000 м2 и тоа градежната парцела да го опфати буквално целиот регион на Ново Маало. Иако лажеа дека нема да дозволат бетонизација, на крај и Општина Центар и Град Скопје ги издадоа сите потребни дозволи за градба. Бетонизацијата е спроведувана директно од Шилегов, кој сега од Заев е награден со кандидатура за втор мандат за градоначалник на Град Скопје. Покрај тоа што Шилегов е неспособен како Заев, и спроведува тендери каде фирмите добитници книжат двојно повеќе пари од тоа што за истите работи плаќаат други општини и градови во регионот, дали Шилегов си ја заработил втората кандидатура со одобрување на висококатниците спроти Холидеј Ин, праша Стојаноски. Тој го повика Шилегов да излезе и да каже, дали зад одмолчувањето и одобрување на градбата на висококатниците кај Холидеј Ин се крие поддршката за втората кандидатура од СДСМ? За чии интереси работи Петре Шилегов? - Време е за отвореност и транспарентност. Шилегов да одговори, неговата работа треба да биде пред се за граѓаните. Но тој не успеа да се издигне над партијата. Време е тој да си замине, а со него и сите лажни ветувања и неработа. Време е за Македонија за сите луѓе, додаде Стојаноски.

Богдановиќ: Останувам на ставот дека одлуката на Советот на општината беше најисправна

Катерина Бојаџиева — Wed, 16 Jun 2021 18:24:31 +0000

Градоначалникот на Општина Центар, Саша Богдановиќ попладнево изјави дека со добиеното мислење од Министерството за транспорт и врски излегува дека тврдењата на општината се неоправдани, но оти како општина ќе се потрудат со сите законски можности што им се на располагање, да ја спроведат политиката што ја наметаа и за другите донесени планови. – Согласно овие мислења што ги добиваме на некој начин нашите тврдења излегува дека не се оправдани. Нашето мислење го искажавме со елаборати, но во законот пишува дека треба да добиете мислење од Министерството за транспорт и врски. Нормално за ова одлучува донесувачот на планот, а тоа е Советот на општина Центар. Општина Центар ќе се потруди со сите законски можности, колку што може повеќе, да ја спроведува својата политика што ја има наметната и во изминатите донесени планови, рече Богдановиќ во централниот дневник на телевизија „Сител“. Нагласи дека останува на ставот оти одлуката на Советот на општината била најисправна, но оти овој пат, како што рече, за жал, зависни се од други институции. За сечењето на дрворедот на улицата „Орце Николов“ за што имаше реакции и од граѓаните и од невладините организации, Богдановиќ рече дека дрворедот ќе биде зачуван, а на оние места каде се исечени старите и шупливи дрва, ќе бидат засадени дрва од истиот вид. – Нормално е кога реконструирате улица, кога има стари дрва, да ги замените. Ја разбирам реакцијата на граѓаните, но мора да сфатиме дека некогаш мора да го обновуваме зеленилото, рече Богдановиќ, додавајќи дека 15 години имало дописи од граѓани кои живеат на тој потег дека имаат штета од скршени гранки. Планот е, како што посочи, улицата да се прошири за пешаци и велосипеди, а жителите да добијат резидентен паркинг.

Митева: Шилегов и Богдановиќ го уништуваат зеленилото во Скопје, зачувувањето на животната средина за нив е само збор кој се користи во предизборна кампања

Ивана Ефремовски — Fri, 11 Jun 2021 11:56:51 +0000

Оваа тажна слика позади мене е улицата Орце Николов која Богдановиќ и Шилегов вчера ја уништија. А ветија дека нема да го сторат тоа. Пред точно еден месец градските власти, Шилегов и Богдановиќ заедно со Заев на прес конференција токму од оваа локација ветуваа реконструкција на улицата без притоа да ги информираат граѓаните дека планираат да го сечат дрворедот. Напротив, им ветија на граѓаните дека нема да го сторат тоа, посочува Марија Митева, портпарол на ВМРО-ДПМНЕ. -Изминативе три години неколку пати ја раскопуваа оваа улица за на крај да резултира со уништување на зеленилото. Можеби за 30 години повторно ќе ја видиме Орце Николов во светло каква што беше до вчера. Нивните говори се полни со приказни за зелено, урбано Скопје, но делата на Шилегов и Богдановиќ се доказ дека тоа е само уште една лага во низата. Ова е доказ дека владеете со злоупотреба на довербата, а граѓаните нема да ви го заборават ова самоволие. Животна средина не е само збор кој се користи во предизборна кампања, тоа е начин на делување кој за Шилегов и Богдановиќ е непознат. Револтот кој го создадовте ќе биде ваша слабост на изборите, истакна таа. Митева им порача на градоначалниците на СДСМ дека најдоброто за нашите општини е што поскоро да заминат. -А најлошото е вашиот печат. Излезната врата ќе ви биде покажана за неколку месеци од денес, посочи таа.

Богдановиќ откри зошто во Центар се сечат дрва

Ивана Ефремовски — Fri, 11 Jun 2021 11:25:54 +0000

Во дрворедот на улицата „Орце Николов“ во Општина Центар има 171 дрво, а решение има за отстранување на 13 заболени дрва. Вчера беа отстранети осум, а на истото место ќе бидат засадени нови, информира денеска градоначалникот на Општината, Саша Богдановиќ. Градоначалникот во одговор на новинарско прашање по вчерашната реакција за отстранувањето на дрва при реконструкцијата на улицата „Орце Николов“, посочи дека „нема да фали ниту едно дрво на местата каде што ќе бидат исечени“. Тој посочи дека отстранетите дрва се стари, суви и без корени, а самите граѓани се чувствувале загрозено. – Ние кога најавивме, најавивме дека нема да фали ниту едно дрва на местата каде што се засадени. Ако е утврдено дека дрвото е старо и суво, секако дека ќе биде заменето. Луѓето реагираат при било каква промена и сеча и овие дрва се опасни. При најмал дожд или реконструкција на улицата, може да направат проблем, додаде Богдановиќ. Како што појасни, дрворедот ќе биде обновен. Посочи дека дел од тие дрва кои вчера беа исечени воопшто немале корени и само требало посилен дожд за некој да настрада. Додаде дека самите луѓе кои живеат во тие згради се чувствувале загрозено од гранките и се јавувале кај нив. – Тој дрворед не е третиран со децении. Како што ќе оди реконструкцијата, се што е опасно дрво ќе биде заменето. Отстрануваме болно, старо и исушено дрво. Прво се реакциите од граѓаните, па ние реагираме до Град Скопје и потоа се прави проценка и се отстрануваат дрвата, појаснува Богдановиќ. Градоначалникот појасни дека денеска има екипа на терен, каде што се прават подготовки за засадување на нови дрва. – Јас знам дека граѓаните реагираат на каква било промена во врска со сечата на дрва и зеленило, но да дополнам дека на улицата „Орце Николов“, имаше шупливи дрја, а тие што изгледаат наводно здрави на фотографиите, немаат корени. Дрво без корен е ризично. додаде Богдановиќ. (МИА)

Митева: Шилегов и Богдановиќ го уништуваат Скопје, исечен е дрворедот на улицата Орце Николов

Магдалена Андонова — Thu, 10 Jun 2021 11:26:25 +0000

Драги Скопјани, денес сме сведоци на масакар на улицата Орце Николов во центарот на Скопје. Петре Шилегов и Саша Богдановиќ продолжуваат да го уништуваат Скопје. Решија да го уништат и еден од најубавите дрвореди во Скопје, со срамно образложение дека дрвата биле стари и болни. Не работат ништо, напротив само уништуваат. Ова е вистинското лице на Шилегов и Богдановиќ, ова е нивната поинаква приказна за Скопје, изјави на денешната прес конференција, Марија Митева портпарол на ВМРО-ДПМНЕ. - Шилегов, Саша Богдановиќ и Заев на 15 Мај имаа прес конференција на улицата Орце Николов за некаква реконструкција на само еден крак од улицата, зборуваа за некаква нивна заложба за поубаво и поурбано Скопје, а еве после неполн месец од таа нивна прес-конференција денес скопјани се вознемирија од глетката. Погледнете ги фотографиите позади мене, отстранети се 13 дрва. Граѓаните добија ветување од градските власти дека нема да биде исечено ниту едно дрво. Но, еве го резултатот од нивните ветувања, посочи таа. - Дали староста и пропаѓањето на дрвјата ја “откривате“ баш тогаш кога вршите реконструкции или проширувања на улици? Ова јасно покажува дека Богдановиќ и Шилегов немаат долгорочен план на одржливост, ниту знаење или свест за тоа што значи концептот одржлив град. А најдоброто за нашите општини е што поскоро да заминете. Доста е! Скопје заслужува подобро, додаде Митева.

ОК ВМРО-ДПМНЕ ЦЕНТАР: Каде е Кулата за прочистување на воздухот која ја ветуваше Саша Богдановиќ ?

Магдалена Андонова — Wed, 09 Jun 2021 11:17:05 +0000

Уште едно во низата лажни ветувања на Градоначалникот на Општина Центар Саша Богдановиќ е и Кулата за прочистување на воздух која ја ветуваше во неговата изборна програма, стои во соопштението на ОК ВМРО-ДПМНЕ ЦЕНТАР. - Спектакуларно најавуваната Кула за прочистување на воздухот беше најавена како револуционерен проект во 2017-та година по пример на големите светски метрополи која би требало да прочистува 30.000 м3 воздух и со тоа воздухот во Општина Центар да се прочисти за 70-75%. Ова ветување од денешна гледна точка изгледа како научна фантастика, а Градоначалникот не само што го вети и не го реализираше туку не успеа ниту во еден сегмент од неговиот четиригодишен мандат да го подигне квалитетот на живот во Општина Центар, велат од Општинскиот комитет на ВМРО-ДПМНЕ во Центар. - Единствено што успеа Саша Богдановиќ да направи е една иста улица да ја асвалтира по два до три пати , и пред камерите да се жали дека некој друг е крив за неговата неспособност. Време е за промени во Општина Центар, промени кои ќе го вратат Центар во полн сјај како најубава Општина во Градот Скопје, додаваат тие.

„Богдановиќ го преспа цел мандат, па пред избори најавува куп проекти“ – реагираат од ВМРО-ДПМНЕ

Ивана Ефремовски — Tue, 18 May 2021 13:07:12 +0000

Градоначалникот Саша Богдановиќ во последниот период се пуштил на најјако. Откако речиси го преспа целиот мандат во последните 20 дена најави еден куп проекти, реагираат од ВМРО-ДПМНЕ Центар. -Така Богдановиќ распиша реконструкција на фасади, набавка на 3 специјални возила за комунални работи, и градежна офанзива на дури 14 улици. Иако во целиот мандат не успеа ништо од ова да изреализира, затоа на 5 месеци од локалните избори решен е да се фати за работа. Во меѓувреме почна со реконструкција на Орце Николов, а најави реконструкција на Ленинова ( од клуб на пратеници ) до Зегин и Народен Фронт, велат од партијата. Тие порачуваат: „Градоначалникот Богдановиќ е влезен во тежок популизам, а центарци се доволно паметени и мудри да го препознаат и казнат ова“.