саша поповиќ – Kurir.mk

Рада Манојловиќ немала што да облече, еве каква помош добила од Саша Поповиќ

Ивана Ефремовски — Sat, 21 Oct 2023 16:33:03 +0000

Креативниот директор на „Гранд“, Саша Поповиќ е задолжен за кариерите на многу пејачи, а сега откри непознати детали за пејачката Рада Манојловиќ која се прослави благодарение на „Ѕвездите на Гранд“. Поповиќ сега ја коментираше Манојловиќ и нејзината кариера. Имено, Саша и неговата сопруга Сузана многу и помогнале на Рада на почетокот на кариерата. Таа потекнува од сиромашно семејство и буквално немала што да облече за настапите кои ги имала закажано. -По финалето дојдоа кај мене и Сузана отиде во трговски центар, купи се од гардероба, чевли, ова и она, носеше се, Рада тогаш немаше ништо. Но, Рада е благодарна, а тоа го кажа и во емисија, што ни се заблагодарува и на мене и на Сузана што бевме толку смирени кон неа и што и помогнавме во време кога не можеше да си дозволи, откри Саша.

ВАКВА ДРАМА НЕМАЛО НИТУ СО КАРЛЕУША – Саша Поповиќ и кажа на Цеца да си оди дома, таа си ги собра парталите и излета од студиото! (ФОТО)

Дарко Андоновски — Wed, 18 Oct 2023 07:56:11 +0000

Саша Поповиќ и Цеца Ражнатовиќ жестоко се скараа во емисијата „Ѕвездите на гранд“, па тој на шега ја испрати Цеца дома, по што таа веднаш го напушти студиото. Имено во емисијата „Ѕвездите на гранд“ се уште е турбулентно кога се во прашање членовите на жирито и нивните ставови околу кандидатите. Прво Вики Миљковиќ му замери на Саша Поповиќ бидејќи тој не и дава доволно време како би го изнела својот коментар. -Мене воопшто не ми се доволни 30 секунди, веднаш да ти кажам. Таман ќе почнам да зборам, ти го притискаш тастерот, вели Вики, а потоа Поповиќ ја праша што точно сака да каже. Веднаш потоа се случи и несекојдневна ситуација помеѓу Поповиќ и Ражнатовиќ, а сето тоа поради кандидат за кои Цеца имала критика, а меѓу другото и за неговиот стајлинг – поточно премалото сако на него. -Добро Светлана можеш да станеш и да му го извлечеш сакото, изјавил Поповиќ, не мислејќи дека таа навистина ќе стане и ќе го направи тоа. „Мислиш дека нема?“, стана Цеца и тргна на пат кон сцената, потоа Саша добронамерно и порача да не се нервира околу кандидатите и гласањето. -Иди дома, како ти се вика оној сладок?, продолжил Поповиќ, а пејачката бурно изреагира. -Довидување, никаков проблем, одам јас, рече Цеца и си ги собра работите и го напушти студиото, а Саша ја молеше да се врати.

Со помош на оваа диета Саша Поповиќ ослабел пет килограми за само две недели – ова дневно мени уште од денес ќе започнете да го применувате

Дарко Андоновски — Mon, 16 Oct 2023 10:06:37 +0000

Директорот на Гранд продукција Саша Поповиќ наскоро влегува во осмата деценија од животот, но и без обѕир на тоа се уште е витален, а килограмите во овој момент ги доведе во совршенство. Како што во една прилика открил за српските медиуми во текот на зимото јаде се, но кога ќе започне пролетта се придружува до посебен начин на исхрана со кој успеал да ослаби дури пет килограми за само две недели. Својот план на исхрана не го крие и говори јавно, па така сега можат да го применуваат сите кои сакаат да ослабат во иднина. Имено тој го прескокнува појадокот, а наутро пие кафе без млеко, додека за ручек комбинира шницла, пилешко или риба, а за вечера салата и месо, или пак јајца со јогурт и овошје. -Во лето секогаш сум фит бидејќи со првото сонце сум во Опатија. Секојдневно пливам, играм тенис, пинг – понг, јадам многу овошје , салати зачинети со масло и риба. И тоа не затоа што внимавам, туку на море тешка храна и мрсна не ми одговара. Со самото тоа проблемот не е во слабеењето, тоа само си доаѓа, открива Поповиќ. Тој на крајот додава дека мора да се јаде умерено за да се одржува линијата.

Саша Поповиќ откри колкава му е пензијата

Ристе Здравков — Mon, 02 Oct 2023 10:16:36 +0000

Саша Поповиќ откри колкава му е пензијата, а Драган Стојковиќ Босанац дека редовно користи јавен превоз. – Дали си зеде бесплатен билет за јавен превоз? Знам дека имаш Мерцедес што троши 20 литри, па не ти се исплати да го возиш низ Белград – рече Поповиќ. – Јас сум пензионер и се гордеам со мојата пензија, но ги поддржувам сите правила кои владеат во оваа држава. Си имам свој билет со кој се возам низ Белград бесплатно. Лесно ти е тебе кога не живееш од пензија, му возврати Босанац. – Како не живеам од пензија? Пензијата ми е најслаткото нешто – му одговори Саша. – Лесно ти е тебе кога земаш пензија од илјада евра – додаде Босанац. – Моментно имам 880 евра, откри Поповиќ во „Ѕвезде Гранда“.

Очи во очи по 9 години: Конечно се сретнаа Тијана и Саша Поповиќ – имал силна порака за неа

Ивана Ефремовски — Tue, 26 Sep 2023 21:00:20 +0000

„Ѕвездите на Гранд“ продуцираше бројни популарни пејачки, меѓу кои и Тијана Милентијевиќ. Веќе извесно време таа не е во продукција „Гранд“ каде беше на аудиција во 2013 година, туку во друга продукција, а голем успех направи со хит-синглот „Жена од султана“. Неколку години по истекот на нивниот договор, Тијана сега конечно го сретна Саша Поповиќ, во зградата на ТВ Пинк, а потоа опишала како била нивната средба. -Поминаа девет години од натпреварот. Денеска се сретнавме во Пинк. Многу новинари ме прашаа дали ми честитал за успехот, денес и официјално. Ме поддржа во се што правам и ми рече да продолжам и да притискам уште повеќе, напишала младата пејачка на својот Инстаграм профил.

„После тешка борба почина во болница“ – Поповиќ проговори за најтешките денови во животот

Ристе Здравков — Fri, 21 Jul 2023 17:07:41 +0000

Саша Поповиќ е еден од ретките кој приватниот живот го чува подалеку од очите на медиумите. Со пејачката Сузана Јовановиќ е во брак од 1988 година, а двајцата важат за еден од најхармоничните парови на јавната сцена. Во едно интервју, Поповиќ откри со какви деловни предизвици се соочил. – Пораснав во добро, нормално и здраво свештеничко семејство и од мал имав се што сакам. Во златните години на Лепа Брена и „Слатки Греха“ заработувавме одлично, но парите што ги заштедив ги вложив во банката на покојната Дафина Милановиќ и, како и повеќето штедачи, го загубив капиталот. Во мојот случај, познатата поговорка можеше да гласи: „Да имаш, па да немаш, па пак да имаш“ затоа што неколку години потоа ја основав „Гранд продукција“ со Брена и Боба Живојиновиќ, раскажа во едно Поповиќ чиј живот го одбележа и една голема трагедија. – Имав 24 години кога татко ми загина во сообраќајна несреќа во 1978 година. На автопатот, пред излезот за Рума, во неговиот автомобил удрил „мерцедес“ со загребска регистрација. Кога мајка ми ме разбуди и ми кажа што се случило, бев како хипнотизиран. По болна борба за живот, тој почина во болница. И денеска не знам дали возачот кој го уби заврши во затвор, изјави Саша за медиумите и додаде колку тоа искуство го променило. – Да се изгуби родител е многу тешко искуство. Кога беше жив, се сеќавам дека секогаш ме нервираше се што зборуваше татко ми. По неговата смрт, секогаш кога носев некоја важна одлука, размислував како ќе се поставеше тој во таа ситуација, изјавил Поповиќ. Фото: Принтскрин/Антонио Ахел/Ата Имаџес

ПОБЕДНИЧКАТА НА „ГРАНД“ СЕДНА ВО ПОДАРЕНИОТ АВТОМОБИЛ – од тоа што и го порача Саша Поповиќ кога ќе се врати со него во Струмица се смееја сите (ФОТО)

Дарко Андоновски — Tue, 27 Jun 2023 11:30:27 +0000

Саша Поповиќ ги додели клучевите од автомобилот Фиат ТИПО на нашата Славица Ангелова која победи во „Ѕвездите на гранд“ за сезоната 2022/23. Креативниот директор на „Гранд“ продукција доделувањето на клучевите го направи во склоп на комплексот кој го гради на Бежаниска коса каде и живее. -Ух кога ќе се појавиш во Струмица со овој автомобил, а сите знаат дека си го добила откако победи во „Ѕвездите на гранд“, тоа ќе биде шоу, вели Поповиќ. Нашата Славица на Саша му потврди дека има возачка дозвола и знае да вози автомобил. -Ова ти е полесно да стигнеш кога би имала обврски кон „Гранд“, кажа Ѓорѓе Давид. Саша Поповиќ додаде дека е горд поради тоа што победила на поштен начин и заслужено го добила овој автомобил. -Кариерата ќе ја гради и во Македонија и во Србија, ќе добие песна, спот, ќе гостува во сите наши емисии. Веруваме дека многу повеќе шанси има во Македонија, бидејќи е прва нивна победничка во ова шоу, но секако ќе се трудиме да ја туркаме и во БиХ, Србија и Црна Гора, вели Саша. За потсетување Славица во финалето победи освојувајќи 88.367 гласа, а нејзин ментор беше Ѓорѓе Давид.

Foto: Nikola Tomić/TELEGRAF.RS

Вратата на Гранд за него е затворена: Саша Поповиќ со нови детали за скандалот, ја советува Снежана да го тужи кандидатот

Ивана Ефремовски — Mon, 20 Feb 2023 15:05:58 +0000

Душан Вукадиновиќ од Подгорица, кандидат во „Ѕвездите на Гранд“, по дебаклот и елиминацијата во третиот круг, ја обвини својата менторка Снежана Ѓуришиќ дека му барала пари за да продолжи понатаму, што сите од Гранд го негираа. Саша Поповиќ во една емисија ги разјасни деталите за овој скандал. -Дамката нема да остане во Гранд, бидејќи тоа апсолутно не е точно. Да не беше смешно, ќе беше тажно. Снежана Ѓуришиќ е 10 години во жирито. Да ја обвини некој дека бара пари за дечко да помине е таква глупост. Снежана ми се јави веднаш по првиот објавен текст, моментално е во Италија и ќе дојде во сабота. Таа најверојатно ќе дојде на гости во текот на следната недела, но таа е во таков шок и неверување. Ме праша дали е можно такви луѓе да измислуваат такви работи. Ова е прв пат по 20 години некој да каже дека член на жирито бара пари за да продолжи понатаму, рече Поповиќ. Неговото учество започна на аудиција во Подгорица. -Тоа момче беше на аудиција во Подгорица и го пуштив на самото натпреварување бидејќи мислев дека е добро. Иако баш сега го гледав тоа видео од аудицијата во Подгорица каде постојано му се заглавуваше во грло додека пееше. Тогаш го прашав што не е во ред со твојот глас, Душан? Ми кажа дека е болен од пред 3 дена и му кажав дека е добро и дека оди на натпревар. Дојде првиот круг и доби 5 гласа, ја избра Цеца. Цеца се откажа од него и рече дека го поддржува, но дека некој друг подобро ќе го подготви. Ја избра Снежана, која со задоволство го прифати Душан, истакна тој. Првиот скандал бил за време на пробата. -Душан изјави дека на пробите му го исклучувавме микрофонот и како да свиревме преку тој микрофон за да не може да пее. Пробата ја работи целокупното техничко раководство на Гранд, присуствуваа 50 луѓе. Не бев на тие проби, но целосно го проверив случајот. Ги прашавме сите и сите го кажаа истото. Микрофонот беше отворен за него како и за кандидатот кој се натпреваруваше со него. Сепак, тој не можеше да пее. Снежана тогаш, колку што слушнав, му рекла: „Здраво Душане, собери се и пеј како што вежбавме“. Тој рекол дека не може да пее. После тоа Снежана и се јавила на мајка му и рекла да работат со Душан да биде посериозен, но мајката рекла дека го караат, но тој не слушал. Душан е добар пејач и има потенцијал, но не знам што се случи тогаш, изјавил тој. За него, ова е клевета без покритие. -Јас да сум на местото на Снежана ќе ги тужам и ќе победам на суд сигурно. Јас влијаам кој ќе биде елиминиран. Но, понекогаш се случува и јас после емисијата да седнам и да се запрашам, кога ја гледам емисијата, дали тоа беше вистинската одлука. Затоа секогаш оставам простор за враќање на такви кандидати. Што се однесува до ова момче, навистина постоеше шанса да се врати, особено откако ме праша Снежана после емисијата. Сепак, откако мајката го кажа ова, нема можност тој да се врати на натпреварувањето. Ова е циркус, рече Поповиќ.

Саша Поповиќ итно опериран, еве што се случува со шефот на „Ѕвездите на Гранд“

Ивана Ефремовски — Mon, 23 Jan 2023 10:42:42 +0000

Креативниот директор на „Ѕвездите на Гранд“ Саша Поповиќ неодамна имал итна операција, по која добро закрепна, а сега продолжи со работа и снимање. Поповиќ потврди дека го оперирал жолчното кесе, а лекарите му советувале итна интервенција по прегледот: -Имав операција на жолчното кесе. Направив магнетна резонанца и потоа видоа дека морам да оперирам, па веднаш го направив тоа, па што се однесува до тоа сега се е во ред, изјави Саша за медиумите и додаде дека сега се е во најдобар ред: -Така е, штом можам да работам, се е како што треба. Одев на тие прегледи како превентивна мерка и едноставно правев се што ме советуваа лекарите, додаде Поповиќ. Саша, кој се пензионираше во 2019 година, сè уште работи во „Гранд“ како креативен директор, а всушност е шеф на „Ѕвездите на Гранд“. Иако може да ужива во благодетите на пензионерскиот живот, Поповиќ вели дека се обидел, но не успеал.

Многумина мислеа дека се скарале, а сега Тања Савиќ ја откри вистината за односот со Саша Поповиќ

Ивана Ефремовски — Sat, 31 Dec 2022 17:28:08 +0000

Веќе подолго време се шпекулира за врската на Тања Савиќ и Саша Поповиќ, а пејачката сега решила да ја разреши дилемата. Таа откри дека двајцата не се гледаат и не se слушаат, но имаат одлично мислење еден за друг. -За жал, изгубивме контакт. Секој тргна по својот пат. Тој човек има свои обврски, рече Тања и додаде: „Инаку, ја следам неговата работа, кога и да ми го спомне името во интервју, многу сум горда, бидејќи гледам дека сум му муза од „Ѕвездите на Гранд“ и се радувам поради тоа. Секогаш ме става на прво место. Тој е еден од луѓето кои го создадоа моето име“.