Саша Везенков – Kurir.mk

Везенков ја доби наградата „Алфонсо Форд“, Мадар е „Ѕвездата во подем“

Бошко Тасиќ — Sat, 13 May 2023 04:33:28 +0000

Саша Везенков од Олимпијакос ја доби наградата „Алфонсо Форд“ за најдобар стрелец во Евролигата, а на Јам Мадар му припадна признанието „Ѕвезда во подем“. Бугаринот во регуларниот дел од Евролигата на 38. одиграни натпревари имаше просек од 17,24 поени. Везенков му помогна на Олимпијакос да го освои првото место во регуларниот дел од сезоната, а потоа и да се пласира на завршниот турнир во Каунас. Везенков, во регуларниот дел од сезоната имаше најголем индекс на корисност, што значи дека ќе ја добие и МВП наградата. Тренерите на сите екипи од Евролигата го избраа плејмејкерот на Партизан, Јам Мадар за „Ѕвезда во подем“. Израелецот сезоната зад нас имаше просек од 5,8 поени по натпревар, на 10 натпревари постигнуваше двоцифрен број на поени. Во текот на сезоната Мадар, забележа вкупно 60 асистенции и 23 украдени топки. Наградата „Ѕвезда во подем“ на Евролигата се доделува на играчи кои не наполниле 22 години до 1 јули 2022 година. Мадар го прослави 22. роденден во декември 2022 година.

Везенков од наредната сезона во НБА?

Бошко Тасиќ — Sat, 18 Mar 2023 16:57:40 +0000

Претставниците на Сакраменто ќе бидат присутни во „ОАКА арената“ за време на грчкото дерби. Челните луѓе на франшизата од Калифорнија во живо ќе го гледаат Саша Везенков. Генералниот директор на „Кралевите“ Монте Мекнер и потпретседателот Фил Џабур ќе бидат на натпреварот помеѓу Панатинаикос и Олимпијакос оваа недела за од прва рака да ги видат квалитетите на бугарскиот интернационалец. Веста прв ја објави грчкиот новинар Сортирис Ветакис, кој додаде дека Џабур ќе остане подолго во Грција и ќе присуствува на натпреварот меѓу Лаврио и тимот од Пиреја во вторник. Претходно и помошниот тренер Џеј Триано го гледаше Бугаринот во финалето од Купот на Грција. Везенков беше прогласен за најкорисен играч.

Саша Везенков останува во Олимпијакос до 2025 година

Бошко Тасиќ — Tue, 03 Jan 2023 05:50:21 +0000

Екипата на Олимпијакос заврши голема работа и го обезбеди потписот на Саша Везенков и за иднината. Најдобриот играч останува во екипата до 2025 година, потврдено е од клубот од Пиреја. Везенков игра во сјајна форма и важи за еден од најдобрите играчи во кошаркарската Евролига. Играчот кој е прв по индекс-поените во Евролигата, оваа сезона во просек во дресот на Олимпијакос бележи 19,2 поени по меч, со уште 7,2 скока и две асистенции.