сашко јовев – Kurir.mk

Јовев за КУРИР открива детали за скандалот на Кардиохирургија: Секој ден сум жртва на мобинг, не сум нападнал никого!

Ивана Ефремовски — Mon, 18 Sep 2023 15:59:19 +0000

Поранешниот директор на Клиниката за кардиохирургија, Сашко Јовев, по скандалозното разрешување од функцијата, продолжува да трпи притисок и мобинг, но и лажно да биде обвинуван. МВР денес информира дека сегашниот директор на клиниката, Марјан Шокаровски, бил физички нападнат од вработен во установата со иницијали С.Ј. КУРИР стапи во контакт со Јовев кој раскажа детали за немилиот настан. Вели дека тој физички не нападнал никој, не започнал прв ниту вербален конфликт. Згора на се, не бил тој прв пријавен за напад, туку настанот сам го пријавил во полиција. -Постојано сум под мобинг. Денес мене вербално ме нападна директорот на клиниката. Ми беше прв ден на работа после боледување. Дојдов, се поздравив со сите колеги, јас со сите сум во добри односи. Ме чекаа 17 пациенти. Директорот мене вербално ме нападна, се однесуваше недолично и не ми дозволи да одам во амбуланта. Ми се обрати со зборовите „Ти пред мене“, „Доаѓај ваму, пред мене“... Јас на тоа вребално му вратив. Му реков да не се однесува така со мене, кој сум постар и реков „Да не ти се случи друг пат ова“. Пријавив дека сум вербално нападнат. Ниту тој ме удри мене, ниту јас него. Под постојан вербален напад сум и трпам мобинг, затоа отидов да пријавам. Тој се закануваше со полиција, јас знаев што сака да направи и затоа сам пријавив, истакна Јовев за КУРИР. Овој настан е само капка која ја прелила чашата. Јовев долг период трпел неправди и стресови на работното место. Се сомнева дека зад сево ова стои нечија жела тој да замине од клиниката. -Веројатно сакаат да си одам од клиника, можеби претставувам „опасност“ па сакаат да ме тргнат. Знам за се што се случува. Директорот има поддршка од некој, од тој некој што ме сменил мене од работното место. Ова е монтажа и сакаат да ме натераат да си одам. Процесот со моето разрешување не е завршен, знаат дека е можно да се вратам, истакна Јовев. Од голем стрес, Јовев не е во добра здравствена состојба. Денес бил и на прегледи на Кардиологија.

Јовев: Кардиохирургија ќе остане функционална како досега, за разрешувањето ќе одлучува правниот тим

Дарко Андоновски — Sat, 10 Jun 2023 18:17:21 +0000

Кардиохирургот д-р Сашко Јовев изјави дека и по неговото разрешување од директорската функција на државната Кардиохирургија, клиниката останува функционална и дека со тимот се договорил засега да останат во служба на граѓаните за, како што рече, да не прават поголеми проблеми. -Решивме клиниката сега засега да функционира како и досега. Се договоривме меѓу нас дека ќе останеме во служба на граѓаните, дека не треба да правиме поголеми проблеми и се договоривме тоа да оди понатаму, ќе видиме како ќе се развива, рече д-р Јовев во гостување во Дневникот на ТВ Сител. За разговорот што го имал со министерот за здравство Фатмир Меџити рече бил краток, но не докрај конструктивен зашто не нашле решение во врска со разрешувањето. Кои ќе бидат неговите следни чекори, рече дека со правниот тим ќе одлучат викендов. -Има моменти кога одиме агресивно, има моменти кога гледаме што побенигно да ја решиме ситуацијата. Тоа ќе го решат правниците, затоа што тоа е нивна работа. Иако како хирург сум борбен и нашата клиника е единствена и се бори и напредува, мислам дека имаше доста недоречености и недоразбирања и не сакам, како што се вели да одиме на нож, туку да го решиме проблемот како што треба, рече д-р Јовев. Од приватна здравствена установа во моментов нема понуда за работа, но добил понуди од две клиники надвор од државата од луѓе кои, рече, му се многу блиски и кои „гледаат и знаат што се случува“. На прашањето какви би биле последиците ако тој замине од Клиниката за кардиохирургија, одговори дека има развиен функционален тим, но дека, сепак, тој е на некој начин главната врска во тој тим. -Не дека не ќе можат да функционираат, но нема да биде исто, и што се однесува до тежината на интервенциите, и до бројот на пациенти. Мојот тим е извонреден, ме следи, учи, работи, знае и може, меѓутоа нема да биде исто, додаде д-р Јовев.

Меџити: Утрово пиев кафе со професорот Јовев, но одлуката за разрешување не ја преиспитувам

Ристе Здравков — Thu, 08 Jun 2023 11:43:12 +0000

Професор д-р Сашко Јовев чие разрешување од директорската функција на Клиниката за кардиохирургија предизвика бурни реакции во јавноста, ќе продолжи да работи како доктор на кардиохирургија, но нема да се врати на функцијата, потврди министерот за здравство Фатмир Меџити. – Утринското кафе го испивме заедно со професорот Јовев и тој ќе продолжи да работи на клиниката заедно со својот тим. Почитуваниот професор ја има мојата потполна поддршка да ги извршува своите задачи. Тој е мој добар другар и мој колега. Ќе се залагам со ребалансот на буџетот националната програма за трансплантациа да добие многу повеќе средства. На прашањето дали ќе ја преиспита одлуката за разрешувањето на д-р Сашко Јовев од функцијата директор на државна кардиохирургија, Меџити рече: – Кога министерот донесува одлука и таа не се преиспитува, тоа е апсолвирано прашање, да не се повторувам.

Јовев: Сигурен сум дека министерот ќе ја поправи грешката, моето место е на Кардиохирургија

Катерина Бојаџиева — Wed, 07 Jun 2023 14:28:40 +0000

Професор д-р Сашко Јовев во врска со понудата на министерот за здравство Фатмир Меџити, кој денеска упати повик до него да биде негов национален советник за кадриохирургија, откако вчера го разреши, како што тврдеше поради неработење и нерегуларности, рече дека тоа е голема чест, но неговото место е на Клиниката за кардиохирургија. Јовев, кој вчера беше разрешен од позицијата директор на Универзитетската клиника за државна кардиохирургија, истакна дека министерот нему лично не му се обратил во врска со денешната понуда, но потенцира дека себе си се гледа во Клиниката, заедно со неговиот тим, со кој ќе постигнуваат уште поголеми успеси. -Сметам дека моето место е на Клиниката за кардиохирургија, да го водам својот тим и заеднички да постигнуваме уште многу успеси, нагласи Јовев, кој денешната изјава ја даде во присуство на проф. д-р Горан Димитровски, претседател на Македонското лекарско друштво. Јовев рече дека ќе продолжи со борбата, затоа што е сигурен дека министерот ќе ја поправи оваа грешка. Димитровски, пак, во името на целото Друштво го изрази незадоволството од одлуката на Министерството за разрешувањето на д-р Јовев. -Разрешувањето на професор д-р Сашко Јовев од место директор на Кардиохирургија деновиве ја бранува јавноста и лекарската фела пред се од причина што образложението на МЗ за оваа постапка сметаме дека е неиздражано и небулозно. За лекар, кој прв пат во Македонија направил трансплантација на срце и досега заедно со својот тим, кој тој го формирал и на светски стручно ниво вршел и други трансплатации на срце, како и интервенции со кои се спасени многу животи од други заболувања на срце кај пациенти, оваа одлука навистина е неразибрлива. Македонското лекарско друштво е против ваквата одкука на МЗ за разрешување на Јовев и изјавата на минстерот за здравство дека не му требаат директори кои шест месеци не дале резултати е неоснована, рече Димитровски. Тој нагласи дека оваа одлука е лоша порака за младите лекари, бидејќи се разрешува некој, кој постигнува резултати на национало и интернационално ниво. -Сметаме дека одлуката на Министерството за разрешување на професорот Јовев сепак ќе се повлече и дека ваквите врвни, стручни лекари македонското здравство и институциите на системот ќе знаат да ги зачуваат, почитуваат и наградуваат наместо да ги казнуваат, нагласи Димитровски.

Таравари: Никој не го разреши Јовев како доктор во клиниката, без политичка функција ќе има повеќе време за своите пациенти

Ивана Ефремовски — Wed, 07 Jun 2023 13:45:50 +0000

Никој не го разреши Сашко Јовев од работното место како доктор во клиниката, дури и мислам дека кога немаш политичка функција имаш повеќе време да им се одадеш на твоите пациенти, изјави претседателот на партијата Алијанса за Албанците, Арбен Таравари, одговарајќи на прашање поврзано со докторот Сашко Јовев и дали неговото разрешување е начинот кој партијата се обидува да ги задржи младите и стручни лица од заминување од државата. Тој на денешната прес конференција каде што, придружен од владини претставници, ги претстави постигнатите резултати од првите сто дена работење во владината коалиција, рече дека доктор Јовев е тораковаскуларен хирург кого го цени многу и директор е на Клиниката за кардиохирургија, но даде пример и дека тоа би било исто како Фатмир Меџити како невролог да биде директор на Клиниката за неврохирургија. - Да го направев ова гарантирам дека ќе ме критикувавте „Зошто невролог е директор на Клиниката за неврохирургија?“. Зошто не ме прашувате „Зошто тораковаскуларен хирург е директор на Клиниката за кардиохирургија?“, посочи Таравари. Во однос на трансплантацијата, Таравари подвлече дека учествувале уште осум доктори и потенцираше дека не тврди дека Јовев нема придонесено ништо, но рече дека нема да се остави туку така доколку има незаконитости. -Јас не сакам да кажам лоши зборови за мојот пријател Јовев. Нека продолжи и нека работи како доктор, нека придонесе таму. Меѓутоа доколку еден систем, без разлика дали се работи за партија, министерство, општина или држава зависи од една величина, тоа не е систем, тогаш тоа е пропаст. Ве охрабрувам да причекате и да ги гледате сите извештаи, а доколку ние сме згрешиле, знаеме да бараме и извинување, меѓутоа слушнете ги и двете страни и после да донесеме заедничка одлука, истакна претседателот на Алијанса за Албанците. (МИА)

Меџити го повика разрешениот Јовев да му биде советник, не одговори дали ќе си ја преиспита одлуката за промена

Ристе Здравков — Wed, 07 Jun 2023 09:51:40 +0000

Министерот за здравство Фатмир Меџити го повика разрешениот директор Сашко Јовев од Кардиохирургија, да му биде советник во Кабинетот. Не одговори на прашањето дали ќе ја ревидира неговата одлука за Јовев да се врати на директорската позиција, туку рече само дека тој ќе остане вработен. „Го повикувам да биде национален советник за кардиохирургија. Јовев продолжи да биде вработен во Клиниката за кардиохиругија. Ќе ја има мојата посветеност и поддршка во натамошното работење“, рече Меџити. Меџити посочи дека ќе бара зголемен буџет за Клиниката од која го разреши Јовев. „Целта е Клиниката за кардиохирургија и програмата за трансплантација да функционираат позитивно и да ги зголемиме резултатите“, додаде тој. Министерот посочи дека Јовев е само дел од промените кои тој ги прави. „Сегде ќе има инспекции, каде ќе има нерегуларности и индиции за злоупотреба, ние таму и ќе постапиме“, додаде Меџити.

Меџити денеска ќе ги даде причините за смената на доктор Јовев

Ристе Здравков — Wed, 07 Jun 2023 08:48:12 +0000

Министерот за здравство Фатмир Меџити денеска треба да ги објасни причините за смената на докторото Сашко Јовев. Меџити предупреди дека нема да дозволи нерегуларности и неработење од страна на директорите на клиниките. Најави дека ќе има и други смени. „За секој што ќе згреши пред здравствените закони, ќе има одговорност, бескомпромисно. Ова здравство не функционира, јас сум автокритичен. Вложивме многу труд и напор, правиме сѐ за да ги подобриме условите“, вели министерот Меџити. Докторот Јовев вчера изјави дека целата работа не тргнала како политички реваншизам. Почнало како суета, но за Јовев е очекувано да се претвори во политички пазар.

Ни заменичката на Меџити не се согласува со него, еве што вели за разрешувањето на доктор Јовев

Ивана Ефремовски — Tue, 06 Jun 2023 20:52:39 +0000

Заменичката на министерот на здравство, Маја Манолева, не се согласува со одлуката и начинот на разрешување на досегашниот директор на Клиниката за кардиохирургија, професорот Сашко Јовев од функцијата. Таа за Канал 5 изјави дека сите одлуки треба да се базираат на факти и аргументи, наведувајќи дека не ги знае причините зошто министерот Фатмир Меџити се решил на ваков потег. -Не се соогласувам ниту со одлуката за разрешување, ниту пак со начинот на кој беше разрешен. Сите одлуки треба да се базираат на факти и аргументи. И како човек и како носител на јавна функција, дотолку повеќе што не ги знам причините за разрешувањето на професорот Јовев, истакна Манолева.

Елеонора, ќерка на чиј татко Д-р Јовев му трансплантираше ново срце имаше што да му каже на Министерот кој го разреши

Ристе Здравков — Tue, 06 Jun 2023 08:06:05 +0000

Елеонора, Димовска ќерка на чиј татко д-р Јовев му трансплантираше ново срце имаше што да му каже на министерот за здравство Фатмир Меџити кој вчера објави дека го разрешува од директорската позиција кардиохирургот Сашко Јовев. Таа на својот фејсбук профил сподели објава: Во принцип на мојов профил најчесто гледате објави поврзани со шминка, и избегнувам да давам коментар на вакви теми, но овојпат оваа тема многу ме погодува, ме боли! Па затоа решив нешто да Ви кажам. Дали знаете кој е проф. д-р Сашко Јовев? За тие што не знаете, еве јас ќе Ви кажам. Проф. д-р. Сашко Јовев до пред некој час директорот на Кардиохирургија е најуспешниот кардиохирург на нашиве простори, па и пошироко. Личноста која ги предводеше сите трансплантации на срце во нашата држава, спаси и продолжи безброј животи, е таа личност денес е разрешена од страна на НАДЛЕЖНИТЕ. Ако се прашувате зошто и од каде ми е правото јас да зборувам на темава еве и тоа ќе Ви го кажам, пред 9 месеци беше направена последната трансплантација на срце, а личноста која го прими срцето беше мојот татко. Па оттука можам да зборувам за она што го направил професорот. Од една страна за жал, а од друга за голема среќа долг период секое утро, повторувам СЕКОЕ УТРО по неколку часа поминувавме во просториите на државната кардиохирургија, и сведочевме на ангажираноста на професорот, сведочев дека ниту еднаш не пропушти визита, немаше момент некој од пациентите да го побара, а он да не е присутен, но по зборовите на НАДЛЕЖНИТЕ, можеби и операцијата на татко ми од дома ја правел, не работел ништо 10 години. И не, не го кажувам ова за да го бранам професорот, го кажувам ова затоа што не можам да си поверувам каде живеам, во држава каде што се разрешуваат луѓето кои спасуваат животи. И знаете ли што ми е најголем проблем, тоа што познавајќи го професорот и целиот тим кој што е покрај него после ова ќе ја продолжат нивната кариера негде каде што ќе ги ценат, негде каде што ќе ги почитуваат, негде многу далеку од нашава Македонија, и тука нема да остане стручно лице кое ќе знае да го одржува во живот срцето на татко ми, срцата на сите трансплантираните, срцата на оние кои чекаат трансплантација, ако воопшто ја има во иднина. Затоа што нивната работа не завршува кога ќе излезеш од болница, на располагање за 24 часа 365 дена во годината, секојдневно ја контролираат терапијата и ја дозираат. И сега навистина сум загрижена кој ќе ја преземе нивната работа, кој ќе го одржува во живот татко ми? Или твојот татко, мајка, сестра, брат, сопруг, сопруга…? До кога ќе молчиме и ќе си прават кој што сака? До кога стручните лица ќе ги бркаме и ќе ставаме на позиција луѓе кои немаат допирна точка со позицијата, прочитавте? Новиот раководител на кардиохирургија е кардиолог, повторувам кардиолог е раководител на кардиохирургија, а не КАРДИОХИРУРГ. Искрено се надевам дека сите оние кои учествувале во одлукава се молат еден ден нивниот или животот на нивните блиски да не зависи од РАЗРЕШЕНИОТ, затоа што благодарение на нив, нема да биде тука!“ се вели во објавата на социјалните мрежи.