сашко кедев – Kurir.mk

Кедев: Работите во здравството не одат во добар правец, потребно е да се најде начин за излез од таа ситуација

Ристе Здравков — Fri, 08 Sep 2023 18:08:45 +0000

Македонското здравство се соочува со сериозни предизвици и тоа не е само во ресорот здравство туку го гледаме во образование што е многу слично, истакна Сашко Кедев во вечерашото гостување во „Тема на денот“ во Централниот Дневник. „Предизвиците во здравство се многу слични со предизвиците во ресорот образование и лично сметам дека мора да се најде начин да се излезе од оваа ситуација бидејќи не одат во добар правец работите и дефинитивно ни требаат сериозни реформи“, изјави Кедев. Кедев посочи дека акцентот треба да е ставен на јавното здравство, не може да профитот е движечка сила во развојот на здравството. За жал тој сегмент е многу влијатиен. Тој додаде дека има потенцијал бидејќи имаме многу добри доктори кои сеуште работат во јавното здравство.

Кедев: Никогаш порано не било вака партизирано здравството

Ивана Ефремовски — Wed, 08 Jul 2020 20:17:45 +0000

Д-р Сашко Кедев во гостување во Алфа ТВ во емисијата Што не е јасно, рече дека граѓаните не треба да бидат обвинувани за ова што ни се случува со епидемијата на корона вирус. -Треба да се гледа неконзистентноста и конфузијата во здравствениот систем. Тоа е нашата реалност. Не може да очекуваме од граѓаните кои ја изгубија довербата во системот да бидат примарно одговорни за ова што ни се случува. Граѓаните гледаат дека пред извесен период беше прогласена победа над вирусот па потоа беа сведоци на неконзистентност во одлуките, рече тој. Д-р Кедев силно ја критикуваше актуелната власт. -Имаме големи експерти во медицината но тие се маргинализирани. Борбата со пандемијата во Македонија се води со партиска стратегија. Никогаш не се имале ваква партизација во здравството. Врвни експерти и професори се маргинализирани. Во стратегијата не е важна ПР фитбегот, колку бил смиран министерот кој како портпарол ги чита прес-конференциите. Требаше да се тестира и да се изолираат кластерите, како во Словенија. Бевме сведоци на монтирање и демонтирање на шатори пред клиниката, а не слушнавме зошто починаа толку млади луѓе зошто нема излечени пациенти од респиратори. Треба да бараме одговорност од надлежните авторитети. Нешто модра да се промени во нашата стратегија. Мора да се помогне на најоптеретените институции кои на свој грб се носат со корона вирусот. Мора да се упати помош од други институции.” За жал на светско ниво границата на возраста на ризични пациенти се спушта и тоа е предмет на бројни анализи. Зачестена е појавата на мозочни удари на заболени од корона вирусот, објасни д-р- Кедев. Сведоци сме во дебакл во економијата тоа го укажуваат стопанските комори и експертите. Сите да поставиме правилна проценка бидејќи сегашнава состојба ја имаме не треба коментар. Само влезете во здравствениот систем како пациент за кратко време ќе ја видите состојбата. Дефинитивно на Македонија и треба нова здравствена стратегија во кој ќе бидат вклучени експерти без разлика на партиска припадност. Ако се прави партиска проценка на есен може да претпоставите што не очекува. Конфузијата што ја гледаме сега ќе ја гледаме и на есен, можеби од поголеми размери. Дали се сеќавате на конфузијата кога изби пандемијата од економски аспект. На конфузните изјави дека ни се потребни 700-800 милиони 1-2 па 5 милијарди. Се земаа заеми и брзо ќе треба исплаќање, а презадолжена држава има влијание и врз здравството. Без економска стратегија ние не може да имаме здрава здравствена стратегија, истакна д-р Сашко Кедев.

Д-р Кедев: Со програмата на ВМРО-ДПМНЕ се обврзуваме на инвестиции на здравството чиј главен фокус се пациентите

Дарко Андоновски — Tue, 23 Jun 2020 13:35:41 +0000

На денешната промоција на изборната програма на ВМРО-ДПМНЕ – „Проект Обнова“, се обрати советникот од стратешкиот тим на Претседателот на ВМРО-ДПМНЕ Христијан Мицкоски, д-р Сашко Кедев. Кедев потенцираше дека системот во Република Македонија изминативе четири години, не само од здравствен аспект, туку и од сите други области е колабиран. Државата ја водат некомпетентни луѓе кои себеси се лажно се претставуваат како професионалци во одредена област, со цел лична приватна материјална придобивка. „Во новата стратегија и програма на ВМРО-ДПМНЕ, ние се обврзуваме и ветуваме екстензивно инвестирање во здравствениот систем. Здравствените работници ќе го почувствуваат тоа уште во првите неколку месеци, а со тоа целосно ќе се подобри системот и процесот на секојдневното функционирање. Граѓаните на Република Македонија ќе можат да имаат потполна верба во јавното здравство”, истакна Кедев. Во програмата на ВМРО-ДПМНЕ во однос на јавното здравје се предвидува и функционално окрупнување на сродни дејности од медицината, што ќе придонесе за енормно поголем квалитет на услугите кои граѓаните, односно пациентите ќе ги добиваат од јавното здравство. Огромни вложувања ќе има во превентивната медицина, која најчесто се користи во секојдневната работа на здравствените работници, а потоа ќе следат и големи инвестиции во високата и екстремна медицина. „Здравствениот систем ќе мора да се ревитализира во многу области, но еден од поважните проекти во врска со јавното здравје ќе биде електронското водење на пациентите, односно електронски регистар кој ќе овозможи прегледност на болеста на пациентите кои треба да се лекуваат. Тоа ќе придонесе за полесен пристап и поголема прегледност на информациите кои треба да ги има секој доктор за одреден пациент, со што ќе се добие доволно време за реакција соодветна на потребите”, додава Кедев. ВМРО-ДПМНЕ се обврзува на реализација на сите проекти кои се наоѓаат во изборната програма за наредните четири години. Се обврзува на инвестиции во доменот на здравствениот систем во Република Македонија кој треба да биде темелот на една софистицирана и силна држава во која граѓаните ќе имаат доверба во јавното здравство.

Кедев и Николоски со заедничка видео порака: Да се избориме заедно, затоа што секој живот вреди!

Ивана Ефремовски — Sun, 22 Mar 2020 09:53:13 +0000

Интегрален текст од видео обраќање на Александар Николоски, потпретседател на ВМРО-ДПМНЕ „Почитувани граѓани на Македонија, Државата е пред најголемиот предизвик од своето постоење. Криза од досега невидени размери е пред нас. Македонија е пред нов предизвик. Здравствен и економски. Да покажеме свесност, совесност и одговорност. Да покажеме дека можеме заеднички, да бидеме совесни, доблесни, одговорни и посветени. Македонија тоа го знае и до сега покажала дека може, сега мора да покаже почитување кон себе. Македонија бара брза реакција од секого, а најмногу од најодговорните. Потребни се итни економски мерки за спас на економијата, итни здравствени и санитарни мерки за заштита на здравјето на граѓаните како и почитување на светските здравствени мерки и препораки. Македонија има потреба од одговорно и совесно однесување од сите нас, од сите нас граѓаните на Македонија. Затоа што секој живот вреди! Заштитувајќи го своето здравје го штитите и здравјето на саканите, на семејството, но и на оние до вас. Јас знам дека Македонија може и мора да победи. Следете ги препораките, заштитете се. Затоа што секој живот вреди“! Интегрален текст од видео обраќање на Проф. д-р. Сашко Кедев „Од медицината научив дека најважно за здравјето на човекот е дисциплината, а од животот дека животот е време. Меѓутоа животот не е само тоа што го живееме туку како го живееме и што ќе запаметиме. Во ова време на големи предизвици, во време на соочување со пандемија на заразна болест сите помагаме на општеството со личен пример, со личното однесување и постапување. Мојот апел е да се однесуваме одговорно, свесно и совесно, да ги следиме препораките на стручните авторитети, и да запаметиме дека секој е господар на својот живот и сопственото здравје. Докторите се за да помагаат за здравјето на сите нас, на нашите најблиски и на сите граѓани, меѓутоа сега е моментот кога сите ние треба со своето однесување и личен пример да помогнеме исто така на докторите. Сето ова ќе помине нема потреба од страв, меѓутоа има потреба од одговорност. Затоа што секој живот вреди“!

Ганка Цветанова и Сашко Кедев го развеаја македонското знаме во Аргентина

Предраг Кукиќ — Mon, 21 Jan 2019 09:00:59 +0000

Македонското знаме се вееше на вториот највисок планински врв во светот. Аконкагва, највисокиот врв во Аргентина, највисок надвор од Азија, го освоија познатиот доктор Сашко Кедев и поранешната министерка за култура Ганка Цветанова. За Кедев ова е вторпат како го освојува Аконкагва, со висина од 6.962 метри надморска височина. Цветанова, пак, не успеала да се искачи до крај, стигнала само до 6.000 метри надморска височина. Станува збор за највисокиот врв во западната и јужна хемисфера. Се наоѓа на планинскиот венец Анди, на територијата на денешна Аргентина во близина со чилеанската граница, односно на 15 километри од самата граница.

Кедев имплементира нови методи, а сега е вратен на позиција како пред 20-25 години

Катерина Бојаџиева — Tue, 13 Mar 2018 09:30:15 +0000

Кардиологот Сашко Кедев кој прв во светот имплементираше нова метода за спречување на мозочен удар, повеќе не е во тимот на кардиолози на клиниката. -Сега сум вратен на позиција како пред 20-25 години. Сега сум обичен кардиолог-специјалист. Има нов директор, нов раководител, кои не се меѓу првите 5 интервентни кардиолози. Тоа Филипче го знае, но ништо не презема. Ќе биде тешко во иднина да објасни дека потпаднал под политички притисоци за назнаување на кадри, рече Кедев гостувајќи на телевизија Телма. Кедев е загрижен за состојбите во интервентната кардиологија и дека поради негрижата таа може да прејде во доменот на приватното здравство. -Клиниката за Кардиологија не е во состојба да гарантира безбедно лекување на пациентите, додаде Кедев. По ова следеа реакции на социјалните мрежи. -Др. Кедев и првиот тим интервентни хирурзи од Кардиологија целосно деградирани, со клиниката раководат луѓе кои не се во првите 5 стручњаци!, вели во својот статус на Фејсбук профилот потпретседателот на ВМРО-ДПМНЕ, Александар Николоски. -Секој ден на раб на живот или смрт се во просек по 30 луѓе. Нивниот живот зависи од знаењето на овие доктори. Сето тоа според министерот е направено под притисок на семејството од врвот на Владата. Јас не знам што мислат овие од СДСМ, дека никогаш нема да се разболат, дека никогаш нема да имаат мака? Па ако не за обичниот народ бар за себе нека мислат и нека ги стават најдобрите зашто ќе нема кој да ги лечи!, пишува Николовски.

Применета нова метода за превенција од мозочен удар

Катерина Бојаџиева — Tue, 06 Mar 2018 14:58:51 +0000

Шеесет и петгодишен Македонец е првиот пациент на кого му е ставен стент на каротида со новиот систем „неурогард“, кој го разви компанијата „Контего медикал“ од Јужна Каролина. Интевенцијата ја изврши д-р Сашко Кедев на Универзитетската Клиника за кардиологија.

Со стентирање на каротидите, односно артериите што одат во мозокот, практично се спречува појава на мозочен удар.

Доктор Кедев посочи дека новиот систем за стентирање е всушност апаратура која овозможува три во едно, односно се става филтер во каротидата за да спречи затворање на артерискиот канал, ставање стент и балон дилатација на крвниот сад.

- Со новата апаратура практично се скратува времето за ставање на стентот и таа е побезбедна, бидејќи се избегнува повеќекратно вадење и ставање на потребните материјали. Првиот пациент кај кој е направена интервенцијата има 65 години и веќе има стент на десната каротида која му беше 90 отсто запушена. И левата беше многу стснета и имаше опасност кај него да се појави мозочен удар, бидејќи веќе имаше невролошки симптоми, истакна Кедев.

Со овој начин на стентирање, нагласи, може да се делува и кога пациентот преживеал мал мозочен удар, односно со стентирање на каротидите да се спречи појава на масивен мозочен удар.

- Македонија е избрана да учествува во клиничката студија за одобрување на оваа апаратура за употреба. Кај нас треба да се направат интервенции кај 30 пациенти. Првично ќе направиме интервенции на 10 пациенти, кои ќе ги одбереме со скрининг, односно кај пациентите кои имаат најголема корист, а кај кои има најмал ризик. По извршување на овие интервенции кај нас, ќе може да се прават на пациентите во Берлин, Лајпциг и Милано, додаде д-р Кедев.

Иако ова е првата фаза од клиничката студија за апаратурата, пред-тестирањето, според Кедев, покажало извонредни резултати.

Додаде дека овие пациенти сега ќе се третираат бесплатно, бидејќи е студија, а додека да се комерцијализира апаратурата сигурно ќе поминат две до три години.