Сашко Коцев – Kurir.mk

„Златна бубамара“ без Сашко Коцев, еве која е причината

Ивона Петрова — Fri, 17 Mar 2023 11:22:10 +0000

26-тото издание на манифестацијата „Златна бубамара“ помина без главниот лик на сцената. По 17 години како домаќин, Сашко Коцев годинава не беше дел од случувањето кои речиси сите го поврзуваат токму со него. Во многуте коментари на социјалните мрежи се вели дека публиката чекала тој да се појави до самиот крај, но од Сашко ни трага, ни глас. Наговите заменици, Тино и Атанас или како што тој ги нарекуваше, заменските водители, станаа главни. Манифестацијата со ред награди, говор, музика… си течеше како и секогаш. За да нема шпекулации и разни приказни, Сашко се огласи јавно и ја откри причината зошто не беше дел од „Златна бубамара“. – Бев премногу зафатен, не можев да постигнам. Имав две претстави и турнеја во Словенија со филмот“, изјави Сашко за „Слободен печат“ веднаш по манифестацијата, додавајќи дека годинава му се поклопиле ангажманите. За потсетување, Сашко Коцев за првпат како водител на „Златна бубамара“ се појави во 2006 година, а дојде на местото на Тони Михајловски. Дали Сашко како и Тони станува екс- водител или тоа ќе биде случај само годинава, останува да видиме… Вистина.мк

Сашко Коцев и „Нептун“ во нова авантура полна со иновации и изненадувања за потрошувачите

Super Admin — Tue, 22 Feb 2022 10:48:38 +0000

Првиот избор на потрошувачите, кога е во прашање најширокиот избор на иновативни технологии и сеопфатни решенија за подобрување на квалитетот на животот, „Нептун“, отпочна соработка со популарниот актер Сашко Коцев. Компанијата, која што е лидер во својот сегмент на нашиот пазар, заедно со еден од најпознатите глумци на сцената во регионот, во периодот што следува ќе реализира низа активности што ќе бидат особено интересни и атрактивни за купувачите.

- Нашата визија отсекогаш била на сите индивидуални клиенти да им овозможиме што поголема селекција од производи во што повеќе категории, но во исто време, и да им посветиме време и енергија, како и да споделиме знаење, со цел тие да го направат изборот што е најсоодветен за нивните потреби. Сашко, преку своите најразлични улоги, меѓутоа, и како човек, настапува на ваков, искрен начин и затоа сме убедени дека соработката ќе биде и забавна и корисна за нашите ценети потрошувачи - истакна генералниот директор на „Нептун“, Горан Цветинов.

Актерот, покрај преку улогите на редовниот репертоар на својот матичен театар, годинава ќе се појави и во новите долгометражни филмови „Снежана на крајот умира“ и „Мими“. На соработката со компанијата гледа како на можност за воспоставување комуникација со потрошувачите со цел да им помогне да ја донесат најдобрата одлука кога е во прашање технологијата.

- Иновациите за кои што секојдневно читаме, слушаме или ги гледаме на нашите смартфони не би имале никаква вредност доколку не ни користат за да го подобриме животот. За мене „Нептун“ отсекогаш бил првиот и единствен избор, за сè, од големи уреди како телевизори или бела техника, до ситни „гаџети“ кои што неверојатно го олеснуваат секојдневието. Преку оваа соработка токму ова искуство ќе го доближиме го купувачите. Нормално, притоа и ќе се забавуваме - вели Коцев.

„Нептун“ неодамна ја презентира револуционерната петгодишна стратегија со која што ќе воведе многу новини на домашниот пазар. Компанијата во 2022 година има во план да реализира низа проекти, меѓу кои ќе биде и реновирањето на неколку продажни локации со цел тие да бидат во согласност со брендот „Нептун“. Се очекува релокација на дел од продавниците, формирање академија за продажба, како и унапредување на талент-програмите за вработените.

УШТЕ ЕДЕН ГОЛЕМ УСПЕХ: Сашко Коцев со награда за најдобар актер на филмскиот фестивал во Бејрут

Магдалена Андонова — Tue, 09 Feb 2021 12:38:51 +0000

Награда за најдобар актер на фестивалот за кратки филмови во Бејрут - „Beirut Shorts International Film Festival“ ја доби нашиот актер Сашко Коцев. Актерот Коцев, со потекло од Куманово, наградата ја освои по заслуга на неговата улога во филмот „Налепница“ на Георги Унковски. Ова е една од многубројните награди кој Сашко Коцев ги има освоено. Тој го доби и признанието за најдобар актер на Фестивалот за кратки филмови во Берлин, Германија, две награди во италија, награда за најдобар актер на фестивал во Турција. Сашко Коцев го игра главниот лик во „Налепница“, кој по неуспешниот обид да ја обнови својата сообраќајна дозвола, тргнува на пат и запаѓа во серија бирократски проблеми… Краткометражниот игран филм „Налепница“учествуваше на повеќе од 170 филмски фестивали и доби десетици награди.

Ретко споделува приватни моменти, но сега се пофали со убави вести – бројни честитки пристигнаа на адреса кај Сашко Коцев

Ристе Здравков — Wed, 23 Sep 2020 08:06:29 +0000

Еден од најдобрите македонски актери, Сашко Коцев кој знае секогаш да ја насмее публиката, кога станува збор за неговите професионални ангажмани секогаш е подготвен да зборува, но за својот приватен живот не сака да открива премногу детали. Коцев ужива во брак со својата сопруга Смиљана, а парот деновиве поточно вчера (22.09.2020) имаше убав повод за славење. Имено, парот прослави осум години од бракот, а со овие убави вести Сашко се пофали на својот Фејсбук објавувајќи заедничка фотографија со сопругата. „22.09’12 – 22.09’20“, напиша тој покрај фотографијата, а под објавата се нижеа честитки на нивна сметка, а меѓу нив и оној на Ирена Спировска која напиша: „Да ви се множат“. Инаку. „Златна бубамара“ беше сцената каде пред неколку години јавно пред публиката ја побара за сопруга својата сакана Смиљана, а во ноември 2017 година парот првпат стана родители на нивната ќерка Јоана која наскоро ќе наполни три години.

ФОТО: Причина за славење во домот на Сашко Коцев- честитки пристигнаа од сите страни

Дарко Андоновски — Fri, 27 Sep 2019 19:44:11 +0000

Актерот Сашко Коцев пред неколку години јавно, на „Златна бубамара“ ја запроси својата сегашна сопруга Смињана, а во 2017 година станаа родители на нивната ќерка Јоана. Деновиве тие имаа убава причина за славење, а тоа се 7 години брак. По тој повод актерот објави фотографија на Фејсбук од нивната свадба, а во опис само го напиша бројот 7. Честитки и убави желби се нижеа во коментарите под фотографијата.

„Смарт канта“ и „железни опинци“: Изумите на власта беа мета за потсмев на „Златна бубамара“ (ВИДЕО)

Дарко Андоновски — Mon, 25 Feb 2019 08:43:52 +0000

Бидејќи годинава се измислија многу работи, се измисли и Фонд за иновации и ние решивме да аплицираме таму како тим на Златна буба мара со еден изум кој се вика „смарт кант“, ова го вели актерот Сашко Коцев за време на својот скеч на овогодинешната „Златна бубамара“ на популарноста. -Овој „смарт кант“ е фотелја која е направена на принципот „јас ли зборам, канта ли тропа“, базирана е на таа платформа, нарачани се 120 нови. Ова е една мултифункционална фотелја изработени од телешка кожа, знаете колку е тазе ова? Нема да ти го запоти задникот, нема да викаат леле задникот го испотивме. Толку е тазе кожата, што кравата уште мука по телето и го бара, толку се тазе направени, раскажува Коцев. Тој додава дека оваа душече од телешка кожа е мемори задник, ти го памети, можеш и по 15 години да дојдеш и те памети таа. Целата пародија на Коцев за власта погледнете ја од 27:09 минута се до 32:50.

Сопругата на Сашко Коцев како Линда Евангелиста во спотот на Сашо Спасовски за „Животе сладок си“

Ивона Петрова — Fri, 25 May 2018 09:38:06 +0000

Сигурно се сеќавате на македонскиот поп-пејач Сашо Спасовски и неговата „Животе сладок си“ од далечната 2001 година. Можеби помладите генерации тешко ќе се сетат на ова време кога македонската музика се продуцираше и слушаше многу повеќе, а задолжително се снимаа и видео спотови. На тоа убаво време се присети и сопругата на нашиот познат актер Сашко Коцев, Смилјана, која тогаш очигледно имала желба да се појавува пред камери, па освен сопругот и таа да може да се пофали со своја улога – на спот. Имено, убавата Смилјана се појавува меѓу една од девојките во спотот на Сашо. Откако ја промени профилната фотографија на Фејсбук со таква од од спотот на „Животе сладок си“, повеќето пријатели и следбеници и поласкаа дека изгледа како светскиот модел Линда Евангелиста, други се присетија на тоа време, а пак трети се пошегуваа дека и тогаш за неа важело тоа „од кал да е, Сашо да е!“ Вистина.мк

Неодоливо: Сашко Коцев објави уникатна фотографија со ќеркичката! (ФОТО)

Дарко Андоновски — Fri, 12 Jan 2018 08:43:59 +0000

Оваа 2018 година за актерот Сашко Коцев почна поразлично од сите останати, а причината за тоа е што ја дочека и почна со најголемото богатство во своите раце – ќеркичката Јоана, објавува Вистина.мк Сашко и неговата сопруга Смилјана кон средината на месец октомври минатата година се остварија во улога на родители. Сега, по речиси три месеси од нејзното доаѓање на свет, тато Сашко реши Новата година на своите следбеници и пријатели на социјалните мрежи да им ја честита со една уникатна фотографија со неговата најголема љубов, односно фотографија од неговата рака и нејзиното малечко и слатко стапалце. Како што е редот и за се останато што објавува на својот профил, така и овој пат, за оваа неодолива фотографија тато Сашко и неговата наследничка добија илјадници лајкови.