сашко николов – Kurir.mk

Николов: По пандемијата срцевите удари зголемени за трипати

Ивона Петрова — Sat, 25 Mar 2023 09:54:27 +0000

По ковид пандемијата зголемен е бројот на срцеви удари, покажуваат анализите на македонските кардиолози, но и на европските и светски здруженија. Срцевите удари се зголемија за трипати повеќе од пред пандемијата, вели во интервју за МИА началникот на Одделението за кардиологија во Клиничка болница-Штип, Сашко Николов. -Инфарктите на белодробието, ако сме имале по 20 пациенти годишно, сега имаме по 15 месечно, тие што ги евидентираме и нотираме. Инфаркти на долни екстремитети, заболување на крвните садови на нозете за четири пати повеќе, тромбоза на длабоките вени на површните вени, масовно зголемено. Тромбоза на цревни артерии, огромно зголемување, појава на мозочни инфаркти кај млади луѓе зголемено за петпати. Сето тоа е резултат на пандемијата. Пандемијата кога почна сите ние мислевме дека е вирусно заболување, односно тоа е вирусно заболување, тоа е респираторно вирусно заболување, ги напаѓа белите дробови, вели Николов. Посочува дека какошто одминуваше пандемијата лекарите сфатиле дека ковид вирус влегува преку респирторните патишта, меѓутоа цел на напад му се мускулестите делови на крвните садови. Во овој постковид период зголеменен е бројот на интервенции и на одделите за кардиологија и неврологија. - Голема е бројката и кај невролозите, особено кај популацијата од 25 години, па нагоре. Мозочни удари кај млади луѓе и тоа е резултат на ковид инфекција врз крвните садови. Многу често викаме поминав ковид, ама немав симптоми. Ти си поминал ковид, немаш симптоми, меѓутоа антигенот од ковидот веќе е закотвен во крвниот сад. Прашање на време е кога тоа ќе почне да прави воспаление, реакција и ќе направи задебелување, пукање на плака во крвниот сад и на крајот инфаркт. Така да оваа ковид инфекција направи една состојба на светското здравство да сфатиме, колку ние не знаеме за новите болести што ни доаѓаат, заради тоа што новите болести се комбинација од заболување, комбинација на вируси што напаѓаат повеќе системи истовремено, вели Николов во видео интервјуто во прес-ценатрот на МИА во Штип, кое во целост ќе се објави утре.

Николов со порака по поразот во Штип, на Јорданов му посака успешна работа

Ивана Ефремовски — Mon, 18 Oct 2021 13:05:36 +0000

Градоначалникот на општина Штип, Сашко Николов на денешната прес-конференција во неговиот кабинет се заблагодари на граѓаните, кои во декември 2020 му ја дадоа поддршката да биде градоначалник на Штип. -Ми беше привилегија и со задоволство, максимален труд и залагање успеавме во овие девет месеци да направиме Штип да биде една општина во развој, еднаква за сите наши сограѓани, рече Николов. Порача дека вчера на демократски и фер избори граѓаните го дадоа својот глас за Иван Јорданов од ВМРО-ДПМНЕ. -Го дадоа својот глас за кандидатот, за којшто сметаат дека треба да ги води во наредните четири години. Му посакувам на новиот градоначалник успешна работа, на нашите сограѓани здравје и среќа во својот живот, рече Николов.

Јорданов: Лагите на Сашко Николов во Штип (ВИДЕО)

Тале Кристо — Mon, 04 Oct 2021 15:09:02 +0000

ЛАГА vs ВИСТИНА, Погледнете..., пишува во својата Фејсбук објава кандидатот за градоначалник од редовите на ВМРО-ДПМНЕ за општина Штип Иван Јорданов.

Ефтимов: По што штипјани ќе ги паметат Бочварски и Николов?

Ивана Ефремовски — Sat, 25 Sep 2021 12:02:00 +0000

По што штипјани ќе ги паметат Бочварски и Николов? По тоа што Штип не доби ниту една капитална инвестиција, реагира Игор Ефтимов од ВМРО-ДПМНЕ Штип. „По тоа што од инфраструктура се изградија две приватни згради во централното градско подрачје. По тоа што не се направи ниту една нова улица, но се прошири само таа која е насочена кон зградите на семејството Бочварски. По тоа што, единствено со што ќе се фалат е ова место на кое изникнаа две градби, од интерес на едно познато штипско семејство“, посочи тој.

Поранешен пожарникар упадна на прес конференцијата на Николов- јавно побара одговор од градоначалникот откако неколку пати бил игнориран

Магдалена Андонова — Thu, 20 May 2021 12:12:07 +0000

По повод стогодишнината на Противпожарниот дом, штипскиот градоначалник денеска имаше прес конференција, но кога тој започна упадна во кадарот на камерите поранешен пожарникар, Александар Ѓеорѓиевски. Тој јавно побара одговор од Сашко Николов. Ѓеорѓиевски побара Николов да му одговори на неговите барања пред камерите бидејќи како што вели тој претходно градоначалникот 2 пати ги игнорирал неговите писма. Барањата на поранешниот пожарникар биле да се врати на работното место во Противпоижарниот дом, со ветување дека платата ќе ја донира во хуманитарни цели. Ѓеорѓиевски побара и одговори дали локалната власт знае во каква состојба е Противпожарниот дом и кога пожарникарите ќе добијат нова опрема. - Две писма имате пуштено, јас ги знам и двете, меѓутоа не е игнорирање, туку е по приоритет. Јас не можам да одговарам на секој што ќе му текне во моментот да добие одговор. Ние ги делиме по приоритет барањата и така одговараме, му одговори градоначалникот. Штипскиот градоначалник најави и дека наскоро ќе пристигне и новото противпожарно возило,а хуманираната работа на Ѓеорѓивски ќе биде вклопена во Солидарниот фонд. Неколку минутната дебата заврши со ракување.

Ефтимов: Во првите 100 дена на Сашко Николов не видовме ништо друго туку кич, шминка, реваншизам, партизација, непотизам, класичен популизам

Магдалена Андонова — Fri, 02 Apr 2021 13:29:09 +0000

По што ќе ги паметиме првите 100 дена од мандатот на Градоначалникот Сашко Николов? Највпечатлив беше чочекот, кој целиот изборен штаб, во време на пандемија, го изигра на плоштадот во Штип, а развеселените пирови победници забавата ја продолжија во незаконски отворен угостителски локал, во време на забрана. Стоте дена ќе ги паметиме по единствените презентирани проекти, а тоа се санирана шахта и гипс картонски мост во централното градско подрачје, изјави на денешната прес конференција, Игор Ефтимов од ВМРО-ДПМНЕ. - За првите 100 дена може и да му честитаме на Градоначалникот, затоа што призна дека неколку години градот тоне во нечистотија и е затрупан од диви депонии, кое го предизвика по итна постапка да ги промени директорите на јавните претпријатија. Во овој период Градоначалникот беше популарен и со неславната изјава за изучување на бугарски јазик во училиштата, која наликуваше на изјавата дадена од неговиот претходник, со кое докажа дека континуитетот за разнебитување на државата од СДС, активно продолжува, вели тој. - На Градоначалникот не му беа потребни ни 100 дена, за да изврши масовна партизација и „вдомување“ на неговите блиски и финансиери во јавна администрација, за кое може да посведочи секој граѓанин кој деновиве влегол во општината. Може да набројуваме до бесконечно, но суштината е таа. Во првите 100 дена на Сашко Николов не видовме ништо друго туку кич, шминка, реваншизам, партизација, непотизам, класичен популизам. За среќа, кратко ќе трае, додаде Ефтимов.

Штипскиот градоначалник во изолација поради контакт со заболен од коронавирус

Тале Кристо — Mon, 08 Mar 2021 06:51:17 +0000

Градоначалникот на Општина Штип Сашко Николов во наредните седум денови е во самоизолација. Информацијата попладнево ја сподели на фејсбук профилот, а на кој пишува дека во петокот имал контакт со пациент, за кој подоцна се утврдило дека е позитивен на Ковид-19. Николов е интервентен кардиолог и покрај тоа што менаџира за Општина Штип, тој работи и оперира пациенти. -Иако во текот на лекарскиот преглед ги преземав сите заштитни мерки, сепак од денес па во следните седум дена одам во самоизолација. Засега се чуствувам одлично, немам никакви симптоми, но поради внимателност и почитување на здравствените протоколи следнава недела ќе бидам во изолација, пишува Николов на својот фејсбук профил. Николов како градоначалник, но и како лекар апелира граѓаните да се одговорни и дисциплинирани. Посочува дека сведоци сме на нов бран од Ковид 19, затоа како што вели сите да носат маски, одржуваат дистанца, а на тој начин секој си го чува здравјето, но и на најблиските.

„Сашко танцува со корона“ – за новиот градоначалник на Штип не важат мерки и препораки (ВИДЕО)

Ивана Ефремовски — Tue, 15 Dec 2020 12:30:37 +0000

Танцување со корона! Вака е опишано видеото во кое новиот градоначалник на Штип од СДСМ ја прослави победата на изборите во кои учествуваше сам. -Додека музичарите една година седат дома без приход, угостителите со ограничено време за работа, бележат рекордни загуби, Сашко танцува со корона, истакна Иван Јорданов.

Стоилковски: СДСМ над законите, мандатот на Николов ќе биде фијаско

Магдалена Андонова — Mon, 14 Dec 2020 10:41:19 +0000

Ако се суди според првите часови од осум месечниот мандат во Штип на Сашко Николов, индикаторите покажуваат дека ќе биде вистинско фијаско, изјави денеска за медиумите, Наум Стоилковски, портпарол на ВМРО-ДПМНЕ. - СДСМ во време на корона организираше избори на кои што сама учествуваше и едвај сама победи, гласаа луѓе кои што се со забрана за движење, потоа организираше групна прослава во центарот на Штип, а функционерите правеа банкет во ресторан во време по забраната за работа! Истовремено за сите останати важат забрани и казни за групирање, за сите други важат казни за неносење маски, за сите други важат забрани и казни за прослави, за сите други важат забрани и казни за работа на локали по 21 часот!, вели тој. Ова се фотографиите спорелени од штабот на СДСМ во Штип доцна синоќа, ова е фотографијата пред штабот на СДСМ, синоќа по 20 часот. Ова е фотографија споделена на социјалните мрежи, внатре од штабот на СДСМ. А, ова е фотографија од кафеана, од локал кој што работел за прославата на СДСМ по 21 часот! Ова се докази за нехуманост, самоволие и деспотското надзаконско делување на СДСМ,потенцира Стоилковски. - И секако, пред овој објект ја нема Мери Проја Продановска да крева паника, нема специјални полициски одреди да упаднат во кафеаната и да казнуваат да бараат снимки, ја нема хистеријата на СДСМ! Ама ги има Костадинов и Николов во страствен занес! Е па Докторе Сашко Николов, за секоја нова жртва од корона од Штип во следните денови, погледни ги овие фотографии!, додаде тој.

СДСМ и Николов тераат кампања за градоначалник на Штип како да нема корона епидемија

Магдалена Андонова — Wed, 02 Dec 2020 13:41:21 +0000

Ситуација со КОВИД-19 и понатаму е алармантна во државата. Граѓаните секојдневно се сведоци за неажурноста и незаинтерсираноста на властите за здравјето на граѓаните. Доказ за тоа е и кандидатот за градоначалник на Штип од СДСМ, Сашко Николов. Николов кој по професија е медицинско лице како кандидат за градоначалник на Штип во секојдневните негови ветувања, изјави може да се забележи дека не нуди никаква здравствена заштита на граѓаните во овој период на пандемија. Имено од почетокот на пандемијата до денес во Штип има приближно 3.000 лица кои заболеле од вирусот и се наоѓа во првите 5 града во државата со највисока бројка на заразени. Но, не само тоа туку и граѓаните се сведоци дека во Штип секојдневно има голем број на заразени, скоро сите одделенија во штипската болница се полни, нема доволно боци за кислород слично. Самиот факт што е период на пандемија, а властите одлучија дека по секоја цена треба да се одржат изборите во Штип покажува колку ним им е важно здравјето на граѓаните.