сашо дуковски – Kurir.mk

Дуковски: Невообичаено е што Обвинителството повикува сведок, кој во старт кажа дека не е кредибилен

Дарко Андоновски — Thu, 18 Mar 2021 14:44:18 +0000

Сашо Дуковски, адвокатот на Бојан Јовановски, првоосомничен во случајот „Меѓународен сојуз“, по завршувањето на денешното рочиште изјави дека е недозволено и невообичаено тоа што Обвинителството повикува сведок да се сослушува, кој во старт кажа дека не е кредибилен. -Прво имате една невообичаена ситуација, да речам невозможна ситуација. Предлагате сведок, зборам за Обвинтелството, којшто не е сослушан во истрагата. Користите исказ којшто е даден во друг предмет што нема врска и не се однесува на овој предмет. И како капа на сè, значи ви кажува сведокот дека не е кредибилен. Неколкупати сам ви кажува дека не кредибилен и вие со неверојатна упорност се обидувате повторно да го сослушувате. Тоа оставам е стратегијата на Обвинтелството, но тоа е недозволено и за мене невообичаено зошто се повикува сведок да се сослушува, кој во старт ви кажува дека не е кредибилен, изјави Дуковски. И на крајот на денот, како што рече Дуковски, ништо не кажа од тоа за кое што беше повикан од страна на Обвинителството. – Напротив дејствие на извршување е дека Бојан Јовановски наводно некого измамил со ветување дека ќе обезбеди државно земјиште, а сведокот Јордан Камчев кажа дека станувало збор за два проекти, коишто биле одбиени поради економска неисплатиливост од негова страна, додаде адвокатот. Дуковски посочи дека на сведокот му поставил прашање дали станува збор за приватни парцели … -Можам ли јас да ја вклучам државата во нешто што е ваша сопственост. Од тие причини сметам дека тотално непотребен беше овој сведок и ништо нема да утврди за фактичката состојба во овој предмет, рече Дуковски. Судењето за овој предмет е во почетна фаза на изведување на вербални докази. На денешното рочиште беа сослушени сведоците Агапи Дика и Јордан Камчев. Судењето за овој предмет го води судијката Софче Ефремова, а застапник на обвинението е јавната обвинителка Ивана Трајчевска. Обвинети во овој случај се Бојан Јовановски, поранешната пратеничка од редовите на СДСМ, Фросина Ременски, Миле Јовановски, (таткото на прво обвинетиот) и Јасна Мандиќ Ерцеговиќ. Јовановски е обвинет за „измама и перење пари“. Ременски е обвинета за „помагање во делото измама“, Мандиќ за „помагање во измамата и перењето пари“, Миле Јовановски се терети за „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“. Следното рочиште за предметот „Меѓународен сојуз“ е закажано на 24 март, за кога е предвидено да сведочат лицата Јованка Кука и Лилјана Тодоровска.

Дуковски: Здравствената состојба на Бојан Јовановски не се подобрува

Ивона Петрова — Wed, 07 Oct 2020 10:14:04 +0000

Здравствената состојба на Бојан Јовановски-Боки13, обвинет во случајот ,,Меѓународен Сојуз,, не се подобрува, туку се влошува, истакна неговиот бранител адвокат Сашо Дуковски. Тој по одлуката да се одложи денешното рочиште, пред новинарите истакна дека раната на неговиот клиент не му зараснува. – Се работи за керотизирано ткиво, односно зацврстено ткиво кое што секое т.н. крпење на желудникот е тешко и не случајно некој човек и затоа што е здрав се држи во болнички услови затоа што ни од далеку истото не може да се спроведе во затворот „Скопје“, изјави адвокат Дуковски пред Кривичниот суд. Заради влошената здравствена состојба на обвинетиот Јовановски, одбраната поднесе уште едно барање за замена на мерката притвор со мерката куќен притвор. Но, едно вакво барање како што истакна адвокатот Дуковски, вчера им било одбиено. – Едноставно човек што е опериран од таква болест и со таква операција не може да биде третиран во најсериозните демократии во светот во затворски услови, а не во затворот „Скопје“. И затоа вчерашното одбивање на мерката замена за притвор не претставува ништо друго, туку претставува чист и најчист облик на кривично дело тортура предвиден во Кривичниот закон, истакна адвокатот Дуковски Иако вчера им било одбиено на барањето за замена на мерката притвор, одбраната на обвинетиот Бојан Јовановски-Боки 13, во тек на денешниот ден ќе поднесе уште едно барање за замена на мерката притвор, со мерката куќен притвор. МИА

Целото писмо од Боки 13 испратено од затвор: Држен сум по секоја цена во притвор, додека вистинските криминалци шерифуваат и командуваат

Ивона Петрова — Fri, 10 Jul 2020 08:13:23 +0000

Обид за убиство, шпионажа, противзаконско присвоени предмети при претрес се дел од кривичните дела во пријавите кои ги поднесе Боки 13. Тој од затворската ќелија каде ја издржува казната за случајот „Рекет“ каде тој е првообвинет, а поранешната специјална обвинителка Катица Јанева второобвинета, испрати писмо дека единствен начин да го спречат е да го убијат. Во рачно напишаното писмото кое вчера го прочита неговиот адвокат Сашо Дуковски, а до кое дојде „Република“ Боки 13 од Шутка потврдува дека кривичните пријави, некаде околу 40, ги поднесува против политичари од власта, носители на јавни функции, кои се дел од актуелната власт, луѓе од нивните семејства и блиски до нив, како и бизнисмени. Јовановски преку писмото не наведува за кои функционери станува збор. Тој потенцира дека не можат да го спречат во неговата борба со, како што ги нарекува, криминалците без разлика на дали ќе му се закануваат и уценуваат. Се пожали и дека тој и неговото семејство цело време добиваат уцени и закани, од оние кои според неговите зборови знаеле дека ќе заработат кривични пријави. Но иако не ги посочи јавно имињата на јавните функционери, недвосмислено наведува дека стои зад секоја негова изјава во судот, како и зад онаа при читањето на пресудата, кога посочи парите од „Рекет“ да се бараат кај Зоран и Вице Заеви. Писмото на Јовановски во продолжение Почитувани претставници на медиумите, почитувана јавност, стручна јавност, почитувани претставници на дипломатскиот кор во нашата држава. Преку ова соопштение сакам да ви соопштам неколку важни факти и околности, повикувајќи се на начелото на транспарентност и начелото на висок степен на јавен интерес. Поради степенот на јавен интерес и заложбата за вистинско владеење на правната држава, јас, Бојан Јовановски како подносител и пријавител на кривичните дела би сакал да ве информирам дека се работи за сторени кривични дела кои се сторени во изминатиов период и за истите кривични дела поседувам докази кои ги предавам пред надлежниот обвинител тука во ОЈО. Сакам да ве информиран дека овие пријави за сторените кривични дела ги давам со целосна недоверба кон целиот јавно обвинителски систем во нашата земја, и токму поради таа основана недоверба побарав мониторинг од страна на меѓународната заедница и пријателските земји на кој главна заложба и императивна заложба е вистинското владеење на правната држава, а не користење на маркетинг политички трикови дека завладеала правната држава во оваа земја, а вистината е дека нема ни – П, од правна држава, туку само еден дерогиран правосуден систем во директна спрега со извршната власт. За да се избегнат сите шпекулации. Јас со ова соопштение Ви кажувам дека пријавите се однесуваат на носители на јавни функции, лица политичари кои се дел од актуелната извршна власт, за лица од бизнис секторот, за неколку цивилни лица блиски до политичарите и носителите на јавни функции. Кривичните пријави се однесуваат на предметот „Рекет“, за сите неодговорени прашања за случајот „Рекет“ каде сум првостепено осуден. Кривични пријави поврзани со случајот кој е во судска постапка – „Меѓународен сојуз“, но и за сторени кривични дела за кои јавноста не е запознаена, а јас сум бил директен сведок, а се многу сериозни кривични дела, и за кои кривични дела се истите сторители, носители на јавни функции заедно во соизвршителство со членови на нивните семејства и нивни блиски соработници и сопартијци. Почитувани, со оглед на степенот на кривична одговорност, за моите кривични пријави, за сензитивноста и доверливоста на сите факти кои ги изнесувам пред надлежниот обвинител, уште еднаш апелирам активно влучување на независни меѓународни правни тимови. Поради фактот што уште во месец ноември 2019 побарав да бидам изведен пред Републичкиот Јавен Обвинител – Љубомир Јовевски, но бев грубо и дискриминирачки одбиен преку негови изјави за медиумите со што го доведе во прашање својот професионален и личен интегритет и дигнитет. Бидејќи покажа селективност, предрасуди и исклучителна непрофесионалност делејќи лични квалификации за мене. Во тоа име, и во име на вистината ќе ве молам побарајте го писмото кое му го испратив на Г-дин Јовевски во месец ноември да ви го даде на увид и да ја видите целата содржина на тоа писмо, за да нема забуни дека јас сум решил да пријавувам откако ме осудиле првостепено. Не, тоа е невистина. Барав да бидам изведен пред него – Републички Јавен Обвинител, многу порано од првостепената пресуда донесена без докази, само од политички причини, политички желби, и мотиви на политички поединци кои се директно засегнати. Кривичните пријави се однесуваат на повеќе кривични дела опишани во кривичниот законик на Република Македонија, и тоа: Се работи за кривични дела: 1. Злоупотреба на службената положба и овластување, 2. Трговија со влијание, примање награда за противзаконско влијание, 3. Уцена, 4. Изнуда, 5. Измама, 6. Тортура, 7. Обид за убиство, 8. Шпионажа, 9. Повреда и кршење на Уставот на Република Македонија, 10. Противправно присвојување на предмети при претрес или во постапка на извршување, 11. Давање на лажен исказ, 12. Местење тендери , злоупотреби при јавни набавки, злоупотреба и оштетување на Буџетот ( Кривични дела против јавните финансии ), 13. Противправно стекнување и прикривање имот, 14. Несовесно лекување, 15. Неукажување на лекарска помош, 16. Расна и друга дискриминација, 17. Изработување и набавка на оружје и средства за извршување на кривично дело, 18. Изборна измама, 19. чл. 215 – Неовластено производство на дрога, 20. Злосторничко здружување. Почитувани, јас ќе ги почитувам одредбите од ЗКП и поради тајноста на предистражната постапка нема да ги наведам имињата на сторителите на погореспоменатите кривични дела. Сакам одговорно да Ви соопштам дека под целосна одговорност стојам позади секој свој збор и стојам позади изговорената реченица при изрекување на пресудата на 18.06.2020 година и истата соодветно законски и институционално ќе ја докажам. Затоа уште еднаш апелирам до нашата независна стручна јавност, меѓународната заедница, независни правни експерти – домашни и странски, веднаш и без одложување да се приклучат во овој значаен период за владеење на правната држава, за која толку многу се зборува, а ништо досега не се направи. Со оглед на условите во кои се наоѓам, со оглед на притисоците и заканите и огромната количина на докази и сознанија кои во наредниов период ќе ги пријавувам во ОЈО и ќе ги пријавувам очекувам сериозен и професионален однос кон мене согласно закон и Уставно загарантирани права. Во однос на мојата сегашна позиција и пеналните притворски услови во кои се наоѓам, ќе нагласам дека од денешна перспектива е и повеќе од јасно зошто само јас сум држен по секоја цена во притвор, додека вистинските криминалци шерифуваат и командуваат. Апелирам до целата јавност, стручна, независна, меѓународната заедница со големо внимание да го следи процесуирањето на моите кривични пријави, бидејќи имам основано сомневање дека веќе пријавените лица се запознаени со моите пријави – со содржината и доказите, и дека ќе се обидат, како што и се обидуваат да ме спречат, да вршат притисок врз мене и моето семејство, но одговорно Ви тврдам дека нема да ме спречат што и да применат како методи за уцени и закани. Единствено ќе ме спречат доколку ме лишат од живот. Односно доколку посегнат по мојот живот, но повторувам нема да ме спречат во мојата чесна граѓанска обврска и должност, ниту пак ќе ме спречат во мојата намера и во борбата со вистинските криминалци и сторители на кривични дела. Со случајот „Рекет“ си игравме правна држава, но доста беше, таа фарса првостепено заврши, сега треба да дојде време на вистинско владеење на правната држава, каде поштедени нема да има и каде нема да се крие мојот телефон и да се спречува негово вештачење, сега се Ви е појасно, зошто мојот телефон не е вештачен и зошто тоа го спречуваа во судската постапка по секоја цена. Преку бранител и полномошник Сашо Дукоски, Своеволно, Своерачно, Со почит Бојан Јовановски. Своевремено Заев беше човек кој го примаше Бојан Јовановски во неговиот кабнет, а не се забораваат ниту неговите пофални зборови за роденденот на 1ТВ. -Едно од добрите нешта кое што им се случи на нашиот народ и на нашата земја е 1ТВ. Со својата новина, шареноликост, разноликост која што зрачи, навистина ги збогатува содржините во сите наши домови. Дури и за нас политичарите знае и добро да мавне, а знае и да го испрезентира тоа што е добро за граѓаните и државата. Јас верувам дека ќе продолжи вака да му пркоси на тешкото време за медиумите пред се од финансиски аспект, знаејќи дека доаѓа подобро време, истакна Заев.

ИНФОМАКС: „Ќе те убиеме и тебе и Боки, пазете што зборите“, телефонски закани до Боки 13 и неговиот адвокат додека давале исказ во ОЈО

Дарко Андоновски — Thu, 25 Jun 2020 15:19:12 +0000

Вистинска драма се одвивала денес во Основното јавно обвинителство додека Бојан Јовановски го давал својот исказ во врска со кривичните пријави кои тој ги поднесе против десетици актуелни функционери на власта, и еден бизнисмен, објавува Инфомакс. Пред почетокот на сослушувањето од страна на обвинителот, како што дознава „Инфомакс“, лице од непознат за адвокатот на Јовановски, телефонски број со мутиран глас му предочил дека треба да внимава што зборува пред обвинителот, а уште повеќе да внимава како се однесува неговиот клиент. Во спротивно, Дуковски и Јовановски ќе требало да внимаваат на своите и животите на нивните семејства. Случката се одвивала пред обвинителот, а за настанот е составена и белешка која е вметната во кривичната пријава. Засега не е познат идентитетот на заканувачот. На последното рочиште за „Рекет“, Бојан Јовановски пред судот тврдеше дека парите од рекетираните бизнисмени завршиле кај Зоран и Вице Заеви. Неофицијално, „Инфомакс“ дознава дека заканата е упатена преку еден градоначалник кој истовремено е и успешен бизнисмен.

Дуковски: Го затворија Боки 13 за да ги прикријат крупните “ѕверки“

Ивана Ефремовски — Tue, 23 Jun 2020 09:23:25 +0000

Во вечерашното издание на дебатната емисија „Што не е јасно” гостуваше адвокатот Сашо Дуковски, кој зборуваше за случајот “Рекет” како и за тенденциозниот пристап од страна на судот врз случајот со Бојан Јовановски. Адвокатот Дуковски се осврна на пресудата која што му беше изречена на неговиот клиент Бојан Јовановски во времетраење од девет години, што според него е крајно некоректна одлука која не е поткрепена на докази. Тој вели дека неговиот клиент Јовановски не е главната фигура во случајот „Рекет” и дека е злоупотребен. -Ништо не укажува на тоа дека Бојан Јовановски има било каква поврзаност со рекетот кој наводно го направил. Судот дефинитивно донесе одлука која ќе мора во иднина да се преиспита поради тоа што ваквиот начин на носење одлуки не доликува на една таква сериозна институција, вели Дуковски. Тој додаде дека судот донесува одлуки политички и дека целата процедура укажувала на тоа дека сите страни во случајот единствено сакаат да го затворат Бојан Јовановски, а да спасат поголеми ѕверки кои незаконски имале допир со тие пари.

Дуковски го „пpeгази“ Заев, тој не го пријавил случајот, ако коза лаже, рог не лаже

Дарко Андоновски — Thu, 18 Jun 2020 17:20:33 +0000

Како тоа Зоран Заев го пријавил случајот „Рекет“ во обвинителството кога во списите стои дека случајот го пријавил Орце Камчев истакна адвокат Сашо Дуковски на Бојан Јовановски во телевизија 24. -Обвинителството односно Вилма Русковска вели дека случајот го пријавил Орце Камчев. По ова што вие ми го прочитавте, реакцијата на Заев излегува дека Зоран Заев го пријавил случајот. Нека се договорат. Јас во списите видов дека случајот е пријавен од Орце Камчев. Е сега ако коза лаже, рог не лаже, ете го предметот во обвинителството. Нека се договорат кој го пријавил, вели Дуковски. Тој истакнува дека од одбраната три пати било побарано да се вештачи телефонот на Бојан Јовановски, но тоа не било дозволено единствено бил споделен скриншот од комуникација помеѓу Заев и Јовановски каде се глорифицира екс премиерот. -Но има предисторија ова тогаш кога тие имаат некакви комуникации. Но и тоа беше многу редуцирано беше даден само еден скриншот каде се глорифицира премиерот Заев како му вели тоа и тоа. Дали некого можете да му пратите порака ако претходно не сте имале комуникација. Зошто телефонот не е вештачен. Ако јас имам чист предмет. Три пати е побарано, три пати е одбиено, вели Дуковски.

Ќе дозволеа да се сруши зградата на судот, но да не се вештачи телефонот на Бојан Јовановски

Дарко Андоновски — Thu, 18 Jun 2020 16:28:13 +0000

Адвокатот на Бојан Јовановски, Сашо Дуковски во своето гостување во телевизија 24 истакна дека обвинителката Вилма Русковска и обвинителството попрво би дозволиле да се урне зградата на судот отколку да се вештачи телефонот на Бојан Јовановски. -Не можам да ја разберам неверојатната упорност, настојчивост и одбивност од страна на обвинителството и судот да се вештачи телефонот на Бојан Јовановски. Јас тоа не можам да го разберам. Доколку јас имам чист предмет како што тврди обвинителката што е проблемот да имате повеќе докази. Ние тоа го побаравме 3 пати во истрага, во листата на докази и уште еднаш со дополнување на докази. Мислам дека обвинителството толку се спротивставуваше за изведување на тој доказ што пре ќе се сруши зградата на судот отколку да изврши вештачење на тој телефон, вели Дуковски. Адвокатот Дуковски потенцира дека во телефонот има разговори и докази кои ќе ја обелоденат вистината за овој кривично правен настан. -Во телефонот можеме да збориме што има откога ќе видиме. Во телефонот како што тврди мојот клиент има разговори и многу докази кои што ќе ја расчистат правата фактичката состојба во овој случај, посочува тој.

Дуковски: Рускоска попрво би дозволила да се руши обвинителството, отколку да се види со кого контактирал Боки

Ивана Ефремовски — Mon, 01 Jun 2020 12:41:49 +0000

Адвокатот Сашо Дукоски го запраша судот зошто обвинителството не дозволило во целост да се вештачи мобилниот телефон на Бојан Јовановски за да се види со кого се разговарал. -Обвинителката Рускоска попрво би дозволила да се сруши зградата на Јавното обвинитество отколку да се вештачи мобилниот на Боки иако тој ги дава сите шифри телефонот да се отвори, откри Дукоски.

Дукоски: Сите видовме како Кичеец е во друштво со братот на врвен политичар

Ристе Здравков — Mon, 01 Jun 2020 12:40:07 +0000

Адвокатот Сашо Дукоски на денешните завршни зборови потсети на врските кои ги имал Зоран Милески Кичеец со актуелни политичари и оти Обвинителството поминало лесно преку тоа. Тој се надева дека овој факт ќе го земе во предвид при носењето на пресудата. „Сите видовме како Кичеец е во друштво на познат адвокат и со братот на еден врвен политичар. И тоа помина така“ повтори Дукоски. Според Дукоски незамисливо е во една модерна правна држава да се води ваков процес. „Немаше никакви докази и аргументи и јавната обцинителка каже на повисок тон и оти треба да не убеди. Што видовме, праша адвокатот Сашо Дукоски на денешните завршни зборови на случајот Рекет. Тој смета дека јавното обвинителство со многу политика го водеше случајот и повеќе се водеше на народот да му даде “леб и игри” отколку докази. „Видовме снимка од цели пет секунди во која еден од обвинетите носи торба лесно како перце Се покажуваше таа фамозна торба. Ако е тоа доказ“ -изјави Дукоски. Тој вели дека Боки се гони за трошење на пари во период кога воопшто не се водела постапка како што е случај во 2017 година. „Како може да пуштил во промет пари кога не била почната постапка. На тој начин може да биде осуден и за убиството на Кенеди“, рече Дукоски. Тој рече дека е скандалозно што од него се кријат докази кои ги има обвинителството и оти му се јавувале луѓе да му ги продадат изјавите на обвинетиот Зоран Милески – Кичеец, кои и онака му следуваат. „Јас не знам каква е оваа опсесија од криење докази“, праша Дукоски.

„Никој не го ферма, додека не умре“-адвокатот на Боки 13 открива загрижувачки детали за неговата здравствена состојба

Ивана Ефремовски — Thu, 16 Jan 2020 15:15:43 +0000

Бојан Јовановски никој не го ферма додека не умре еден ден, тврди неговиот адвокат Сашо Дуковски, кој во изјава за „А1он“ вели дека здравствената состојба на првообвинетиот во „Рекет“ секојдневно се влошува. Дуковски останува на тоа дека во затворот не може да се спроведе хигиено-диететски режим, кој го препорачуваат докторите. -Секој ден го носат во болница. 10 установи кажуваат дека за него треба соодветен хигиенско-диететски режим. И затворскиот доктор кажува дека не може таков режим да се спроведе таму. Утре треба да се земат хистолошките резултати, од земениот материјал од чировите во желудник. Никој не го ферма додека не умре некој ден, па тогаш ќе видиме на кого ќе ја префрлаат топката, вели Дуковски. Обвинетиот Бојан Јовановски пред судот посочи дека тој се гледа себеси како политички затвореник, но и дека пријавил закани за негова ликвидација. Следното рочиште за „Рекет“ е закажано за во понеделник.