Сашо Орданоски – Kurir.mk

Лидер: Сашо Ордановски цела Влада ја ставил во ризик од коронавирусот – бил во контакт со лице од Италија!

Тале Кристо — Mon, 23 Mar 2020 20:34:56 +0000

Провладиниот пропагандист новинарот Сашо Ордановски предизвикал инцидент на денешниот брифинг во владата. – дознава “Лидер” од присутни на состанокот. Како што дознаваме, Владата денеска свикала затворен брифинг, со цел да ги дисциплинира новинарите и редакцијата. Нашиот извор, сведочи дека Орданоски ги шокирал присутните подобни новинари, министерот Филипче и премиерот Спасовски. -Се случи нешто незамисливо, Сашо Орданоски се јави за дискусија и соопшти дека бил во контакт со женско лице од Италија, пред две недели. Кажа дека пред една недела се тестирал, ама бил негативен.Спасовски и Филипче беа фрапирани,ама работата се заташка, сведочи нашиот извор. Повеќе прочитајте на ЛИДЕР

Добро утро со СЈОрданоски- вредно 255.000 денари

Катерина Бојаџиева — Mon, 25 Nov 2019 22:11:01 +0000

Нашата позната новинарска „ведета“, Сашо Орданоски, кој беше дел од тимот на Боки 13, изгледа примал „новинарски додаток“, пренесува Канал 5. Сашо Орданоски , еден од „ведетите“ на сега веќе „мртвата“ 1ТВ, во периодот кога работел токму кај Бојан Јовановски изгледа тешко „спојувал крај со крај во месецот“, па одлучил да соработува и со , верувале или не - СЈО на Катица Јанева?!. Целиот текст на Канал 5.

Ордановски: Реконструкцијата е несолена шега, пратениците треба да кажат НЕ!

Ивана Ефремовски — Mon, 24 Jun 2019 12:47:18 +0000

Сашо Орданоски за себеназнувањето на Заев и за министер за финансии, во неговата последно објавена колумна на порталот Цивилмедиа под наслов “Несолената шега на Заев“, смета дека овој предлог на министри од страна на Заев е потценување на интелегенцијата на демократски настроените граѓани, и можност за злоупотреба на пари ? „Кога еден премиер ќе го смени својот министер за финансии и – задржувајќи го како советник околу себе – ќе ги преземе и неговите дотогашни надлежности во Министерството за финансии, тоа во секоја влада значи една работа: дека на премиерот му треба побрз и „поразновиден“ проток на парите одошто тоа го обезбедувал министерот. Брзината значи решителност, значи потреба од поитни резултати, но може да подразбере и невнимателност, помала контрола врз протокот на тие пари и простор за нивна злоупотреба. Многу скоро ќе видиме која од овие причини превладала во решението на Заев да го смени Тевдовски и да го преземе и неговото портфолио – дали во трошењето на парите му е важна брзината или намалената контрола? Може да е и комбинација, што е познато под квалификацијата „Премиерски брзи прсти“. Другите промени во Владата се, главно, на работ од тоа да се… па, да, скандалозни. Да ја уништиш, со еден потег, целата идеја за „Едно општество за сите“ со тоа што ќе го именуваш г. Садула Дураки, „инженер по машинерија“, за министер за политички систем, тоа е како да ставиш ревматолог да го води ресорот за култура! … Уууупс! Во ваков контекст, каква е оваа владина реконструкција? Делува како несолена шега. Ако имаат малку интегритет и политички усул, добар дел од пратениците од владејачката коалиција би требало да НЕ ја изгласаат оваа предложена владина кадровска реформа и да го вратат Заев на поправен. Тоа може да биде спасоносен чекор за оваа премиерска непромисленост која ги има во себе сите знаци на рецепт за одложена политичка катастрофа. Тоа, се разбира, нема да се случи. Наздравје“-пишува Орданоски во својата колумна.

Социјалните мрежи вријат: Од каде толкава омраза кај Орданоски?

Предраг Кукиќ — Wed, 27 Feb 2019 22:17:05 +0000

Вечерва топ тема беше гостувањето на Претседателот на ВМРО-ДПМНЕ Христијан Мицкоски во емисијата „Печат на неделата“ кај новинарот Сашо Орданоски со кого имаше жесток дуел. Мицкоски му порача дека има чувство како да е на дуел со Зоран Заев. Орданоски, кој беше видно вознемирен, во емисијата неколку пати го обвини лидерот на опозицијата Мицкоски без притоа да даде конкретни докази против него. Тој цело време избегнуваше да поставува прашања за актурлната власт и актуелните афери, откако СДСМ дојде на власт, и сакаше тоа да го сведе на нешто што е нормално во државата. Поголем дел од интервјуто Орданоски поставуваше прашања поврзани со претходната власт кога на владејачка партија беше ВМРО-ДПМНЕ, а премиер Никола Груевски. Освен тоа, Орданоски не му дозволуваше на лидерот на опозицијата да даде целосни одговори. – Јас Ве сослушав. Неколку тези дадовте, ако ми дозволите да одговорам без да ме прекинувате. – реагираше Мицкоски, на што доби одговор дека ќе биде прекинат секогаш кога тоа му одговара на Орданоски. Мицкоски му забележа неколку пати на Орданоски дека, иако се бори за правна држава, воопшто не ја критикува власта за актуелните скандали што се случуваат, со непотизмот, со сомнителното доделување на тендери. На ова Орданоски не даде конкретен одговор, туку повторно започна да зборува за поранешната влада. Граѓаните имаа можност преку социјалната мрежа Фејсбук да ја гледаат емисијата, како и да коментираат. Ви пренесуваме дел од коментарите:

Орданоски трие – дамките останаа: Јавноста не ја прифаќа невиноста на власта за бегството на Груевски

Предраг Кукиќ — Tue, 13 Nov 2018 20:27:43 +0000

Дали Никола Груевски избега или власта му направи услуга? Расплетот на настаните поврзани со барањето политички азил на Никола Груевски во Унгарија го прави ова прашање логично исто толку колку што е бесмислено. Бесмислено да се постави, зашто повеќе од јасно е дека Никога Груевски не можеше да ја напушти Република Македонија без знаење на власта, чиишто безбедностни служби го следат со месеци. Потврда на ова се и „длабоките новинарски анализи“ на медиумската армија блиска на власта. Новинарот и политички аналитичар Сашо Орданоски во колумна за „Цивил“, објавена вчера рано утрото, ноншалантно ни соопштува дека поранешниот премиер Никола Груевски побегнал надвор од државата. Ако ги следиме настаните хронолошки Орданоски, кој важи за исклучително близок до актуелната власт – знаел нешто за бегството и пред можеби тоа да се случи. Орданоски ја објави колумната рано утрото, веројатно ја напишал во неделата вечерта, секако пред последниот обид на судскиот курир да му ја предаде на Груевски поканата да се јави во затворот во Шутка. Во колумната „Каде е по ѓаволите Никола Груевски“, Орданоски саркастично предвидува дека Груевски заминал во Белизе, преку Србија па се до Унгарија, каде што во моментов се наоѓа поранешниот премиер. „До Белизе е стигнат скриен во транспорт со специјално прилагоден камион, преку Србија и Унгарија (после Табановце белки и со полициска придружба), а потоа… Потоа, по него нема потерница од Македонија, светот ти е в џеб, особено откако ќе посетиш некои банки во Будимпешта! (Колку за по пат, другото секако те чека таму.), пишува Орданоски во својата колумна. Дека Груевски навистина е во Унгарија, како што објави тој самиот нешто повеќе од 24 часа од објавувањето на колумната на провладиниот новинар, попладнево потврди и Министерството за внатрешни работи. „По направените соодветни проверки, Министерството за внатрешни работи утврди дека лицето Никола Груевски, кое се бара заради извршување на казна затвор во траење од две години за сторено кривично дело – примање награда за противзаконито влијание, се наоѓа во Република Унгарија. Министерството за внатрешни работи на Република Македонија доби и потврда од унгарското министерство дека Никола Груевски е во Република Унгарија и дека побарал азил. Министерството за внатрешни работи го информира Основниот суд Скопје 1, по што Судот треба да издаде решение за распишување на меѓународна потерница за осуденото лице Никола Груевски“, пишува во соопштението на МВР. Во колумната Орданоски најави: 1. дека поранешниот премиер Никола Груевски ја напушта Република Македонија и 2. дека по него нема да биде распишана меѓународна потерница, нешто што на јавноста ѝ беше нејасно зошто не е сторено се до денеска кога Груевски се јави на Фејсбук од Будимпешта. Од денешна перспектива провладиното перо невешто се потруди да ги затвори можностите за критика кон власта за бегството на Груевски. Ордановски се обидува, уште пред настанот да се случи, да ја амнестира власта од обвинувањата за наводна помош при бегството на Груевски, пишувајќи дека од тоа најмногу ќе профитира опозицијата, а товарот ќе падне врз Заев. „Товарот на вината паѓа врз Заев: пребеган е од Македонија во договор со него! За сумата на парите вие нагаѓајте, иако се спомнуваа некакви 250 милиони. Всушност, доколку навистина исчезне, легендата за Груевски – како за некаков патриотски Робин Худ – само ќе расте, паралелно со хорот на оние кои ќе бараат одговорност за тоа како можел да избега?! Мицкоски ќе слави: ем „политичкиот осуденик“ имал право да побегне; ем тоа ја докажува неговата теза за „криминалецот Заев(и)“. Две во едно. Избори веднаш, долу со предавничкото, неспособно СДСМ! (Ама само откако ќе се усвојат уставните измени…)“, пишува Орданоски. Целата колумна на Орданоски, на следниот линк.

Орданоски планираното заминување на Груевски го најави пред да се случи

Катерина Бојаџиева — Tue, 13 Nov 2018 17:50:22 +0000

Провладиниот новинар и политички аналитичар, Сашо Орданоски, во неговата претпоследна колумна за „Цивил Медиа“, објавена вчера, прејудицира дека поранешниот премиер Никола Груевски побегнал надвор од државата. Неговата колумна беше објавена рано наутро, пред да заврши последниот обид за предавање на поканата до Груевски за да се појави во затвор, па од тука се отвора сомнеж дека Орданоски, кој важи за исклучително близок до актуелната власт, знаел нешто за бегството и пред можеби тоа да се случи. Во колумната, насловена „Каде е по ѓаволите Никола Груевски“, Орданоски саркастично најавува дека Груевски отишол во егзотичната држава Белизе, но, ја објаснува рутата за бегство преку Србија па се до Унгарија, токму државата каде што во моментов се наоѓа Груевски, според неговите тврдења на фејсбук. -До Белизе е стигнат скриен во транспорт со специјално прилагоден камион, преку Србија и Унгарија (после Табановце белки и со полициска придружба), а потоа… Потоа, по него нема потерница од Македонија, светот ти е в џеб, особено откако ќе посетиш некои банки во Будимпешта! (Колку за по пат, другото секако те чека таму.). – пишува Орданоски во својата колумна. Во исто време, од денешна перспектива, очигледно е дека Орданоски се труди да ги затвори можностите за критика кон власта за бегството на Груевски. Тој се обидува, уште пред настанот да се случи, да ја амнестира власта од обвинувањата за наводна помош при бегството на Груевски, пишувајќи дека од тоа најмногу ќе профитира опозицијата, а товарот ќе падне врз Заев. -Товарот на вината паѓа врз Заев: пребеган е од Македонија во договор со него! За сумата на парите вие нагаѓајте, иако се спомнуваа некакви 250 милиони. Всушност, доколку навистина исчезне, легендата за Груевски – како за некаков патриотски Робин Худ – само ќе расте, паралелно со хорот на оние кои ќе бараат одговорност за тоа како можел да избега?! Мицкоски ќе слави: ем „политичкиот осуденик“ имал право да побегне; ем тоа ја докажува неговата теза за „криминалецот Заев(и)“. Две во едно. Избори веднаш, долу со предавничкото, неспособно СДСМ! (Ама само откако ќе се усвојат уставните измени…) – пишува Орданоски. Дека Груевски побегнал надвор од државата и бара политички азил од Унгарија поради прогон, македонската јавност дозна по повеќе од 24 часа по оваа колумна на Орданоски кој важи за провладин новинар.