Сашо Ордановски – Kurir.mk

Орданоски за бегството на екс началникот: Мијалков не се криел, човекот немал потреба да се појави

Катерина Бојаџиева — Fri, 26 Feb 2021 21:01:12 +0000

Новинарот и политички аналитичар Сашо Орданоски за недостапноста на екс шефот на УБК Сашо Мијалков цели 44 часа, вели дека човекот не се криел, туку дека немал потреба да се појави. Во дебатна емисија на Телма, Орданоски, кој вели дека инсистира да се користат огради при квалификувањето на однесувањето на Мијалков, вели дека човекот не се криел, туку дека немал потреба да се појави. Притоа Орданоски индицира дека Мијалков се криел во вила на Водно каде што живеел виден адвокат. Во дебатата Орданоски во неколку наврати жестоко ја критикува опозицијата за нејзиното однесување, а кога го прашуваат за однесувањето на власта во врска со скандалот Мијалков тој вели дека оценката за неа ќе ја дадат граѓаните на избори. Во видеото на Телма по 40 минута: https://www.facebook.com/TVTelma/videos/1001438693721613/

Ордановски: Оваа владина гарнитура нема да го издржи целиот мандат

Магдалена Андонова — Fri, 25 Sep 2020 17:37:31 +0000

Во вечерашното издание на “Само интервју” гостуваше новинарот Сашо Ордановски, кој зборуваше за моменталната владина гарнитура, политичките случувања во државата, како и за позициите на двете најголеми политички партии во Република Македонија. Според Ордановски, најголем профитер од овие избори е ДУИ која ненамерно поради неизлезноста на македонските гласачи, освои најмногу пратеници на парламентарните избори. Исто така Ордановски посочи дека ќе има искрења и недоразбирања помеѓу СДСМ и ДУИ поради нивните недорасчистени сметки од минатиот мандат, како и поради барањата во новиот мандат. “СДСМ ќе има проблем, искрено не верувам дека ќе го завршат мандатот како што планираат. Ќе имаат проблем и внатре во коалицијата, но и со ВМРО-ДПМНЕ кој полека се активира и реагира на секој потег на власта. Исто така, еден од потенцијалните проблеми е однесувањето на Артан Груби, кој декларативно побара субвенции само за Албанците”, вели Ордановски. СДСМ одигра прилично паметно со албанскиот блок и придоби голем број на гласови, иако можеби и не очекуваа толку. СДСМ е мултиетничка партија сега и кога станува збор за бројот на гласачи, не можеме да бидеме секогаш сигурни, бидејќи не знаеме чиви гласови ќе легнат на контото на СДСМ, истакна Ордановски.

Братот на Сашо Ордановски на Божик се потсмева на Христовото раѓање (ФОТО)

Тале Кристо — Tue, 07 Jan 2020 13:13:57 +0000

Братот на новинарот Сашо Ордановски кој доби огромни финансиски средства од Фондот за иновации за контроверзен проект на празникот Божик се потсмева на тие што го слават Христовото раѓање, пишува Експрес.мк. Во пост на Твитер Ванчо Ордановски наверојатно со цел да испровоцира реакции намерно Господ го нарекува “ГоспоТ” и прави шеги и на сметка на Христос. “Во Австралија паднал дожд. Госпот ги видел вашите пиететни обреди за Божик, вашето рисјанско в’тење в’тење в’тење лепче, пеењето безобразни песни покрај огновите, и се смилувал… Литл бејби џисз и литл бејби Јода се задоволни”, пишува Ванчо Ордановски на ден Божик кога најголемиот дел од Македонците го слават еден од најважните христијански празници. Еден од тие што ставил “лајк” на навредливиот статус е Џабир Дерала уредник на два медиуми кои ја бранат СДСМ. Да се биде атеист и да не се слават верски празници е право на секој човек но да се тера мајтап со религиските уверувања и празнувања на други луѓе е чист говор на омраза и обид да се издејствува поделби меѓу луѓето, се вели во некои од коментарите за статусот на братот на Сашо Ордановски. Некои од коментаторите пак велат дека провокациите на Ванчо Ордановски се намерно направени за да создаде контекст за одбрана кога ќе започне истрагата за парите добиени од Фондот за иновации. Според повеќе извори меѓу десетината проекти кои ќе ги истражува новиот министер за внатрешни работи во Фондот е и контроверзниот проект на Ордановски за кој постои сомневање дека е копиран од индиска фирма.

Тешки навреди врз Тимоние и Француската нација од братот на Сашо Ордановски

Дарко Андоновски — Sun, 30 Jun 2019 14:52:32 +0000

Иако дел од провладините активисти и предходно го напаѓаа за неговите критики кон владата францускиот амбасадор Тимоние деновиве бил мета и на навреди откако на премиерот, СДСМ и ДУИ експлицитно им порача дека прво треба да ги решат проблемите а потоа да чекаат датум. Откако прво пред десетина дена умерена јавна критика кон него и Франција упати Сашо Ордановски деновиве неговиот брат Ванчо, кој е активен поддржувач на владините политики, со директни навреди кон францускиот дипломат и сите Французи. Профилот @mindplumber зад кој стои братот на Ордановски на Твитер вели дека Тимоние е неспособен и користи стереотип за Французите кои ги навредува дека не водат сметка за личната хигиена. “Тој Тимоние да бил асален ќе добиел амбасадорско место во Вашингтон а не у Скопје, да ни кења овде. Гоние се бре у лепу пиучку матер иди таму да си смрдиш со твоите…” пишува Ордановски во навредливиот твит за Французите и амбасадорот Тимоние веднаш откако тој порача дека и во октомври датумот за ЕУ е тешко достапен.

МАН: Сашо Орданоски ги прекрши медиумските закони и новинарски кодекси, ААВМУ да преземе мерки

Ивана Ефремовски — Thu, 28 Feb 2019 14:52:53 +0000

Македонската асоцијација на новинари (МАН) смета дека се прекршени сите правила на професионално однесување и известување, како и сите етички норми во Кодексот за известување, пропишани од новинарските здруженија во синоќешната емисија “Печат на неделата” на уредникот и водител Сашо Орданоски на 1ТВ, во која гостуваше претседателот на ВМРО-ДПМНЕ, Христијан Мицкоски. - Новинарот има право слободно да се изразува и има право на изразување лични ставови во форма на несогласување согласно Член 11 од законот за медиуми. Но, агресивното и скандалозно бранење на политички ставови, истовремено проследено со обвинувања и дискриминација заради поинакви политички уверувања, прекршување на начелата за почитување на достоинството на личноста, пресумпција на невиноста, објективно и непристрасно прикажување на настаните со еднаков третман на различните гледишта и мислења е спротивно на Член 48 и Член 61 од Законот за аудио и аудиовизуелни и медиумски услуги. Затоа, МАН ја повикува Агенцијата за аудиовузулени и медиумски услуги да го разгледа овој случај и да ги преземе сите мерки кон 1ТВ. Истовремено, ги потсетуваме сите новинари, водители и уредници дека имаат законска обврска за балансирано известување и однесување не само за време на изборни кампањи, туку секој ден во годината. Особено кога реформите во медиумите се дел од оценката за добивање датум за почеток на преговорите со ЕУ, се наведува во реакцијата на МАН.

Интервју или нарачано шиканирање: Осуди за однесувањето на Ордановски кон Мицкоски (ВИДЕО)

Ивана Ефремовски — Thu, 28 Feb 2019 14:50:20 +0000

Интервју или нарачано шиканирање? Вака е насловено видеото кое беше објавено на социјалните мрежи, со исечоци од интервјуто кое лидерот на ВМРО-ДПМНЕ Христијан Мицкоски вчера го даде за 1ТВ. Тој гостуваше кај новинарот Сашо Ордановски. -Првичните наоди од надзорот на Агенцијата укажуваат дека во делови од интервјуто, новинарот ги прекршува начелата за почитување на достоинството на личноста, за пресумпција на невиноста и за објективно и непристрасно прикажување на настаните со еднаков третман на различните гледишта и мислења од член 61 од Законот за аудио и аудиовизуелни медиумски услуги, ова денеска преку соопштение го истакнуваат од Агенцијата за аудио и аудиовизуелни медиумски услуги. Македонската асоцијација на новинари (МАН) смета дека се прекршени сите правила на професионално однесување и известување, како и сите етички норми во Кодексот за известување, пропишани од новинарските здруженија во синоќешната емисија “Печат на неделата” на уредникот и водител Сашо Орданоски на 1ТВ, во која гостуваше претседателот на ВМРО-ДПМНЕ Христијан Мицкоски. - Новинарот има право слободно да се изразува и има право на изразување лични ставови во форма на несогласување согласно Член 11 од законот за медиуми. Но, агресивното и скандалозно бранење на политички ставови, истовремено проследено со обвинувања и дискриминација заради поинакви политички уверувања, прекршување на начелата за почитување на достоинството на личноста, пресумпција на невиноста, објективно и непристрасно прикажување на настаните со еднаков третман на различните гледишта и мислења е спротивно на Член 48 и Член 61 од Законот за аудио и аудиовизуелни и медиумски услуги. Затоа, МАН ја повикува Агенцијата за аудиовузулени и медиумски услуги да го разгледа овој случај и да ги преземе сите мерки кон 1ТВ, велат од МАН.

Заев губи рејтинг, Ордановски губи контрола

Предраг Кукиќ — Wed, 27 Feb 2019 23:35:06 +0000

Претседателот на ВМРО-ДПМНЕ, Христијан Мицкоски гостуваше во „Печат на неделата“ каде водеше жесток дуел со новинарот Сашо Ордановски кого Мицкоски го нарече бард на новинарстово, но и дека има чувство дека во емисијата води холограмски дуел со премиерот. Нејасна е целта зошто Орданоски го поканил Мицкоски на интервју, а од она што го видовме – за да го понижува од позиција на домаќин, на некој кој по логиката на нештата е надреден. Повеќепати му повтори дека е машинец и не се разбира во право, па потоа да го пофали дека му оди математика. Упатените коментираат дека главната причина за ваквиот однос вечерва се должи на падот на рејтингот на премиерот Зоран Заев и неговата матична партија СДСМ, нешто што се докажа со денешната одлука на претстојните избори да настапат заедно со коалицискиот партнер ДУИ, се со цел вештачки да го зголемат своето конто на гласови. Неодамна беше објавена и анкета на телевизија Телма на која се забележа зголемен рејтинг кај лидерот на опозицијата Мицкоски, додека кај македонското гласачко тело партијата ВМРО-ДПМНЕ е во убедливо водство пред СДСМ.

Ордановски: Заев мора да си плати цена за ова што се случува моментално

Ивона Петрова — Thu, 15 Nov 2018 10:59:14 +0000

Сега треба органите, ако не утре да излезат со прес конференција, не само министерот Спасовски, ова е класичен случај за организиран криминал во МВР. Значи таму има луѓе што треба да се бават со тоа. Таму се луѓе кои што би требало да бидат професионалци, ако не ги контролирале тоа е анализата со која треба да се занимаваме. Затоа што ако ми дозволите целата оваа ситуација е резултат на ова владеење на Зоран Заев во кое што се се стави да се преговара на маса. Ние ја знаеме високата цел. Направија милион компромиси, се направија од поздравувања со Амди Бајрам до толерирања, посочи Сашо Ордановски во гостувањето на 1ТВ. Ордановски појасни дека ова е таа атмосфера која што во Македонија година ипол откако Заев е дојден на власт владее, во која што сите мислат дека на крајот се може да се договори од уставни промени до бегање од правдата. -Поради оваа атмосфера политичка, Заев ќе си плати цена за тоа, но за да ја пресретне таа цена мора веднаш да се излезе во јавноста со форензичка анализа како успеа Груевски да избега од земјата без при тоа да знае власта, смета Ордановски.

ТВ1 политички објективна колку што е објективен Сашо Ордановски

Дарко Андоновски — Sun, 16 Sep 2018 11:15:49 +0000

На дебата на ТВ 1 во петокот во емисијата на водителот Сашо Ордановски се говореше за случаите на СЈО со посебен акцент на предметот „Тенк“ за набавката блиндираното возило од кое новата власт нема излезено и во кое се прима секој позначаен гостин во Македонија. Телевизијата 1 веќе се профилираше како класичен сервис на власта на СДСМ, која треба да одработува за се што власта и СДСМ прави а не треба да го прави, и се што не прави а треба да прави. Таму како водители се поканија да влезат најистурените играчи на СДСМ, меѓу кои еден од поистакнатите е Сашо Ордановски, кој доби своја емисија, која практично како и целата телевизија е пропаганда на СДСМ, и оцрнување, омаловажување и напаѓање на ВМРО-ДПМНЕ. Бидејќи станува збор за новинари со децениско искуство, пропагдата е исфилувана, пософистицирана отколку, на пример, на Саше Политико. Интересно за оваа телевизија е што се говори дека сопственик на телевизијата е познатиот поранешен трансвестит, денес ребрендиран во хумантирано момче Боки 13, но никој во државата не го отвора прашањето, или се плаши да го отвори, од каде му се парите на Боки 13 за толкав проект. Никој не отвора дебата или истрага за потеклото на парите на Боки 13, кој од 2015-2016 одеднаш стана многу богат, носи најскапа брендирана облека, парчиња облека кои чинат по неколку илјади евра, дава хуманитарна и друга парична помош, и отвори телевизија со огромни трошоци во милиони евра. Ако другите медиуми се плашат, еве овој текст ОЈО може да го смета за јавно допрен глас, па да го испита потеклото на парите на Боки 13, чија заработка во минатото како учесник во разни шоу, а во кој се појавуваше во сукњи, прелици и други женски алишта, сигурно не надминувало 15-20 илјади евра годишно пресметувано најоптимистички. Инаку Сашо Ордановски си смислил многу едноставна емисија во која поканил двајца гости чии став за СЈО и за предметот „Тенк“ однапред го знае, па лесно ќе ја одработи вечерта. Едниот гостин е новинарот и сопственик на порталот „Сведок“ Саше Димовски, за кого се знае дека веќе објави на неговиот портал Сведок дека негово мислење е дека Апелациониот суд ќе ја потврди пресудата на Груевски, со тоа што ќе ја намали за 6 месеци. Нему како новинар многу му е важно да му се оствари неговата прогноза, бидејќи има изградено репутација на новинар кој ги погодува постапките и пресудите на судиите и дека е добро информира, и дел од неговата додадена вредност како новинар и сопственик на портал е токму тоа. Така што за него е многу важно да излезе по негово за да биде и во иднина неговиот портал читан како досега и повеќе. Вториот гостин беше советник на СЈО и земаше, а можеби и се уште зема, месечен паричен хонорар за тоа. Тоа е адвокатот Александар Тортевски. Во минатото тој се профилираше како жесток критичар на ВМРО и Груевски откако не доби никаква понуда од нив. Потоа откако се позиционира како нивни противник, и се стави на иста страна со СДСМ, се амбицираше токму тој да биде специјален обвинител или јавен обвинител, но неуспеа. За утеха стана советник на СЈО за што добива пари. СјО направи долга листа на советници кои ништо друго неработат туку само одат по дебатни емисии во сите медиуми за глумејќи независни експерти да го бранат СЈО. Народот плаќа преку буџетот за овие да ги правдаат и релативизираат грешките, глупостите и политичките нарачки кои СЈО ги исполнува. За Сашо Ордановски да не говориме многу. Тој е одамна позициониран и има јасно заземена страна на СДСМ и против против ВМРО, а особено против Никола Груевски. Важеше и за косовски лобист. Тој во секој настап прилично невешто се обидува да одглуми некаква незавиност, неутралност и слично, но тоа е толку невешто правено, и тој толку долго ја работи оваа работа, што никој веќе не го зема за сериозно неговиот обид да одглуми независен, неутрален и непристрасен новинар. И така, собрани тројцата, секој со различни мотиви дојдоа да изградат атмосфера дека апелациониот суд треба и ќе ја потврди пресудата врз Груевски. Тортевски дури до толку се занесе, а Ордановски тоа го лапна како локум, што индиректно предложи ексраководството на ВМРО кога ги суделе, да ги ставале во кафез во судницата. Сите тројца со голема леснотија заклучија дека Груевски е виновен, дека „…тоа на М…“ е доволен доказ, и дека апелација ќе ја потврди пресудата за казна затвор, со тоа што Саше Димовски во склад со својот натпис кажа дека очекува казната да биде намалена за 6 месеци. Сепак никој од нив немаше храброст да ги допре прашањата кои не одат во корист на СЈО, СДСМ и судијката Кацарска. Еве неколку од нив: 1. Дека „…тоа на М…“ не е доказ туку асоцијација од која може да се извлече максимум само претпоставка, а една судска пресуда не смее да се темели само на асоцијација и претпоставка туку на цврст матерјален доказ, и дека против Груевски нема ниту еден друг доказ дека сторил кривично дело освен оваа асоцијација и претпоставка. Сите сведоци сведочеа во негова полза, а тој нема никакво формални учество во постапката. Всушност обвинението против него е: ,,…влијаел да се набави возилото бидејки сакал и тој да се вози во него…,,. Значи да се возат други, но и тој. И дека со возењето во колата остварил корист, небаре ако не се купила колата, ќе одел пешки до Битола и Струмица. 2. Дека ако МВР сакало да набави токму такво возило можеле по закон да го набават со директна спогодба без тендер, бидејки е возило за безбедносна заштита, и сите такви претходно се набавиле без јавен тендер. Сепак МВР го направило со тендер иако немале обврска за тоа. 3. Дека ни тогаш ни сега државата немала друго такво возило кое ги исполнува безбедносните стандарди, па не случајно сите странски гости и самиот Заев редовно го користат. Значи имало неопходна потреба за негова набавка, 4. Дека вештакот во предметот е без лиценца кога го правел вештачењето, куќата за вештачење е подружница на странска фирма и нема право самата да склучува вакви договори, дека СЈО без тендер спротивно на закон ангажирала вештаци, дека раководител на подружницата е поранешниот потпретседател во владата на СДСМ и нивен градоначалник Димитар Бузлевски кој е политички противник на Груевски и неможе да е непристрасен, а еден од вештаците е Тале Герамитчиоски екс заменик министер за образование од СДСМ и пратеник и партиски функционер, дека дека вештаците направиле споредба само со две други производители, 5. Дека никаде во светот а и во нашиот закон за кривична постапка(ЗКП) незаконски прибавени докази неможат да се користат како докази или од нив да се извлекуваат докази во судска постапка, 6. Дека снимките се копии а не оргинали, а законот е дециден дека копии неможат да бидат докази, освен ако не се споредени со оргиналот, што судот одби да се направи. Како такви се и подложни на манипулации и едитирање. 7. Дека судот и СЈО го игнорираат фактот дека погазен е законот за приватност и дека СДСМ го пречекорил рокот за 30 дена за предавање на снимките на СЈО, што според законот за приватност значи дека овие снимки неможат да се користат во било какви постапки, вклучително и судски, 8. Дека Катица Јанева е член на СДСМ со членска книшка која излезе во медиумите, потпишана од Бранко Црвенковски, и со банкарски трансакции со кои плаќала чланарина на СДСМ и дека јасно е дека таа неможе да е непристрасна, како што и не е, 9. Дека се докажа нема никаква штета за буџетот со набавката на возилото, што го констатира и економскиот вештак на СЈО кој заклучил дека компанијата која го набавила остварила профит кој е во рамките на вообичаениот профит, и дека нема никаков екстра профит. Дека и во самите наводни снимки Груевски ја потсетува Јанкуловска да внимава во правец да извлече што пониска цена, а таа му одговара дека веќе превзела мерки и дека ги добила индикативните цени, 10. Дека случајот за набавката на возилото има и релативна и апсолутна застареност на гонењето, и дека ако судиите ги затворат очите пред сето ова, еден ден кога СДСМ нема да ги штити, не само што ќе бидат разрешени од судии туку и ќе седнат на обвинителна клупа и ќе бидат осудени за незаконско работење. И уште голем број вакви прашања, ниту Ордановски ги отвори, ниту гостите имаа храброст да ги кажат. Секој од свои причини, но со ист резултат: површно, без ,,спуштање сонда,, , еднострано, необјективно, некритички кон СЈО, поданички кон СДСМ, одмазнички кон ВМРО и Груевски и со леснотија го оправдаа СЈО и пресудата а Груевски го прогласија за виновен и осуден и од апелација. Тоа е новата телевизија 1. Наменска и со задача. Без ниту еден новинар во информативно политичкиот дел кој не е политички не само определен, туку и спремен да се бори за СДСМ по цена да ги погази професионалните стандарди. А гостите очигледно знаат каде доаѓаат и што треба да зборуваат.

Братот на Сашо Ордановски повикува Заев да се сврти кон Русија

Даниел Василев — Sun, 27 May 2018 10:24:05 +0000

Ванчо Ордановски, брат на еден од главните скпоненти на СДСМ, Сашо Ордановски повикува Република Македонија да се приближи кон Русија, наместо кон Европската Унија. Тој во својата објава на Твитер вели дека ако ЕУ повторно не „откачи“ можеби треба да видиме како ќе ни оди со Русија. -Кога некој не те сака, што к** да им се упикуваме? Милам дека во Мариово има одлични полигони за стационирање на руски ракети, напиша Ордановски на Твитер.

Нескриениот поддржувач на СДСМ неколку пати досега излезе со контроверзни изјави преку својот Твитер профил. За него македонската нација била нација на злобни, глупи малициозни, неписмени и курвински луѓе, на кој им посакува сиромаштија. Тој преку твитер на македонската нација и порачува „Нација на злобни, глупи, малициозни, неписмено, религиозни, ку*вински луѓе. Им пожелувам долга и тешка сиромаштија. Да копате по контејнери“. Тој исто така посакува и да се сотре целото семе на таа нација, навредувајќи ги и прогласувајќи ја нација на дегенерици.

Говор на омраза е упатен и кон политичките неистомисленици од владејачкта ВМРО-ДПМНЕ пишувајќи дека се получудовишта, дегенирици, малоумни и дека е потребна нуклеарна бомба.