Нора Шаќири именувана за директор за „Театар Комедија“

Ивона Петрова — Tue, 02 Feb 2021 09:55:53 +0000

Нора Шаќири Марковиќ е именувана за в.д. директор на НУ Театар Комедија. Министерството за култура соопштува дека поради неправилности во работењето, утврдени од вонредниот инспекциски надзор од Министерството за култура, денеска е разрешен Сашо Ристовски од функцијата директор на НУ Театар Комедија. -При надзорот е утврдено дека директорот на театарот презел обврски над одобрените средства од Министерството за култура во вкупен износ од 8.734 486,оо денари без притоа истите да ги обезбеди од други извори. Со тоа е сторена повреда на чл.70 а, став 4 од Законот за култура. До изборот на нов директор, заради непречено фунционирање на оваа установа, за в.д. директор е назначена Нора Шаќири Марковиќ, вработена во театарот, соопштуваат од Министерството.

Директорот на театар Kомедија: Да, на моето биро стои слика од Заев

Даниел Василев — Sun, 27 May 2018 15:28:46 +0000

-Да, на моето работно биро стои фотографија, а тоа е фотографија на Претседателот на Владата на Република Македонија, г. Зоран Заев, без никакви партиски обележја, а воедно покрај неа стојат и знамето на Македонија и знамето на ЕУ-, одговори в.д директорот на Театар Комедија, Сашо Ристовски, на прашањето дали во тие постапки не гледа партиска идолатрија и еден вид притисок кон вработените, кои, не мислат исто како него, пишува новинарката Јорданка Ивановска - Јоци на својот портал Јоци.мк.

Тој не гледа ништо лошо во тоа, да се меша политика со уметност, за разлика од вработените актери на кои тоа им пречи. Меѓудругото, тој не гледа никаква партиска идеологија и притисок кон вработените, бидејќи бил „борец за слобода во начинот на комуникација и изразување на своите ставови“. Целиот текст прочитајте го на порталот Joci.mk.

Сашо Ристовски – Kurir.mk

Нора Шаќири именувана за директор за „Театар Комедија“

Директорот на театар Kомедија: Да, на моето биро стои слика од Заев