АЛФА: Несериозниот пристап на ОЈО држеше во притвор невин човек 8 месеци

Дарко Андоновски — Fri, 08 Jun 2018 09:16:09 +0000

Единаесет месеци на јавното обвинителство му требало од доказ кој го имал уште во пред истражна постапка да утврди дека Сашо Сенков не направил никакво кривично дело, односно не се обидел да го убие пратеникот Зијадин Села, пренесува телевизија Алфа. Единаесет месеци на јавното обвинителство му требало од доказ кој го имал уште во пред истражна постапка да утврди дека Сашо Сенков не направил никакво кривично дело, односно не се обидел да го убие пратеникот Зијадин Села. Од обвинителството се правдаат дека клучната снимка била во доказите за да се утврди вина кон НН лица па затоа ја виделе дури пред неколку дена. - ОЈО ја прибави и видео снимката, во тек на дејствијата кои се преземаат од страна на ОЈО Скопје во пред истражна постапка за расветлување на учеството на други НН лица во предметот за кој е веќе поднесен Обвинителен акт. Видео записот во својата содржина откри факти кои немаат само влијание за текот на пред истражната постапка кон други НН лица, туку и кон веќе обвинетите со Обвинителниот акт. Од тука, надлежниот јавен обвинител веднаш ја достави видео снимката како дополнение на доказната постапка, која што беше прифатена како доказ и од страна на судот, велат од ОЈО за Алфа. Ова за експертската јавност доволно кажува за како што велат несериозниот пристап на обвинителството во вака тешки процеси. Вчера јавното обвинителство го ослободи од кривична одговорност Сашо Сенков кој од октомври лани го држеше притворен во Шутка, беше обвинет дека со уште 9 други лица критичниот 27 април 2017 во Собранието се обиделе да го убијат пратеникот Села. Сите докази меѓу кои и снимките од камерите, односно клучната за ослободување на Сенков обвинителството ги имаше уште во јули 2017 година. Вчера освен што го ослободи Сенков од кривична одговорност, ОЈО, обвинението го смени за уште двајца, односно повеќе нема да ги гони за убиство во обид туку за насилство.

ВМРО-ДПМНЕ: Сенков е само една од жртвите на политичкиот прогон на државата заробена од криминалниот картел

Ивана Ефремовски — Thu, 07 Jun 2018 07:06:46 +0000

Сашо Сенков ни крив ни должен со месеци беше во притвор само заради политичка одмазда на СДСМ кон сите кои мислат поинаку, реагираат од ВМРО-ДПМНЕ. -На Сашо Сенков му се погазени сите права и без никаква основа и докази беше политички обвинет од страна на клиентелистичкото обвинителство на СДСМ. Зоран Заев и неговите послушници не ги интересираше ниту здравствената состојба, ниту семејството на Сенков. Ги интересираше само спроведувањето на наредбата за одмазда. Одговорност за ваквото однесување мора да има и ќе има. Сенков е само една од жртвите на политичкиот прогон на државата заробена од криминалниот картел. Вчера на носилка од судница беше изнесен и Александар Јанески - Тошта. Судот не го интересира ниту неговото здравје, ниту фактите на одбраната, се наведува во партиското соопштение на партијата. Од ВМРО-ДПМНЕ порачуваат дека веќе една година живееме во целосно заробена држава. -Станавме држава во која Зоран Заев иако флагрантно е фатен во кривично дело е ослободен само затоа што е премиер, а во исто време неговите политички противници се осудуваат без докази, само затоа што размислуваат различно од Зоран Заев. Помина една година на политички апсења и прогон. Една година во која е деградирано правото, а неправото стана пракса. Една година СДСМ создава трулеж во општеството. Една година на тортура, апсења, упади и терор. Една година СДСМ е една година кошмар за граѓаните. Година во која народот се соочува со фактот дека ветуваа се и сешто, а не исполнија ништо. Една година како нема повисоки плати, нема повисоки пензии и социјална помош, нема нови 600 километри автопат, ниту 550 километри магистрални патишта. Една година руинирано здравство и земјоделие во хаос. Зоран Заев и картелот кој го води го уништуваа животот на граѓаните, секој ден 365 дена во изминатава година. Овој хаос мора да запре. Република Македонија заслужува подобро. Граѓаните заслужуваат подобро, порачуваат од ВМРО-ДПМНЕ.

сашо сенков – Kurir.mk

АЛФА: Несериозниот пристап на ОЈО држеше во притвор невин човек 8 месеци

ВМРО-ДПМНЕ: Сенков е само една од жртвите на политичкиот прогон на државата заробена од криминалниот картел