сашо тасевски – Kurir.mk

„Сашо Тасевски да не се крие зад МВР и да одговори лично, кои се клиентите, кои ги користат услугите на семејната фирма?“

Катерина Бојаџиева — Wed, 12 Jul 2023 07:35:05 +0000

Сашо Тасевски, треба да престане го злоупотребува МВР, за лични работи и самиот да ги даде одговорите пред јавноста која ги бара, велат од ВМРО-ДПМНЕ. -Треба да одговори пред граѓаните, со што се занимава семејната фирма, регистрирана на домашната адреса, со што тргува, какви услуги нуди и што произведува? Колкав бизнис е во прашање и кои се клиентите кои што ги користат услугите на фирмата на домашната адреса на Сашо Тасевски, директорот на БЈБ? Дали после прикривањето на неколкуте скандали на неговото блиско семејство, следната фаза е отворање на профитабилен бизнис за неговиот син, по стапките на децата и внуците, на неговиот газда Али Ахмети? Зошто не ја пријавил фирмата до ДКСК, доколку известил дека се почнува семеен бизнис на домашна адреса, бараме да го покаже документот, пријавата, соодветната комуникација со ДКСК. Додека луѓето од власта си тераат приватни милионски бизниси, народот тоне во сиромаштија, поради криминалите кои ги прави власта. Одговорност ќе има пред народот и тоа за сите кои направиле криминал. Одговорноста која ќе следи, од ден на ден е се поблиску, додаваат од партијата.

Тасевски до владата на СДСМ: Вие сте продадени души и робови на Софија, од Македонец, Бугар НЕ бидува

Магдалена Андонова — Thu, 07 Jul 2022 18:37:46 +0000

НЕ! НЕ! НЕ! НЕ, вака започна денешниот говор на актерот Сашо Тасевски на протестот „Ултиматум – НЕ Благодарам“ пред Собрание. Тасевски пред присутните истакна дека францускиот предлог содржи бугарски шовинистрички антимакедонски помии, порачувајќи дека истиот го носи македонскиот народ кон обезличување. НЕ за бугарски шовинистрички антимакедонски помии, кои ги прошверцуваа во разни европски француски предлози и договори кои треба да го однесат македонскиот народ по патот на обезличувањето, а можеби и исчезнувањето, дециден е Тасевски. Тасевски упати порака до Бугарија и нагласувајќи дека од Македонец, Бугар НЕ БИДУВА, ниту пак во најлошиот кошмар. - Еве им порака до нив и до Бугарите: од Македонец Бугар НЕ БУДУВА и во најлошиот кошмар, нагласи тој. Исто така Тасевски испрати порака и до Ковачевски, Заев, Маричиќ дека може да потпишат секакво предавство, но тоа нема да ги направи поголеми европјани од македонскиот народ, укажувајќи дека се продадени души и робови на Софија. - Таче, Заев, Маричиќ можете да потпишете секакво предавство, но тоа нема да ве направи поголеми европјани од нас, нема да ве направи ниту понапредни, ниту попаметни. Со тоа само ќе покажете ако потпишете дека сте изродени кукавици кои за пет пари плукнале врз сите залети на нашите прадедовци,. Продадени души кои повеќе никој не сака да ги прекупи. Робови на Софија и Брисел, ете тоа сте вие. Не сакате да бидете Македонци, не ни можете, но треба да знаете една работа Македонија не дава да биде продадена, ако ја продадете ќе ги изгубите и парите и Македонија, порача Тасевски.

Тасевски до Пендаровски: Стана измеќар на бугарскиот шовинизам, стана џелат на македонскиот народ

Ивана Ефремовски — Mon, 04 Jul 2022 11:27:05 +0000

„Стево да ти кажам сега нешто без пцовка: Ти може си им претседател на Бугарите, Албанците, Ромите, марсовците, ама не си им претседател на Македонците. Ти вчера се самоизбриша со гумичка“. Ова го истакнува актерот Сашо Тасевски. Еве што друго напиша тој: „Стана измеќар на бугарскиот шовинизам. Стана џелат на македонскиот народ. Не се ова празни фрази Стево. Како можеш да изјавиш дека затоа што сме биле малку и сме имале плати од 500 евра мора да ја проголтаме секоја бугарска помија. Се преслуша ли што кажа? Кој ти го напиша говорот Стево? Предавнички Стево, предавнички. Срами се од себе, од семејството, од галичките прадедовци. Срами се од функцијата. Убав човек, а расипана душа. Може подобро за тебе ќе беше само да те опцујам. Ми се гади од тебе, од Ковачевски од Маричиќ, од матицата Заев. Како мајка да не ве родила. Како да ве пркнале во бугарски инкубатор на некоја фарма за предавници“.

Тасевски: Нашиот проблем со Бугарија е што имаме квислиншка власт која свесно влегува во преговори со држава која сака да го поништи македонскиот идентитет

Тале Кристо — Mon, 21 Feb 2022 19:53:00 +0000

Ние немаме проблем со Бугарите како и што немавме проблем со Грците. Бугарите имаат проблем со нас, нивните национални комплекси се во конфликт со нашиот идентитет со она што сме ние, истакна актерот Сашо Тасевски, во вечерашното гостување во дебатната емисија „Само Вистина!“ на Канал 5 Телевизија. „Бугарскиот договор е фактички документ со документирани нивни барања за нивниот сон за Санстефанска Бугарија и тоа е она што ни го нудат на нас. Ваквите постапки не претставуваат договор туку уцена и ултиматум“, посочи Тасевски. Тасевски додаде дека сета намера што се прави е да се по македонскиот идентитет. Тој додаде дека нашиот проблем е што имаме квислиншка власт која свесно влегува во преговори со држава која сака да го поништи македонскиот идентитет и нормално да воспостави контрола над оваа територија. „Политиканството со која е инфицирана цела држава, вклучувајќи ги највисоките државни институции до најситните сегменти се еден вид групации, некој ќе ги наречат и банди кој ја имаат власта во свој раце ги имаат механизмите и прават што сакаат“, рече Тасевски. Тасевски потенцираше дека не смее било која соседна држава да помисли да се однесува на ваков начин со свој сосед. Едноставно секоја сериозна држава нема да дозволи ни промил од ова што ние го доживуваме од Бугарите како начин на однесување. „Нашата владејачка гарнитура за жал нема никаков одговор и одговараат со молчење на постапките од страна на Бугарија, а доколку се молчи тогаш тоа значи дека тоа нешто се прифаќа“, заклучи Тасевски.

Тасевски: Владините медиуми молчат за аферата „Мафија“

Катерина Бојаџиева — Thu, 08 Apr 2021 16:18:53 +0000

Владините медиуми молчат за аферата „Мафија“, вели актерот Сашо Тасевски. -Излегува вчера Николовски од ВМРО и пред куп новинари покажува докази дека оваа власт делела гратис пасоши на балкански нарко дилери поврзани со колумбиски картели, егзекуции, киднапирања, изнуди... Ги покажува доказите за издадените пасоши и се обраќа на новинариве: Има прашања? Имаше само едно. Еј на ваков скандал, само едно прашање. Наместо да го бомбардираат со прашања не само него... А бе треба на чергиче пред врата да му спијат на Заев дома. На тој Обиџуко треба у врат да му дишат. Не смеат да ги пуштат да претнат по оваа глупост. Што мајка барале на челниците на најкрволочните и најмоќни европски нарко кланови како што се кавачкиот и шкаљарскиот клан, албанскиот, да им даваат македонски пасоши со кои некои подоцна биле фатени низ светов како извршители на убиства. Капа доле за оние новинарии кои ја копаат приказнава, но молчењето на повеќето за ова, блиски на Заев е шокантно. Ќутат еј! Немаат прашања, не сакаат одговори. Вчера сретнувам типче од една балканска амбасада кај нас, членка на ЕУ, го знам од 2017, шпиунче некое изгледа, ама ни оди муабетот, особено кога му кажувам државни тајни и ми вика за скандалов со пасошиве: Ова што го прават вашиве власти ми личи како намерно да ја пломбираат вратата пред ЕУ! Не може да се толку глупави! ( They can not be so stupid)... Ова се негови зборови. А бе и појше се глупи! - му викам. Не бе, не можев да го убедам. Едноставно не верува. А може е во право. Шпиунче сестру му... Може знае појше, пишува Тасевски.

Тасевски: Функционерите ќе шетаат по рајски острови, а нас ќе не затворате во кафез!

Тале Кристо — Wed, 17 Mar 2021 09:39:49 +0000

Едниов штом си го купи својот пронајдок со наши пари, замина за Мексико на одмор, а другиов откако ја сузби корупцијата и закопа 4 тони мувлосан путер, отиде да одмара на егзотичен остров на некој океан, реагира преку социјалната мрежа на Фејсбук актерот Сашо Тасевски. Фино ви е на власт така? Нас ќе не затворате во кафез и ќе не чувате со полиција. Заев собери мајмуните од разни рајски острови и одете си. Доста се изживувате, пишува во својата објава Тасевски

Тасевски до Ангелов: Ти си коалиционен партнер со Заев, зошто не му кажеш да ги прекине договорите со Бугарија?

Катерина Бојаџиева — Tue, 16 Mar 2021 18:46:34 +0000

Актерот Сашо Тасевски во своето гостување во емисијата „Само Вистина“ зборуваше за промената на името кое го направи оваа влада и укажа дека со самото тоа што некој прифатил да преговара на тема идентитет, јазик, историја и така натаму, веќе направил простор за преговарачка позиција. -Со самото тоа што некој прифатил да преговара на тема идентитет, јазик, историја и така натаму ти веќе си им направил простор на големо бугарските и големогрчките агенди да дојдат со тебе во преговарачка позиција. Ти веќе штом влезеш во преговори тоа подразбира компромиси. Работата е што ние сме доведени во ситуација да попуштаме, они од нас имаат сите барања, а ние немање никакви, исто е и за отстапките, рече Тасевски. Тасевски во своето гостување на својот соговорник Стојанче Ангелов, кој е коалиционен партнер на Зоран Заев му порача да оди кај Заев и да му предложи веднаш да ги прекине договорите со Бугарија. -Еве Стојанче ти си во коалиција со Заев и зошто не му кажеш види друже Заев мој предлог е веднаш безусловно да ги прекинеме договорите со Бугарија, затоа што нивната позиција кон нас како држава официјална бугарска државна политика е непријателска, асимилаторска, големо бугарска, шовинистичка и така натаму, кажа Тасевски.

Тасевски: Многуте скандали кои ја одбележуваат оваа влада покажуваат дека нема правен поредок на овие територии

Катерина Бојаџиева — Tue, 16 Mar 2021 18:15:14 +0000

Актерот Сашо Тасевски во своето гостување во емисијата „Само Вистина“ зборуваше за целата ситуација која се случува во државата и посочи дека и Зоран Заев и Љупчо Николовски ветуваа нула толеранција за корупцијата, но се виде дека тоа се само нивни празни флоскули. -Видовме до сега дека уште на самиот старт Заев најавуваше метли, дека ќе има одговорности дека ќе има нула толеранција за корупција. Истото го ветуваше и Љупчо Николовски, но гледаме дека тоа се само празни флоскули дека караванот си врви и дека оваа Влада работи само во корист на неколку богати олигарси и дека целокупниот државен апарат е ставен во функција на богатење на тие олигарси, рече тој. Тој во своето гостување посочи дека со тоа што секојдневно има многу скандали покажува дека нема правен поредок на овие територии. -Нашата држава ваква каква што е мрша. Ако оваа држава ваква каква што функционира на овие столбови, на криминал чист, а владее една олигархиска фамилија со цела држава, каде не постои правен систем, каде има обвиненија притвори по нарачка, надвор од правниот поредок, каде има држава која ја ведне главата под разни провокации од соседни држави, каде што не покажува отпор и волја да постои како суверена држава, вие практично немате држава. Со тоа што многу често има скандали покажува дека правниот поредок на овие територии не функционира. Јас искрено не би бил горд со ваква држава, додаде тој.

Тасевски: Македонија стана матица на криминал

Катерина Бојаџиева — Tue, 23 Feb 2021 20:28:39 +0000

Во емисија на радио Лидер гостуваше актерот Сашо Тасевски кој кажа дека Македонија е постаната матица на криминал и дека корупцијата во другите држави е контролабилна, додека во Македонија корупцијата е правило, а не исклучок. -Проблемот е што сме ние матицата за корупција. Корупција има сегде во светот има во Словенија има во Америка, Норвешка, но таму корупцијата е контролабилна и таму е претежно исклучок истакна Тасевски. Дополнително Тасевски истакна дека Македонија има сериозен проблем бидејќи е рангирана како најкорумпирана држава во Европа според извештајот на Транспаренси Интернешнл. -Ама кога е во некоја земја правило корупцијата како што е кај нас тогаш имаш проблем. Како што имаме ние проблем да сме најкорупирана земја во Европа со последново нели мерење на Транспаренси Интернешнл, појасни Тасевски.

Тасевски по бегството на Мијалков: Укинете судови, обвинители, пресуди!

Тале Кристо — Mon, 22 Feb 2021 10:10:00 +0000

И Мијалков го избегаа, а глумат им избегал! Срамота е циркусов што го правите. Укинете судови, обвинители, пресуди. Ова имитација на закони и држава е бесмислена, реагира преку социјалната мрежа на Фејсбук актерот Сашо Тасевски.