сателитски снимки – Kurir.mk

ФОТО: Сателитските снимки го покажуваат пустошот што го оставија пожарите во Грција

Ивона Петрова — Tue, 25 Jul 2023 06:12:50 +0000

Новите сателитски фотографии го открија ужасното уништување предизвикано од шумските пожари на грчкиот остров Родос. Илјадници луѓе и туристи беа принудени да ги напуштат своите домови, хотели и одморалишта бидејќи пожарите продолжуваат да се шират низ грчките острови. Новите сателитски снимки направени од Maxar Technologies ги покажуваат размерите на пожарите во Родос. Пожарите беснеат веќе една недела, што доведе до масовна евакуација. Досега од островот се евакуирани повеќе од 19.000 луѓе. Портпаролот на грчката противпожарна служба Василиос Ватракогијанис изјави дека вчера избувнале 64 нови пожари низ целата земја, со што вкупниот број достигнал 82. -Претстојат тешки времиња. Условите остануваат екстремни. Апелираме до граѓаните да ги евакуираат населените места. За ваша безбедност, во случај да сакате да се вратите во вашето место на живеење или сместување, мора да бидете информирани од надлежните органи“, рече Ватракогијанис. Локалните жители и туристите не се единствените погодени од катастрофата. Со речиси 7.400 хектари шума во пламен во изминатата недела, добротворните организации за животни денеска предупредија дека времето брзо истекува за да се спасат дивиот свет, домашните миленици и добитокот.

ФОТО: Сателитски снимки ги откриваат размерите на катастрофата – ПРЕД И ПОТОА

Ивона Петрова — Wed, 08 Feb 2023 08:49:28 +0000

Сателитските снимки кои ги објави американската компнија за вселенска технологија, Максар покажуваат делови од градовите во Турција, пред и по разорниот земјотрес. Фотографиите се од 4 октомври 2022 година, додека новите се настанати на 6 февруари, денот кога Турција и Сирија без погодени од силниот земјотрес со јачина од 7,8 степени. Спасувачките тимови во двете земји се борат со студот и времето додека трагаат по преживеани под урнатите згради и куќи. Турскиот претседател Реџеп Таип Ердоган прогласи тримесечна вонредна состојба во 10-те најтешко погодени провинции.

We are working with multiple organizations to provide them with #satelliteimagery of the recent #earthquake that has devastated #Turkey & #Syria. Seen here are before (Oct 4, 2022) & after (Feb 7, 2023) images of #Islahiye, Turkey, showing collapsed buildings & rescue operations. pic.twitter.com/3c69oZFYmu
— Maxar Technologies (@Maxar) February 7, 2023

-Ова е една од најголемите катастрофи во нашиот регион и светот, вели Ердоган.

Сателитските снимки покажуваат големо оштетување на руската воена база на Крим

Ивона Петрова — Thu, 11 Aug 2022 07:35:26 +0000

Сателитските снимки американската „Планет лабс“ покажуваат големо оштетување на авиобазата на Крим и неколку уништени руски воени авиони по експлозиите што се случија пред два дена, јави Би-би-си. На 9 август во руската воена база во Новофедоривка, лоцирана во западниот дел од анектираниот украински полуостров Крим се случија неколку експлозии, при што загина едно лице. Украина не презеде одговорност, но новите докази сугерираат можност дека станува збор дека базата е нападната. Снимките покажуваат големи области на изгорена земја по пожарите што избувнаа по експлозиите. Главните писти на базата најверојатно не се оштетени, но најмалку осум авиони се уништени. Но, сè уште не е јасно како е оштетена базата и со какво оружје. Русија тврди дека експлозиите биле предизвикани од муниција што експлодирала во магацините, а Украина, која не ја презеде одговорноста, сугерира дека невнимателните руски војници можеби ги предизвикале експлозиите.

ФОТО+ВИДЕО: Сателитски снимки ја демантираат Русија, потврда за ужасот во Буча

Ивона Петрова — Tue, 05 Apr 2022 08:50:12 +0000

Анализа на сателитски снимки пред и после, објавени од Њујорк Тајм покажуваат дека дел од настраданите во Буча се убиени пред повеќе од три недели, односно во период кога овој регион бил контролиран од руските сили. Но, и покрај доказите руските власти се обидуваат да „појаснат“ дека станува збор за пропаганда на непријателот. Во еден момент во некои руски медиуми се појавија информации дека труповите се всушност актерот, дури и дека изгледаат „многу свежо“. Снимките недвосмислено потврдуваат дека човечките трупови се појавиле на улиците додека руските трупи биле присутни во Буча. Тела на најмалку 20 цивили беа пронајдени на една улица во Буча, по повлекувањето на руските сили. Дел од телата биле пронајдени во лицата свртени кон тротоар, а други најдени од лицето свртено нагоре и со отворена уста. [embed]https://vp.nyt.com/video/2022/04/04/99816_1_4-bucha-gif_wg_720p.mp4[/embed] -Тројца од нив биле на велосипед, откако тргнале на последното возење, а други паднале покрај автомобили, наведиваат новинари на АФП кои пристапиле во градот. Според информациите, еден труп бил во врзани раце зад грб со бела ткаенина, пренесува Си-Ен-Ен. Градоначалникот на Буча, Анатолиј Федорук изјавил дека загинатите цивили биле нехумано третирани од страна на руските сили.

Satellite images refute Russia’s claim that the killing of civilians in Bucha, a suburb of Ukraine's capital, occurred after its soldiers had left town, a New York Times analysis found. https://t.co/yTsRuItPuA
— The New York Times (@nytimes) April 5, 2022

Нови сателитски снимки од руското уништување на Украина

Тале Кристо — Thu, 03 Mar 2022 08:54:31 +0000

Нови сателитски снимки од пустошот предизвикан од руските напади северно од Киев објави „Maxar Technology“. На фотографијата подолу се прикажани уништени воени возила во станбена зона и уништени домови на улицата Вокзална во Буча, западно од Киев. Создаден е на 28 февруари. Фотографијата подолу покажува уништена фабрика во западните предградија на Чернихив, направена на 28 февруари. На фотографијата подолу се прикажани возила во кои украински бегалци чекаат на граничниот премин Вишне Немецке со Словачка. Досега повеќе од милион луѓе ја напуштиле Украина.

Сателитски снимки укажуваат на ново распоредување на руски војници во близина на Украина

Ивона Петрова — Fri, 11 Feb 2022 10:55:26 +0000

Комерцијалните сателитски снимки објавени од приватна американска компанија укажуваат на нови распоредувања на руски воени сили на неколку локации во близина на Украина, пренесува „Ројтерс“. Со седиште во САД Maxar Technologies рече дека фотографиите направени во средата и четвртокот покажуваат „значителни нови распоредувања“ на воени трупи на неколку локации во Крим, западна Русија и Белорусија. На Крим, кој стана дел од Руската Федерација во 2014 година, споменатата американска компанија, како што тврди, идентификуваше големо ново распоредување на војници и опрема на аеродромот Октјабрское северно од градот Симферопол, вклучувајќи 550 воени шатори и стотици возила.

ФОТО: Сателитски снимки од хаосот на аеродромот во Кабул

Тале Кристо — Mon, 16 Aug 2021 19:10:43 +0000

Новите сателитски снимки од меѓународниот аеродром во Кабул, Авганистан покажуваат толпа луѓе кои се обидуваат да стигнат до авионот. -Додека еден турски авион се подготвува за полетување, се гледа дека безбедносните сили на аеродромот се обидуваат да спречат толпи луѓе да се движат кон другите авиони и да ги блокираат операциите на летот, изјавија за Си -Ен -Ен од компанијата Maxar, која објави сателитски снимки. Претходно денеска, во медиумите се појавија видеа на кои се гледа како луѓето на аеродромот се држат за надворешноста на американско летало кое се подготвува за полетување. Во моментов има околу 2.500 американски војници на аеродромот во Кабул, кои се обидуваат да го одржат редот.