Москва: Русија ќе го зајакне својот воен потенцијал како одговор на членството на Финска во НАТО

Ивана Ефремовски — Mon, 03 Apr 2023 13:53:01 +0000

Кабинетот на претседателот на Финска, Саули Ниинисто, лиферуваше соопштение во кое потврди дека Финска во и официјално ќе стане членка на НАТО алијансата, а во меѓувреме стасаа и првите реакции од Русија. Заменик министерот за надворешни работи на Русија Александар Грушко најави дека земјата ќе го зајакне својот воен потенцијал како одговор на членството на Финска во НАТО. „Русија ќе го јакне својот воен потенцијал во западните и северозападните правци како одговор на членството на Финска во НАТО. Некои од мерките се веќе објавени. Ќе го зајакнеме нашиот воен потенцијал во западните и северозападните правци. Во случај на распоредување на силите и средствата на другите членки на НАТО на територијата на Финска, ќе преземеме дополнителни чекори за сигурно да ја обезбедиме воената безбедност на Русија“, рече Грушко. (МИА)

Бајден во четврток ќе ги прими шведската премиерка и финскиот претседател

Тале Кристо — Tue, 17 May 2022 15:12:49 +0000

Американскиот претседател Џо Бајден в четврток во Белата куќа ќе ги прими шведската премиерка Магдалена Андерсон и финскиот претседател Саули Ниинисто, изјави денеска портпаролката на Бајден, Карин Жан-Пјер. Двете земји се подготвуваат за влез во НАТО, откако политичките раководства се изјаснија за брз прием во Алијансата . -Тие ќе разговараат за кандидатурите на Финска и Шведска за членство во НАТО и европска безбедност, како и за поддршката за Украина која е нападната од Русија, изјави Жан-Пјер. Финскиот парламент денеска гласаше за влез во НАТО со огромно мнозинство од повеќе од 95 отсто од гласовите, дозволувајќи му на Хелсинки да испрати формална апликација за членство до седиштето на Алијансата. Шведската министерка за надворешни работи Ен Линде денеска ја потпиша апликацијата на нејзината земја за членство во НАТО. Со приемот на лидерите на двете нордиски земји, Бајден сака да покаже дека силно го поддржува нивниот прием во Северноатлантската алијанса. Иако Финска и Шведска се историски неутрални, руската инвазија на Украина радикално го промени јавното мислење за приклучување кон воен сојуз. Со исклучок на Анкара, другите членки на НАТО ја поддржуваат кандидатурата на двете земји. Жан-Пјер додаде дека администрацијата на Бајден верува дека НАТО ќе постигне консензус за прием на Финска и Шведска.

Саули Ниинисто – Kurir.mk

Москва: Русија ќе го зајакне својот воен потенцијал како одговор на членството на Финска во НАТО

Бајден во четврток ќе ги прими шведската премиерка и финскиот претседател