Саутемптон – Kurir.mk

Расистички нападнат фудбалер, еве што се случило

Ивана Ефремовски — Mon, 13 Mar 2023 21:13:16 +0000

Кајл Вокер – Питерс, 25-годишниот фудбалер на Саутемптон, беше цел на расистички навреди на социјалните мрежи по натпреварот против Манчестер Јунјатед (0-0) во Премиер лигата, јавија денеска британските медиуми. Причина е прекршокот што Вокер – Питерс го направи врз 18-годишниот Аргентинец Гарначо. Поради тоа играчот на Манчестер јунајтед мораше да го напушти натпреварот и во прв момент се чинеше дека станува збор за потешка повреда. Подоцна, меѓутоа, тренерот на Манчестер јунајтед, Ерик тен Хаг, потврди дека аргентинскиот тинејџер нема долго да отсуствува од теренот. Сервисот Би-Би-Си наведе дека Вокер – Питерс се соочил со бројни понижувачки коментари на социјалните мрежи, а во дел од коментарите на навивачи на Манчестер Јунајтед фудбалерот се навредува на расна основа.

Поместен натпреварот на Манчестер јунајтед со Саутемптон

Ивана Ефремовски — Sat, 25 Feb 2023 14:58:14 +0000

Натпреварот од 27. коло на Премиер лигата Манчестер јунајтед – Саутемптон е одложен, објавено е на официјалниот сајт на „црвените ѓаволи“. Натпреварот првично требаше да се одигра на 11 март, а новиот датум за средбата е 12 март. Натпреварот e поместен за еден ден поради настап на Манчестер јунајтед во осминафиналето од Лига Европа. Во 1/8 финалето од Лига Европа Манчестер јунајтед ќе се сретне со Бетис. Првиот натпревар ќе се игра на 9 март, а реваншот на 16 март. (МИА) Фото: ЕПА

Нејтан Џонс нов тренер на Саутемптон

Тале Кристо — Thu, 10 Nov 2022 16:56:08 +0000

Англискиот фудбалски прволигаш Саутемптон потпиша денеска три и пол годишен договор со поранешниот тренер на Лутон, Нејтан Џонс. Тој на тренерското место во Саутемптон доаѓа неколку денови откако премиерлигашот му врачи отказ на австрискиот стратег Ралф Хасенхилт. -Навистина сум горд што ја добив оваа можност. Очигледно беше дека сакам да тренирам во Премиер лигата, за тоа сонував уште пред да станам тренер, а особено ме привлекува овој клуб поради начинот на кој се раководи, структурата и тоа што гледаат подалеку од резултатите, изјави Џонс. Саутемптон во моментов е во зоната на испаѓање во Премиер лигата со 14 бодови на 18 место.

Саутемптон го отпушти тренерот

Тале Кристо — Mon, 07 Nov 2022 15:47:38 +0000

Англискиот фудбалски прволигаш Саутемптон му врачи денеска отказ на тренерот Ралф Хасенхитл, откако екипата по поразот на домашен терен од Њукасл (1-4) се најде во зоната на испаѓање. Австрискиот стратег мина речиси четири години на клупата на Саутемптон од негово назначување на должноста во декември 2018 година. -Хасенхитл даде значителен придонес кон клубот, но веруваме дека сега е време за промена, соопшти Саутемптон. Во првите 14 кола сезонава во Премиер лигата, Саутемптон освои 12 бодови со само 12 постигнати голови. Должноста менаџер привремено ќе ја презеде досегашниот прв тренер Рубен Селес.

Саутемптон го изненади Манчестер Сити

Бошко Тасиќ — Sat, 22 Jan 2022 19:56:53 +0000

Избраниците на Пеп Гвардиола кикснаа во Премиерлигата по речиси три месеци и одиграа реми на гостувањето на „Сент Мерис“. Саутемптон ја прекина серијата од 12 победи на Манчестер Сити дека актуелниот шампион ќе има мака вечерва, најави Вокер Питерс во 7. минута, дефанзивецот на асистенција на Редмон, погоди за 1-0. „Светците“ долго време парираа, но заборавија на Лапорт во 65. минута, Французинот небранет со глава ја затресе мрежата за 1-1.

Саутемптон е заинтересиран за Бејл

Ивона Петрова — Thu, 06 Jan 2022 12:37:46 +0000

Напаѓачот на Реал Мадрид, Герет Бејл може да ја продолжи кариерата во Премиер лигата. Според „Ел Национал“, за фудбалерот е заинтересиран Саутемптон, клуб за кој Велшанецот настапуваше на почетокот на кариерата. Самиот фудбалер нема ништо против враќање во тимот. Бејл оваа сезона одигра три натпревари за Реал Мадрид во шпанското првенство и постигна еден гол. Неговиот договор со Реал Мадрид е до летото 2022 година.

Српски милијардер го купи Саутемптон

Ивона Петрова — Wed, 05 Jan 2022 08:43:55 +0000

Англискиот фудбалски прволигаш Саутемптон премина во рацете на српскиот милијардер Драган Шолак, кој е сопственик на телекомуникациската компанија Јунајтед груп, на чело на инвестициската групација Спорт Републик. Англиските медиуми јавија дека Спорт Република за 100 милиони фунти купил 80 отсто од акциите од кинескиот бизнисмен Гао Јишенг, кој беше сопственик на Саутемптон од август 2017 година. Ова е трета голема инвестиција во клуб од Премиер лигата во последните три месеци, откако чешкиот милијардер Даниел Кретински купи 27 отсто од акциите на Вест Хем во ноември, додека саудиски конзорциум ја презеде сопственоста во Њукасл во октомври.

Магична ноќ на Олд Трафорд: Манчестер Јунајтед го „торпедираше“ Саутемптон (ВИДЕО)

Тале Кристо — Wed, 03 Feb 2021 08:35:45 +0000

Екипата на Манчестер Јунајтед на домашен терен со резултат 9:0 ја совлада екипата на Саутемптон. Гостите уште од самиот старт на натпреварот, односно од втората минута играа со играч помалку. Гостите заработија и втор црвен картон во 86-та минута од второто полувреме. Во првиот дел од натпреварот головите за домаќоните ги постигнаа Ван Бисака 18’, Рашфорд 25’, Бендарек 34’ (авто-гол) и Кавани во 39-та минута. Серијата на голови, домаќините ја продолжија во 69-тата минута од натпреварот со голот на Марсијал, потоа следеа головите на Мектоминеј во 71’, Фернадеш од пенал во 87’, Марсијал во 90’ и Џејмс во 93-тата минута за конечни 9:0. Јунајтед моментално со 44 бода се наоѓа на второто место на табелата во англиската Премиер лига, а моментално лидер е Манчестер Сити со исто толку бодови, но и со два помалку натпревари.

Солскјер: Убедливата победа ќе ја зголеми нашата самодоверба

Ивона Петрова — Wed, 03 Feb 2021 08:03:17 +0000

Тренерот на Манчестер јунајтед, Оле Гунар Солскјер по синоќешната победа над Саутемптон со 9:0 е уверен дека по вакви натпревари расте самодовербата на тимот. – По ваков натпревар добивате голема самодоверба и секогаш е добро кога тимот постигнува голови, истакна Норвежанецот. Јунајтед речиси цел натпревар го играше со фудбалер повеќе поради исклучувањето на гостински играч уште во 2. минута, а Саутемптон доби и втор црвен картон во 86. минута. – Сме виделе многу примери кога по рано исклучување, тимот се затвора и на крај успева да извлече нерешено. Во овој случај не беше така. За наша среќа, за кусо време ја искористивме предноста и потоа нашите играчите демонстрираа магија. Вечерта беше за уживање, потенцира Солскјер. Манчестер јунајтед е втор на табелата во Премиер лигата со 44 бода од 22 натпревара. Лидер е Манчестер сити, исто така со 44 бода, но и две средби помалку.

Саутемптон е единаесеттиот тим со освоени 1.000 бодови во Премиер лигата

Дарко Андоновски — Tue, 08 Dec 2020 11:50:02 +0000

Саутемптон го победи Брајтон вчеравечер со 2:1 на гостувањето во 11. коло од англискиот фудбалски шампионат. „Светците“ станаа 11-от тим кој има собрано над 1.000 бода во Премиер лигата во нивната историја. На оваа листа се и Манчестер јунајтед, Арсенал, Челзи, Ливерпул, Астон Вила, Тотенхем, Евертон, Манчестер сити, Њукасл и Вест Хем. Оваа сезона, Саутемптон е петти во Премиер лигата со 20 бода.