сдс – Kurir.mk

ВМРО-ДПМНЕ: Заради криминогеноста на СДС и ДУИ ентузијазмот на граѓаните за ЕУ се повеќе, тоа го покажува анкетата на Евротинк

Тале Кристо — Tue, 14 Feb 2023 07:27:45 +0000

Додека власта тврди дека преговорите со Европската Унија се започнати, довербата опаѓа. Анкетата на Евротинк потврди - За една година имаме пад од 20% на довербата на граѓаните за евроинтеграцискиот пат на Македонија. СДС и ДУИ ветува европеизација, а добивме блокади, велат во партиското соопштение од ВМРО-ДПМНЕ. На прашањето дали членството на Македонија во Европската Унија е добра работа само 49% од граѓаните одговориле позитивно. За голем дел од граѓаните ова станува далечна желба. А, за жал ентузијазмот во однос на проширувањето на Европската Унија се повеќе и повеќе опаѓа. Се тоа е резултат на криминалот, корупцијата и економскиот колапс кои и се случува на Македонија со СДС и ДУИ на власт. Младите си заминуваат, здравството пропаѓа, образованието руши негативни рекорди, но царува непотизмот, клиентелизмот и автократијата. Лицемерието на владата се гледа и во издавањето на македонски државјанства на руски олигарси. Додека се претставуваат како проевропски во исто време прват провизии и профити со фирми на руски олигарси. СДС и ДУИ се причина за сите порази кои ги ниже Македонија. Колку подолго се тие на власт, толку повеќе Македонија губи. Време е за нови избори и нова влада избрана од народот, стои во соопштението на ВМРО-ДПМНЕ.

Митева: Власта на СДС и ДУИ го крена евроскептицизмот на највисоко ниво, пад на довербата од 20% за само една година

Ивана Ефремовски — Mon, 13 Feb 2023 11:21:46 +0000

Додека власта е во трка за зголемување на мнозинството чија наводна цел е европеизација на Македонија, граѓаните се чувствуваат дека Македонија никогаш не била подалеку од Европската Унија. Додека власта убедува дека преговорите се започнати, довербата за жал вртоглаво опаѓа, посочува Марија Митева, портпарол на ВМРО-ДПМНЕ. -Нашата стратешка цел Македонија да стане рамноправен член на ЕУ преку принципи и вредности стана недостижна цел поради погрешните политики на власта. Анкетата на Евротинк покажува драстичен пад на довербата на граѓаните. На прашањето дали членството на Македонија во Европската Унија е добра работа само 49% од граѓаните одговориле позитивно, што е пад од 20% за само една година. Самиот процес за пристапување кон ЕУ кој беше на страната на оптимизмот, оваа влада го претвори во непоправлив песимизам. Секој трет граѓанин рекол дека Македонија никогаш нема да стане членка на ЕУ што никогаш досега не било случај. Власта на СДС и ДУИ го крена евроскептицизмот на највисоко ниво и се тоа е резултат на погрешните политики, на неспособноста и криминалот на власта, вели таа. Митева порача дека никој повеќе нема доверба во оваа власт. -Како од договор чие име гласи за добрососедство и пријателство ги донесоа дури 42% од граѓаните да сметаат дека Македонија е под закана од друга држава? И на ова прашање имаме скок од 4% во споредба со лани, што е уште еден показател дека од година во година апатијата расте. Политиките кои власта ги води, а се однесуваат на евроинтеграцискиот процес се политики кои создаваат револт и фрустрации, Македонија секојдневно се соочува со неразумни блокади наместо да чекори напред. За огромен број на граѓани членството во Европската Унија се сведува на две работи, на економска состојба и подобар живот, и на функционална правна држава. Во моментов Македонија за жал ги нема ниедна од двете. За голем дел од граѓаните ова станува далечна желба. А, за жал ентузијазмот во однос на проширувањето на Европската Унија се повеќе и повеќе опаѓа. Затоа потребни се промени, Македонија вистински да биде во правилен чекор кон евроинтеграцискиот пат, да се запре со користењето на процесот на европски интеграции за внатрепартиска политика и да имаме влада која вистински ќе ги негува европските принципи на владеење на правото, борба со корупцијата и криминалот, реформи во правосудството и само така да ја вратиме довербата кај граѓаните, посочува Митева.

ВМРО-ДПМНЕ: Оставка од Андов за бегствата од затвор и одговорност од надлежните за корумпираноста и партизираноста во затворскиот решето систем

Ивана Ефремовски — Wed, 01 Feb 2023 08:44:29 +0000

Надлежните и функционерите кои ги раководат затворите се одговорни за скандалозните бегства од затворите кои се случуваат во низа. На Ковачевски око не му трепнува што во рок од еден месец јавноста дозна за три скандалозни бегства, од кои две се случија во затворот Шутка во кој директорува кадарот на СДС, Филип Андов викан Сокол. После ваков случај Филип Андов требаше да биде разрешен, кога веќе самиот нема доблест да си поднесе оставка. После ваква серија бегства од затвор, одговорност треба да понесе и министерот за правда, Тупанчевски, посочуваат од ВМРО-ДПМНЕ. -Корупцијата и партизираноста во затворските служби се причината поради која на Македонија и се случува распад на затворскиот систем. Македонија е на врвот во Европа по бегства од затвор. Решето системот на затворите овозможува сериозни криминалци да бидат во отворени одделенија, да излегуваат, па дури и да ги повторуваат делата додека се избегани од затворите. Да потсетиме во едно од скандалозните бегства кое настана поради непочитување на протоколите, еден затворски чувар беше ранет, а во еден друг случај еден избеган убиец го повтори делото, односно усмрти уште едно лице. Да потсетиме и дека еден од оние кои што избегаа од затворот имал привилегија да биде во полуслободно оддление, што можеби е резултат на неговата блискост со половина државно раководство на СДС, за што сведочи цел фото албум, се вели во партиското соопштение. Од ВМРО-ДПМНЕ прашуваат: „Што уште треба да се случи Филип Андов Сокол да биде разрешен? Што уште треба да се случи некој да понесе одговорност за овие инциденти?“ -Оваа власт на СДС и ДУИ е криминализирана и затоа криминалците уживаат ваква слобода. Ова мора да престане. Оваа власт мора да замине, порачуваат од партијата.

Раководството на СДС од Република Српска поднесе оставка по изборните резултати

Катерина Бојаџиева — Thu, 03 Nov 2022 16:06:19 +0000

Претседателот на опозициската Социјалдемократска партија (СДС), Мирко Шаровиќ, и сите членови на партиското претседателство денеска поднесоа оставки. Шаровиќ изјави дека Претседателството на СДС ќе функционира во технички мандат, а седницата на Главниот одбор е закажана за следната сабота, по што следуваат внатрепартиски избори. -Ставот на сите нас е дека изборниот резултат е лош и дека е неуспех на сите четири нивоа. Очекувањата беа поголеми, но тоа е реална проценка. Претседателството не бараше алиби за изборниот резултат, изјави Шаровиќ по седницата на претседателството на партијата во Бања Лука, пренесуваат бањалучките медиуми. Како неуспех на изборите Шаровиќ го наведе и резултатот на заедничкиот кандидат на СДС и ПДП за претседател на Република Српска, Јелена Тривиќ.

Муцунски: Неуспесите и неостварените ветувања на Владата на СДС ја рушат перспективата на младите во Македонија

Тале Кристо — Thu, 05 Mar 2020 17:30:41 +0000

Неуспесите и неостварените ветувања на Владата на СДС ја рушат перспективата на младите во Македонија. Ако нашите млади се успешни надвор сигурен сум дека можат да бидат уште поуспешни во татковината. Ние, со работа и реформи, на непосреден, брз и ефективен начин ќе ги реализираме евроинтеграциите, вели секретарот за меѓународна политика на ВМРО-ДПМНЕ Тимчо Муцунски.

Андонов за „пресудата“ за Курто Дудуш: Патолошки општествен феномен наречен владеење на СДС во Македонија

Љупчо Цветаноски — Fri, 17 Jan 2020 13:30:07 +0000

Курир од универзитетскиот професор Оливер Андонов побара став околу денешната скандалозна пресуда на судот за градоначалникот од редовите на СДСМ, Курто Дудуш, кој доби само судска опомена за физички напад врз сограѓанин. Анонов за Курир вели дека иако не е правник, туку професор на Воената академија во Скопје во областа на одбраната и мирот, мора да каже дека ваква одлука на судот е само уште еден индикатор за тоа како се однесува судството кон лица извршителите на кривични и прекршочни дела кои се блиски или се дел од СДС. „Јас најпрво ќе го цитирам делот од Кривичниот законик на Република Македонија од 2019 година во кој под напад врз телото и животот на граѓаните се квалификува кривично дело „Телесна повреда“ по член 130, а каде се вели: (1) Тој што друг телесно ќе го повреди или ќе му го наруши здравјето, ќе се казни со парична казна или со затвор до три години. (2) Тој што ќе го стори делото од став 1 при вршење семејно насилство, ќе се казни со затвор од шест месеци до три години . (3) Судот може на сторителот на делото од став 1 да му изрече судска опомена ако бил предизвикан со особено навредливо или грубо однесување на оштетениот. (4) Гонењето за делото од став 1 се презема по приватна тужба а за ставот 2 по предлог, вели Андонов цитирајќи го Кривичниот законик. Посочува и дека во Законот за прекршоци против јавниот ред и мир во член 12 се вели: „Кој на јавно место физички ќе нападне друго лице ќе му се изрече глоба во износ од 600 до 800 евра во денарска протввредност. Кој прекршокот од ставот 1 на овој член ќе го изврши во група ќе му се изрече глоба во износ од 700 до 1.000 евра во денарска противвредност.“ Тој ги потенцира и двата Закони и членовите според кои може да се третира делото извршено од една јавна личност и функционер, во овој случај градоначалникот на општина Шуто Оризари, Курто Дудуш. Од правен и законски аспект, вели Андонов, постапката на судот можеме да ја коментираме и разгледуваме во насока на тоа дека судот можеби се повикал на став 3 на член 130 од Кривичниот законик, но во целата јавна пристапност кон оваа кривично дело кое самиот го призна Дудуш, никаде не можевме да видиме дека оштетениот Демир Исмаил го предизвикал Дудуш со оосбено навредливо или грубо однесување. Од друга страна во однос на Законот за прекршоци против јавниот ред и мир не е предвидена мерка „судска опомена“, туку парична казна. Како и да е и под какви и околности судот да го теретел Градоначалникот Дудуш за сторено според донесената пресуда Кривично дело, самото признание на сторителот дека го сторил кривичното дело како и донесената пресуда повлекуваат многу морални, етички и пред се политички консеквенци за извршителот на кривичното дело Дудуш, потенцира универзитетскиот професор за Курир. Тој ја наведува целата низа скандали и напади на Дудуш: „Најпрво, по една серија скандали во кои со оштетување на сообраќајна сигнализација од страна на Дудуш пред околу две години (по се изгледа тоа дело на Дудуш му беше простено), нападот врз сега веќе и официјално оштетениот Исмаил за време на одржувањето на ромскиот бал на Европската ромска дијаспора „Асва“, потоа физичко измачување, омаловажување, навредување и противправно лишување од слобода на извесен Сенат за што јавноста дозна преку таканаречени „бомби“-снимен материјал на кој се слуша гласот на Дудуш, се поставува едно клучно прашање: „Со какви не-луѓе си имаме работа во политиката и кој се извршува јавна функција, а воедно е под заштита на СДС,“ вели Андонов. -Второ, посочува професорот, овој случај со Дудуш кој самиот го признава стореното кривично дело, се надоврзува на секојдневните скандали кои ни ги приредува власта на СДС, а што преставува архетип за тоа како владеат и како намераваат да владеат во иднина, заштитувајќи насилници и криминалци во своите редови, па дури и во највисоките органи на влсата и во полицијата. Трето, вели Андонов за Курир, во овој веќе патолошки општествен феномен наречен владеење на СДС во Македонија е во најмала рака кажано инфантилното однесување на судството, кое како по правило или ги заборава предметите против функционери на СДС, или не покренува постапки или пак таму каде што под притисок на медиумите и јавноста мора да поведе постапка, случаите ги завршува со максимална снисходливост и тоа кон повеќекратни извршители на криивчни и прекршочни дела како што е во актуелниот случај со Дудуш. За жал мора да констатираме дека ваквото однесување на судството, потенцира универзитетскиот професор, има многу лошо влијание врз чувството за безбедност кај граѓаните (односно дека насилниците и криминалците можат лесно да се извлечат од одговорноста), демотивациски влијаат врз безбедносните структури (полициските службеници вложуваат напор за откривање и расветлување на кривични дела, а потоа судот докажани - признаени сторители на кривични дела тенденциозно млако ги санкционира или ослободува поради што и полициските службеници се доведуваат во состојба да бидат под безбедносен ризик и се деморализираат во борбата против криминалот) и на крајот, вака поставената судска пракса не отсликува во најлошо светло пред меѓународната јавност и тоа токму во предвечерието кога треба да се донесе толку спорниот Закон за јавно обвинителстово и да се покаже и волја и конкретна намера за ставање ред во обвинителството и судството, а со тоа и да се врати довербата на граѓаните во државата и нејзиното функционирање и пред се гаранција на личната и јавната безбедност. Премногу лоши примери и судски преседани ни се случуваат дури и во овој предизборен период, што пак остава уште еден впечаток, а тоа е дека СДС сака набрзина и со најблаги казни ги затвори сите отворени судски случаи против криминалите на свои функционери, за да новата реформирана судска власт, односно по реформите во судството и обвинителството кои се неопходни, не може да презема соодветни и правични санкции против сторителите на кривични дела функционери на СДС, посочува во својот одговор за Курир вонредниот професор д-р Оливер Андонов.

Партијата на Јанша победи на изборите во Словенија

Даниел Василев — Mon, 04 Jun 2018 06:03:32 +0000

Опозициската конзервативна Словенечка демократска партија (СДС) на поранешниот премиер Јанез Јанша победи на вчерашните предвремени парламентарни избори во Словенија, јави ДПА. Како што соопшти словенечката Државна изборна комисија, според резултатите по преброени „речиси сите гласачки ливчиња“, СДС освоила 25 отсто од гласовите, пред левоцентристичката партија Листа на Марјан Шарец (ЛМШ), за која гласале 12,7 проценти од избирачите. На третото место е партијата Социјални демократи (СД) со 10 отсто освени гласови, а по неа следува Партијата на модерниот центар (СМЦ) на актуелниот словенечки премиер Миро Церар со 9,7 проценти од гласовите. Одѕивот на вчерашното гласање бил околу 52 отсто, што е приближно исто колку и на претходните парламентарни избори. Согласно вака освоените гласови, ниту една партија нема да обезбеди мнозинство во Парламентот, па се очекува да претстојат преговори за формирање владина коалиција, кои според шефот на државата Борут Пахор, ќе бидат „сложени“ и би можеле да траат и неколку месеци. МИА