се – Kurir.mk

Албанија ја поздрави одлуката на Комитетот на министри на СЕ за Косово и посакаа што побрзо негово полноправно членство

Тале Кристо — Mon, 24 Apr 2023 17:57:15 +0000

Одлуката на Комитетот на министри на Советот на Европа, со која Косово е чекор поблиску до членство во Парламентарното собрание на оваа организација ја поздравија албанските високи државни претставници и посакаа многу бргу да стане членка. - Ја поздравувам одлуката на Комитетот на министри, да го проследи легитимното барање на Косово за членство во Советот на Европа до Парламентарното собрание. Честитки Косово и што побрзо полноправна членка во Советот на Европа, напиша претседателот Бајрам Бегај на социјалните мрежи. Министерката за Европа и надворешни работи, Олта Џачка, одлуката на Комитетот ја оцени како одлична вест одобрувањето на Комитетот. - Комитетот на министри одлучи да го прифати барањето на Косово за членство и да го испрати до Парламентарното собрание да го даде своето мислење. Прв, важен чекор за да му го дадеме на Косово заслуженото место во Советот, пишува Џачка во својата објава на социјалните мрежи. Претседателката на парламентот Линдита Никола го нарече достигнување за Косово, но и за Албанија, бидејќи Собранието на Албанија, според неа, е вклучено во интензивна лобистичка активност за постигнување на оваа цел. Комитетот на министри на Советот на Европа денеска на вонредна седница со 33 од потребните 31 глас одлучи да го проследи барањето на Косово за прием во таа паневропска организација до Парламентарното собрание на консултации.

ЕУ и СЕ продолжуваат да им помагаат на земјите кандидати во реформските процеси

Тале Кристо — Mon, 30 Jan 2023 14:09:52 +0000

Европската унија и Советот на Европа ќе продолжат заедно да работат за да им помогнат на земјите кандидати и потенцијални кандидати да постигнат опиплив напредок во нивниот севкупен реформски процес кон исполнување на критериумите за членство во ЕУ, се вели во документот објавен денеска од Советот на ЕУ. „Нашите заеднички програми во регионите на проширување и соседството ќе продолжат да ги поддржуваат реформските напори во областа на човековите права, демократијата и владеењето на правото“, се вели во заклучоците за приоритетите на Унијата за соработка со Советот на Европа за оваа и следната година. Во 55 заклучоци, ЕУ ја споменува областа на реформи во Западен Балкан, каде што ЕУ и Советот на Европа работат заедно. Во документот се наведува дека ЕУ ја препознава важната улога на Советот на Европа во поддршката на усогласувањето со европските стандарди и зајакнувањето на градењето капацитети на институциите за спречување и борба против корупцијата, во борбата против перењето пари и обезбедувањето ефективно судство, сето тоа за време на реформските процеси во Западен Балкан и земјите од Источното партнерство. Советот на ЕУ оценува дека улогата на експертизата на Советот на Европа е „од клучна важност во контекст на годишниот пакет за проширување на ЕУ и европскиот механизам за владеење на правото, вклучително и подготовката на следното издание на годишен извештај за владеење на правото“. „Нашите заеднички програми во регионите на проширување и соседството ќе продолжат да ги поддржуваат реформските напори во областа на човековите права, демократијата и владеењето на правото“, стои во документот. Како што се додава, корисен инструмент за оваа работа е соработката со Венецијанската комисија, а корисен е и инструментот ГРЕКО за борба против корупцијата, како и сите други релевантни тела на Советот на Европа. За ЕУ, како што е наведено, тоа останува главен приоритет во наредните години. „Посветеноста на ЕУ за поттикнување на човековите права, демократијата и владеењето на правото се протега на земјите кандидати и потенцијални кандидати и соседството на ЕУ, каде што ЕУ ќе продолжи да соработува со Советот на Европа за поддршка на земјите во спроведувањето суштински реформи и обука, во условите на судството, борбата против корупцијата, унапредувањето на човековите права и улогата на слободните и независни медиуми и граѓанското општество, и – во однос на земјите кандидати и потенцијални кандидати – да се следи напредокот постигнат во тие области, во согласност со зајакнатата методологија на пристапниот процес“, се нагласува во документот. ЕУ, исто така, најавува дека ќе ја продолжи својата блиска соработка со инструментот ГРЕКО на Советот на Европа за промовирање на имплементацијата на стандардите за зајакнување на борбата против корупцијата и со МОНЕИВАЛ во борбата против перење пари. Документот на Советот на ЕУ се однесува на сите области, а целта е да се зајакне демократијата во европските земји и бара „здружување на силите со цел да се смени демократската регресија, да се промовира владеењето на правото и да се поддржат човековите права, да се заштити интегритетот на демократските процеси од надворешно мешање и дезинформации, ја штитат независноста на судството, ја обезбедија слободата на медиумите и безбедноста на новинарите и ја подобрија ефикасноста на демократските институции и одлучувањето, вклучително и ангажман на актери на граѓанското општество и зголемен ангажман на граѓаните“.

Епл го претставиот новиот поевтин Ајфон од моделот СE

Тале Кристо — Wed, 15 Apr 2020 20:18:38 +0000

Компанијата Епл денeска го претстави новиот буџетен Ајфон од серијата СE, во црна, црвена и бела боја. Вградената меморија е од 64, 128 и 256 ГБ и цената зависи од меморијата. На американскиот пазар ќе се продава по 399, 449 или 549 долари, зависно од капацитетот на меморијата. Овој модел е наменет за корисниците кои сакаат помал екран и кои не се во можност да платат од 800 до 1.100 долари за моделите од серијата 11. Работи со класично кружно копче со вграден сензор за отпечаток на прстите, и батеријата може да се полни безжично. Телефонот е со можност за користење две сим-картчки. Ширината на екранот е 4.7 инчи, поседува задна и предна камера, предната е се 12 мегапиксли, а задната со седум. Поседува бионичен процесор за обработка на фотографии и можност да се вклучи режим на портрет.