Сеад Кочан – Kurir.mk

Врховен суд го одби Сеад Кочан, ја потврди затворската казна од 4 години и 8 месеци

Ивана Ефремовски — Thu, 24 Sep 2020 13:04:19 +0000

Врховниот суд го одби барањето за преиспитување на правосилната одлука од страна на бранителите на Сеад Кочан. Со тоа Врховен ја потврди неговата затворска казна за случајот „Труст“. „Врховниот суд на Република Македонија ја информира јавноста дека на 23-ти септември 2020 година, одлучи по предметот заведен под КВП2бр.114/19, коj е оформен по поднесени барања за вонредно преиспитување на правосилна пресуда, поднесени од бранителите на осудениот Сеад Кочан од Скопје. Кочан мината година на 31 август беше спроведен на издржување на затворската казна во затворот Идризово.

Кочан и Поповски се ставени во изолација, заразениот затвореник престојувал со нив

Дарко Андоновски — Thu, 02 Jul 2020 15:47:49 +0000

Во затворот во Идризово регистриран е првиот затвореник позитивен на коронавирусот Ковид – 19. Покрај заразениот од вирусот, во изолација се уште десет затвореници од неговата и соседната ќелија кои имале контакт со него. Како што информира директорот на затворот Боби Мојсовски за МИА, затвореникот кој бил од Велес, бил на викенд од 24 до 27 јуни и на 30 јуни пријавил дека има покачена темпаратура при што му е направен тест за Ковид кој бил позитивен. Меѓу десетте затвореници кои се во изолација се Ѓоко Поповски и Сеад Кочан, кои беа обвинети од пропаднатото СЈО и осудени на долгогодишни казни.

На Сеад Кочан му се слоши во Идризово- примил инјекција

Катерина Бојаџиева — Fri, 02 Aug 2019 13:55:07 +0000

На бизнисменот Сеад Кочан кој вчера насилно беше приведен, утрово му се слошило во затворот во Идризово. Имал покачен крвен притисок и примил инјекција. Инаку, припадници на специјалната единица „Алфи“ насилно го приведоа бизнисменот Сеад Кочан и го однесоа на издржување на затворската казна во Идризово. Според информациите, лекарите од приватната болница каде што се лекува Кочан, се обиделе да им објаснат на „алфите“ дека тој е со наод за срцева болест, приклучен на апарати за кислород и не е во состојба да биде исклучен и пренесен во затвор. Но, ваквите обиди биле залудни. Тој без отпусна листа од болницата бил изнесен во количка и спроведен во затвор.

Сеад Кочан исклучен од апарати, без дозвола на доктори и без отпусна листа спроведен во „Идризово“

Предраг Кукиќ — Thu, 01 Aug 2019 21:01:53 +0000

Припадници на специјалната единица „Алфи“ насилно го привеле бизнисменот Сеад Кочан и го однесоа на издржување на затворската казна во затворот Идризово. Според информациите лекарите од приватната болница каде што се лекува Кочан се обиделе да им објаснат на „алфите“ дека тој е со наод за срцева болест, приклучен на апарати за кислород и не е во состојба да биде исклучен и пренесен во затвор. Но ваквите обиди биле залудни. Тој без отпусна листа од болницата бил изнесен во количка и спроведен во Идризово.

Изречени пресудите за случајот „Труст“

Ивона Петрова — Fri, 20 Jul 2018 10:52:11 +0000

Основниот суд Скопје 1 Скопје денес ги изрече пресудите во случајот „Труст“. Бизнисменот Сеад Кочан доби шест години затвор и забрана во времетраење од три години да биде управител и одговорно, додека Василије Авировиќ доби затворска казна од три години Судијката Лидија Трајковска Зимбовска додаде дека фирмите „Силекс Неметали“ и „Трансмет“ одговорни за кривичното дело треба да платат 2 милиони денари, кои треба да ги платат во рок од 30 дена од правосилност. Третиот обвинет, Сафет Ватиќ во случајот беше ослободен.

Пресуда за обвинетите во „Труст“

Ивона Петрова — Fri, 20 Jul 2018 05:39:40 +0000

Судијката Лидија Трајковска-Зимбовска, која е претседател на судечкиот совет за предметот „Труст“, денеска треба да ја објави пресудата за обвинетите во овој случај. Обвинетите Сеад Кочан, Василије Авировиќ и Сафет Ватиќ пред Судот се изјаснија дека не чувствуваат вина за делото за кое се товарат. Кочан во завршните зборови рече дека не се чувствува виновен, бидејќи немал никаква умисла да прекрши кој билој закон. - Покрај сувото гори и суровото, рече Кочан и додаде дека единствена цел му била да биде конкурентен на пазарот и да обезбеди работа за неговите вработени и нивните семејства. Тој посочи дека не ги проверил документите за овој случај пред да ги потпише, иако како менаџер имал таква обврска. - Како менаџер, иако сум имал обврска да ги проверувам сите документи пред да ги потпишам, тоа не го направив верувајќи цврсто во својот тим, рече Кочан. И Авировиќ во завршните зборови се изјасни дека не се чувствува виновен за делото за кое се товари. Според него, обвинението е неосновано и дополнително ја загрозило неговата кревка здравствена состојба. Обвинетиот Ватиќ во завршните зборови, исто така, рече дека не се чувствува виновен и очекува да биде донесена ослободителна пресуда. Претставникот на „Трансмет“ ДОО Скопје, Сабина Аломеровиќ рече дека се приклучува на завршните зборови на бранителите на правното лице и во целост стои зад нив. Таа посочи дека очекува ослободителна пресуда за правното лице „Трансмет“ ДОО Скопје. Адвокатот Јован Јоанидис, кој е застапник на правното лице „Силекс неметали СТ“ рече дека Судот коректно ја водел целокупната постапка и очекува да биде донесена одлободителна пресуда за сите. Според него, во овој предмет нема елементи на кривичното дело кое што им се товари на сите обвинети. СЈО побара тројцата обвинети да бидат осудени, а фирмите „Трансмет“ ДОО Скопје и „Силекс неметали СТ“ преку конфискација да вратат во државниот буџет 17 милиони евра. Освен барањето за конфискација на имотот, СЈО одлучи третообвинетиот во овој случај Сафет Васиќ да го гони за помагање и го повлече обвинението за неговата фирма „Вато“ ДОО Студеничани. Според обвинението, осомничените формирале конзорциум и со лажни документи добиле тендер за ископ на јаловина во РЕК Битола. МИА

Значајни гости на посета во Скопје: Потесното семејство на првата дама на САД Меланија Трамп на гости кај семејството Кочан (ФОТО)

Даниел Василев — Mon, 21 May 2018 12:18:22 +0000

Деновиве дел од потесното семејство на првата дама на САД го посети Скопје. Членовите на потесното семејство на Меланија Трамп, деновиве беа во приватна посета на македонската метропола, па беа гости и на семејството Кочан, пишува порталот Вистина.

Сопствениците на градежниот гигант – фирмата „Трансмет“, браќата Чедо, Дин и Сеад како добри домаќини ги пречекаа и угостија уважените, високи гости од потесното семејство на првата дама на Америка, која како што е познато влече семејни корени токму од овие некогашни ЈУ простори, поточно од Ново Место, Република Словенија.

Семејството на познатите македонски бизнисмени во знак на добро гостопримство како мало внимание на подарок доби шише високосортно вино, што всушност претставува специјална едиција со логото и името, односно титулата на „првата дама на САД“.

Специјалното вино во специјално пакување и назив „First Lady“ е вино кое всушност ќе се извезува во Америка, а е со географско потекло од Словенија, поточно токму од родното место на Меланија Трамп.