Себастијан Фетел – Kurir.mk

Себастијан Фетел повторно ќе вози за Ред Бул

Бошко Тасиќ — Fri, 16 Jun 2023 05:27:18 +0000

Легендарниот возач во Формула 1, Себастијан Фетел се враќа во болидот на Ред Бул и ќе има улога на промотер на болид на е-гориво. Германскиот возач ќе го има првиот настап на легендарната патека „Нибургринг“ во септември, каде што ќе го вози моделот на Ред Бул „РВ7“ со кој во 2011 година ја освои шампионската титула. Болидот на Фетел нема да биде единствен, затоа што до него ќе застане неговиот поранешен колега Даниел Рикардо со моделот „РВ8“ кој го користеше Ред Бул во 2012 година.

Шефот на Астон Мартин: Се надевам дека Фетел ќе зажали што ја напушти Ф1

Ивона Петрова — Thu, 09 Feb 2023 08:33:59 +0000

Мајк Крак очекува Себастијан Фетел да размисли за враќање во Формула 1. Четирикратниот светски шампион ја напушти серијата на крајот од сезоната 2022 година. Шефот на Астон Мартин ги сподели своите размислувања за тоа како испаднаа последните трки на Фетел. - Мислам дека вкусил крв. Кога работите тргнаа нагорно во Сингапур и Сузука, беше јасно колку е среќен. Радио комуникациите покажаа дека е во ритам, дека сака борба. Можеме да кажеме дека на последните трки болидот му даде повеќе фидбек, му овозможи да се претстави подобро, уште повеќе го мотивираше. Морам да признаам: Симнувам капа! Тој помина низ тежок период, честопати испаѓајќи по првиот сегмент од квалификациите, но никогаш не ја спушти главата и продолжи да го поддржува тимот и Ленс Строл. Примерно однесување. Среќен сум за Себастијан, но штета што реши да си замине. Се надевам дека ќе се кае, изјави Крак. Германскиот возач во текот на кариерата во Формула 1 забележа 53 победи.

Фетел: Ќе ми недостасува Ф1, ми беше задоволство

Ивона Петрова — Mon, 21 Nov 2022 10:47:47 +0000

Четирикратниот светски првак Себастијан Фетел изјави оти ќе му недостасува Формула 1, откако по вчерашната завршна трка сезонава во Абу Даби, германскиот возач официјално ја заврши кариерата. -Има поважни работи од возењето во круг. Но, тоа го сакаме. Ви благодарам на поддршката. Секако дека ќе ми недостасувате. Ми беше задоволство, порача возачот на Астон Мартин. На завршната трка во Абу Даби победи светскиот првак Макс Ферстапен (Ред Бул), додека Фетел освои еден бод. Германскиот возач во Ф1 оствари 53 победи и 122 пласмани на подиумот.

Фетел не ја исклучува можноста да се врати во Формула 1

Бошко Тасиќ — Sat, 12 Nov 2022 19:01:24 +0000

Четирикратниот светски шампион во Формула 1, 35.годишниот германски возач Себастијан Фетел не ја исклучува можноста да се врати во најбрзиот циркус, откако претходно најави дека ова ќе му биде последна сезона во богатата кариера. По 15 години во Формула 1, пилотот на Астон Мартин ќе ја заврши кариерата следниот викенд во Абу Даби. Главната причина за неговото повлекување е желбата да поминува повеќе време со семејството и да има доволно време за да може да им се посвети на некои други проекти. Меѓутоа, во интервју за германската телевизија „РТЛ“, пред трката за Големата награда на Бразил во Сао Паоло, Фетел не кажа експлицитно дека никогаш повеќе нема да вози во Формула 1. „Верувам дека пензионирањето се случува кога ќе одлучиш. Сепак, не можете да исклучите други можности“, изјави германскиот возач.

Поранешен главен инженер на Ред Бул: Верстапен е слаб во техничките работи, Фетел е посестран возач

Ивана Ефремовски — Wed, 09 Nov 2022 08:24:37 +0000

Гијом Рокелин го сподели своето мислење за силните и слабите страни на Макс Верстапен. Рокелин служеше како главен инженер во Формула 1 тимот Ред Бул од 2015 до 2022 година. По Австралиското ГП тој се пресели да работи со младинската програма на тимот. Гијом го спореди појавувањето во Ред Бул во 2009 година на Себастијан Фетел, кој сега вози за Астон Мартин, и Верстапен во 2016 година. -Себастијан беше поразновиден пилот од Макс кога дојде кај нас. Ова се однесува на професионалното ниво, технологија, комуникација. Го подготвуваше „школата“ на Михаел Шумахер, кој беше идол на Себастијан. Не случајно има освоено неколку титули. Тој беше подобро подготвен технички, психолошки. Макс има можеби малку поприроден талент, на кој најмногу се потпираше. Но, Себастијан беше поразновиден возач. Макс има огромна самодоверба, знае што сака, многу е директен. Но, да бидам искрен, тој е слаб од технички аспект во споредба со другите пилоти со кои сме соработувале. Мислам дека треба уште многу да напредува, рече Рокелин. Верстапен оваа сезона ја одбрани шампионската титула освоена мината сезона. (МИА)

Верстапен го собори рекордот на Шумахер и Фетел

Ивона Петрова — Mon, 31 Oct 2022 07:14:47 +0000

Возачот на Ред Бул, Макс Верстапен синоќа победи на трката за Големата награда на Мексико. За 25-годишниот Холанѓанец ова е 14-та победа сезонава во шампионатот во Формула 1. Така, Верстапен постави нов рекорд по бројот на освоени трки во една сезона, пред Михаел Шумахер и Себастијан Фетел кои имаат по 13 победи. Претходно, Верстапен веќе ја имаше обезбедено втората шампионската титула. Луис Хамилтон од Мерцедес го освои второто место на трката во Мексико, а тимскиот колега на Верстапен од Ред Бул, Серхио Перез беше трет. Следната трка ќе се одржи од 11 до 13 ноември во Бразил.

Фетел: Време е да се повлечам, ништо не е вечно

Тале Кристо — Thu, 13 Oct 2022 18:42:56 +0000

Возачот на Астон Мартин, Себастијан Фетел, потврди дека на крајот на оваа сезона ќе се повлече од трките во Формула 1. Фетел во моментов е на 11. место во генералниот пласман со 32 бодови. До крајот на шампионатот преостануваат четири трки. –Време е да заминам. Не знам дали ќе ја донесев истата одлука доколку во последните неколку години бев компетативен и доколку се борев за победи. Тоа никогаш нема да го дознаеме, но јасно е оти чувството не е исто кога низ целта минуваш прв или десетти, порача Фетел во изјава за официјалниот сајт на Ф1 екипата Астон Мартин. Германскиот возач од 2010 до 2013 година освои четири шампионски титули во Ф1 со екипата Ред Бул, а во кариерата забележа вкупно 53 победи.

Фетел не планирал да се врати во Ред Бул по заминувањето од Ферари

Ивана Ефремовски — Sun, 25 Sep 2022 15:33:24 +0000

Германскиот возач во Формула 1, Себастијан Фетел призна дека не си поставил цел да се врати во Ред Бул откако го напушти Ферари во 2020 година, и покрај тоа што разговарал со челниците на австрискиот тим. – Донесов одлука да се приклучам на Астон Мартин пред да се разговара за прашањето за напуштање на Алекс. Така што никогаш не сум бил навистина блиску до тоа. Но секако дека го познавам Кристијан. Имав краток разговор со него, но не беше навистина сериозен, изјави за „Мотоспорт“ 35-годишниот пилот во Ф1. Фетел е четирикратен светски шампион во Формула 1 (2010, 2011, 2012 и 2013 година). Овие титули ги освои со Ред Бул. Во 2015 година Германецот се пресели во Ферари. За италијанскиот тим возеше пет години. Во 2021 година, Фетел стана возач на Астон Мартин. Во летото 2022 година, спортистот објави дека ќе ја заврши спортската кариера на крајот од тековната сезона. Тој во моментов е 13-ти во Формула 1 поредокот со 20 бодови. (МИА)

Крај на една ера: Фетел заминува во пензија, а ова е причината

Ивона Петрова — Thu, 28 Jul 2022 11:46:44 +0000

Германскиот возач во Формула 1, Себастија Фетел објави дека на крајот од сезоната ја завршува својата професионална кариера. Фетел на својот Инстаграм објави видео во кое објаснува зошто се повлекува по 15 години. Во својата кариера тој четири пати беше првак (2010, 2011, 2012 и 2013), а возаше за БМВ, Торо Росо, Ред Бул, Ферари и Астон Мартин. Двапати се најде на вицешампионското место, забележа 53 победи во кариерата, 122 пати се најде на подиумот. Единствени возачи со повеќе триумфи од него се Луис Хамилтон со 103 победи и Михаел Шухамер со 93 победа. Во објавеното видео, Фетел вели дека покрај животот на патеката, тој има и живот надвор од неа. Трите деца и сопругата и посветувањето на семејниот живот и негова присутност во секојдневните активности е главната причина зошто тој се повлекува.

Мекларен ги смета Фетел и Албон меѓу претендентите за местото на Рикардо

Тале Кристо — Tue, 12 Jul 2022 12:26:12 +0000

Мекларен ги истражува опциите доколку Даниел Рикардо замине на крајот на 2022 година. Договорот на Австралиецот е со важност до крајот на 2023 година, но сезоната е крајно неуспешна за него. Според „Би-би-си“, Мекларен истражува кој да го замени Рикиардо доколку реши да го напушти тимот на крајот на оваа година. Меѓу претендентите се возачот на Вилијамс, Алекс Албон и четирикратниот шампион во Формула 1, Себастијан Фетел од Астон Мартин. Фетел тврдеше дека се уште не одлучил дали ќе ја продолжи кариерата – тоа ќе зависи од перспективите на британскиот тим. Себастијан има намера да се бори за високи позиции, што во моментов е невозможно со оглед на брзината на болидот. Договорот на Фетел со Астон Мартин истекува на крајот на годината. Претходно, во врска со можна транзиција во Мекларен, беа споменати возачите од Индикар серијата, Пато О’Вард и Колтон Херта (последниот врши тестови на болидот Ф-1 од 2021 година и е под договор со Андрети до крајот на 2023 година), како и резервистот на Алпин, Оскар Пјастри.