сеча на дрва – Kurir.mk

Откриена нелегална сеча на дрва

Ивана Ефремовски — Tue, 27 Sep 2022 14:57:56 +0000

На 26.09.2022, по преземени мерки и активности за откривање на нелегална сеча на дрва, полициски службеници од ОВР Свети Николе, во содејство со Шумско стопанство Свети Николе, околу 15:00 часот во атарот на с.Стањевци, светиниколско, пронашле и одзеле бесправно исечени огревни дрва, кои биле предадени на Шумска полиција. Се преземаат мерки за расчистување на случајот.

ФОТО: Вистински масакар од сеча на дрва на Драчевска планина – Јакупица!

Тале Кристо — Mon, 08 Feb 2021 14:02:06 +0000

Вистински Масакар со сечата на дрва се случува по планините низ Македонија, а истото за жал се случува и на Драчевска планина (Празни Торба) - Јакупица, пишува на својот Фејсбук профил Јане Ацевски. Во продолжение интегрално со фотографии ви ја пренесуваме објавата на Ацевски: Што да кажам ????? Преку триесет години сум по нашиве шуми речиси по сите планини во Македонија, но ваков МАСАКАР немам видено. Има ли во Македонија шумарски инспектори и ако има како го дозволиле ова. Нема да навлегувам во стручно објаснување што е направено и зошто. И за обичен лаик е се јасно, а не за шумарски инжињер. Искрено се застрамив самиот пред себе од мојата струка. Нема понатаму да коментирам, само ќе казам Страм и Арам за сите што се дел од ова. Драчевска планина ( Празни Торба) - Јакупица Легална сеча (пред 5 години) Гола (чиста) сеча во букова шума на голема површина, пишува Ацевски во својата објава.

Беровец повреден при сеча на дрва

Ивона Петрова — Wed, 04 Dec 2019 09:25:35 +0000

Во Полициска станица Берово вчера вечерта било пријавено дека при сеча на дрва, на место викано „Градиштето“, во близина на Берово, со повреди се здобил Д.Р.(28) од Берово. Повредениот бил пренесен во Комплекс клиники „Мајка Тереза“ за укажување на лекарска помош. Се преземаат мерки за расчистување на случајот.

Трагедија во Охрид: Му се слошило додека сечел дрва – млад маж почина кај Бел Камен

Дарко Андоновски — Thu, 13 Jun 2019 14:29:20 +0000

На 12.06.2019 година во 17.15 часот во СВР Охрид, од Итна медицинска помош било пријавено дека во атарот на с.Вапила, охридско, при сеча на шума, на место викано „Бел Камен“, на Н.Х.(32) од Република Албанија, со привремен престој во Охрид, околу 16.30 часот му се слошило, по што починал. Увид извршила екипа од СВР Охрид, а по наредба на Јавен обвинитеч телото на починатиот било предадено за обдукција.

ФОТО: Жителите на Гази Баба вознемирени од масовната сеча на дрвја

Предраг Кукиќ — Sat, 08 Sep 2018 10:03:43 +0000

Откако во населбата Железара беа исечени над 20 дрвја стари повеќе од 40 години, овие денови мета на сечата е населбата Автокоманда каде исто така се сечат дрва стари десетици години. Жителите револтирани реагираат за уништувањето на старите дрвја во Општината но надлежните немаат слух за реакцијата на граѓаните.

Богоев ветуваше подобра животна средина, а во Карпош се пустошат цели паркови со дрва (ФОТО)

Ивана Ефремовски — Thu, 10 May 2018 08:21:32 +0000

Градоначалникот на општина Карпош, Стефан Богоев од СДСМ, им ветуваше на сограѓаните подобра животна средина. Тоа ветување изгледа важеше само до изборите каде ги очекуваше нивните гласови. Богоев е од партијата која жестоко критикуваше кога се сечеа дрва. Денес од својата удобна градоначалничка фотелја, градоначалникот мирно го следи опустошувањето на зеленилото во Карпош. Поточно, во Карпош 4, се спроведува голема сеча на дрвата, а граѓаните оправдани се изреволтирани. Фотографиите кои ги добивме сведочат дека на очиглед на јавноста, општина Карпош го уништува зеленилото. Од друга страна, познато е дека нема смена на ДУП-от и дека на ова место не е планирано нешто да се гради, па сечата да биде оправдана. Видеото погледнете го ТУКА