сеча – Kurir.mk

Нов вандалски чин: Брутална сеча на дрвја во општина Штип (ФОТО)

Ивана Ефремовски — Sat, 03 Apr 2021 13:26:41 +0000

Нов вандалски чин во Штип. Непознати сторители извршиле брутална сеча на дрвја, во населбата Дуизлак во близина на црквата “Св. недела”. За кратко време, ова е втор инцидент. Првиот беше со кршењето на канделабрите, сега со несовесната сеча. -Заштитата на животната средина е меѓу приоритетите на нашата општина. На терен од завчера е излезена екипа, која врши увид. Инспектори, радари, шумска полиција, веќе подготвуваат извештај за овој вандалски чин. Ќе поднесеме соодветна пријава против непознат сторител, а случајот веќе е пријавен во полиција, порачуваат од општината. Општина Штип апелира до сите граѓани, доколку некој забележал или ги видел луѓето кои се дрзнале на ваков чин да ги пријават. -Вакво вандалски однесување е за секаква осуда и за сторителите нема да има милост, порачуваат од општина Штип.

Вработени во АД „Водостопанство“ си ја злоупотребиле службената положба

Катерина Бојаџиева — Thu, 01 Apr 2021 15:37:55 +0000

ОВР Радовиш поднесе кривична пријава против М.К.(40) од с.Дражево, општина Ново Село, поради постоење основи на сомнение за сторено кривично дело „злоупотреба на службена положба и овластување“ и В.К.(61) од с.Ораовица, радовишко, поради постоење основи на сомнение за сторено кривично дело „несовесно работење во службата“, двајцата вработени во АД „Водостопанство“ – Подружница Радовишко Поле - Радовиш. М.К., како раководител, во октомври 2020, без одобрение од соодветни институции, склучил договор за купопродажба на дрвни сортименти, со што постапил спротивно на членот 131 од Законот за води и по негов налог се исечени вкупно 194 канадски тополи, со вкупна дрвна маса од 203,06 метри кубни со што е причинета материјална штета во висина од 609.090 денари на штета на АД „Водостопанство“ - подружница Радовишко поле Радовиш. Додека, пак, В.К., инженер за заштита од поплави, ерозија и екологија, постапил спротивно на описот и пописот на систематизацијата на работните места, пропуштајќи должен надзор, дозволил и учествувал во вршењето на сечата.

МВР работи на спречување на неконтролирана сеча на шумите

Ивана Ефремовски — Fri, 29 Jan 2021 20:07:03 +0000

Ја спречуваме неконтролирана сеча на шумите, нелегалната продажба на дрва за огрев, која претставува сериозна закана врз еко-системот и намалување на шумскиот фонд, наведе министерот за внатрешни работи Оливер Спасовски на неговиот фејсбук-профил. Тој посочи дека денеска остварил средба со Аница Симонова, раководител на Сектор шумска полиција, Јулијана Николова, генерален директор на Македонски шуми и Сашо Јовановиќ од секторот за шумарство и ловство при МЗШВ, при што разговарале за моменталната состојба, а ги детектирале и проблемите и недостатоците со кои се соочуваат институциите. -Дополнително, формиравме координативно тело составено од членови од сите надлежни институции кое во најкус можен рок ќе започне со подготовка на системски мерки, со цел конечно решавање на состојбата со бесправното сечење на шумите, потанцира Спасовски во објавата на Фејсбук. (МИА)

Се “соголува“ Шар Планина: Шумската полиција не може да се справи со нелегалната сеча, нема доволно кадар

Ивана Ефремовски — Sun, 09 Aug 2020 18:39:57 +0000

Шар планина секојдневно е се пооштетена поради сечата на дрва од страна на неодговорни граѓани. Активистите и здруженијата се жалат бидејќи сечата на Шара се случува во текот на целата година. Дрвата се сечат не само во шумата околу селата туку и на други места каде се сече без никаков критериум, објавува ТВ 21. Во текот на зимата се сечат дрва на Шар планина, а потоа не се компензира од страна на институциите, односно не се засадуваат нови садници. Со тоа уште повеќе се влошува сликата на Шар планина која се очекува да биде прогласена за национален парк. Од шумската полиција признаваат дека имаат недостиг на кадар за да ја покријат цела територија со оглед на фактот се вработени само 18 лица, а регионот е многу голем. „На располагање има само две возила и сега шумската полиција функционира на повик или пријавување на случаи или со патроли. За зачувување на планината ќе треба да се организираат повеќе легални сечи во селата бидејќи повеќето села се греат на дрва и на тој начин нема да имаме нелегална или неконтролирана сеча. Бројот на нелегална сеча е опаднат видно“, велат од шумската полиција. -Да се спречи нелегалната сеча ќе треба да има регионална полиција која ќе се грижи за одреден регион. Против дивите дрвосечачи има незавршени судски постапки, но тие се, или надвор од државата или се социјални случаи, велат од шумската полиција. Од планинарското здружение велат дека целта е Шар планина да стане туристичко место нешто на што веќе се работи. Привлекувањето туристи е предизвик сам по себе бидејќи се гледа колку се оштетени дрвјата и колку се исечени покрај патеките за прошетка, а тоа е многу лоша слика и за туристите, но и за домашните кои ја посетуваат Шар планина. Прилогот на ТВ21 погледнете го во продолжение:

Вистински масакар: Се сече масивот на Шар Планина (ВИДЕО)

Тале Кристо — Sun, 13 Oct 2019 13:15:04 +0000

На Фејсбук страницата „Ta shpëtojmë Kodrën e Diellit“ објавено е видео од масакрот кој што се спроведува на Шар Планина од страна на дивите сечачи на сечачи. Како што може да се забележи и од самото видео, станува збор сеча на голема површина шума. Од страна на надлежите нема никаква реакција, па дрвокрадците можат мирно да ја пустошат Шар Планина. Администраторите на Фејсбук групата повикуваат на освестување и да се спречат криминалците.

Граѓаните реагираат на сеча на дрвја во центарот на Куманово

Катерина Бојаџиева — Sat, 05 Oct 2019 08:12:02 +0000

Жителите на Куманово на социјалните мрежи споделувајќи слики и снимки реагираа на сеча на дрвја, на две липи во централното градско подрачје. Од општината денеска, изјавија дека дрвјата се исечени бидејќи се проширува улицата поради проширување на автобуски постојки на улицата „Гоце Делчев“. Граѓаните ги информираа медиумите, укажувајќи дека во градот нема доволно зеленило со кое се прочистува возухот, особено на таа улица во централното градско подрачје, а долголетните дрвја создаваа и сенка во летните месеци. – Оваа сеча е поради проширување на улицата, односно ќе се гради автобуска постојка, што значи дека просторот за пешаци и велосипедисти ќе се намали или ќе го снема како и дрвата, на сметка на автомобилскиот сообраќај, напишаа граѓаните во информацијата доставена до медиумите. Градоначалникот Максим Димитриевски, вели дека на оваа улица ќе се прошири автобуската постојка, бидејќи сегашното застанување на автобусите од градскиот превоз предизвикува сообраќаен метеж токму во овој централен дел од градот. Тој најави дека ќе бидат засадени нови дрвја и на оваа и на други локации, што е дел од акцискиот план за намалување на аерозагадувањето. – Во рамки на подготвка на проектот за изработка на две нови постојки на улицата „Гоце Делчев“, неминовно беше да се отстранат дрвјата. Општината презема обврска да насади нови квалитетни листопадни садници и на местото на исечените дрвја и долж улицата и ќе ги реобнови склонопадните дрвја, изјави Димитриевски. За идната година, во рамки на долгорочниот план, спорд градоначалникот, пет проценти од вкупниот буџет на капитални инвестици ќе бидет инвестирани за озеленување на градот, со висококвалитетни садници на повеќе локации, проект кој ќе се реализира со ЈП „Чистота и Зеленило“ . Претходно, потсети Димитриевски, општината заедно со АРМ и училиштата насади садници и формираше зелен појас во населбата „Гоце Делчев“ а акции за озеленување имаше и на други локации во Куманово.

На ангро се сечат дрвја во општина Бутел (ФОТО)

Катерина Бојаџиева — Mon, 02 Sep 2019 16:58:42 +0000

На ангро се сечат дрвја кај старата циглана во општина Бутел, пред самиот влез за општината Шуто Оризари. Исечените дрвја се за потребите на булеварот Босна и Херцеговина. Жителите револтирани реагираат за уништувањето на старите дрвја, но надлежните немаат слух за нивната реакција, иако во предизборната кампања беше ветувано зголемување на зеленилото, а не негова сеча.

ФОТО: Масовна сеча и уништување на дрва во основно училиште во Кичево

Дарко Андоновски — Fri, 26 Jul 2019 13:04:41 +0000

Овие денови во основното училиште „Владимир Полежиноски“ се прави масовна сеча на дрва кои покрај тоа што се украс на училиштето и негова заштита се и кислород кој секојдневно го вдишуваат жителите на Кичево. Ваквата негрижа за животната средина и уништување на дрвата кои се посадени пред дваесетина години до сега е не е забележана во минатото. Кичево инаку е град кој е највисоко на листата на загадување, затоа тие ги повикуваат властите да преземат мерки за заштита и да се спречи уништувањето на дрва во нашиот град како во училиштето така и надвор од него.

Коалите масовно гладуваат поради неконтролирана сеча

Ивана Ефремовски — Fri, 03 Aug 2018 10:33:15 +0000

Заштитници на животините на Австралискиот континент укажуваат дека коалите масовно гладуваат оти луѓето ги сечат дрвјата заради заштита од пожар, уништувајќи го природниот извор на храна на овие животни. Прифатилиштето за коали на островот Рејмонд, на брегот на сојузната држава Викторија, неделно наоѓаат барем една изгладнета коала. А, цела Австралија, посебно Нов Јужен Велс е погоден од екстремни жештини и суша. - Тоа ги погодува коалите низ целата земја, не само на островот Рејмонд, истакнува Венди Хендриксен од прифатилиштето, каде што живеат 250 коали. На коалите на Рејмонд, кои се хранат главно со лисја од еукалиптус, им се заканува истребување и поради тоа што новодоселениците масовно ги ловат и продаваат поради крзното. - За нив загрозувачки се и шумските пожари, посебно оние во Викторија, смета проф. Валентина Мела од Универзитетот на Сиднеј. Коалите, според австралискиот закон, се „чувствителни" животни и во дивината ги има помалку од 90.000, а според некои извештаи - само 43.000 единки. (МИА)

Повторно сеча на дрва во Скопје: Шилегов ветуваше европска зелена престолнина, а испорачува исчезнување на зеленилото (ВИДЕО)

Матеја Петровски — Fri, 13 Jul 2018 12:30:13 +0000

Продолжува уништувањето на зеленилото во Скопје. Неколку децениски дрва утрово се жртва на сеча во скопската општина Карпош, иако ветувањето на градоначалникот на Скопје, Петре Шилегов во предизборната кампања беше зголемување на во зеленилото, а не негова сеча. Откако пред само еден месец во Аеродром, Чаир и Карпош се сечеа дрвјата, денес на фејсбук се појави видео каде што јасно се гледа дека повторно во општина Карпош се сечат дрвја. Според објавеното видео сечата се случува на улица Илинденска број 3. Граѓаните секојдневно гледаат сеча на дрва во главниот град, иако ветувањата на Шилегов беа сосем различни. Посветени сме да се закитиме со титулата „Скопје – зелена престолнина 2021“. Напорно ќе работиме во поставувањето стандарди за подобрување на животната средина и амбициозни цели за одржлив развој. Нè чека напорна работа во реализацијата. Тимот од експерти е подготвен, со јасен оперативен план. Поднесувањето на пријавата до Европска комисија, во 2021 година, ќе биде празник за нашиот град, гласи проектот на Шилегов насловен како „Скопје- Европска зелена престолнина“. Во времето додека СДСМ беше опозиција за само едно исечено дрво се правеа вистински скандали и остро се реагираше, од тогашната опозиција тогаш најавуваа дека ќе го разеленуваат Скопје, ветување кое граѓаните не можат да го видат сега. -На постојаното намалување на зелените површини во градот, ќе одговориме со градење зелени ѕидови. По примерот на современите метрополи, ќе ги покриеме безличните ѕидови со природно зеленило. Заедно со граѓаните ќе ги одбереме зградите на кои ќе се постави зеленилото. Ќе се стремиме и објектите под надлежност на државата да добијат зелен лик. Да го освежиме и да го оживееме градот, гласеше ветувањето на Шилегов. Граѓаните претходно на останатите акции за сеча на дрвата од страна на градската администрација одговорија со големо незадоволство.