Сечуан – Kurir.mk

Расте бројот на жртвите во земјотресот во Сечуан

Дарко Андоновски — Tue, 06 Sep 2022 11:10:46 +0000

Бројот на загинати во вчерашниот земјотрес што ја погоди кинеската југозападна провинција Сечуан се искачи на 65 луѓе. Речиси 250 лица се повредени, од кои десетина се во потешка здравствена состојба. Спасувачките екипи работат на извлекување на повеќе од 200 луѓе заробени под урнатините, а исто така се обновуваат и водоводната и телекомуникациската мрежа. Земјотрес со интензитет од 6,8 степени според Рихтеровата скала вчера е регистриран во Сечуан. Епицентарот на земјотресот беше во градот Лудинг, на длабочина од 16 километри, на околу 180 километри југозападно од главниот град на провинцијата Сечуан, Ченгду.

Земјотрес од 6,1 степени во кинеска провинција Сечуан

Дарко Андоновски — Wed, 01 Jun 2022 12:58:17 +0000

Земјотрес со јачина од 6,1 степени според Рихтер денеска ја погоди југозападната кинеска провинција Сечуан. Властите соопштија дека железничкиот сообраќај е делумно прекинат. Три лица се тешко повредени. Земјотресот се случил на околу 110 километри од Ченгду, главниот град на провинцијата, а епицентарот бил на длабочина од 17 километри. Најсмртоносниот земјотрес во Кина во последните години се случи во Сечуан во 2008 година, а јачината беше 7,9 степени. Тогаш загинаа нешто помалку од 90.000 луѓе.

Кина ќе го затвори Конзулатот на САД во Сечуан

Тале Кристо — Thu, 23 Jul 2020 09:19:33 +0000

Кина размислува да го затвори Конзулатот на САД во Ченгду, кој е главен град на кинеската провинција Сечуан, објави „Саут Чајна морнинг пост“ повикувајќи се на неименувани извори. Покрај во Ченгду, во континенталниот дел на Кина има уште четири американски конзулати – во Гуангџоу, во Шангај, во Шенјанг и во Вухан, заедно со Генералниот Конзулат во Хонг Конф и Макао. Исто така Кина размислува за затворање на Американскиoт конзулат во Вухан. Конзулатот на САД во Ченгду е отворен во 1985 година како стретешки важен дипломатски објект во југозападниот регион на Кина. Вашингтон вчера нареди затворање на Кинескиот конзулат во Хјустон поради „заштита на интелектуалната сопственост и личните информации“, а американскиот претседател Доналд Трамп најави дека можно е да бидат преземени слични мерки и за другите кинески дипломатски мисии.

Силен земјотрес во Кина, повредени најмалку 9 лица

Ивона Петрова — Wed, 18 Dec 2019 08:14:28 +0000

Најмалку девет лица се повредени денеска во земјотрес со јачина од 5,2 степени што го погоди градот Нанџијанг во кинеската провинција Сечуан, јавуваат кинеските медиуми. Земјотресот е регистриран во 8.14 часот по локално време. Четири повредени лица се во критична состојба, соопштија локалните власти. Земјотресот уништи 20 куќи, додека 11.968 домаќинства се без струја. Повеќе од 2.000 луѓе, вклучувајќи полиција, служби за вонредни ситуации, пожарникари, учествуваат во спасувачката акција.