седиште – Kurir.mk

ПАТУВАЊЕ СО ДЕТЕ: Кое место во автомобилот е најбезбедно за вашето малечко?

Ивана Ефремовски — Tue, 27 Jul 2021 09:39:10 +0000

Многу родители се плашат кога треба да патуваат сами со бебе. Се плашат од непредвидливи ситуации и што да прават ако бебето почне да плаче додека тие возат. Возењето на бебето на предното седиште изгледа како најдобра идеја, бидејќи возачот, најчесто мајката, во тој случај може да види што се случува со детето. И законот дозволува на предното седиште да се возат најмладите патници во седиште за бебиња, кое се става обратно. Ако решите да тргнете на пат, задолжително мора да го исклучите воздушното перниче кај совозачот. Меѓутоа, оваа идеја има и лоши страни. Стручњаците ги објаснуваат предностите и мааните на таа позиција. Пред се, бебето покрај возачот знае да му го одвлече вниманието. Од друга страна, предното место е најзагрозено, бидејќи ако дојде до некоја опасна ситуација, секој возач инстиктивно реагира, така што ќе го сврти воланот на лево, поставувајќи ја предната десна страна како најзагрозена. Тоа е дел од секундата, тогаш нема време да се размислува, тоа е инстиктивна реакција на возачот, заради тоа се советува децата да бидат позади. Идеално место е седиштето да се постави на средина од задното седиште. Треба да се внимава убаво да се намести седиштето и да се прицврсти со појас. Доколку нема појас на средината, тогаш бебешкото седиште прицврстете го или зад возачкото или зад совозачкото седиште. Извор: Педијатар.мк

Граѓаните со порака до СДСМ и Костадинов: „500 евра плата, 1 евро за Вицето, 1 евро за Заев“ (ФОТО)

Дарко Андоновски — Tue, 08 Jan 2019 14:10:45 +0000

Додека денеска портпаролот на СДСМ Костадин Костадинов одржа прес-конференција пред седиштето на ВМРО-ДПМНЕ група граѓани со пароли му порачаа него, но и на власта јасни пораки кои укажуваат на нивното криминално владеење. „500 евра плата“, „1евро за Вицето, 1 евро за Заев“, „Гајле ми е ја вработив мајка ми“..., се само дел од паролите кои осамнаа во позадина за време на пресот на Костадинов. Инаку ова не е прв пат граѓани да и порачаат на власта за време на прес-конференции за нивните лаги, манипулации и корумпирани криминали кои што ги прават.

Жителите на Мала Речица бараат седиштето на ДУИ да се отстрани од нивната населба

Ивона Петрова — Fri, 06 Apr 2018 14:35:56 +0000

Вчерашниот инцидент што се случи во Мала Речица, по вооружената престрелка каде што еден жител на Куманово беше убиен, а двајца повредени од кои еден сериозно, без сомнение ги загрижи сите граѓани, пишува Фол. Според неофицијални информации, се вели дека овој инцидент почнал со вербална расправија меѓу политичките ривали во седиштето на ДУИ кое се наоѓа многу блиску до местото каде што се случи крвавиот инцидент. Анонимен сведок кој го видел целиот настан, вели дека пресметката која се случила на улица 167 во Мала Речица личела на сцена од филмовите, која се случила меѓу две групи, не бирајќи место и загрозувајќи многу невини луѓе од Мала Речица, а меѓу нив и многу деца. Жителите на Мала Речица овој настан длабоко ги огорчи, изразуваат жалење за жртвата, но и револт дека во овој инцидент можел да настрада секој невин жител на селото. Тие велат дека овој случај не е прв, имало уште еден случај пред неколку години, кога било нападнато и седиштето на ДУИ, каде што имало многу жртви, а бил користен тежок арсенал на оружје, што ги изложило на ризик куќите и жителите кои живеат околу седиштето на ДУИ. Овие случки, како што велат жителите на Мала Речица ја расипаа сликата за селото, ги загрозуваат животите на нејзините жители најчесто поради инциденти кои настанале во седиштето на ДУИ и ова населено место го трансформира во место небезбедно за живеење. Жителите на Мала Речица, огорчени сметаат дека партиските седишта, не треба да биде во близина на приградските населби, и дека истите треба да бидат во градот или во центарот, каде што има поголемо присуство на полиција и во населби кои не се населени со жители како што е случајот со Малата Речица.