сеф – Kurir.mk

Приведени двајца крадци- од хотел во Градскиот парк во Скопје одзеле сеф со пари

Катерина Бојаџиева — Mon, 10 Jul 2023 09:25:07 +0000

Денеска (10.07.2023) во 00.15 часот на подрачјето на Центар полициски службеници ги лишиле од слобода Е.К.(38) и С.Р.(55), двајцата од Скопје, поради тоа што на 09.07.2023 од хотел во Градскиот парк во Скопје одзеле сеф со пари. При извршена проверка кај Е.К. биле пронајдени и одземени бела прашкаста материја како и алати со кои е извршена тешката кражба, а притоа било констатирано дека се барал по централна потерница од Казнено-поправната установа Затвор - Прилеп за доиздржување на казна затвор од 4 години и 9 месеци. По целосно документирање на случајот од страна на ЕВР Центар и Бит Пазар ќе биде поднесен соодветен поднесок.

Ограбено адвокатско друштво, одземен сеф со пари

Ивона Петрова — Sat, 02 Apr 2022 14:34:08 +0000

На 01.04.2022 околу 08.05 часот во Полициската станица Центар било пријавено дека во канцеларија на адвокатско друштво на бул.„Кочо Рацин“ било влезено со употреба на сила. Како што информира полицијата бил одземен сеф со пари. Се преземаат мерки за расчистување на случајот.

ТАЈНА КОЈА МОРА ДА ОСТАНЕ СКРИЕНА 90 ГОДИНИ: Откриено е што се наоѓа во тајниот сеф на британското кралско семејство

Ристе Здравков — Sun, 28 Nov 2021 16:14:14 +0000

Откриено е што се наоѓа во тајниот сеф на британското кралско семејство. Станува збор за тестаменти кои ги содржат последните зборови на членовите на кралското семејство. Сефот го содржи и тестаментот на принцот Филип, заедно со тестаментите на 32 други високи членови на кралското семејство. За него се грижи судијата на Врховниот суд, сер Ендрју Мекфарлејн. Тој за британските медиуми откри дека тестаментите датираат од 1911 година, а во него се и последните желби на мајката на кралицата Елизабета, нејзината сестра принцезата Маргарет и кралот Едвард Осми (Едвард). „Сега сум чувар на сеф кој содржи повеќе од триесет пликови, од кои секој наводно содржи запечатен тестамент на починат член на кралското семејство“, рече Мекфарлан. Но, освен да се открие чии тестаменти се чуваат во кралскиот сеф до оној на војводата од Единбург, многу мали се шансите деталите од некои документи да излезат во јавноста. Кралското семејство има право на зголемено ниво на приватност за да го заштити достоинството и угледот на јавната улога на членовите на семејството. Судијата додаде дека објавувањето на списокот служи за да се постигне транспарентност, но ништо повеќе од тоа. Принцот Филип почина во април, а неговиот тестамент, како и тестаментите на сите членови на кралското семејство, ќе останат тајна најмалку 90 години.

Украден сеф од скопска обложувалница

Ивана Ефремовски — Tue, 09 Mar 2021 15:18:01 +0000

На 09.03.2021 во 04:44 часот во СВР Скопје било пријавено дека во обложувалница на подрачје на Кисела Вода три лица одзеле сеф. Увид на местото извршила увидна екипа на СВР Скопје. Се преземаат мерки за расчистување на случајот.

Отворен сефот на Јосип Броз Тито – нема да ви се верува што е пронајдено внатре!

Магдалена Андонова — Sat, 06 Feb 2021 18:02:30 +0000

Комисијата откри тајна чувана 33 години, го отвори сефот на Јосип Броз Тито. Имено, по неговата смрт на 4 мај 1980 година, сите предмети во сефот ќе останат запечатени, а сефот беше отворен минатата година, а во него беа пронајдени некои од најскапоцените работи, пренесува „Балканпреспрес“. Ви приложуваме список на работи што беа во сводот на Тито, златен, син сафир, кој наводно и припаѓал на кралската династија Романови од Русија, медал што им припаѓал на Караѓорѓевиќ. - Многу големо богатство имаше во тој сеф. Имаше уникатни ѓердани и накит кои припаѓаа на семејството Караѓорѓевиќ, рече еден од членовите на комисијата. Во сефот на Тито имало: - 29.366 килограми злато во прав - 1.271 парчиња нумизматички пари - 2663 златници - 26.219 американски долари - 149 парчиња накит (припаѓале на семејството Караѓорѓевиќ) - 36.000 германски марки - синиот сафир на Романови - 83 парчиња манжетни за ракави, кутии цигари, медалјони, приврзоци и значки - 18 комплети сребрени садови

Од аптека украл сеф, приведен крадец од Скопје

Ивана Ефремовски — Tue, 02 Feb 2021 09:41:55 +0000

На 01.02.2021 во Скопје, полициски службеници од СВР Скопје го лишиле од слобода Е.А.(36) од Скопје, затоа што околу 20:20 часот извршил разбојништво во аптека на бул.„Видое Смилевски Бато“, при што со закана од вработената одзел сеф со пари. Веднаш по добиената пријава, преземени се мерки и активности и Е.А. бил приведен во Полициската станица Аеродром заедно со одземените предмети. По целосно документирање на случајот, против него ќе биде поднесен соодветен поднесок.

Украден сеф со пари од обложувалница на Бит Пазар

Магдалена Андонова — Mon, 26 Oct 2020 15:29:39 +0000

Рано утринава, околу четири часот по полноќ во скопската полиција била пријавена тешка кражба на подрачјето на Бит Пазар. Според пријавата, насилно било влезено во спортска обложувалница и бил одземен сеф со пари. Рано утринава, околу четири часот по полноќ во скопската полиција била пријавена тешка кражба на подрачјето на Бит Пазар. Според пријавата, насилно било влезено во спортска обложувалница и бил одземен сеф со пари.

Украден сеф од винарија во Демир Капија

Ивона Петрова — Wed, 11 Sep 2019 11:01:56 +0000

Украден е сеф од винарија во Демир Капија. Кражбата е извршена ноќта меѓу понеделникот и вторникот. – Ноќта на 9 кон 10 септември во СВР Велес било пријавено дека е извршена тешка кражба во винарија во Демир Капија. Сторителите со употреба на сила влегле и го одзеле сефот. Се работи на расчистување на случајот, изјави портпаролот на СВР Велес, Верољуб Додевски.

Украле 640.000 денари од винарија, пола пари им изгореле додека го отворале сефот

Ивана Ефремовски — Mon, 28 Jan 2019 14:30:07 +0000

Полицијата уапсила седумина кои ограбиле винарија во Гевгелија, од каде украле близу 17.000 евра во денари и евра. Крадците биле откриени откако сакале да разменат во банка дел од банкнотите кои им изгореле додека со заварувач го отворале сефот. Станува збор за Н.В (46) и М.Р (49), И.В (52), С.А (59), А.Х (25), Б.Ѓ. (53) сите од Скопје, како и Б.И (53) од Прилеп. СВР Струмица до ОЈО Гевгелија против дел од осомничените поднесе кривична пријава за тешка кражба, а за другите за помагање. Според полицијата, кражбата се случила на 22.09.2018 година во времето од 1.30 до 3.30 часот во просториите на винарска визба во Гевгелија. Тогаш Н.В. и М.Р. влегле во кругот на визбата, а потоа и во објектот и во канцеларијата на благајникот. Потоа со помош на оксигенски заварувач се обиделе да ја отворат металната дводелна каса. Но откако не успеале да ја отворат металната врата, ја извлекле од нејзиното лежиште и со оксигенскиот апарат направиле отвор со дијаметар од околу 20 сантиметри. При тоа поради високата температува ги нагореле пластичните папки со документација, како и денарите во горниот дел од касата. Тие успеале да земат 640.000 денари, во различни апоени и 6.950 евра во различни апоени. -По извршувањето на кражбата, М.Р. како награда на С.А. му дал пет делумно нагорени банкноти од по 1.000 денари да ги замени во Народна банка на Република Македонија. Тој на 24.09.2018 година во НБРМ поднел барање за нивна замена, а истите по три дена му биле заменети. Потоа на 05.11.2018 година, Б.И. отишол во НБРМ за да замени 172 делумно нагорени банкноти од по 1.000 денари. Таму се сретнал со Б.Ѓ, вработен во банката, кој го упатил банкнотите да ги замени преку менувачница во Скопје, каде работел А.Х., кој за награда од десет отсто се согласил да ги замени парите. Тој ги зел банкнотите, а на пријавениот Б.И му исплатил 155.000 денари во готово без да му издаде документ. Исто така, Н.В. на 11.12.2018 година на И.В и дал 13 делумно нагорени банкноти од по 1.000 денари, со цел да ги замени во НБРМ. Таа наредниот ден ги пријавила банкнотите, но замената не била извршена, велат од МВР. Полицијата во меѓувреме ги идентификувала и пронашла крадците. На предлог на јавниот обвинител во Гевгелија, од страна на судија на претходна постапка при Основен суд Гевгелија на Н.В., М.Р. и Б.Ѓ. им е одредена мерка притвор во траење од 8 дена, додека на останатите им е одредена мерка на претпазливост „задолжително јавување во суд“.

Ограбен сефот на приватна болница во Скопје

Ивона Петрова — Mon, 20 Aug 2018 11:25:41 +0000

Околу 300.000 денари се украдени од сефот на приватната болница „Ремедика“ во Скопје. Од полицијата информираат дека настанот е пријавен денес во 9:10 часот. Кражбата е извршена од засега непознато лице. Полициски екипи вршат увид на местото на грабежот.