Попов: Ќе мотивираме голем број на млади луѓе да останат да создаваат и творат во Република Македонија

Катерина Бојаџиева — Mon, 17 Jul 2023 20:50:54 +0000

Пред некој период ние започнавме со една широка акција која што се нарекува „Иднина за сите во Македонија“, тоа претставува една акција во која ние се среќаваме со млади луѓе ширум државата од најразлични категории и сфери на општетсвеното функциониање. Во рамки на таа акција моментално сме во општина Куманово каде ќе разговараме на тема култура, изјави претседателот на Унијата на млади сили на ВМРО-ДПМНЕ, Сергеј Попов, при посетата во Куманово. Попов посочи дека разговарале со повеќе млади луѓе се со цел да се утврди што Унијата на млади сили и ВМРО-ДПМНЕ како политичка партија може да направат за да се мотивираат голем број на млади да се занимаваат со култура, да создават и творат овде во Република Македонија. -Заедно со мене овде се повеќе културни работници. Пред да дојдеме овде имавме посета на едно прекрасно ателје, се со цел да разговараме со младите луѓе и да утврдиме што е она што ние како Унија на млади сили на ВМРО-ДПМНЕ и како политичка партија ВМРО-ДПМНЕ можеме да направиме за да мотивираме што е можно поголем број на млади луѓе да се занимаваат со култура, да творат и создаваат овде во Република Македонија, а не готов кадар да извезуваме надвор од државата, па потоа тие наши млади уметници, млади скулптури, млади вајари да творат и делуваат надвор од границите на Република Македонија, туку квалитетот да си го задржиме овде во нашата држава. За тоа ќе разговаме денес на овој настан во рамки на акцијата Иднина за сите во Македонија, кажа претседателот на Унијата на млади сили, Попов. На крај тој порача дека овој процес ќе го завршат со пишување на сеопфатна младинска програма на ВМРО-ДПМНЕ која ќе биде презентирана на двовневниот саем за млади. -Овој процес ќе заврши со пишување на сеопфатна младинска програма на ВМРО-ДПМНЕ, која ќе ја презентираме на 22 и 23 јули во Македонската опера и балет во Скопје на дводневен саем за млади, вели Попов.

Попов: Според истражувања 65% од младите не се задоволни од своето место во државата, младите кои што живеат во руралните средини од страна на централната власт се комплетно заборавени

Дарко Андоновски — Sat, 20 May 2023 08:30:31 +0000

„Денеска во рамките на акцијата „Ова е Македонија за сите“ во организација на ВМРО-ДПМНЕ повторно сме во посета на населените места во општина Кавадарци. Денеска сме во посета на Бегниште, Ресава, Дреново и моментално се наоѓаме во населеното место Ваташа. Проблемите кои што ни ги посочија граѓаните се исклучиво поврзани негрижа и нефункционалност на државните институции. Односно граѓаните најмногу се жалеа на запуштеноста на системите за наводнување, запушени канали итн.“, истакна Сергеј Попов, претседател на УМС на ВМРО-ДПМНЕ. Попов додаде дека населението во овој крај се занимава со лозарство и проблемот со запуштеноста на системите за наводнување и запушени канали претставува огромен проблем. „Како млад човек и претседател на Унија на млади сили на ВМРО-ДПМНЕ прочитав едно истражување кое што кажува дека 65% од младите не се задоволни од своето место во државата. И јас од денешната посета само можам да констатирам дека се во право и дека таа анкета е сосема во ред бидејќи младите кои што живеат во руралните средини од страна на централната власт се комплетно заборавени“, укажа Попов. Тој посочи дека при разговорот со граѓаните им влева надеж и знаат самите дека по доаѓање на ВМРО-ДПМНЕ на власт на следните парламентарни избори, а тој процес е неминовен, големи промени ќе се случат. Граѓаните и младите кои што живеат во руралните средини и во населените места ширум Македонија ќе имаат партнер во Влада предводена од ВМРО-ДПМНЕ.

сегеј попов – Kurir.mk

Попов: Ќе мотивираме голем број на млади луѓе да останат да создаваат и творат во Република Македонија