СЕХА – Kurir.mk

РК Еурофарм Пелистер обезбеди пласман во полуфиналето на СЕХА

Ивона Петрова — Mon, 10 Apr 2023 16:10:00 +0000

Ракометарите на Еурофарм Пелистер неочекувано лесно и убедливо го совладаа Татран Прешов со 36:26 и обезбедија пласман во полуфиналните натпревари од ракометната СЕХА лига. Битолчани првиот натпревар го завршија со 8 голови предност (37:29), а попладнево во Прешов, домашниот тим го совладаа со 10 голови предност, односно 36:26. -Пред реванш средбата тренерот Александар Јовиќ најави дека поголема шанса ќе им даде на помладите играчи и на оние кои имаат помала минутажа, и тоа се покажа како одличен потег. Најефикасен на натпреварот, како во Битола така и во Прешов, беше репрезетативецот Костески кој овој пат постигна 11 голови и го одведе тимот на Еурофарм Пелистер во полуфиналето на СЕХА.

Вардар и Е. Пелистер со гостувања на почетокот од СЕХА

Бошко Тасиќ — Wed, 11 Jan 2023 06:16:47 +0000

Двата македонски претставници во ракометната СЕХА лига, Вардар и Еурофарм Пелистер во првата рунда од фазата по групи ќе им гостуваат на Татран Прешов и Војводина. Црвено-црните на 28 овој месец ќе се соочат со шампионот на Словачка додека два дена подоцна Битолчани ќе се сретнат со екипата од Нови Сад. Во второто коло од Б конкуренцијата, Вардар на први февруари на домашен терен за противник го има белградски Партизан, а следниот ден Еурофарм Пелистер има ново гостување во Нашице на меч со директниот конкурент за освојување на првото место во Б групата. Првиот круг од регионалното натпреварување за македонските претставници завршува во различни термини. На 28 февруари Вардар му гостува на Партизан, а Еурофарм Пелистер на 14 март игра против Нексе.

Михајловски повеќе не е прв човек на СЕХА

Ристе Здравков — Sat, 03 Sep 2022 14:08:18 +0000

Михајло Михајловски повеќе не е претседател на СЕХА, а неговото место на чело на регионалната лига ќе го преземе Божидар Ѓурковиќ од Србија, како што беше објавено на официјалната страна. Синиша Остојиќ од Хрватска ќе остане директор и во следниот мандат, додека Марјан Начевски ќе биде комесар на лигата, а место во Управниот одбор имаше и за првиот човек на Пелистер, Зоран Стерјев, додека Михајловиќ ја добие титулата почесен претседател. „Сакам да ви се заблагодарам на сите за 10 години успешна соработка. Горд сум на претходните години и убеден сум дека СЕХА има светла иднина. Лично, мислам дека е време да му ја предадам позицијата претседател на Божидар Ѓурковиќ за кој верувам дека ќе продолжи по вистинскиот пат“, кажа Михајловски.

Вардар гостува на Војводина, Дејвис бара една работа од играчите за победа

Тале Кристо — Tue, 08 Feb 2022 07:46:27 +0000

Ракометарите на Вардар во Нови Сад ги очекува натпревар во СЕХА конкуренцијата, средбата се игра со почеток од 17.30 часот. Црвено-црните се фаворити, н отоа ќе мора да го потврдат на средбата, тренерот Дејвис бара од играчите да ги намалат грешките, за да стигнат до победа. -Мора да ги поправиме грешките од поразот со Нексе. Војводина има квалитетен и е опасен тим, предводена од Немања Прибак, која игра дисциплинирано, има добар голман и која дома е многу незгоден противник. Треба да бидеме трпеливи, мислам дека ракометарите веќе сфаќаат што барам од нив и како треба да играат. Одиме чекор по чекор и сигурен сум дека ќе биде многу подобро, изјави Дејвис. Извор: Дриблинг.мк

Вардар и Пелистер ги дознаа термините и противниците за нокаут фазата во СЕХА

Тале Кристо — Mon, 28 Jun 2021 15:08:21 +0000

Регионалната ракометна СЕХА лига денеска ги објави датумите за одигрување на натпреварите од четвртфиналето во кое пласман покрај двете македонски екипи, Вардар 1961 и Еурофарм Пелистер, обезбедија и ППД Загреб, Нексе, Мотор Запорожје, Веспрем, Мешков Брест и Татран Прешов. Нокаут фазата, како што е соопштено, почнува на 21 август со натпреварот меѓу Еурофарм Пелистер и Мешков Брест. На 24 август на распоредот се два натпревари, Татран – Мотор и Нексе – Веспрем, додека првите четвртфинални натпревари ќе бидат заокружени на 26 август со пресметката меѓу Вардар 1961 и ППД Загреб. Еурофарм Пелистер својот реванш-натпревар против Мешков Брест ќе го игра на 29 август, додека Вардар ќе му гостува на Загреб на 31 август. Вкупните победници ќе обезбедат пласман на фајналфор турнирот, а титулата ја брани Веспрем.

ФОТО: Борко Ристовски на насловната страна на СЕХА, вака можете виртуелно да го бодрите Вардар

Ристе Здравков — Sun, 06 Sep 2020 11:57:01 +0000

Вечерва Вардар и Веспрем играат за трофејот во СЕХА лигата, финале од кое македонскиот првак сака да ја одбрани титулата во регионалната лига. Ситуацијата е поинаква, време на корона криза, СЕХА најде начин како да го бодрите омилениот клуб, се што треба е да кликнете на линкот кој го понуди лигата на социјалните мрежи.

?Dear fans, you will always be in their ❤️❤️, but you can also support the teams on the final day virtually. ???️? ???? Find out ?https://t.co/Wd8gvmFxAK #HANDBALLISBACK #SEHAFinal4 #SEHALeague #Gazprom #HEP #viseodstruje pic.twitter.com/kYQmEozfsP
— SEHA-GAZPROM LEAGUE (@SEHALeague) September 5, 2020

СЕХА: Вардар и Веспрем за шампионската титула во Задар!

Ристе Здравков — Sun, 06 Sep 2020 09:06:55 +0000

Денеска на Фајнал-фор турнирот во Задар (Хрватска) ќе дознаеме кој ќе биде шампионот за натпреварувачката сезона 2019/20 во СЕХА Газпром лигата. Од 20.30 часот во салата „Крешимир Ќосиќ“ за титулата ќе играат екипите на Вардар 1961 и Веспрем, а од 18.00 часот е битката за бронзениот медал меѓу ППД Загреб и Мешков Брест. Македонскиот претставник ја брани титулата од лани, потсетување во петокот „црвено-црните“ после пенал серијата го елиминираа хрватскиот ППД Загреб. Унгарците претходно во првата полуфинална пресметка со резултат 28:24 беа подобри од белорускиот Мешков Брест. По третпат во историјата на Ф4 турнирите во СЕХА во финалето ќе се сретнат Вардар 1961 и Веспрем, во сезоната 2015/16 во Вараждин (Хрватска) триумфираше унгарската екипа со 28:26, а Вардарци се реваншираа во 2017 година во Брест (Белорусија), 26:21. Нашата екипа во последните три години ја освојуваше титулата, вечерва ќе го брка севкупно шестиот трофеј во регионалното натпреварување. Веспрем освен во 2016, беше на тронот и во 2015 година кога со 32:21 славеше над Мешков. Вардар покрај финалето со Веспрем (2016), беше поразен во финалната битка и во 2013 година во Скопје од Загреб (25:24) по продолженијата во СЦ „Борис Трајковски“. Во Веспрем настапуваат неколку поранешни играчи на Вардар, тие се Дејан Манасков, Рожерио Мораеш Фереира, Данил Шишкарев, Хорхе Македа и Вуко Борозан, а на тренерската клупа е Давид Дејвис, поранешниот стратег на женскиот ракометен клуб Вардар и екс помошник на Раул Гонзалез во машкиот ракометен клуб на Вардар. СЕХА Газпром лига Финале, резултати – 2011/12 Вардар-Металург 21:18 2012/13 Загреб-Вардар 25:24 2013/14 Вардар-Мешков 29:27 2014/15 Веспрем-Мешков 32:21 2015/16 Веспрем-Вардар 28:26 2016/17 Вардар-Веспрем 26:21 2017/18 Вардар-ППД Загреб 26:24 2018/19 Вардар-ППД Загреб 26:23 2019/20 Вардар 1961-Веспрем ?

ВИДЕО: Пеналите кои го однесоа Вардар во ново СЕХА финале

Ристе Здравков — Sat, 05 Sep 2020 09:02:50 +0000

Вардар по осми пат ќе игра во финалето на СЕХА лигата откако во полуфиналниот дуел по пенал рулетот славеше победа со 30-29 над ППД Загреб. Вардарци имаа негатива и од шест голови во второто полувреме, но она што го красеше овој колектив во минатото дојде до израз и во Задар, па со неверојатен камбек избраниците на Стевче Алушовски го израмнија резултатот и по пеналите повторно се во финалето на завршниот турнир од СЕХА лигата. Против Веспрем ќе се обидат да го одбранат трофејот од минатата година.

СЕХА: Вардар со победа се враќа од Букурешт

Ристе Здравков — Mon, 17 Dec 2018 18:05:45 +0000

Екипата на Вардар оствари победа на гостувањето кај Стеауа во Букурешт со 30-34 (10-21) во 13-тото коло од регионалната СЕХА лига. Екипата на Роберто Гарсија Парондо одигра одлично прво полувреме во кое постигна 21 гол, а на почетокот на вториот дел имаа и највисоки 12 гола предност (23-11). До крајот дојде до мало опуштање во играта на „црвено-црните“, кои играа во комбиниран состав и победата беше изразена само со плус 4 разлика. Поповски со десет и Кисељев со девет гола беа најдобри стрелци во редовите на Вардар, а Милошевиќ постигна 5 погодоци за ромснката екипа. За Вардар ова беше единаесетта победа во СЕХА, и по неа остана лидер на табелата со 33 бодови. Следи зимската пауза, а натпреварите од регионалната лига продолжуваат во февруари.

Вардар со комбиниран состав и без Парондо против Брест во СЕХА

Ивона Петрова — Mon, 29 Oct 2018 17:26:24 +0000

Екипата на Вардар на натпреварот од СЕХА лигата против Мешков, кој е на програма утре од 16:15 часот во Брест, ќе настапи со комбиниран состав. Шанса во мечот од регионалното натпреварување ќе добијат оние што помалку играат и оние од вториот тим на Вардар јуниор, соопштија од тимот. За Белорусија не отпатувал ниту тренерот Роберто Гарсија Парондо. Во тимот на Вардар, кој ќе излезе против Мешков, се најдоа: Јања Војводиќ, Владо Недановски, Мартин Поповски, Марко Мишевски, Марко Кизиќ, Калифа Гедбан, Стефан Атанасовски, Давид Гашовски, Стефан Крстевски, Дејан Кукуловски и Мартин Димов. На клупата на утрешниот меч ќе седат Билјана Црвенковска и Стојан Петрушевски, тренерот на Вардар јуниор. МИА