Ви ги откриваме сите предности на купувањето со новиот концепт на dm – СЕКОГАШ ПОВОЛНО

Super Admin — Thu, 18 May 2023 08:35:10 +0000

Доколку некои од вашите долгорочни цели се заштеда на време, или пак поефикасно планирање на домашниот буџет, ви откриваме сѐ за новиот концепт на купување кој го започна компанијата dm drogerie markt. Станува збор за концептот СЕКОГАШ ПОВОЛНО кој од почетокот на месец мај се применува во сите dm дрогерии и подразбира долгорочно поволни цени, наместо краткотрајни акции. Споменатиот концепт на купувачите им носи низа предности, бидејќи секој ден ќе можат да пронајдат повеќе од 7.500 производи по долгорочно поволни цени, и тоа минимум четири месеци. Инаку оваа пракса на замена на намалувањата и акциите со долгорочни цени се применува години наназад во dm во останатите европски земји, поради што dm реши да го спроведе овој зафат и на нашиот пазар, прилагодувајќи се воедно на потребите на своите купувачи. Што ни носи оваа промена, откријте во продолжение.

Долготрајна заштеда за вашиот буџет

Купувачот кој сака да заштеди пари, неколку дена по ред прави список за да не пропушти да купи одреден производ по намалена цена. Со концептот СЕКОГАШ ПОВОЛНО, список и пресметки веќе нема да ви бидат потребни, бидејќи штедите од ден за ден, а еве и како: Во dm дрогериите мoже да пронајдете голем избор на производи чии цени во секој момент се пониски од редовните цени на пазарот. СЕКОГАШ ПОВОЛНО цените нема да се зголемуваат минимум четири месеци, а за многу производи и уште многу подолго. На овој начин уживате во шопинг кој ви овозможува долгорочна заштеда, како на време, така и на пари! На тој начин имате континуирана добивка која се рефлектира во заштедата на пари на долгорочен план, имајќи предвид дека во секој момент ви се достапни омилените производи по поволни цени.

Не бркајте акции, времето е на ваша страна

Експертите порачуваат дека во денешното современо општество, времето е еден од главните ресурси. Со промената на работното време кое најчесто е до доцните попладневни часови, секоја минута ни е скапоцена. Поради тоа, со овој концепт, dm сака да остави повеќе простор за посета на дрогериите и да ги растерети купувачите од планирање на купување за да не ги пропуштат намалувањата. Сега безгрижно можете да ги завршите сите свои обврски, а потоа да појдете во омилената dm дрогерија во кој било момент бидејќи таму секогаш ќе ве чека понуда на производи со долгорочно поволни цени.

Без импулсивно купување

Преку концептот СЕКОГАШ ПОВОЛНО dm ни овозможува долготрајна заштеда на време и пари, а освен тоа, покрај растот на потрошувачкиот менталитет на глобално ниво, на овој начин ги едуцира потрошувачите за совесно купување бидејќи импулсивните купувања најчесто се случуваат тогаш кога е производот на акција. Тоа значи дека со овој концепт го купувате одредениот производ тогаш кога ви е навистина потребен и не создавате непотребни залихи.

Купување без грижа на совест

Кога знаете дека одреден производ сте го купиле по редовна цена, често зажалувате што не сте го купиле порано, додека бил на намалување. Купувајќи во dm, веќе нема да си замерувате сами на себе бидејќи повеќе од 7.500 производи ќе бидат долгорочно поволни, а понудата и понатаму ќе се зголемува.

Како да ги препознаете СЕКОГАШ ПОВОЛНО производите?

Производите кои се наоѓаат во рамки на споменатиот концепт, јасно се обележани со печат и со испис СЕКОГАШ ПОВОЛНО, а можете и да ги пронајдете во сите категории, почнувајќи од прехранбени намирници и органска храна, преку сегментот за одржување на хигиена во домот, асортиманот за нега и исхрана на бебиња, па сѐ до асортиманот за нега и убавина. Да сумираме – пресметката пред шопинг веќе нема да ви биде потребна, купувањето може да се направи без стрес, а да се заштеди може секојдневно, и сѐ тоа со концептот СЕКОГАШ ПОВОЛНО. На вас ви преостанува да го проверите овој нов систем на купување во наредниот период и да уживате во шопингот на сосема друг начин!

Компанијата dm воведува СЕКОГАШ ПОВОЛНИ цени: „Носиме нов концепт за пазарување на македонскиот пазар“

Super Admin — Fri, 05 May 2023 10:41:18 +0000

Новиот концепт СЕКОГАШ ПОВОЛНО има за цел на купувачите да им донесе корист во вид на заштеда на пари и време на долгорочен план. Со воведување на ваков концепт за купување, дрогерискиот ланец настојува на домашниот пазар да ги пренесе одржливите трендови и квалитетната пракса од останатите европски земји од dm концернот.

,,Водени според искуството на европските земји во кои работиме и со внимателното разгледување на домашниот пазар, одлучивме да започнеме со нов потфат кој ќе ги оплемени потрошувачките навики на нашето општество. Концептот СЕКОГАШ ПОВОЛНО на купувачите ќе им овозможи купување без стрес, споредување на цени, чекање и следење на акции, или пак правење залихи на производи кои во тој момент може нема да бидат потребни’’ изјавија од компанијата.

Отсега, наместо производи на двонеделни и месечни акции, dm на своите купувачи им нуди голем број на производи кои се карактеризираат со долгорочно поволни цени. Бројот на производи по СЕКОГАШ ПОВОЛНИ цени, што моментално изнесува повеќе од 7.500, континуирано ќе се зголемува, а нивните цени нема да бидат зголемени најмалку 4 месеци – за многу производи и многу подолго! Со тоа, важен факт е и тоа што долготрајно поволната цена е значително пониска од редовните цени на пазарот. И најдобрата вест е тоа што, со СЕКОГАШ ПОВОЛНО купувате транспарентно! Во тоа можете да се уверите гледајќи ја СЕКОГАШ ПОВОЛНО цената на производот. На секоја ценовна ознака на производите ќе биде јасно назначен датумот од кога важи долгорочно поволната цена, а купувачите оваа информација исто така ќе може да ја проверат и во двонеделниот и месечниот каталог, како и на социјалните мрежи на dm. Купувачите во dm, во сите сегменти на асортимани – покрај висококовалитетните dm марки како што се Balea, alverde, dmBio, Denkmit, Dontodent, babylove и други, отсега ќе ги пронајдат и светски познатите брендови кои ќе имаат долгорочно поволни цени. Како најголем дрогериски ланец во Европа, dm континуирано ги слуша потребите на купувачите, поставувајќи ги нивните желби во центарот на работата. На тој пат, dm ќе продолжи да ја исполнува својата визија за градење на здрави и одржливи трендови за купување, поттикнувајќи поквалитетно опкружување на пазарот, во заедницата во која работи.