секс – Kurir.mk

Дали престанавте да водите љубов со партнерот? Проблемот не е наивен!

Ивана Ефремовски — Thu, 19 Oct 2023 20:02:41 +0000

Експертот за врски Трејси Кокс вели дека ова може да доведе до развод. Во студијата спроведена од колумнистката Сузи Годсон, дури 44 отсто од паровите на возраст меѓу 36 и 55 години имаат интимни односи еднаш неделно. 32 отсто од нив изјавиле дека имаат секс само еднаш месечно. Единаесет проценти од паровите признале дека се интимни со партнерот еднаш годишно, додека девет проценти од нив престанале да практикуваат интимни односи. Само четири проценти од паровите рекле дека водат љубов секој ден. Овие резултати се тесно поврзани со честите разводи, бидејќи ако имате добра и квалитетна сексуална врска, таа носи 20 проценти повеќе задоволство од вашата врска или брак. Меѓутоа, кога паровите ќе престанат да уживаат во кревет, врската нужно почнува да страда. -Интимниот чин прави да се чувствуваме посакувано, привлечно, психички здраво и го стимулира нашето расположение, рекла Трејси. -Ако престанете да разменувате нежности, ризикувате и двајцата да го посакаат истото со некој друг, додаде таа. -Затоа, пред уште еднаш да одбиете секс со партнерот затоа што и двајцата сте мрзоволни, затоа што сте заедно со години и се изгледа како еден голем напор, ве советувам да размислите двапати, заклучува таа.

ДА НЕ СЕ ЛАЖЕМЕ: Еве колку пати НАВИСТИНА е нормално да имате сексуален однос со партнерот!

Ивана Ефремовски — Fri, 06 Oct 2023 12:15:32 +0000

Сексуалноста е интимна тема која може да предизвика различни реакции и мислења. Сепак, постои истражување кое ни дава увид во сексуалните навики на луѓето и нуди насоки за тоа што се смета за нормално. Едно истражување, спроведено од Институтот Кинси, ни дава некои статистички податоци за сексуалната активност на различни возрасти. Според нивните резултати, просечниот број на сексуални односи варира во зависност од возраста. Младите возрасни (18-29 години) имаат просечно 112 сексуални односи годишно, додека лицата на возраст од 30 до 39 години имаат во просек 86 сексуални односи годишно. За луѓето на возраст меѓу 40 и 49 години, таа бројка паѓа во просек на 69 сексуални односи годишно. Ова истражување исто така откри дека 13 отсто од брачните парови имаат секс неколку пати годишно, 45 отсто неколку пати месечно, 34 отсто два до три пати неделно, додека 7 отсто имаат секс четири или повеќе пати неделно. Речиси половина од брачните парови имаат секс неколку пати месечно. Важно е да се напомене дека овие податоци се просечни вредности и дека постои голема варијација во сексуалната фреквенција кај паровите. Секој пар има свои уникатни потреби и желби, па затоа е тешко да се дефинира универзална „нормала“ кога станува збор за сексуалната активност. Исто така, треба да се земе предвид дека факторите како стрес, замор, здравствени проблеми и други животни околности можат да влијаат на сексуалната зачестеност во врската. Секоја личност има свои индивидуални потреби и преференци кога станува збор за сексуалноста.

Што се случува во телото на мажот кој подолго време нема с*кс?

Ристе Здравков — Tue, 05 Sep 2023 14:20:26 +0000

Има многу причини зошто треба редовно да имаме секс, но покрај задоволството, важни се и причините поврзани со здравјето. Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно? Ова се најчестите последици: Еректилна дисфункција Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате. Зголемен ризик од рак на простата Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата. Висок крвен притисок Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности. Стрес Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес. Слаб имунитет Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

ДИВ СЕКС СРЕДЕ БЕЛ ДЕН – терасата се „тресеше“ од овој пар кој беше понесен од страст пред комшиите кои пукаа сеир (ВИДЕО +18)

Дарко Андоновски — Thu, 31 Aug 2023 12:58:58 +0000

Љубовната страст има чудна моќ. Кога ќе те обземе, го поматува умот. Кај некои и тотално… До даска! Особено кај оние, на кои егзибиционизмот им ја мултициплира возбудата, па сексот на јавно место повеќекратно им го зголемува задоволсвото. На Интернет кружи видео од дуото кои очигледно сакаат да експериментираат и не им е непријатно да ги прават „оние работи“ пред љубопитните погледи на своите соседи на отворена сцена. Или поточно на нивниот балкон, што е евидентно од документираниот материјал кој еден од соседите го снимал во моментите на комшиската страст. Ним очигледно тоа не им пречело премногу, напротив. А можеби сето тоа било и заради она што само кај балканците го има: „За инает на комшиите“, со оглед на тоа дека клипот е снимен среде бел ден, во источно Сараево! Излези момче право на тераса и посматрај ја комшиската класа… А деновиве, штом комшијата ќе замине на работа, бујрум откаршија и на прво утринско комшиско кафе… на тераса кај комшиката!

4 најчести причини зошто мажот одбива секс

Ристе Здравков — Fri, 18 Aug 2023 20:54:27 +0000

Ако сексуалните односи со вашиот партнер почнале да „заладуваат“, не помислувајте веднаш на најлошото. Мажот може да одбива секс со партнерката од различни причини, а најчесто се помислува дека веќе не сте му привлечна или дека ве изневерува. Иако тоа е можно, сепак најчестите причини за неговото одбивање се поврзани со други работи. Терапевтите ги издвојуваат овие четири најчести причини зошто мажот одбива секс или е намален бројот на сексуални односи со партнерката (во споредба со претходно). Работата е „онаа другата“ Многу мажи со страст и голема желба си ја работат работата, а се случува работниот успех на мажот да му буди страст исто како кон партнерката. Пофалбите и унапредувањето за нив е подеднакво возбудливо и задоволувачки како и секс со партнерката, па така работата станува „љубовницата“. Мастурбирање Иако се смета дека мастурбацијата е здрава, кога се работи за пречесто самозадоволување на сметка на сексуалниот живот со партнерката, може да претставува проблем. Во ваквите случаи мажот најчесто сака секс, но нема волја да иницира и да спроведе однос, па буквално „ја зема работата во свои раце“. Мастурбирањето, најчесто на порно содржини, му е сигурна опција во која не мора да вложи напор, а ќе биде задоволен. Еректилна дисфункција Можеби се случило претходно, можеби постои само стравот од тоа, но еректилната дисфункција е еден од најголемите стравови за мажите на секоја возраст. Повеќето мажи не сакаат да разговараат ни за можноста за ваков проблем, што секако дека не е поволна опција за ниту еден од партнерите. Загриженоста, фрустрацијата и намалената физичка подготвеност може дополнително да ја влошат состојбата и целосно да ја убијат и желбата за секс. Страв од одбивање Многу жени не го забележуваат тоа, но мажите го имаат оној невидлив товар дека треба да бидат „освојувачите“, односно иницијаторите за секс, дури и кога станува збор за врска или брак. Во зависност од претходните искуства, со вас или со други партнерки, ако одбивањето на понуда за секс било честа појава во неговото минато, мажот може да се колеба дали да иницира секс почесто поради страв од одбивање, иако желбата постои. Во вакви случаи мажот може да ја одбие партнерката и при нејзино иницирање, стравувајќи дека „нема да одат до крај“.

Ова е единствената „вештина“ која ви е потребна за добар секс – проверете дали ја имате

Ивана Ефремовски — Mon, 07 Aug 2023 09:41:05 +0000

Експертите велат дека само една работа гарантира вистинско сексуално задоволство - целосна посветеност. Главните елементи на целосната посветеност на партнерот се фокусирање за време на сексуалниот однос, чувство на длабока еротска интимност, добра комуникација, искреност и желба за задоволство. Една неодамнешна анкета покажа дека многу луѓе не обрнуваат премногу внимание на самиот оргазам затоа што сексот може да биде лош со или покрај него. Повеќе внимание се посветува на оптималната сексуалност и на идејата дека сексот може да биде неисцрпен извор на задоволство дури и без оргазам. Повеќето од анкетираните двојки ја навеле целосната посветеност како најважен елемент на сексуалното искуство бидејќи ја нагласува меѓусебната почит, прифаќање и нежност. Изгледот на телото и техниката се на самото дно на листата на приоритети во сексот бидејќи добрите партнери доаѓаат во сите облици и големини, а вештините доаѓаат со искуството.

Овие хороскопски знаци се најстрасните љубовници во хороскопот, немојте да се изненадите

Ивана Ефремовски — Fri, 28 Jul 2023 20:40:47 +0000

Кои се најстрасните љубовници во хороскопот? Без оглед на тоа што секој знак има свои умешности кога станува збор за сексот, овие четири знаци особено се издвојуваат на тоа поле. Лав Лавовите не се срамежливи, тие сакаат се да пробаат па немојте да се изненадите ако притоа извадат и камера или фотоапарат. Секогаш се расположени за игра и сакаат да експериментираат во кревет. Шкорпија Познати се по нивната страсна сексуалност и привлечност. Исто како и Лавовите, сакаат да експериментираат и да фантазираат, па немојте да се изненадите ако ви предложат секс на јавно место. Близнаци Имаат бујна фантазија, па немојте да се изненадите ако среде бел ден од нив ви пристигне секси фотографија. Подготвени се на секакви секси сценарија во кревет, па со нив никогаш не е досадно. Девица Организираните и претерано педантни Девици во кревет се жешки и страсни. Сакаат добра акција и не се срамат тоа да го побараат од партнерот.

СЕКС ВО ВОДА: Доколку сакате да искусите нешто ново, мора да го имате ова на ум – односот може да биде болен, еве зошто!

Дарко Андоновски — Mon, 10 Jul 2023 20:46:41 +0000

Сексот во вода звучи навистина возбудливо. Кога сте во базен или езеро, вие сте речиси голи, па зошто да не го направите тоа? Пред да се одлучите на ваков чекор, мора да бидете свесни за негативните страни на сексот во вода. Пред сè запрашајте се колку е тоа безбедно. Сексот во вода не е добра идеја, особено за жените. Кондомите и водата едноставно не одат заедно За сексот во вода важат истите правила – мора да биде заштитен. Најголем мит, а воедно и глупост е тоа дека во вода не можете да забремените. Доколку зборуваме за секс во када, треба да знаете дека жешката вода може сериозно да влијае врз издржливоста и квалитетот на кондомот. Исто така, без разлика дали станува збор за секс во када, езеро или базен, веројатноста за кондомот да се излизга и падне е голема, особено поради средствата кои се користат како лубриканти. Влажност Ќе помислите дека сексот во вода допринесува за поголема влажност. Лага! Водата ги мие природните течности од вагината, па сексот во вода може да биде болен и непријатен како за жените, така и за мажите. Доколку сепак се одлучите на секс во вода, најдобро би било да користите силиконски лубриканти бидејќи се водоотпорни. Несакани појави, инфекции На ова особено треба да внимаваат жените и девојките. Водата од езерата, реките, базените, морињата, содржи многу бактерии и најверојатно последиците од ваквиот секс ќе бидат несакани и непријатни инфекции. Водата од базените содржи многу штетни хемикалии како хлорот, додека пак солената вода од морето со сигурност ќе ви донесе непријатности. Исто така, погрешно е пробувањето да се користат купките или геловите за туширање како лубриканти, бидејќи тие се вистински непријатели на чувствителната слузокожа. Други алтернативи Би било најдобро водата да ја користите за предигра. Може да ја загреете атмосферата во вода, а потоа да излезете на суво. Во домашни услови, доколку сакате да пробате нешто ново, можеби би било подобро да имате секс под туш.

Еве што ќе ви се случи ако престанете да имате редовен секс

Дарко Андоновски — Sun, 11 Jun 2023 20:27:35 +0000

Општо познато е дека редовниот секс и здравиот сексуален живот имаат бројни бенефити и позитивно влијание на здравјето, но дали знаевте дека недостаток од секс всушност може да биде лош за здравјето? Нередовен (или никаков) сексуален живот влијае на лицето и физички, но и психички. Помала контрола на мочниот меур, депресија и еректилна дисфункција се само некои од нус-појавите од нередовен секс. Судејќи според повеќе истражувања во оваа област, лицата кои имаат секс два до три пати неделно прават добро за своето психофизичко здравје, вклучувајќи и подобрување на расположението, снижување на крвниот притисок, подобрување на имунитетот, намалување на стресот и подобрување на односите во врската. Во продолжение прочитајте само некои од последиците од нередовен секс: Слаба активност на мозокот. Научниците откриле дека редовен секс доведува до подобра способност за учење и меморија. Еректилна дисфункција. Мажите кои немаат редовен секс имаат два пати поголема шанса да имаат проблеми со еректилна дисфункција од оние кои имаат секс еднаш неделно или почесто. Негативно влијание на самодовербата. Недостатокот од секс во врската може да ја намали самодовербата. Исто така, нередовен секс може да ја намали контролата на мочниот меур.

Сѐ повеќе Шпанци го прифаќаат „концептот“ на отворени врски

Ивана Ефремовски — Tue, 18 Apr 2023 08:04:09 +0000

Шпанците сѐ повеќе го прифаќаат „концептот“ на отворени врски, покажува ново истражување на шпанскиот Центар за социолошки истражувања - владина агенција којашто го следи јавното мислење за социолошките прашања. Речиси половина од испитаниците сметаат дека е нормално да се има неколку сексуални партнери во истовреме.

Имено, околу 47 насто од нив се согласуваат дека едно лице може да има повеќе од една активна сексуална врска во истовреме. Ова е зголемување од 10 отсто во споредба со претходното истражување во октомври 2021 година. Анкетата, исто така, покажа оти над 41 отсто од Шпанците сметаат дека партнерите можат да имаат секс со други луѓе вон нивната врска, без да се впуштат во романтична врска со нив.

И покрај сѐ ова, „земјата на Дон Хуан“ (или Дон Жуан), сè уште има силна верба во моќта на љубовта.

Речиси 70 насто од испитаниците се согласуваат дека „вистинската љубов може да победи сè“, а 80 отсто рекле дека ако некој е вистински вљубен во својот партнер, тие ќе бидат заедно засекогаш. Дополнително, на огромно мнозинство Шпанци не им пречи ако нивниот партнер е помалку привлечен, помалку образован или заработува помалку од нив. (МИА)