сексуален напад – Kurir.mk

Уште 9 жени го обвинија Козби дека ги дрогирал и силувал, вкупниот број е над 60

Ивона Петрова — Thu, 15 Jun 2023 12:08:46 +0000

Уште девет жени го обвинија славниот комичар Бил Козби за сексуален напад во судски спорови во кои се тврди дека ја искористил својата огромна моќ, слава и престиж за да ги жртвува. Во тужбата, поднесена до федералниот суд во Невада, се наведува дека жените биле дрогирани и нападнати помеѓу 1979 и 1992 година во домови, соблекувални и хотели во Лас Вегас, Рено и езерото Тахо. Една жена тврди дека Козби ја намамил од Њујорк во Невада, каде што наводно ја дрогирал преку сок во хотелска соба, а потоа ја силувал. Повеќе од 60 жени го обвинија Козби за силување, сексуален напад и сексуално вознемирување. Тој ги отфрли сите обвинувања за сексуални злосторства. Козби е првата славна личност која беше осудена и помина речиси три години во затвор во близина на Филаделфија пред високиот суд да ја поништи неговата пресуда и да го ослободи во 2021 година.

Отфрлена тужбата за сексуален напад против Боб Дилан

Тале Кристо — Fri, 29 Jul 2022 12:56:57 +0000

Жената која го тужеше американскиот пејач Боб Дилан тврдејќи дека сексуално ја нападнал пред речиси 60 години, ја повлече тужбата, според адвокатот на познатиот музичар. – Случајот е затворен. Среќни сме што тужителот се откажа од „симулацијата на правда“… Скандалозно беше што воопшто имаше таков случај, изјави денеска адвокатот Орин Снајдер. Пред овонеделното сослушување во њујоршкиот Суд, адвокатот на Дилан рече дека има мејлови кои покажуваат „недоследности“ во тужбата и додаде дека жената отстранила докази кои би ја дискредитирале. Жената чиј идентитет јавно е претставен со иницијалите Ј.Ц., поднела тужба во август минатата година, тврдејќи дека Дилан сексуално ја злоставувал во период од шест недели меѓу април и мај 1965 година. Се тврдеше и дека пејачот, наводно, „го злоупотребил својот статус на музичар“ за да ѝ обезбеди алкохол и дрога на тужителката. Таа тогаш имала 12 години. Добитникот на Нобеловата награда за литература за 2016 година, Боб Дилан (81), се смета и за еден од најголемите музичари и кантавтори на 20. век.

Поранешна соработничка на Хилари Клинтон обвини дека американски сенатор сексуално ја нападнал

Катерина Бојаџиева — Wed, 27 Oct 2021 07:44:19 +0000

Поранешната блиска соработничка на Хилари Клинтон, Хума Абедин, во своите мемоари напиша дека била сексуално нападната од американски сенатор. Абедин во книгата наведува дека неименуван политичар ја нападнал во средината на 2000-тите откако ја поканил во неговата куќа, каде се обидел да ја бакне, а таа го одбила и побегнала, пренесува Гардијан. Според британскиот весник, ова тврдење е детално опишано во нејзината нова книга „Both / And: A Life in Many Worlds“, која ќе биде објавена следната недела. Книгата опишува сексуален напад додека таа зборува за нејзината работа за Хилари Клинтон, кога таа беше американски сенатор за Њујорк, меѓу 2001 и 2009 година, а Абедин, која сега има 45 години, не го открива идентитетот на сенаторот, ниту неговата партија. Таа во книгата го опишува и нејзиниот гнев кон нејзиниот поранешен сопруг, поранешниот њујоршки конгресмен Ентони Вајнер, чија кариера е уништена од секс скандали. Абедин беше една од најдоверливите соработници на Хилари Клинтон, која беше американски државен секретар во администрацијата на Обама, и која еднаш ја опиша како нејзината „втора ќерка“.

Се обидел да ја силува: Келнерка му го отсекла половиот орган на својот газда!

Тале Кристо — Wed, 02 Jun 2021 06:59:33 +0000

Шпанската полиција уапсила келнерка, која се сомничи дека му го отсекала половиот орган на својот шеф, кој што наводно се обидел да ја силува. Таа пред полицијата рекла дека се спротиставила на сексуален напад, а настанот се случил вторникот околу полноќ, пренесуваат светските медиуми. Неидентификуваната жена, самта се јавила во полиција да го пријави нападот врз нејзе, а мажот веднаш бил префрлен во болница, каде што лекарите би се обиделе отсечениот дел да му го припојат на телото. До изутринава немаше инсормации за успешноста на операцијата, јавуват медиумите. Како што пренесуваат истите, жената е со потекло од Бангладеш и е околу 30тите години и е задржана во полициска станица. Полицијата започнала истрага за инцидентот, дали жената тоа го направила во самоодбрана и не се исклучува можноста, сопственикот по заздравувањето да биде уапсен. Полициски извори откриваат дека жената била со месеци злоставувана и на неколку пати пред да го изврши нападот со нож, била принудена на сексуални односи од спостеникот на кафулето, пренесува Dayli Mail.

Војничка сексуално нападната од колега во кумановската касарна

Ивона Петрова — Thu, 21 Nov 2019 12:10:51 +0000

Случај на сексуален напад е регистриран вчера во кумановската касарна „Боро Менков“, дознава Курир. Според нашите информации војничка била нападната од нејзина колега. Од МВР за Курир потврдуваат дека таков случај е пријавен кај нив. -На 19.11.2019 во 19.20 часот во СВР Куманово, вработена во АРМ, пријавила дека на 18.11.2019 околу 13.00 часот во касарната „Боро Менков“ во Куманово нејзин колега се обидел да изврши обљуба над неа, информираат од МВР за Курир. Од Министерството додаваат дека за случајот известен е Јавен обвинител и се преземаат мерки за расчистување на случајот. Нашата редакција беше контактирана од страна на Министерството за одбрана кое испрати реакција во врска со наводите за сексуално вознемирување на припадничка на Армијата во касарната во Куманово. -Министерството за одбрана најстрого осудува секаков обид за сексуално вознемирување. Сексуалното вознемирување во Армијата е апсолутно недозволиво. Случајот се испитува и доколку се докаже министерството ќе има нулта толеранција. Никој не смее да помисли да ги вознемирува припадничките на Армијата и да го намалува угледот на Армијата, се вели во реакцијата на Министерството за одбрана испратено до редакцијата на Курир.

Ја лажирал својата смрт за да се спаси од затвор: Обвинет е за сексуален напад

Катерина Бојаџиева — Fri, 09 Nov 2018 16:23:47 +0000

Рајан Меганак, рибар од Алјаска обвинет за сексуален напад врз неподвижна жена, ја лажирал својата смрт за да ја избегне затворската казна, но сепак ќе треба да одлежи 2,5 години затвор. Тој 2016 година бил обвинет за сексуално злоставување, но кусо потоа го потопил својот брод, па се вратил во куќата на неговата мајка во градот Порт Грејм, каде што се криел во намера да побегне од Алјаска. Крајбрежната стража потроши 384.261 долар за двегодишната потрага по 35-годишниот Меганак, откако неговата девојка, која знаела дека тој се обидува да инсценира смрт, го пријавила кај локалните власти. Планот му пропаднал, и тој сега ќе мора во затвор и за лажирање на својата смрт.

Обвинет за сексуален напад ја лажирал својата смрт за да избегне затвор

Ивона Петрова — Fri, 09 Nov 2018 10:34:09 +0000

Рајан Меганак, рибар од Алјаска обвинет за сексуален напад врз неподвижна жена, ја лажирал својата смрт за да ја избегне затворската казна, но сепак ќе треба да одлежи 2,5 години затвор. Тој 2016 година бил обвинет за сексуално злоставување, но кусо потоа го потопил својот брод, па се вратил во куќата на неговата мајка во градот Порт Грејм, каде што се криел во намера да побегне од Алјаска. Крајбрежната стража потроши 384.261 долар за двегодишната потрага по 35-годишниот Меганак, откако неговата девојка, која знаела дека тој се обидува да инсценира смрт, го пријавила кај локалните власти. Планот му пропаднал, и тој сега ќе мора в затвор и за лажирање на својата смрт. МИА

Другата страна на мундијалот: Атрактивна колумбиска новинарка доживеа сексуален напад додека вршеше пренос во живо (ВИДЕО)

Дарко Андоновски — Wed, 20 Jun 2018 09:24:44 +0000

Колумбиската фудбалска репрезентација на навистина лош начин го стартуваше Светското првнество во Русија, но првиот меч на „кафетеросите“ на мундијалот не мина воопшто добро и за познатата и атрактивна презентерка од оваа земја. Новинарката на „Дојче Веле“, Хулиет Гонзалез имала една навистина непријатна ситуација додека имала вклучување во живо пред стадионот во Саранск, бидејќи при обраќањето, влетал еден фудбалски фан кој извршил сексуален напад со фаќање за градата и бакнеж во образот. Гонзалез стоечки го претрпе нападот и продолжи да известува, но здруженијата на новинари почнаа со петиции на социјалните мрежи за пронаоѓање на фанот и казнување на истиот со цел да се спречат вакви немили испади.

Бил Козби прогласен за виновен за сексуален напад

Ивона Петрова — Thu, 26 Apr 2018 19:17:57 +0000

Американскиот комичар Бил Козби е прогласен за виновен по три точки на обвинение за сексуален напад, од кои секоја предвидува по десет години затворска казна.

На актерот му беше судено за сексуален напад врз поранешната кошаркарка Андри Констанд, која претходно ја дрогирал. Настанот се случил пред 14 години.

Судијата донесе одлука Козби (80) да остане во притвор до изрекувањето на пресудата.