сексуална експлоатација – Kurir.mk

Истрага за 11 лица: На 14 годишно девојче и се заканувале со помалите брат и сестра, сексуално ја експлоатирале и наплаќале до 200 евра

Ивона Петрова — Fri, 12 May 2023 13:39:02 +0000

Под раководство на јавен обвинител од Основното јавно обвинителство за гонење на организиран криминал и корупција, во текот на вчерашниот ден припадниците на Националната единица за сузбивање на криумчарење мигранти и трговија со луѓе при Министерството за внатрешни работи реализираа случај во кој се лишени од слобода 10 лица. Реализацијата е резултат на повеќемесечна меѓуинситуционална соработка заради постоење на основи на сомнение дека е сторено кривично дело „трговија со дете“, извршено од страна на 11 идентификувани лица. Постапувајќи по кривичната пријава, предметниот јавен обвинител донесе Наредба за спроведување на истражна постапка против 11 лица за кои постои основано сомневање дека сториле кривично дело Трговија со дете по чл. 418-г од Кривичниот законик. -Според наводите содржани во диспозитивот на Наредбата за спроведување на истражна постапка летото 2020 година првоосомничената, го прифатила четиринаесетгодишното дете – жртва во својот дом, а подоцна ги прифатила и нејзините десетгодишна сестра и седумгодишен брат за да се грижи за нив поради нарушените односи во нивното семејство. Набргу потоа искористувајќи ја состојбата на немоќ и ранливост на детето – жртва, заканувајќи ѝ се и применувајќи други форми на присилба, започнала да го подведува детето на вршење полови дејствија со дел од осомничените и други НН лица за одреден паричен надомест. Честопати заканите кон детето – жртва биле поврзани со нејзините брат и сестра, дека доколку не ги прифати договорените сексуални активности, децата ќе ги остави во дом или ќе ги врати кај нивната мајка. Подоцна, уште тројца од осомничените, по претходен договор со првоосомничената, а со цел стекнување за себе противправна имотна корист, две години, искористувајќи ист траен однос и исти прилики, во повеќе наврати, го подведувале детето на вршење полови дејствија по пат на сексуална експлоатација со останатите осомничени и други НН лица меѓу кои имало и жена. Осомничените корисници на сексуалните услуги, иако знаеле дека детето е жртва на трговија со дете, на подведувачите им исплаќале паричен надомест во висина од 50 до 200 евра, информираат од Обвинителството. Предметниот обвинител од Основното јавно обвинителство за гонење на организиран криминал и корупција, ценејќи дека постојат околности што го оправдуваат стравот oд опасност од бегство, дека ќе ги сокријат, фалсификуваат или уништат трагите на кривичното дело и дека со влијание врз сведоци и соучесниците ќе ја попречат истрагата, до судијата на претходна постапка при Основниот кривичен суд Скопје достави предлог за определување на мерката притвор за сите осомничени. За кривичното дело што им се става на товар на осомничените и кое директно го крши Протоколот кон Конвенцијата за правата на детото што се однесува на трговија со деца, детска проституција и детска порнографија (МД-44/03-95) е запретена е казна затвор во траење од најмалку 8 години, додека за делото сторено од првоосомничената најмалку 10 години.

Истражување: Украинските бегалци се повеќе се цел на сексуална експлоатација

Ивона Петрова — Sun, 26 Mar 2023 16:16:30 +0000

Украинските бегалци се повеќе се мета на сексуална експлоатација со зголемен интерес за порнографија која наводно прикажува бегалци од земјата разурната од војна, според истражувањето. Томсон Ројтерс спроведе истражување кое покажа дека украинските бегалци можат да бидат жртви и на трговците со луѓе на терен и на кибер-воајери. Истражувачите, анализирајќи го глобалниот сообраќај на интернет пребарувачите, открија зголемен интерес за украинската порнографија откако Русија ја нападна Украина во февруари 2022 година. Тие веруваат дека зголемениот интерес на интернет може да ги охрабри трговците со луѓе да работат почесто и со поголема неказнивост. Организацијата повика на итна акција за зајакнување на заштитата за украинските жени и деца кои се изложени на ризик од сексуална експлоатација.

МВР со детали за случајот со малолетничката од домот „25 Мај“, девојчето преживувало вистинска голгота

Ивона Петрова — Fri, 16 Feb 2018 14:35:24 +0000

Министерството за внатрешни работи објави детали во врска со случајот со 12 годишното девојче штитеник на ЈУ за згрижување на деца со воспитно-социјални проблеми. Од МВР информираат дека постапувано е од крајот на 2016 и во текот на 2017 година и 2018 година. -Малолетното девојче во текот на споменатиот период е девет пати пријавувано за исчезнато лице од страна на вработени во социјално-згрижувачките установи, при што во сите девет случаи е постапувано од страна на соодветните полициски служби, велат од МВР. Во документираните случаи, разговарано е со лица инволвирани во незаконски дејствија од областа на кривични дела против половата слобода, за што се направени детални известувања доставени во надлежното ОЈО за натамошно постапување. -Имено, на 03.01.2017 по пријава за исчезнато лице, девојчето е пронајдено во населбата Шуто Оризари во домот на Џ.К. (68), која што со сила ја задржала во својот дом со намера да и биде снаа. Констатирано е дека таму малолетничката имала сексуален однос со повозрасен човек. Направен е службен разговор со Џ.К., А.К. (44) и Ш.К. (39) и како можен сторител е детектиран Ш.К. за што од страна на Единицата за насилен криминал при СВР Скопје е направен посебен извештај кој што на 12.01.2017 година е доставен до надлежен обвинител при ОЈО Скопје за натамошни насоки и постапување, информираат од Министерството. Оттаму додаваат дека во друг документиран случај се работи за пријава од вработена во ЈУ за згрижување на деца со воспитно-социјални проблеми на 28.09.2017 година, откако малолетничката се вратила во домот после извесен период на отсуство. Вработената во оваа ЈУ пријавила дека, според кажување на девојчето, тоа околу 2-3 недели во повеќе наврати имало сексуални односи со постаро лице. Веднаш е постапено по пријавата и од страна на СВР Скопје до Основното Јавно обвинителство Скопје доставено е писмено известување од 02.11.2017 година, а дополнително известување е доставено и на 15.02.2018 година. На 13.11.2017 год. околу 22.30 ч. од страна на ЈЗУ Општа Болница - Детско одделение Велес во СВР Велес е пријавено дека кај нив е донесена малолетничката во безсознание. -На 14.11.2017 г., по барање на МВР, ОЈО издаде писмена наредба за вршење преглед на детето во Судска медицина – Скопје. Врз основа на наодот од извршениот преглед, документирана е кривична пријава против Е.У. (41) до ОЈО Велес за полов напад врз дете, а истрагата е проширена и на други лица, за што ќе биде поднесена кривична пријава до ОЈО.

МТСП: Девојчето од „25 Мај“ жртва на сексуална експолатација

Ивона Петрова — Fri, 16 Feb 2018 13:44:43 +0000

Во случајот за 13-годишното девојче штитеник на јавната установа за деца со социјални проблеми „25 Мај“ за кое медиумите објавија дека било силувано и забременило, најверојатно станува збор за сексуална експлоатација од надворешни лица или трговија со луѓе, се сомневаат од Министерството за труд и социјална политика. Примарна задача во моментов, посочуваат оттаму, е девојчето да биде згрижено во Шелтер центар, детски психолог да работи со него, а МВР да го истражи предметот и сомевањата дека тоа е жртва на трговија со луѓе. Од Министерството посочуваат дека го разгледале предметот кој се водел за девојчето од страна на социјалниот работник и инстутуцијата, од кој утврдиле дека тоа неколкупати претходно го напуштало домот, кој е од отворен тип, како и дека секогаш кога ќе побегнело, било пријавувано во полиција. Според законските регулативи, старателот - социјалниот работник, не смеел да и го попречи движењето. Првпат девојчето било пронајдено на улица пред МКЦ во Скопје во септември 2017 година и било вратено во институцијата, од каде било сместено во Безбедна куќа каде се сместуваат жртви на трговија и сексуално насилство, но оти и оттаму заминувало на негово барање. Сегогаш во изјавите во полицијата давало различни искази од тоа дека одела со свој дечко, дека тој со кој заминало заедно заработувале, или пак дека без на согласност имала сексуални односи со други лица. Од сето ова, велат од МТСП, а со оглед дека станува збор за малолетно 13-годишно девојче може да се види дека тоа било манипулрано и злоуптребено. Од документацијата, велат од Министерството, може да се види дека социјалниот работник и институцијата го воделе случајот коректно. Но, доколку Комисијата што е формирана за овој случај утврди некаков пропуст ќе има дисциплинска против социјалниот работник и прекршочна против неговиот претпоставен. Девојчето во 2016 година, пред да биде сместено во институцијата било во пет згрижувачки семејства, но ниту во едно од нив не се прилагодило. На нејзините родители им било одеземено родителско право бидејќи ја терале да проси по улици. Тие имале и деца, кои починале како последица од конзумирање на дрога. Абортусот бил направен со согласност на девојчето и на старателот. МТСП денеска излезе со информција за овој случај, откако за него вчера известија дел од медиумите по реакција на Европскиот центар за правата на Ромите. Од Министерството за внатрешни работи најавија дека во текот на денот ќе излезе со детали од постапувањето по пријавите за оваа малолетничка.