села – Kurir.mk

Топ 7 листа „најопседнати“ села во Европа

Катерина Бојаџиева — Fri, 20 Oct 2023 11:19:52 +0000

Интернет-страницата на британската компанија „Стрес фри кар рентал“ (Stress Free Car Rental) 10-на дена пред „Ноќта на вештерките“ претстави топ 7 листа најморничави мистериозни места во Европа. Можеби најблиску нам, од ова поднебје, е селото Шкрињари во Хрватска. На списокот, првото место го зазеде Општината Бран во Романија. Како што е познато - таа била инспирација за приказната за „Грофот Дракула“. Иако Брам Стокер, Ирецот - творец на овој измислен лик, никогаш не ја посетил Романија, тој го создал домот на најпознатиот вампир во светската литература, врз основа на описот на познатиот замок Бран. За замокот се вели дека е еден од „најопседнатите“ во светот. Така, паранормални истражувачи се собираат секоја година за да ги истражат тврдењата дека дворецот е прогонуван од духови на сведоци на средновековните злосторства. Триора во Италија е втора на листата. Ова село познато по судењата за вештерство што се случиле меѓу 1587. и 1589 година. На третото место е селото Плукли во Кент во Велика Британија, коешто и според Гинисовата книга на рекорди е најопседнато село на Островот. Во Шкрињари, село близу Бјеловар, Хрватска, се наоѓа една од најстрашните куќи на Балканот, според сведоштвата. Имено, некои луѓе тврдат дека таму виделе жена без очи и многу други морничави и необјасниви појави. Списокот најморничави села во Европа ги вклучува и Очате, Шпанија; Рослин, Шкотска, како и Тинтерн во Велс. „Ноќта на вештерките“ е древнокелтски, поточно изворно британско-гаелски пагански празник чијашто традиција на славење и одбележување се задржала до денес.

Вон контрола пожарите во Грција, се евакуираат села

Ивона Петрова — Wed, 19 Jul 2023 10:12:42 +0000

Три села и хотел во планински дел на грчкиот остров Родос и две села во Мегара, во западниот дел на областа Атика, поширокиот регион на Атина, се евакуираат поради пожарите што сè уште не се ставени под контрола, јави дописничката на МИА од Атина. Преку бројот 112 за итни случаи од жителите на селата во близина на пожарот, како во Атика, така и на Родос, беше побарано да се евакуираат. Министерот за цивилна заштита и климатски кризи на Грција Василис Кикиљас упати апел за голема внимателност и избегнување на секаква активност што би можела да предизвика пожар. Грчкиот премиер Кирјакос Мицотакис претпладнево беше во Националниот координативен центар за операции и управување со кризи со цел да се информира за пожарите во земјата.

Повеќе села од Голо Брдо без струја, движењето отежнато поради снегот

Ивона Петрова — Sat, 21 Jan 2023 14:21:06 +0000

Снегот кој го зафати северниот и североисточниот дел на Албанија ги создаде и првите проблеми, посебно во руралните средини. Во областа Голо Брдо отежнато е движењето по лошата патна инфраструктура, а поради искинати електропроводници без струја се повеќе населени места. – Снегот го отежна движењето по руралните патишта како во Острени, Требиште, Мартанеш, Зерќан како и во други села на општина Булќиза. Проблеми врнежите создадоа и врз електромрежата, па повеќе села во Голо Брдо се без електрична енергија, јави Топ чанел. Според истиот извор целата општина Булќиза, под која припаѓа областа, е под снежна покривка. Локалната полиција апелира до возачите задолжително на возилата да постават синџири, што е задолжително и за возилата со кои се превезуваат рударите во рудникот за хром во Булќиза. Со потешкотии, посебно кај Ќаф Муриз, се одвива сообраќајот на автопатот Руга е Арбрит (патот на Арбр) кој ја поврзува Тирана со преминот „Блато” на албанско – македонската граница кај Дебар. Проблеми предизвикуваат честите одрони од камен и земја, поради кои изминатите денови, сообраќајот на автопатот беше во прекин.

Утре без струја повеќе села од општина Сарај

Тале Кристо — Sun, 29 May 2022 07:36:26 +0000

Од ЕВН Македонија АД информираат дека на ден 30.05.2022 година (понеделник) поради веке закажани техннички зафати, без електрична енергија ќе останат: -во време до 09.00 – 13.00 часот дел од корисниците на ул. Франце Прешерн (о. Карпош) и -од 09.00 – 15.00 часот корисниците од селата: Арнакија, Буковиќ, Семениште, Ласкарци и Паничари (о. Сарај).

Седум села во Општина Босилово без вода поради дефект на главниот цефковод

Магдалена Андонова — Mon, 22 Feb 2021 14:05:49 +0000

Заради дефект на главниот цевковод од браната „Иловчанка“, преку кој се снабдува со вода Општина Босилово, седум населени места денеска и утре ќе немаат вода. Според градоначалникот на Босилово Зоран Зимбаков, се работи за голем дефект, а екипи работат на негово остранување. -Цевките кога биле поставувани биле неквалитетни и се дотраени, а во цевководот нема и „песочни перници“. Екипите на комуналното претпријатие се на терен и очекувам во текот на утрешниот ден да биде отстранет дефектот и да се нормализира водоснабдувањето, рече Зимбаков. Од ЈПКД „Огражден“ соопштија дека освен општинскиот центар Босилово, без вода се и селата Радово, Робово, Еднокуќево, Секирник, Бориево и Турново и ги замолуваат граѓаните за разбирање. (МИА)

Села: Нема да има отпуштање на административците, ќе ги поставиме на соодветни работни места

Тале Кристо — Fri, 26 Jun 2020 20:16:17 +0000

Коалицијата Алијанса за Албанците и Алтернатива во рамките на предизборната кампања со мотото „Сега е време“ денеска го отвори општинскиот штаб во Кичево. Претседателот на Алијаната Зијадин Села од кичевското Китино Кале Кичево истакна дека тие нема да ги отпуштат административците, туку напротив, ќе ги распределат на соодветни работни места. – Вие како жители на Кичево се соочивте со разочарување, ние го поддржавме албанскиот кандидат во Кичево, додека оние во Струга се собраа за да не соборат, но Албанците ги разбраа овие манипулации. Ние ќе ги оствариме реалните и оригиналните соништа на Албанците. Ние ќе ги вратиме работните места кај Албанците на кои некои незаслужено им ги земаа. Ние ќе ставиме крај на кражбата на пари од народот. Ние ќе сториме се вашите даноци да останат тука на локално ниво во Кичево. Нема да дозволиме потта на Албанците да оди кај одредени поединци . На 15 јули убедени на победа тргнуваме од Кичево, но и од Арачиново бидеќи ние сме вистинскиот избор за Албанците, рече Села. На кичевци ми се обратија и Сурија Рашиди, носител на петтата изборна единица и Ремзи Мехмеди, кандидат за пратеник во шестата изборна единица, кои го истакнаа нивното убедување за победа на нивната коалиција на парламентарните избори закажани за 15 јули.

Ученици од три села не стигнаа на настава во Струмица, општината прави напори да го исчисти снегот

Ивона Петрова — Mon, 26 Feb 2018 09:03:50 +0000

Ученици од селата Рич, Попчево и Раборци денеска не стигнаа на настава во училиштето „Маршал Тито“ во Струмица бидејќи патот до овие села не е прооден поради снег. Од општина Струмица информираат дека се прават напори со механизацијата да се исчисти патот до овие населени места. Улиците во централното градско подрачје се оспособени за сообраќај. Според информации од ЈПКД „Комуналец“ улиците се чистат од синоќа, а на поголем дел од сообраќајниците е фрлено сол и ризла. Досега механизацијата поминала два пати по улиците. Засега непроодни се улиците во повисокиот дел на градот. Од комуналното претпријатие апелираат до сопствениците на автомобилите да ги отстранат за да може механизацијата да помине таму и да го исчисти снегот. Во Струмица од синоќа снегот интезивно врне и според податоци од Центарот за управување со кризи во Струмица се наталожиле 12 сантиметри. Сите регионални и магистрални патишта во струмичко се проодни во зимски услови и апелираат до возачите на внимателно возење и поседување соодветна зимска опрема.