селектор – Kurir.mk

Покетино, Биелса и Гаљардо кандидати за селектор на бразилската репрезентација

Бошко Тасиќ — Sun, 25 Dec 2022 07:07:56 +0000

Според „Tuttosport“, Бразилската фудбалска конфедерација ќе избира меѓу Маурицио Покетино, Марсело Биелса и Марсело Гаљардо како можни тренери на националниот тим. Претходно медиумите објавија дека Биелса би можел да стане селектор на репрезентацијата на Уругвај. Тите најави оставка како селектор на бразилската репрезентација по поразот од Хрватска (1:1, 2:4 на пенали) во четвртфиналето на Светското првенство 2022 година во Катар. Шеесет и едногодишен Тите го водеше тимот од 2016 година.

Саутгејт сака да донесе правилна одлука за неговата иднина со Англија

Ивона Петрова — Mon, 12 Dec 2022 07:41:25 +0000

Селекторот на Англија, Герет Саутгејт размислува околу својата иднина во националниот тим. – Мислам дека последните 18 месеци беа тешки за мене. И покрај тоа што се беше во ред изминативе неколку недели, јас сè уште анализирам и размислувам што се случуваше сето ова време. Во мојата глава во моментов има многу спротивставени мисли, па сакам да бидам сигурен дека одлуката ќе биде вистинската. Дефинитивно имам доволно енергија за да го направам тоа. Тешко ми беше да се справам со моите емоции по последните неколку турнири неколку недели. Потребно е многу енергија. Се појавуваат многу мисли. Сакам да бидам сигурен дека ќе биде точно ако одлучам да останам. Или ќе биде правилно ако одлучам да заминам. Мислам дека сега не е вистинскиот момент да се донесе таа одлука. Како и во следните неколку дена, изјави Саутгејт за „Би-би-си“. Селекцијата на Англија загуби од Франција во четвртфиналето на Светското првенство во Катар. Под водство на 52-годишниот Саутгејт, репрезентацијата стигна и до полуфиналето на СП 2018 и финалето на ЕП 2020 година. Неговиот договор со националниот тим е до 2024 година.

Жозе Мурињо е нов селектор на Бразил?!

Ристе Здравков — Sun, 11 Dec 2022 11:18:21 +0000

Според „Газета дело Спорт“, Жозе Мурињо е еден од тројцата кандидати за нов селектор на бразилската фудбалска репрезентација. По елиминацијата од Мундијалот во Катар, Фудбалската федерација на Бразил се раздели со Тите и тргна во потрага по нов селектор. „Газета дело Спорт“ го смести Жозе Мурињо во кандидатите за наследник на Тите. Португалскиот стратег во минатото изрази желба кариерата да ја заврши како селектор на некоја репрезентација. Покрај Мурињо, италијанскиот медиум како кандидати за нов селектор на Бразил ги посочи и Абел Фереира и Луис Енрике.

Мартинез ќе биде новиот селектор на „црвената фурија“

Ристе Здравков — Wed, 07 Dec 2022 12:44:59 +0000

Шпанските медиуми не можат да се помират со елиминацијата на националниот тим од Светското првенство во Катар. Мароко, во пенал серијата со 3:0, ја доби Шпанија, откако по 120 минути фудбал, натпреварот заврши без голови. Медиумите, јавноста и навивачите најмногу го критикуваат селекторот Луис Енрике и неговата тактика. Енрике по синоќешниот натпревар изјави дека е рано да се зборува за неговиот статус и дека следната недела ќе разговара со челниците на Шпанскиот фудбалски сојуз. Сепак, шпанските медиуми веќе пишуваат дека само чудо ќе го спаси Енрике од отказ по големиот неуспех во Катар. Некои шпански медиуми веќе почнаа да шпекулираат кој би можел да биде нов тренер на „Црвената фурија“. Од претходно се шпекулираше со името на Маселињо Гарсија Торал, поранешниот тренер на Валенсија и Атлетик Билбао, а по Мудијалот во преден план излезе името на Роберто Мартинез, кој ја напушти Белгија. Шпанскиот портал „Онда Серо“, денеска објави дека челниците на Шпанскиот фудбалски сојуз веќе стапиле во контакт со Роберто Мартинез и му ја понудиле селекторската функција. Според овој извор Мартинез ќе ја прифати понудата. Слично како Шпанија со Луис Енрике и Белгија со Мартинез потфрли во Катар. Белгијците во конкуренција на Мароко, Хрватска и Канада не успеаја да ја минат групата. Мартинез шест години ја предводеше Белгија, на СП пред четири години г освои третото место. Претходно беше тренер во Евертон и Виган.

Селекторот на Полска: Никој не знае како да го запре Мбапе

Дарко Андоновски — Sun, 04 Dec 2022 19:57:10 +0000

Селекторот на полската фудбалска репрезентација Чеслав Михњевич го сподели своето мислење за напаѓачот на француската репрезентација Килијан Мбапе. Полјаците во осминафиналето на СП 2022 загубија денес од Французите со резултат 1:3. Мбапе постигна два гола на овој натпревар. – Нема рецепт како да се запре Мбапе. Никој не знае, ниту еден тренер не знае како да го запре Килијан во сегашната форма. Денес не повреди, но јас навивам за него бидејќи е вистинска ѕвезда. Мислам дека Мбапе ќе биде играчот кој ќе биде најдобар уште многу години, изјави Михњевич за „Sky Sports“. Мбапе на Светското првенство во Катар одигра четири натпревари за француската репрезентација на кои постигна пет гола и две асистенции. Французите во четврт-финалето на СП 2022 ќе играат со победникот од мечот Англија – Сенегал.

Анри, Компани или Клемен: Кој ќе биде нов селектор на Белгија?

Ристе Здравков — Fri, 02 Dec 2022 15:05:02 +0000

Тиери Анри, Винсент Компани и Филип Клемен се тројцата претенденти за селекторската функција на белгиската репрезентација по заминувањето на Роберто Мартинез. Мартинез во четвртокот најави повлекување од репрезентацијата по елиминацијата на тимот од Светското првенство во Катар. Анри беше дел од стручниот штаб на Мартинез. Компани е поранешен капитен на Белгија со 4 гола во 89 настапи за националниот тим како фудбалер, а сега е тренер на англиски Барнли. Меѓу кандидатите е и Филип Клемен, кој сега работи во Монако.

Тухел сака да биде селектор на англиската репрезентација

Тале Кристо — Thu, 13 Oct 2022 20:20:27 +0000

Германскиот фудбалски стратег Томас Тухел е заинтересиран да ја предводи англиската репрезентација, објави денеска лондонски „Телеграф“. Тухел пред еден месец доби отказ во Челзи со кој освои три трофеи, вклучувајќи ја и Лигата на шампиони. Актуелниот англиски селектор Герет Саутгејт ја презеде должноста во септември 2016 година, а сега е под критики од јавноста по елиминацијата на Англија од А дивизијата во УЕФА Лигата на нации. Саутгејт има договор со Фудбалската федерација на Англија до јуни 2024 година, но неговата иднина на селекторската должност ќе зависи од пласманот на англиската репрезентација на претстојното Светско првенство во Катар. Англија е во група со САД; Иран и Велс.

Нестор Лоренцо нов селектор на Колумбија

Тале Кристо — Fri, 03 Jun 2022 18:20:35 +0000

Аргентинскиот фудбалски стратег Нестор Лоренцо е избран за нов селектор на репрезентацијата на Колумбија, на местото на Реиналдо Руенде, кој доби отказ по неуспехот да го однесе националниот тим на Светското првенство во Катар. Колумбија под водство на Руенде ги заврши мундијалските квалификации на шестото место во јужноамериканската зона со 23 бодови, бод помалку од петопласираниот Перу, кој избори интерконтинентален плејоф за место на завршниот турнир во Катар. Лоренцо доаѓа на селекторското место во Колумбија од перуански Мелгар, што беше прв самостоен тренерски ангажман на 56-годипниот Аргентинец.

Србинот Ратко Павличевиќ е новиот селектор на македонската одбојкарска репрезентација

Магдалена Андонова — Tue, 03 May 2022 16:52:42 +0000

Српскиот стратег Ратко Павличевиќ ќе седне на клупата македонската одбојкарска репрезентација и ќе ги предводи „црвено – жолтите“ на претстојните настапи во Европската сребрена лига и Медитеранските игри. Павличевиќ (56), чија официјална промоција е најавена за утре, доаѓа на местото на сонародникот Душко Николиќ. Новиот македонски селектор во кариерата предводеше бројни екипи од Србија, Грција, Швајцарија и Саудиска Арабија. (МИА)

Рангник нов селектор на Австрија

Магдалена Андонова — Fri, 29 Apr 2022 14:33:57 +0000

Тренерот на Манчестер јунајтед, Ралф Рангник е назначен за селектор на австриската фудбалска репрезентација, информираат од прес-службата на националниот тим. Шеесет и тригодишниот Германец ќе ја преземе функцијата на крајот на мај кога ќе почнат подготовките за натпреварите од Лигата на нации против Хрватска, Данска и Франција. Договорот со Рангник е на две години. Доколку австриската репрезентација се пласира во последната фаза на Евро 2024, договорот автоматски ќе биде продолжен за две години – до Светското првенство во САД во 2026 година. Австрија не се квалификуваше за Светското првенство во 2022 година, губејќи од Велс во плејофот. Да потсетиме дека Рангник на крајот од сезоната ќе ја напушти функцијата главен тренер на Манчестер јунајтед. Неговото место ќе го заземе Ерик тен Хаг. (МИА)