селење – Kurir.mk

Семејството на лидер на политичка партија се сели од Македонија (Документи)

Ивана Ефремовски — Tue, 14 Jul 2020 11:38:35 +0000

Очигледно резултатите од реалните анкети, оние кои не се за пред јавност не се поволни, па некој планира брз излез од Македонија. На социјалната мрежа Твитер се појавија информации кои упатуваат на тоа дека изминатиот период семејството на лидер на голема политичка партија купува имот надвор од Македонија, објави Инфомакс. Нотарскиот договор кој попладнево се појави на социјалните мрежи укажува на тоа дека се работи за купопродажба на стан во вредност од 30 илјади евра. Целиот процес се одвива во Неа Мудања на Халкидики на 28.12.2012 година. Bo врска со објектот, станува збор за зграда на два спрата со внатрешна гаража во Неа Потидеа. -Станот е на име на лицетото Б. З. Семејството на „бизнисмени“ од Муртино е добро познато за македонската јавност, а во изминатиот период се најде во центарот на низа коруптивни скандали кои упатуваат на долгогодишни затворски казни за членовите на семејството. За бизнисмените се говори дека имаат одлични конекции и односи со нашиот Јужен сосед, а во изминатиот период имаа и соработка на највисоко политичко ниво, објави порталот. Сега за сега граничниот премин со Грција е затворен, но се поставува прашањето дали за овие лица ќе биде направен преседан па од политички причини на истите ќе им биде дозволен влез во Грција.

Семејство на еден „просечен“ бизнисмен од Муртино планира селидба во Грција... pic.twitter.com/O0YthstqH7
— Charles Boycott (@JohnnyParka) July 13, 2020

Пандемијата предизвика „егзодус“ на богатите луѓе од Њујорк

Дарко Андоновски — Sat, 16 May 2020 15:56:19 +0000

Пет проценти од населението на Њујорк го напуштиле градот откако метрополата беше зафатена од пандемијата со новиот коронавирус, објави „Њујорк тајмс“. Во градот живеат околу 8.4 милиони жители. Од 1 март до 1 мај, околу 420.000 жители, претежно оние од високата класа кои живеат во елитните места на „Големото јаболко“, заминале од градот. Весникот се повикува на анализи добиени со геолокација на паметни телефони спроведени од технолошка компанија од Њу Мексико. Се дознава дека во многу делови на Њујорк населението е сеуште таму, но бројот на популацијата во кварталите како Сохо, Вест вилиџ, Морнингсајд хејтс, Апер ист сајд, Фајненшл дистрикт (каде што е Волстрит), Мидтаун, Гремерси и Бруклин хејтс се намалил за 40 проценти или повеќе. Во наведениот временски период вкупниот број на население во Менхетен, централен дел на Њујорк каде се сместени овие квартали, се намалил за 20 отсто. Геолокацијата покажува дека главните дестинации на побогатите њујорчани се крајбрежните места и гратчиња на источниот брег како Лонг Ајленд, и други подалечни места на северното крајбрежја на сојузната држава. Многумина пак избегале во поблиските места како Мартас винјард, Кајп код, Роуд ајленд, североисточна Пенсилванија и северозападен Конектикат. Локалните жители таму се жалат дека супермаркетите се испразнети од „градските луѓе“, кои остануваат да живеат во викендичките. Во некои места како Хемптонс, месечните станарини пораснале повеќекратно, па некои домови се изнајмувале и за 30.000 долари за престој од две недели. Жителите се жалат и дека некои од дојденците се бездомници, кои со себе го донеле и вирусот, па бројот на заразени и починати од Ковид-19 во окрузите како Суфолк драстично се зголемил. Но, некои имашни жители на Њуорк заминале и многу подалеку – јужна Флорида, Лос Анџелес во Калифорнија, Феникс во Аризона, или Чикаго. Се дознава дека повеќе од 50 отсто од оние што заминале заработуваат над 100.000 долари годишно, додека 33 проценти се со годишна заработувачка од над 200.000 долари. – Поради социјалната раслоеност, кризата не настапила еднакво за сите. Толку често повторуваното мото „во ова сме сите заедно“, сепак, не важи за сите, изјави Ким Филипс-Фејн, професор по историја во Њујорк универзитет. Весикот наведува дека главната причина за овој егзодус се замрените економски активности во наведените елитни квартали на Њујорк, чии бизниси остануваат затворени откако таму изби епидемијата. Во меѓувреме, гувернерот Ендрју Куомо го продолжи карантинот во градот до13 јуни. Њујорк стана епицентар на епидемијата во САД, но и и на светско ниво, надминувајќи ги бројките на заразени и на првично позагрозените како Франција и Германија. Во градот Њујорк се регистрирани повеќе од 186.000 инфицирани лица, од кои 15.300 починале, но се претпоставува дека е поголем бројот на смртни случаи за најмалку 5.000 лица.

Младите бегаат од Македонија: „Уште еден спакуван живот во потрага по ред, поредок и систем“

Ивана Ефремовски — Fri, 06 Sep 2019 08:27:26 +0000

Адвокатката Сузана Јошевска Анастасовска објави Фејсбук статус на тема која е еден од најгорчливите проблеми во земјава. Имено, таа информира дека уште млади ја напуштаат Македонија. Вели дека нејзини блиски си заминуваат во потрага по ред, поредок и систем.

Тамара Тодевска се сели од Македонија?

Дарко Андоновски — Thu, 18 Jul 2019 10:02:43 +0000

Македонската пејачка Тамара Тодевска последните неколку месеци постојано е актуелна во медиумите како поради позитивни, така и поради некои негативни причини, пренесува Вистина.мк Тодевска од сите досегашни претставници го освои најдобриот пласман, односно прво место од членовите на жирито и седмо место од публиката. Досега таа го оствари најдобриот успех. За време на евровизиското претставување Тодевска беше подржана од македонската и пошироката јавснота, а регионот ја нарече морален победник. По нејзиниот историски успех на европската сцена, пејачката откри дека и се отвориле многу врати за светска кариера, но и дека подготвува дует со претставник на Шведска. Но и не е така се бело…. По „Евровизија“, Тодевска повторно се најде во центарот на вниманието, но сега од негативна страна. Имено, таа во една емисија изјави дека не требало да се земаат пари од Евровизија за да се купат амбулантни возила. По оваа нејзина изјава таа се извини на јавноста истакнувајќи дека била возбудена и понесена од еуфорија, па лошо се искажала. Потоа, некои ја критикуваа поради нејзиниот настап на „Парада на гордоста“. Меѓутоа, вистинска кулминација се случи кога на „Денот на независнота“ на САД, Тодевска ја пееше химната и ги испушти делот каде се спомнуваат македонските револуционери Гоце Делчев, Питу Гули, Даме Груев и Сандаски. По оваа како што кажа таа ненамерна грешка јавно се извини на својот „Фесјбук“, а како и претходно истакна дека била возбудена и понесена од емоции, па ненамерно го испуштила тој дел. По овој скандал, Тодевска наиде на многу критики и негативни коментари, иако можеше да се најде по некој коментар каде што ја подржуваат. Поради оваа случка Тодевска ги откажа своите концерти во Охрид и настапот на „Пивофест“, истакнувајќи дека целиот настан се претворил во кошмар за неа и нејзиното семејство. Меѓутоа, деновиве започнаа шпекулации дека наводно Тодевска се сели од Македонија? Имено, нумерологот Мими во интервју за „Ексклузив“ откри што Тодевска може да очекува во иднина. Како што кажа таа, ова е само нумерологија, не мора Тодевска да го сфати здраво за готово. „Според датумот на раѓање Тамара е 3, а според името е 7. Тројката е број кој сака да патува, да се движи, не го држи место, а 7ците се домаќинки. Бројот 7 кореспондира со уметничка душа и покажува дека таа е пречувствителна“ вели Мими и додава: „Она што е добро за оваа година, Тамара се наоѓа во бројот 1, а до јуни месеци беше во бројот 9. Бројот 1 е број на селидби. Број на менување на место на живеење. Постои можност за промена на дом, место на живеење, па и за промена на место на живеење во друга држава. Значи, можно е да се пресели, макар на извесно време.Од јуни оваа година до јуни следната година, Тамара е во бројот 1, што значи нов животен циклус. Таа се наоѓа во период кога ќе прави многу промени“ вели Мими за „Ексклузив“. Дали нумерологијата ќе се покаже како точна и Тодевска навистина ќе се исели од Македонија, ќе покаже времето. За потсетување, иако таа ги откажа концертите во Охрид и Прилеп, Тамара закажа настапи во Шпанија, Данска и Германија.