селфи фотографии – Kurir.mk

Објавувањето на селфи фотографии не е секогаш само забава: Може да доведе и до психолошки проблеми

Магдалена Андонова — Sat, 20 Mar 2021 12:03:49 +0000

Луѓето кои често објавуваат т.н. селфи фотографии, ги обележуваат местата каде што се и редовно се пријавуваат на своите следбеници на социјалните мрежи, најчесто тоа го прават за да привлечат внимание или од досада. Сепак, дури и ова не мора да биде толку безопасно, а зависноста од социјалните мрежи може да се претвори во вистинско ментално нарушување. - Ако се користат ретко, социјалните мрежи можат да бидат одличен начин да се поврзете со другите или да ја изразите својата личност - особено со младите. Сепак, прекумерната употреба на Интернет може да има трагични последици - вели д-р Кери Лагер, детски психолог. Научниците од Харвард открија дека изложувањето и откривањето на приватни податоци и фотографии предизвикува зголемено лачење на допамин, хормон поврзан со однесување од зависност. Тие сметаат дека социјалните мрежи се само катализатор за се почестата појава на „неконтролирано однесување“ кај младите, кои немаат вистински примери и растат во време на голема зависност од технологијата.

ЗАГРИЖУВАЧКО: Поради опасни селфија загинале 259 луѓе

Катерина Бојаџиева — Sat, 06 Oct 2018 13:06:40 +0000

Во обид да направат совршено селфи во екстремно опасни ситуации, од 2011 до 2017 година загинале 259 луѓе, покажа студија на Американсата национална медицинска библиотека. За да се намали ризикот од вакви смртни случаи, истражувачите препорачуваат на опасните локации да се воведат зони на кои е забрането да се прави селфи. Тоа би се однесувало на планински врвови, високи згради и езера каде настрадале најголем број луѓе. Студијата покажала дека најчести прични за смрт кај лицата кои прават опасни селфија се давење, сообраќајни несреќи и падови. Но имало и случаи кога луѓе настрадале од животни, пожари, огнено оруже. Како и од струјни удари. Истражувачите истакнуваат дека во 2011 година биле пријавени само три смртни случаи поради селфи, но оти тој број се зголемил на 98 во 2016 и 93 во 2017 година. Во истражувањето исто така се укажува дека смртните случаи предизвикани од правење селфи често не се пријавуваат.

Канскиот филмски фестивал забрани селфи фотографии и филмови од Нетфликс

Даниел Василев — Wed, 04 Apr 2018 12:29:48 +0000

На Филмскиот фестивал во Кан оваа година нема да има новинарски проекции пред свечените премиери, а ќе биде забрането на сликање селфи фотографии на црвениот тепих, изјави уметничкиот директор на најпрестижниот фестивал, Тјери Фремо. Посочи дека сите кои ќе ги прекршат правилата ќе им биде забранет влез на проекциите на филмовите. -Тоа не е убаво. Тоа е грозно. Тоа е лудо. Сакаме да вратиме малку достоинство, објасни Фремо, зборувајќи за селфи фотографиите. Додаде и дека оваа година филмовите на Нетфликс се забранети на Канскиот фестивал кој треба да се одржи од 8 до 19 мај.

ФОТО: Припадници на ИСИС прават селфи среде Њујорк – Ви се шетаме во дворот

Ивона Петрова — Thu, 04 Jan 2018 08:47:33 +0000

На социјалните мрежи се раширија слики од поддржувачи или припадници на ИСИС кои направиле селфи фотографии во близина на местото каде беа урнати Кулите Близначки од Светскиот трговски центар со порака до американските власти – „Ви се шетаме во вашиот двор“. Овие селфи фотографии според безбедносните аналитичари од GIPEC, сајбер-разузнавачка компанија која следи терористички активности на социјалните мрежи, се направени со цел да се предизвика страв и параноја во Њујорк. Исто така со ширењето на сликите на мобилни апликации како Telegram и останатите социјални мрежи се прават обиди да се мотивираат поддржувачи на ИСИС да извршат самостојни напади врз цивили како тој што се случи неодамна на Менхетен при што беа убиени 8 луѓе.