Селма Бориќ – Kurir.mk

„Патувај Селма“: Почина жената за која беше напишан еден од најголемите хитови во Југославија

Ивана Ефремовски — Fri, 29 Jan 2021 14:17:49 +0000

Селма Бориќ, жената која беше отпеана во песната на „Бијело дугме“, почина на 92-годишна возраст. Веста за нејзината смрт на Фејсбук ја објави Жељко Бебек, кој постави фотографија со Селма од прославата на нејзиниот 90-ти роденден во август 2019 година. Селма Бориќ повеќе пати зборуваше за своето пријателско со Владо Дијак, кој е авторот на култните стихови на песната која ја компонираше Горан Бреговиќ. -Имав тогаш 16 години. Јас лежев со девојчињата на тревата, а Владо со момчињата лежеше отспротива. Ја скубеше тревата и постојано погледнуваше во мене. Изгледа дека веднаш се заинтересира за мене, а подоцна се сретнавме на корзото. Еднаш ме сретна со куфер, па ми го носеше куферот. Одевме кон станицата, па ми помогна да влезам во возот. Во тој воз имаше скршен прозорец, а тој тогаш ми рече: Селма не се наведнувај преку прозорецот, раскажа Селма која пред неколку години гостуваше во хрватската телевизија.

Жељко Бебек со Селма го прослави нејзиниот 90-ти роденден: Ова е љубовната приказна која стои зад прекрасната песна

Ивана Ефремовски — Mon, 26 Aug 2019 09:16:18 +0000

Пејачот на легендарниот бенд „Бијело Дугме”, Жељко Бебек се дружеше со Селма од популарната песна. Песната „Селма“ авторот Владо Дијак и го посветил на жена во која бил толку вљубен што од нејзиното патување на факултет направил една од најубавите љубовни песни. Селма Бориќ денеска има 90 години, а Жељко Бебек ја посети за да и го честита роденденот. Тој на социјалните мрежи ја објави и заедничката фотографија. „Драга моја Селма го прослави својот 90-ти роденден… Среќен роденден од срце“, напиша Бебек на фотографијата каде заедно со Селма позираат заедно и пијат шампањ.

View this post on Instagram

... moja draga Selma proslavila 90.ti rodjendan ... sretan rodjendan od ? #selma #bijelodugme #ononestonase

A post shared by BEBEK (@zeljkobebek) on Aug 25, 2019 at 8:59am PDT

Владо и таа се запознале во 1945-та година. -Јас во тоа време имав 16 години. Лежев со девојките на тревата, а Владо лежеше со момчињата наспроти. Тој ја кубеше тревата и ме гледаше цело време. Се чини дека тој беше заинтересиран за мене, а подоцна се запознавме на корзо. Еднаш ме сретна додека тргнував на пат, па го носеше куферот. Отидовме на станицата и тој ми помогна да се качам во возот. Имаше отворен прозорец и тој ми рече: „Селма, не се потпирај на прозорецот“ “, раскажа Селма пред неколку години за хрватските медиуми. Таа призна дека многу ја сака оваа песна, но дека на почетокот никој не и верувал дека е посветена за неа. Владо никогаш не и признал на Селма дека е заљубен во неа, но подоцна рекол дека страдал четири години.

ФОТО: Бебек ја посети Селма од познатиот хит на „Бјело дугме“, еве како изгледа таа денес

Ивона Петрова — Sat, 17 Mar 2018 09:02:24 +0000

Еден од најголемите хитови на „Бјело дугме“ пее за Селма Бориќ, госпоѓа која навистина постои и денес живее во Загреб. Има 89 години и како што има кажано во едно интервју е осамена бидејќи сите кои и значеле си заминале од овој свет. Селма деновиве во својот дом ја посети Жељко Бебек, кој постави нива заедничка фотографија на Инстаграм. -Во посета на мојата драга Селма, напиша Бебек и повторно предизвика бура од емоции на социјалните мрежи. Ова не е прва средба на Бебек и Селма, тие се сретнаа и во 2012 година, 38 години по создавањето на познатата песна.