Кансело: Бев изгубен во играта, направив многу грешки

Бошко Тасиќ — Sun, 24 Sep 2023 06:03:44 +0000

Шпанскиот фудбалски гигант Барселона губеше со 2-0 до 81 минута, но потоа актуелниот шампион имаше фуриозна завршница во која Левандовски (2) и Кансело го свртеа резултатот за 3-2 и славје на „Монжуик“. Кансело кој претходно запиша и асистенција беше стрелец на тој последен гол кој донесе доста емоции, но Португалецот по средбата призна дека не бил на посакуваниот ритам, форма на ова соочување. -Бев изгубен во играта. Направив многу технички грешки кои не се нормални во мојата игра. Морав да се подобрам и да ги свртам работите. Се обидов да дадам се до крајот и успеавме да се вратиме и да победиме што е најважно. Ако играм добро, клубот ќе ме сака, ако не ќе ме исфрлат, -порача Жоао за „Мундо Депортиво“.

Бенитез седна на клупата на Селта Виго

Ивона Петрова — Sat, 24 Jun 2023 11:13:47 +0000

Шпанскиот фудбалски стратег Рафаел Бенитез (63) е нов тренер на Селта Виго на местото на Португалецот Карлос Карвахал. „Бенитез е еден од најуспешните тренери во историјата на нашата земја, а водеше екипи од светска класа во главните европски лиги“, објави во петокот вечер Селта, додавајќи дека договорот за соработка ќе биде потпишан на почетокот на јули. Бенитез во кариерата ги тренираше Ливерпул, Челзи, Реал Мадрид, Интер, Наполи, Њукасл, Валенсија, Евертон, Далијан Про, Ваљадолид, Осасуна, Тенерифе и Екстрамадура. Освои 13 трофеи, вклучувајќи ги Лигата на шампиони (Ливерпул), Лига Европа (Челзи) и поранешниот Куп на УЕФА (Валенсија).

Селта Виго – Kurir.mk

Кансело: Бев изгубен во играта, направив многу грешки

Бенитез седна на клупата на Селта Виго