семафор – Kurir.mk

Семафор паднал врз кумановец

Ивона Петрова — Tue, 04 Jul 2023 14:28:10 +0000

На 03.07.2023 во 19.45 часот во СВР Куманово, Ј.П.(62) од Куманово пријавил дека на крстосница помеѓу булеварот „Трета македонска ударна бригада“ и „Тоде Мендол“ врз него паднал светлосен сообраќаен знак - семафор, информира МВР. Случајот е документиран и известена е надлежната институција.

Дознајте зошто боите на семафорите се црвена, жолта и зелена иако порано се користела и белата

Ивона Петрова — Thu, 09 Mar 2023 20:57:22 +0000

Црвеното светло на семафорот значи дека треба да застанеме, додека зеленото е сигнал дека може да ја преминеме улицата или да продолжиме да возиме. Жолтата сигнализира дека треба да бидеме внимателни бидејќи семафорот ќе се менува меѓу другите две бои. Но, зошто токму овие бои се избрани да бидат на семафорите, а не некои други како на пример виолетова, сина...? Семафорите постоеле многу пред појавата на автомобилите. Тие првпат биле користени за давање сигнали на возовите во 19 век. Уште во тоа време црвеното сигнализирало дека треба да се застане. Зелената, не сигнализирала дека треба да се продолжи, туку значела претпазливост, додека белата ја имала улогата што ја има зелената денес. Ова им правело големи проблеми на машиновозачите бидејќи белата боја на хоризонтот ноќно време не се разликувала многу од ѕвездите. Поради оваа причина, железничките компании одлучиле дека зелената треба да биде она што ќе сигнализира безбедно поминување, што останало до ден денес. Што се однесува до црвената боја, таа практично секогаш сигнализирала опасност, многу пред модерниот сообраќај. Поради тоа што е боја со најдолга бранова должина, најлесно се разликува од далечина. Жолтата, од друга страна, има бранова должина помеѓу црвената и зелената, па затоа е идеална како симбол на претпазливост.

Поставени бројчаници на семафорите на булеварот „Христијан Тодоровски Карпош“

Ивона Петрова — Sat, 29 Jan 2022 13:25:12 +0000

Едно од ветувањата во предизборната кампања за локалните избори на градоначалничката на Град Скопје Данела Арсовска беше поставувањето на бројчаници на семафорите, на крстосниците каде не се следи движењето од ЦУКС. Покрај поставувањето на бројчаниците, реализирано е и ветувањето за враќањето на зелениот бран на делниците во надлежност на Град Скопје. -Арсовска вети дека во првите 82 дена од нејзиниот мандат ќе постави бројчаници на семафорите на крстосници во Скопје на кои не следи движење ЦУКС, и ветувањето го исполни. Имено, поставени се бројчаници на булеварот Христијан Тодоровски Карпош на семафорот на крстосницата со Натанаил Кучевишки, на крстосницата со Боца Иванова и на крстосницата со бул. Босна Херцеговина, а истите ќе бидат поставени дополнително и на уште неколку семафори за кои е детектирано дека се од важност за регулирање, информираат од Град Скопје.

Вонредно исклучување на струјата, на овие локации во центар нема да работат семафорите

Ивона Петрова — Fri, 24 Dec 2021 07:30:16 +0000

ЈП Улици и патишта по најавите на ЕВН дека дел од семафорите во централното градско подрачје нема да работат во текот на денешниот ден од 8 часот наутро до 15:30, ги повикува надлежните за регулирање на сообраќајот, односно МВР за да не дозволат да се направи голем метеж низ градот во овој период од денот, информираат од ЈП Улици и патишта. Како што веќе информираа од ЕВН, утре ќе има вонредно исклучување на семафорите во центарот на Скопје, поточно кај „Веро џамбо“, Кеј 13 Ноември, Правен Факултет и улицата Мирче Ацев, делот кај паркингот „Холидеј ИНН“ и околината. Причината е што овој дел од градот во тој период ќе остане без електрична енергија.

ПОЖАР НА КРСТОСНИЦА ВО СКОПЈЕ: Се запали шкафчето на семафорот

Катерина Бојаџиева — Thu, 19 Aug 2021 14:39:37 +0000

Вчера во 16.50 часот во СВР Скопје било пријавено дека на крстосницата од бул.„Никола Карев“ и бул.„Македонско Косовска Бригада“ настанал пожар во шкафчето на семафорот. Пожарот бил изгаснат од екипа на Бригадата за противпожарна заштиата, а повредени лица нема. Увид бил извршен.

Прв тастер за активирање зелено светло за безбедно минување пешачки

Ивона Петрова — Thu, 26 Dec 2019 06:35:08 +0000

На булевар Србија на пешачкиот премин во близина на Полициската станица Ново Лисиче денеска ќе биде пуштен во употреба првиот тастер со кој пешаците ќе можат да го активираат вклучувањето зелено светло и со тоа побезбедно да го поминат пешачкиот премин. Станува збор за донација од компанијата ОКТА како дел од кампањата „Јас внимавам“, во рамки на која вакви современи уреди ќе се постават на повеќе семафори на булеварите во Скопје. За проектот, кој компанијата ОКТА го резлизира во соработка со Град Скопје и ЈП Улици и патишта, како што е најавено, на настанот ќе се обратат градоначалникот на Скопје, Петре Шилегов и Јанис Геруланос, главен извршен директор на ОКТА.

ФОТО: Загреб постави семафор за пешаците кои не креваат глава од телефонот

Дарко Андоновски — Sat, 12 Oct 2019 15:40:15 +0000

Во рамки на кампањата „Ден без мобилни телефони во сообраќајот“, во Загреб е поставен нов вид семафор, која фрла светлина веднаш пред пешачкиот премин, за црвеното светло да го видат и оние пешаци и велосипедисти кои се приближиле до крстосницата, но се фокусирани на своите телефони. Овој вид семафори е инсталиран првпат во Хрватска, а целта на овој пилот-проект е да ги предупреди и пешаците и велосипедисти за опасностите на кои се изложуваат. Според истражувањето, дури 50 отсто од пешаците и 33 отсто од велосипедистите користат мобилни телефони додека преминуваат улица, а 20 отсто од нив не забележуваат дека на семафорите се вклучило црвено светло, бидејќи нивните погледи и размислувања се насочени кон екраните на нивните телефони. јавува Хина. Семафорот првенствено има функција за предупредување. Кога на пешачки премин ќе се појави црвено светло, тој го проектира на тротоарот, така што црвено светло се проектира на екраните на телефонот во кој гледаат пешаците, наместо да ги следат настаните околу себе.

ФОТО: Како се однесуваат македонските возачи на семафор

Катерина Бојаџиева — Sun, 14 Apr 2019 11:31:50 +0000

Семафорите обично служат за регулирање на сообраќајот, но во Скопје, односно Македонија, тешко се одвива и тоа. Возачите на семафорите најчесто гледааат како на непријатели, па секогаш кога имаат шанса гледаат да го избегнат или пак да поминат кога не треба. Оваа фотографија јасно ја покажува ситуацијата со семафорите и со возачите во Македонија. Ништо подобро не се ниту пак пешаците. Претрчуваат каде што сакаат, без почитување на правилата. Речиси секој ден се случува некој пешак да е жртва на сообраќајна несреќа, а на дневно ниво во Град Скопје се случуваат и по неколку сообраќајки.

Лондон: Првиот семафор наполни 150 години

Предраг Кукиќ — Tue, 11 Dec 2018 12:11:25 +0000

Првиот семафор во светот, кој се наоѓа во Лондон, наполни 150 години. И покрај тоа што семафорот денес се зема „здраво за готово“, пред 150 години сите главни сообраќајни правци и крстосници биле регулирани од полицајци, за сето тоа да се измени во 1868 година, кога првиот семафор бил поставен во Лондон, пред Вестминстерската палата. Со повеќе од 1.000 загинати на лондонските улици на почетокот на втората половина од 19. век, надлежните морале нешто да сторат за да ги доведат во ред сообраќајниците во главниот град, а железничкиот инженер Џон Пик Најт го знаел решението. Со оглед на професијата на пронаоѓачот, не е изненадувачки тоа што првиот семафор неодоливо наликувал на железничка сигнализација, а исто така имал и подвижни раце, кои рачно ги контролирал полицаец. За ноќниот режим тука биле црвените и зелените гасни лампи. -Директната контрола на движењето, „застани, тргни”, не му се допаднала многу на викторијанското либерално општество, вели Дејвид Руни од Универзитетот во Лондон. Сепак, „кариерата” на првиот семафор била кратка, а по само еден месец работа, испуштањето гас предизвикало серија експлозии во кои еден полицаец претрпел сериозни повреди. Оттогаш, Лондон чекал повеќе од половина век на електрични семафори, кои во средината на 20-те години дојдоа од САД и почнаа да се инсталираат на бројни патишта во градот. Модерните електрични семафори се американски изум, а првиот, со црвени и зелени светла, бил поставен во 1912 година во Солт Лејк Сити. Него го осмисли полицаецот Лестер Вејер, а во истиот град, пет години подоцна, започнал да функционира првиот мрежен систем на семафори, управуван од едно место, кој регулирал сообраќај на шест крстосници. Автоматската контрола на вмрежените крстосници била воведена во март 1922 година во Хјустон, Тексас. Првиот семафор, кој го регулира сообраќајот во сите четири насоки на раскрсница, и со три бои, бил направен во Детроит во 1920 година.

Потег за аплауз: Тренерот на Аталанта не дозволил играчите да се сликаат кај семафорот

Дарко Андоновски — Fri, 03 Aug 2018 05:45:37 +0000

Италијанска Аталанта го посрамоти Сараево со македонскиот интернационалец Крсте Велкоски синоќа со триумфот со 8-0 на „Кошево“ во босанската престолнина, но по крајот на мечот, тренерот на гостите од Бергамо, Џанпјеро Гасперини направи господски потег, кој ги воодушеви сите.

Фудбалерите на Аталанта по завршувањето на мечот тргнале кон семафорот за да се сликаат со историската победа и осумте дадени голови на мечот, но потегот не го дозволил Гасперини, кој им наредил на фудбалерите да го направат тој потег за да не покажат недостаток на респект кон противникот. -Ние секогаш го почитуваме противникот. Ние такви работи не правиме. Јас знам дека играчите не сакаа да го навредат противникот, рече Гасперини, кој додал дека ни еден од двата резултати, 2-2 во Бергамо и 0-8 во Сараево не се реални. -Двата резултати во овој двомеч не беа реални. Ни тој 2-2, ни овој сега. Сараево беше психички цврст се до вториот гол, кога се распадна се во нивниот тим. Тој гол беше причина за високиот пораз. Сепак, не очекував вака лесно да поминеме. И самите бевме изненадени колку брзо дојдовме до 4-0 и сакавме до крај да бидеме сериозни, додал Гасперини