семафори – Kurir.mk

ОВИЕ ДВА БУЛЕВАРИ ВО СКОПЈЕ ВО КОЛАПС – ќе се менуваат семафорите, па граѓаните сами ќе се снаоѓаат како да се разминат

Дарко Андоновски — Tue, 28 Mar 2023 13:30:17 +0000

ЈП „Улици и патишта“ - Скопје информира дека поради демонтажа на оштетен полупортален семафорски столб на кростосницата помеѓу булеварите „Борис Трајковски“ и „Србија“ ќе биде забавен сообраќајот во тој дел од Скопје. - Апелираме до граѓаните за трпение до завршување на работите со цел да се воспостави безбедност во движењето и да се врати нормалниот тек на движење на возилата, соопшти јавното претпријатие.

Пуштени во функција нови портални семафори на крстосница меѓу булевар Босна и Херцеговина и улица Лазар Трповски

Тале Кристо — Wed, 23 Mar 2022 09:40:18 +0000

Екипите на ЈП „Улици и патишта“ ги пуштија во функција новите портални семафори кои се поставени на крстосницата меѓу булеварот Босна и Херцегоцина и улицата Лазар Трповски. На порталните семафори деновиве ќе бидат поставени и бројчаници. Поставување светлосна сигнализација на оваа крстосница е со цел зголемување на безбедноста на сообраќајот во овој дел од градот, информираат од Град Скопје. Град Скопје и ЈП „Улици и патишта“ континуирано постапуваат согласно барањата на граѓаните за зголемување на безбедноста за сите учесници во сообраќајот, преку реконструкција на постојната и поставување на нова хоризонтална и вертикална сообраќајна сигнализација, се вели во соопштението од градот.

Во Скопје пуштени во употреба нови семафори, еве за кои локации станува збор

Магдалена Андонова — Tue, 01 Feb 2022 10:44:38 +0000

Продожуваат активностите на Град Скопје и јавното претпријатија „Улици и патишта“ за зголемување на безбедноста за сите учесници во сообраќајот, преку реконструкција на постојната и поставување на нова хоризонтална и вертикална сообраќајна сигнализација. Деновиве се пуштени во употреба новите семафори со прекинувачи за најава на пешаци на крстосница на улица „Скупи“ со улицата која води кон населбата Бардовци, поставен е и нов семафорски столб на крстосница помеѓу бул. „8 Септември“ и улица „Скупи“, а на повеќе крстосници со булеварот „Христијан Тодоровски Карпош“ се поставени бројчаници на семафорите. Дополнително, по налог на Град Скопје, екипите на ЈП „Улици и патишта“ монтираа нови лантерни на семафорите на крстосницата бул. „Србија“ со бул. „Трета македонска бригада“, извршија санација на оштетените светлосни заштитни столпчиња по должината на улицата „Никола Карев“, а ја санираа и заштитната ограда на булеварот „Метрополит Теодосиј Гологанов“, на кружниот тек кај Католичка црква.

Без струја семафорите кај Џамбо и делови од Центар

Ивона Петрова — Sun, 26 Dec 2021 08:28:07 +0000

Од ЕВН Македонија АД известуваaт дека денеска ( недела ), без електрична енергија ќе останат: – во периодот од 08:00 до 12:00 часот, корисниците од – КЕЈ 13-ти Ноември, делот кај паркингот Холидеј ИНН, потегот околу КЕЈ 13 ти Ноември, бул. Кочо Рацин и ул. Мирче Ацев, семафори на раскрсница кај Веро Џамбо, дел од ул. Мирче Ацев . ( општина Центар ) Од ЈП Улици и патишта ги повикуваат надлежните за регулирање на сообраќајот, односно МВР за да не дозволат да се направи голем метеж низ градот во овој период од денот.

Утре повторно без струја семафорите кај Џамбо и делови од Центар

Ивона Петрова — Sat, 25 Dec 2021 20:10:53 +0000

Од ЕВН Македонија АД известуваaт дека на ден 26.12.2021 година ( недела ), без електрична енергија ќе останат: - во периодот од 08:00 до 12:00 часот, корисниците од - КЕЈ 13-ти Ноември, делот кај паркингот Холидеј ИНН, потегот околу КЕЈ 13 ти Ноември, бул. Кочо Рацин и ул. Мирче Ацев, семафори на раскрсница кај Веро Џамбо, дел од ул. Мирче Ацев . ( општина Центар ) Од ЈП Улици и патишта ги повикуваат надлежните за регулирање на сообраќајот, односно МВР за да не дозволат да се направи голем метеж низ градот во овој период од денот.

Семафори во Скопје утре нема да работат, МВР да не дозволи да се направи голем метеж

Катерина Бојаџиева — Thu, 23 Dec 2021 16:41:10 +0000

ЈП Улици и патишта по најавите на ЕВН дека дел од семафорите во централното градско подрачје нема да работат во текот на утрешниот ден од 8 часот наутро до 15:30, ги повикува надлежните за регулирање на сообраќајот, односно МВР за да не дозволат да се направи голем метеж низ градот во овој период од денот, информираат од ЈП Улици и патишта. -Како што веќе информираа од ЕВН, утре ќе има вонредно исклучување на семафорите во центарот на Скопје, поточно кај „Веро џамбо“, Кеј 13 Ноември, Правен Факултет и улицата Мирче Ацев, делот кај паркингот „Холидеј ИНН“ и околината. Причината е што овој дел од градот во тој период ќе остане без електрична енергија.

Со службеното пасатче си го бутнал семафотот и одма си ги извадил таблиците- што мора народ да знае дека некој уништил државен имот

Дарко Андоновски — Wed, 16 Sep 2020 08:33:17 +0000

Со службеното пасатче си го бутнал семафотот на бул. Србија и одма си ги извадил таблиците. Што мора народ да знае дека некој уништил државен имот што е купен од нивни пари!

Со службеното пасатче си го бутнал семафотот на бул. Србија и одма си ги извадил таблиците. Што мора народ да знае дека некој уништил државен имот што е купен од нивни пари! pic.twitter.com/EuJelMNMKv
— aleksa (@aleksa90713356) September 16, 2020

Излегол од „БМВ-то“ додека чекал на семафори и се степал со млад Скопјанец

Дарко Андоновски — Fri, 10 Jul 2020 14:10:19 +0000

На 09.07.2020 во 23.40 часот во СВР Скопје, Н.П.(29) од Скопје пријавил дека во 21.40 часот на крстосница помеѓу бул.„Партизански одреди“ и бул.„ВМРО“ во Скопје, додека бил застанат на семафор со негово патничко возило „цитроен Ц4“, со скопски регистарски ознаки, од патничко моторно возило „БМВ“, со непознати регистарски ознаки, излегло едно лице и физички го нападнало. Се преземаат мерки за расчистување на случајот.

Лисичани стравуваат за безбедноста на своите деца: Марин бега од сопствените лажни ветувања! (ФОТО)

Ивана Ефремовски — Fri, 06 Sep 2019 12:13:12 +0000

Трет ден граѓаните од скопската населба Лисиче излегуваат на протест. Единствен мотив кој ги води кон оваа битка е безбедноста на нивните деца. Булеварот кој минува долж целата населба е место каде се вози многу брзо. Несовесните возачи си ја даваат таа слобода бидејќи на ова место нема ниту еден семафор, а да се види полициска патрола е вистинска реткост. Во близина на булеварот „12-та Македонска бригада“ се наоѓаат две градинки и едно училиште. Станува збор за прометен дел од општината, што ја прави состојбата уште поалармантна. КУРИР стапи во контакт со граѓани од оваа населба. Тие ја искажуваат грижата поради тоа што живеат и се движат во небезбедни услови. -Не знаете колку сообраќајќи се случуваат на нашава улица. Има повредени, има загинати. Сообраќајќите се чести. Замислете, на ова место каде се случуваат толку несреќи нема ниту еден семафор. Оваа улица ја гледаат како писта брзите возачи. А има жртви и никој не реагира, истакна една лисичанка. -Каква иронија, замислете. На средината на оваа улица се наоѓа сообраќајната полиција. Никогаш не сум видела некој да излезе и да го контролира сообраќајот во овој дел, вели друг наш соговорник. Соседите се сплотија. Зад организација на овој настан застана одборот на родители од основното училиште „Димитар Македонски“. Нивните деца, низ оваа улица поминуваат секој ден, по најмалку два пати. Марин вети, но излажа! Во својата програма со која и од лисичани ги бараше гласовите на изборите, градоначалникот Златко Марин ветуваше решавање на овој и слични проблеми. Во програмата на СДСМ, „За живот во Аеродром“ еве што се ветуваше: Како што дознава КУРИР, дел од луѓето кои протестирале денес биле на средба со Златко Марин. Тој бил директен и рекол дека нивното барање за поставување на семафори не можел да го исполни. Да, зборуваме за истите семафори кои Марин на овие граѓани одамна им ги даде како ветување. Како што дознаваме, Марин на граѓаните им рекол дека семафори нема да се нафати да постави бидејќи станувало збор за многу комплициран процес кој траел година ипол. А што во тоа време му е поважно на градоначалникот да направи? Зарем не му е единствена работна задача да се грижи за сограѓаните и да се грижи за нивната безбедност? На средбата со граѓани од населба Лисиче, Марин ветил дека ќе обезбеди да има присутни полицајци на булеварот, во ударните термини кога има најголемо движење. Но, дали е тоа одржливо решение? Целта не е да има повеќе казнети, туку повеќе безбедни! Лисичани нема да се откажат! Кога станува збор за безбедноста на нивните деца, Лисичани нема да прифатат НЕ како одговор. Со протести се продолжува од вторник наутро.