семејна драма – Kurir.mk

Семејна драма во Скопје: Жена пријави дека зетот им се заканувал со пиштол

Тале Кристо — Tue, 13 Dec 2022 17:15:17 +0000

Во семејна куќа се одвивала вистинска драма на ул. „Славеј Планин“ кога маж со пиштол почнал да се заканува, велат од МВР. – На 12.12.2022 во 13.30 часот во Полициската станица Бит Пазар, А.Ш.(40) од Скопје пријавила дека на 10.12.2022 во семејната куќа на ул.„Славеј Планина“, Ш.Ш., сопругот на нејзината сестра, агресивно се однесувал кон неа и со огнено оружје ѝ се заканил нејзе и на нејзината малолетна внука, информираат од МВР.

Семејна драма во Шутка: Жена и нејзините деца нападнати од роднини

Ивана Ефремовски — Thu, 31 Mar 2022 14:51:25 +0000

На 30.03.2022 во 18:35 часот во Полициската станица Шуто Оризари, Р.Д.(40) од Скопје пријавила дека околу 16:30 часот во дворот од нејзината куќа, нивните роднини Е.Д., Н.Д., Н.М., Џ.Д. и Ш.К. физички ја нападнале неа, при што употребиле и тврди предмети. Според пријавата, роднините физички ги нападнале и нејзините деца. Се преземаат мерки за расчистување на случајот.

Семејна драма во Тетово: Маж ги нападнал мајката, братот и други роднини

Ивона Петрова — Mon, 22 Jun 2020 10:18:12 +0000

Семејна драма се случувала вчеравечер околу 2 часот по полноќ во која тетовец ги нападнал мајката и братот и уште двајца членово на семејството. Портпаролот на СВР Тетово, Марјан Јосифоски информира дека случајот кај нив бил пријавен од 71-годишна тетовка и нејзиниот 45-годишен син. Според пријавата тие двајцата и уште две други лица членови на семејството, физички ги нападнал 46-годишниот син, односно брат, во заедничкиот двор на нивните куќи. -Тој бил лишен од слобода и задржан во Полициската станица Тетово за целосно расчистување и документирање на случајот, по што против него ќе следува соодветен поднесок, информира Јосифоски.

Драма во Скопје: Татко го нападнал синот, малолетник му вратил – настрадала сестрата која се обидела да ги раздели

Ивона Петрова — Mon, 27 Jan 2020 10:48:36 +0000

Три лица се повредени во семејна драма која се случила вчера вечерта во Скопје. Од МВР информираат дека на ул.„391“ во Скопје, по претходна расправија, 15-годишен малолетник бил физички нападнат со дрвен предмет од неговиот татко С.Т.(50) од Скопје. -По нападот настанала физичка пресметка во која малолетникот со остар предмет ги нападнал неговиот татко и сестра А.Т.(22), која се обидувала да ги раздели. Лицата биле пренесени во Градска општа болница „Св.Наум Охридски“ за укажување на лекарска помош, информира МВР. Увид на местото на настанот извршила екипа од СВР Скопје. Се преземаат мерки за расчистување на случајот.

Семејна драма во Волково: Син го давел таткото за врат, па извадил нож

Ивона Петрова — Fri, 14 Dec 2018 17:32:11 +0000

Од страна на надлежен јавен обвинител од Основното јавно обвинителство Скопје доставен е Обвинителен предлог против едно лице за сторено кривично дело – Телесна повреда од чл.130 ст.2 во врска со ст.1 од Кривичниот законик. -Осомничениот се товари дека на 14.12.2018 година во семејната куќа во с. Волково, при семејна расправија, телесно го повредил сопствениот татко, така што започнал да го дави со раце на вратот. По ова, неговиот брат успеал да го оттргне, удирајќи го во пределот грбот. Обвинетиот паднал на земја, а откако станал зел нож и започнал да замавнува, при што го удрил таткото во раката, нанесувајќи му раздерна рана, информираат од Обвинителството. Надлежниот јавен обвинител до судот достави и Предлог за определување мерка притвор за обвинетиот, бидејќи постои реална опасност дека тој ќе се крие или ќе се даде во бегство, односно дека ќе го повтори делото кое му се става на товар или ќе стори ново кривично дело.

Семејна драма во скопско: Бил во врска со братучетка, па се заканувал на чичко му зошто ја верил за друг

Ивона Петрова — Fri, 16 Feb 2018 12:44:15 +0000

Вистинска семејна драма се случувала вчера во скопско Љубин кога Е.Б. (46) од пријавил дека од страна на неговиот внук Е.Б. (19) му била загрозена сигурноста. -Според кажувањето на пријавителот, истиот ден преку Вибер, Е.Б. му испратил пораки со закана дека ќе го убие него и неговото семејство доколку не му ја даде неговата 17 годишна ќерка. Претходно, на 14.02.2018 година околу 23,50 часот му се јавил неговиот братучед А.Б. и го предупредил да внимава затоа што неговиот внук избегал од домот. Тој избегал откако дознал дека пријавителот ја верил неговата ќерка и бил револтиран затоа што бил во љубовна врска со неа, информираат од МВР. Пријавителот, исто така, појаснил дека внукот Е.Б. на 31.12.2017 година ја зел неговата ќерка и два дена биле заедно во хотел во Тетово без негова дозвола, а бидејќи не знаел каде е ќерка му тој ја пријавил за изчезната во Полициската станица.

Семејна драма во струшко: По расправија го расекла сопругот со нож во глава

Ивона Петрова — Wed, 14 Feb 2018 10:41:07 +0000

Кривична пријава поднесе полицијата против Х.М.(41) од село Радолишта за сторено кривично дело „Загрозување со опасно орудие при тепачка или караница“. -На 07.02.2018 година во село Радолишта во домот на Ј.Х. (70), при караница помеѓу пријавената и нејзиниот сопруг, којшто е син на Ј.Х., истата по упатени закани физички го нападнала Ј.Х., и со нож го расекла во пределот на главата и челото, информираат од полицијата.