семејна трагедија – Kurir.mk

СЕМЕЈНА ТРАГЕДИЈА ВО МАКЕДОНИЈА: Почина и 21 годишниот брат на 26 годишното момче кое почина од коронавирус пред два дена!

Дарко Андоновски — Thu, 05 Nov 2020 13:31:18 +0000

Почина 21-годишен кавадарчанец, брат на момчето кое деновиве на Инфективната клиника ја загуби битката со Ковид-19. Градоначалникот Митко Јанчев на својот фејсбук-профил објави дека ова е тажен ден за Кавадарци. – За жал, денеска изгубивме уште еден млад човек кој не успеа да се избори со оваа страшна пандемија. Пред два дена го изгубивме едното момче на 26-годишна возраст, денеска почина и неговиот брат на 21-годишна возраст. Трагедијата е огромна и нема зборови кои можат да дадат утеха на семејството во овие моменти. Заедно со Советот на Кавадарци изразуваме длабоко сочувство до таткото на починатите братчиња и нивниот брат и поширокото семејство. Пандемијата однесе два човечки животи на двајца браќа во период од 3 дена, немоќни сме да се бориме и да дадеме утеха. Уште еднаш изразуваме длабоко сочувство и стоиме на располагање за помош на семејството кое е погодено од огромна трагедија. Да се чуваме сите и што поскоро да ги поминеме овие тешки денови., напиша Јанчев. Инаку пред два дена почина дваесет и шестгодишен кавадарчанец на Клиниката за инфективни болести. -Дваесет и шест годишниот пациент од Кавадарци бил хоспитализиран на Клиниката на инфективни болести и фебрилни состојби од 25 октомври. Тој имал апластична анемија и бил со тешка клиничка слика на неинвазивна вентилација со прогресивно влошување на здравствената состојба, стои во писмениот одговор до МИА од Одделение за односи со јавноста при Министерство за здравство.

ЖИВОТ ПОЛН СО ТРАГЕДИИ: Првата сопруга и ќерката му загинале пред Божиќ, синот му умрел од тумор на мозокот! Кој е Џо Бајден? (ФОТО)

Дарко Андоновски — Thu, 05 Nov 2020 10:53:54 +0000

Сопругата на Џо Бајден, Неила и едногодишната ќерка Наоми, загинале во 1972-та година, неколку денови пред Божиќ, а неговиот син Бо починал од тумор на мозокот во 2015-та година. Правникот Џо Бајден (77) како кандидат за американски претседател се истакнува со своите години и трагедиите кои што му го одбележале животот. Џо во вторникот го посетил гробот на својот син во Јужна Каролина. Тој починал во 2015-та година на 47-годишна возраст од тумор на мозокот. Но, не е тоа единствениот член од неговото семејство чиј гроб го посетил Џо непосредно пред изборниот ден. Кандидатот на американски претседател во 1966-та година заршил правен факултет, а набрзо откако ја земал дипломата ја запросил својата долгогодишна девојка Неила Хантер. Се венчале истата година и го прошириле своето семејство со два сина, Бо и Хантер, а потоа и ќерката Наоми. Сопругата му била најголема поддршка на Џо додека ја градел политичката кариера и имале идиличен брак и семеен живот. Но во 1972-та година во време на празниците доживеале голема трагедија. Само една седмица пред Божиќ, Неила тргнала на купување со своите син и ќерка, а додека биле во автомобилот во нив удрил камион. Сопругата и ќерката на Бајден починале на местото на несреќата, додека пак неговиот син бил тешко повреден.Неила и Наоми се погребани на гробиштата во Гринвил, каде што Џо подоцна го погребал и својот син. Претседателскиот кандидат немал многу време за тагување по луѓето кои што ги изгубил, затоа што морал да се посвети на своите синови, а три години по трагедијата тој повторно нашол верба и љубов. Ја запознал сопругата Џил, со која што е во брак од 1977-та година. Таа му помогнала во растењето на неговите синови, а во 1981-та година ја добиле ќерката Ешли која што е социјален работник. Синот Хантер (50) тргнал по стапките на својот татко, па завршил право и работи како адвокат. Неговиот покоен син исто така завршил право.

СЕМЕЈНА ТРАГЕДИЈА: Дете паднало од зграда и починало – мајката се самоубила

Даниел Василев — Tue, 24 Apr 2018 07:39:24 +0000

Семејна трагедија се случила вчера вечер кога од балкон во зграда во Бања Лука, паднало десетгодишно дете и во болница им подлегнало на повредите. Потоа во текот на ноќта мајката извршила самоубиство. Несреќата се случила нешто пред 20 часот кога 10-годишното дете паднало од четвртиот кат на зградата. -Детето со возило на Итната медицинска помош е пренесено во Универзитетскиот клинички центар во Република Српска, каде во 20:55 починало, велат од полицијата за српските медиуми. Телото на 39-годишната мајка е пронајдено во текот на ноќта. Кога дознала оти нејзиниот син подлегнал на повредите, таа побегнала, а потоа е најдено нејзиното тело.